| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༧. སཉྩིཙྩསིཀྑཱཔདཝཎྞནཱ
7. Sañciccasikkhāpadavaṇṇanā
ཀུཀྐུཙྩཾ ཨུཔྤཱདེནྟསྶཱཏི (ཝཛིར॰ ཊཱི॰ པཱཙིཏྟིཡ ༤༦༨) སཾསཡཾ ཛནེནྟསྶ། པརོ ཀུཀྐུཙྩཾ ཨུཔྤཱདེཏུ ཝཱ, མཱ ཝཱ, ཏཾ ཨཔྤམཱཎཾ། མཉྙེཏི ཏཀྐཡཱམི། ཨཱདིསདྡེན ‘‘ཝིཀཱལེ མཉྙེ ཏཡཱ བྷུཏྟཾ, མཛྫཾ མཉྙེ ཏཡཱ པཱིཏཾ, མཱཏུགཱམེན སདྡྷིཾ རཧོ མཉྙེ ཏཡཱ ནིསིནྣ’’ནྟིཨཱདཱིནཾ (པཱཙི॰ ༤༦༦) གཧཎཾ། ཨནུཔསམྤནྣེཏི སཱམཎེརེ།
Kukkuccaṃ uppādentassāti (vajira. ṭī. pācittiya 468) saṃsayaṃ janentassa. Paro kukkuccaṃ uppādetu vā, mā vā, taṃ appamāṇaṃ. Maññeti takkayāmi. Ādisaddena ‘‘vikāle maññe tayā bhuttaṃ, majjaṃ maññe tayā pītaṃ, mātugāmena saddhiṃ raho maññe tayā nisinna’’ntiādīnaṃ (pāci. 466) gahaṇaṃ. Anupasampanneti sāmaṇere.
སཉྩིཙྩསིཀྑཱཔདཝཎྞནཱ ནིཊྛིཏཱ།
Sañciccasikkhāpadavaṇṇanā niṭṭhitā.
