| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. санд̣̇агасуд̇д̇ам̣
6. Sandakasuttaṃ
223. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна санд̣̇аго бариб̣б̣ааж̇аго билагкаг̇ухааяам̣ бадивасад̇и махад̇ияаа бариб̣б̣ааж̇агабарисааяа сад̣̇д̇хим̣ бан̃жамад̇д̇зхи бариб̣б̣ааж̇агасад̇зхи. ат̇а ко ааяасмаа аананд̣̇о сааяанхасамаяам̣ бадисаллаанаа вудтид̇о бхигкуу ааманд̇зси – ‘‘ааяаамаавусо, язна д̣̇звагад̇асоб̣бхо д̇знубасан̇гамиссаама г̇ухаад̣̇ассанааяаа’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бажжассосум̣. ат̇а ко ааяасмаа аананд̣̇о самб̣ахулзхи бхигкуухи сад̣̇д̇хим̣ язна д̣̇звагад̇асоб̣бхо д̇знубасан̇гами. д̇зна ко бана самаязна санд̣̇аго бариб̣б̣ааж̇аго махад̇ияаа бариб̣б̣ааж̇агабарисааяа сад̣̇д̇хим̣ нисинно ход̇и уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа, сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа. ад̣̇д̣̇асаа ко санд̣̇аго бариб̣б̣ааж̇аго ааяасманд̇ам̣ аананд̣̇ам̣ д̣̇уурад̇ова ааг̇ажчанд̇ам̣. д̣̇исваана сагам̣ барисам̣ сан̣таабзси – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а; аяам̣ саман̣асса г̇од̇амасса сааваго ааг̇ажчад̇и саман̣о аананд̣̇о. яаавад̇аа ко бана саман̣асса г̇од̇амасса саавагаа госамб̣ияам̣ бадивасанд̇и, аяам̣ д̇зсам̣ ан̃н̃ад̇аро саман̣о аананд̣̇о. аббасад̣̇д̣̇агаамаа ко бана д̇з ааяасманд̇о аббасад̣̇д̣̇авинийд̇аа аббасад̣̇д̣̇асса ван̣н̣аваад̣̇ино; аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и. ат̇а ко д̇з бариб̣б̣ааж̇агаа д̇ун̣хий ахзсум̣.
223. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tena kho pana samayena sandako paribbājako pilakkhaguhāyaṃ paṭivasati mahatiyā paribbājakaparisāya saddhiṃ pañcamattehi paribbājakasatehi. Atha kho āyasmā ānando sāyanhasamayaṃ paṭisallānā vuṭṭhito bhikkhū āmantesi – ‘‘āyāmāvuso, yena devakatasobbho tenupasaṅkamissāma guhādassanāyā’’ti. ‘‘Evamāvuso’’ti kho te bhikkhū āyasmato ānandassa paccassosuṃ. Atha kho āyasmā ānando sambahulehi bhikkhūhi saddhiṃ yena devakatasobbho tenupasaṅkami. Tena kho pana samayena sandako paribbājako mahatiyā paribbājakaparisāya saddhiṃ nisinno hoti unnādiniyā uccāsaddamahāsaddāya anekavihitaṃ tiracchānakathaṃ kathentiyā, seyyathidaṃ – rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ sayanakathaṃ mālākathaṃ gandhakathaṃ ñātikathaṃ yānakathaṃ gāmakathaṃ nigamakathaṃ nagarakathaṃ janapadakathaṃ itthikathaṃ sūrakathaṃ visikhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ itibhavābhavakathaṃ iti vā. Addasā kho sandako paribbājako āyasmantaṃ ānandaṃ dūratova āgacchantaṃ. Disvāna sakaṃ parisaṃ saṇṭhāpesi – ‘‘appasaddā bhonto hontu, mā bhonto saddamakattha; ayaṃ samaṇassa gotamassa sāvako āgacchati samaṇo ānando. Yāvatā kho pana samaṇassa gotamassa sāvakā kosambiyaṃ paṭivasanti, ayaṃ tesaṃ aññataro samaṇo ānando. Appasaddakāmā kho pana te āyasmanto appasaddavinītā appasaddassa vaṇṇavādino; appeva nāma appasaddaṃ parisaṃ viditvā upasaṅkamitabbaṃ maññeyyā’’ti. Atha kho te paribbājakā tuṇhī ahesuṃ.
224. ат̇а ко ааяасмаа аананд̣̇о язна санд̣̇аго бариб̣б̣ааж̇аго д̇знубасан̇гами. ат̇а ко санд̣̇аго бариб̣б̣ааж̇аго ааяасманд̇ам̣ аананд̣̇ам̣ зд̇ад̣̇авожа – ‘‘зд̇у ко бхавам̣ аананд̣̇о, свааг̇ад̇ам̣ бход̇о аананд̣̇асса. жирассам̣ ко бхавам̣ аананд̣̇о имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у бхавам̣ аананд̣̇о, ид̣̇амаасанам̣ бан̃н̃ад̇д̇а’’нд̇и. нисийд̣̇и ко ааяасмаа аананд̣̇о бан̃н̃ад̇д̇з аасанз. санд̣̇агоби ко бариб̣б̣ааж̇аго ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко санд̣̇агам̣ бариб̣б̣ааж̇агам̣ ааяасмаа аананд̣̇о зд̇ад̣̇авожа – ‘‘гааяануд̇т̇а, санд̣̇ага, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘д̇идтад̇зсаа, бхо аананд̣̇а, гат̇аа яааяа маяам̣ зд̇арахи гат̇ааяа саннисиннаа. нзсаа бход̇о аананд̣̇асса гат̇аа д̣̇уллабхаа бхависсад̇и бажчааби саванааяа. саад̇ху вад̇а бхаванд̇ам̣язва аананд̣̇ам̣ бадибхаад̇у сагз аажарияагз д̇хаммийгат̇аа’’д̇и. ‘‘д̇зна хи, санд̣̇ага, сун̣аахи , саад̇хугам̣ манаси гарохи, бхаасиссаамий’’д̇и. ‘‘звам̣ бхо’’д̇и ко санд̣̇аго бариб̣б̣ааж̇аго ааяасмад̇о аананд̣̇асса бажжассоси. ааяасмаа аананд̣̇о зд̇ад̣̇авожа – ‘‘жад̇д̇ааромз , санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна аб̣рахмажарияаваасаа агкаад̇аа жад̇д̇аари жа анассаасигаани б̣рахмажарияаани агкаад̇аани, яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа 1 наараад̇хзяяа н̃ааяам̣ д̇хаммам̣ гусала’’нд̇и. ‘‘гад̇амз бана д̇з, бхо аананд̣̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро аб̣рахмажарияаваасаа агкаад̇аа, яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусала’’нд̇и?
224. Atha kho āyasmā ānando yena sandako paribbājako tenupasaṅkami. Atha kho sandako paribbājako āyasmantaṃ ānandaṃ etadavoca – ‘‘etu kho bhavaṃ ānando, svāgataṃ bhoto ānandassa. Cirassaṃ kho bhavaṃ ānando imaṃ pariyāyamakāsi yadidaṃ idhāgamanāya. Nisīdatu bhavaṃ ānando, idamāsanaṃ paññatta’’nti. Nisīdi kho āyasmā ānando paññatte āsane. Sandakopi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho sandakaṃ paribbājakaṃ āyasmā ānando etadavoca – ‘‘kāyanuttha, sandaka, etarahi kathāya sannisinnā, kā ca pana vo antarākathā vippakatā’’ti? ‘‘Tiṭṭhatesā, bho ānanda, kathā yāya mayaṃ etarahi kathāya sannisinnā. Nesā bhoto ānandassa kathā dullabhā bhavissati pacchāpi savanāya. Sādhu vata bhavantaṃyeva ānandaṃ paṭibhātu sake ācariyake dhammīkathā’’ti. ‘‘Tena hi, sandaka, suṇāhi , sādhukaṃ manasi karohi, bhāsissāmī’’ti. ‘‘Evaṃ bho’’ti kho sandako paribbājako āyasmato ānandassa paccassosi. Āyasmā ānando etadavoca – ‘‘cattārome , sandaka, tena bhagavatā jānatā passatā arahatā sammāsambuddhena abrahmacariyavāsā akkhātā cattāri ca anassāsikāni brahmacariyāni akkhātāni, yattha viññū puriso sasakkaṃ brahmacariyaṃ na vaseyya, vasanto ca 2 nārādheyya ñāyaṃ dhammaṃ kusala’’nti. ‘‘Katame pana te, bho ānanda, tena bhagavatā jānatā passatā arahatā sammāsambuddhena cattāro abrahmacariyavāsā akkhātā, yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusala’’nti?
225. ‘‘ид̇ха, санд̣̇ага, згажжо сад̇т̇аа звам̣ваад̣̇ий ход̇и звам̣д̣̇идти – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баролого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇и. жаад̇умахаабхууд̇иго аяам̣ бурисо яад̣̇аа гаалан̇гарод̇и, бат̇авий бат̇авийгааяам̣ анубзд̇и анубаг̇ажчад̇и, аабо аабогааяам̣ анубзд̇и анубаг̇ажчад̇и, д̇зж̇о д̇зж̇огааяам̣ анубзд̇и анубаг̇ажчад̇и, вааяо вааяогааяам̣ анубзд̇и анубаг̇ажчад̇и , аагаасам̣ инд̣̇рияаани сан̇гаманд̇и. аасанд̣̇ибан̃жамаа бурисаа мад̇ам̣ аад̣̇ааяа г̇ажчанд̇и, яааваал̣ааханаа бад̣̇аани бан̃н̃ааяанд̇и. гаабод̇агаани адтийни бхаванд̇и. бхассанд̇аа аахуд̇ияо; д̣̇ад̇д̇убан̃н̃ад̇д̇ам̣ яад̣̇ид̣̇ам̣ д̣̇аанам̣. д̇зсам̣ д̇ужчаа мусаа вилаабо яз гзжи ад̇т̇игаваад̣̇ам̣ вад̣̇анд̇и. б̣аалз жа бан̣д̣ид̇з жа гааяасса бхзд̣̇аа ужчиж̇ж̇анд̇и винассанд̇и на хонд̇и барам̣ маран̣аа’д̇и.
225. ‘‘Idha, sandaka, ekacco satthā evaṃvādī hoti evaṃdiṭṭhi – ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paroloko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedenti. Cātumahābhūtiko ayaṃ puriso yadā kālaṅkaroti, pathavī pathavīkāyaṃ anupeti anupagacchati, āpo āpokāyaṃ anupeti anupagacchati, tejo tejokāyaṃ anupeti anupagacchati, vāyo vāyokāyaṃ anupeti anupagacchati , ākāsaṃ indriyāni saṅkamanti. Āsandipañcamā purisā mataṃ ādāya gacchanti, yāvāḷāhanā padāni paññāyanti. Kāpotakāni aṭṭhīni bhavanti. Bhassantā āhutiyo; dattupaññattaṃ yadidaṃ dānaṃ. Tesaṃ tucchā musā vilāpo ye keci atthikavādaṃ vadanti. Bāle ca paṇḍite ca kāyassa bhedā ucchijjanti vinassanti na honti paraṃ maraṇā’ti.
‘‘д̇ад̇ра , санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа звам̣ваад̣̇ий звам̣д̣̇идти – над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баролого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇и. жаад̇умахаабхууд̇иго аяам̣ бурисо яад̣̇аа гаалан̇гарод̇и, бат̇авий бат̇авийгааяам̣ анубзд̇и анубаг̇ажчад̇и, аабо аабогааяам̣ анубзд̇и анубаг̇ажчад̇и, д̇зж̇о д̇зж̇огааяам̣ анубзд̇и анубаг̇ажчад̇и, вааяо вааяогааяам̣ анубзд̇и анубаг̇ажчад̇и, аагаасам̣ инд̣̇рияаани сан̇гаманд̇и. аасанд̣̇ибан̃жамаа бурисаа мад̇ам̣ аад̣̇ааяа г̇ажчанд̇и, яааваал̣ааханаа бад̣̇аани бан̃н̃ааяанд̇и. гаабод̇агаани адтийни бхаванд̇и. бхассанд̇аа аахуд̇ияо; д̣̇ад̇д̇убан̃н̃ад̇д̇ам̣ яад̣̇ид̣̇ам̣ д̣̇аанам̣. д̇зсам̣ д̇ужчаа мусаа вилаабо яз гзжи ад̇т̇игаваад̣̇ам̣ вад̣̇анд̇и. б̣аалз жа бан̣д̣ид̇з жа гааяасса бхзд̣̇аа ужчиж̇ж̇анд̇и винассанд̇и на хонд̇и барам̣ маран̣аа’д̇и. сажз имасса бход̇о сад̇т̇уно сажжам̣ важанам̣, агад̇зна мз зд̇т̇а гад̇ам̣, авусид̇зна мз зд̇т̇а вусид̇ам̣. убхоби маяам̣ зд̇т̇а самасамаа сааман̃н̃ам̣ бад̇д̇аа, яо жаахам̣ на вад̣̇аами ‘убхо гааяасса бхзд̣̇аа ужчиж̇ж̇иссаама, винассиссаама, на бхависсаама барам̣ маран̣аа’д̇и. ад̇ирзгам̣ ко банимасса бход̇о сад̇т̇уно наг̇г̇ияам̣ мун̣д̣ияам̣ уггудигаббад̇хаанам̣ гзсамассуложанам̣ яохам̣ буд̇д̇асамб̣аад̇хасаяанам̣ 3 аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаарзнд̇о ж̇аад̇аруубараж̇ад̇ам̣ саад̣̇ияанд̇о иминаа бход̇аа сад̇т̇аараа самасамаг̇ад̇иго бхависсаами. абхисамбарааяам̣ сохам̣ гим̣ ж̇аананд̇о гим̣ бассанд̇о имасмим̣ сад̇т̇ари б̣рахмажарияам̣ жариссаами? ‘со аб̣рахмажарияаваасо аяа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и 4. аяам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамо аб̣рахмажарияаваасо агкаад̇о яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
‘‘Tatra , sandaka, viññū puriso iti paṭisañcikkhati – ‘ayaṃ kho bhavaṃ satthā evaṃvādī evaṃdiṭṭhi – natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paroloko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedenti. Cātumahābhūtiko ayaṃ puriso yadā kālaṅkaroti, pathavī pathavīkāyaṃ anupeti anupagacchati, āpo āpokāyaṃ anupeti anupagacchati, tejo tejokāyaṃ anupeti anupagacchati, vāyo vāyokāyaṃ anupeti anupagacchati, ākāsaṃ indriyāni saṅkamanti. Āsandipañcamā purisā mataṃ ādāya gacchanti, yāvāḷāhanā padāni paññāyanti. Kāpotakāni aṭṭhīni bhavanti. Bhassantā āhutiyo; dattupaññattaṃ yadidaṃ dānaṃ. Tesaṃ tucchā musā vilāpo ye keci atthikavādaṃ vadanti. Bāle ca paṇḍite ca kāyassa bhedā ucchijjanti vinassanti na honti paraṃ maraṇā’ti. Sace imassa bhoto satthuno saccaṃ vacanaṃ, akatena me ettha kataṃ, avusitena me ettha vusitaṃ. Ubhopi mayaṃ ettha samasamā sāmaññaṃ pattā, yo cāhaṃ na vadāmi ‘ubho kāyassa bhedā ucchijjissāma, vinassissāma, na bhavissāma paraṃ maraṇā’ti. Atirekaṃ kho panimassa bhoto satthuno naggiyaṃ muṇḍiyaṃ ukkuṭikappadhānaṃ kesamassulocanaṃ yohaṃ puttasambādhasayanaṃ 5 ajjhāvasanto kāsikacandanaṃ paccanubhonto mālāgandhavilepanaṃ dhārento jātarūparajataṃ sādiyanto iminā bhotā satthārā samasamagatiko bhavissāmi. Abhisamparāyaṃ sohaṃ kiṃ jānanto kiṃ passanto imasmiṃ satthari brahmacariyaṃ carissāmi? ‘So abrahmacariyavāso aya’nti – iti viditvā tasmā brahmacariyā nibbijja pakkamati 6. Ayaṃ kho, sandaka, tena bhagavatā jānatā passatā arahatā sammāsambuddhena paṭhamo abrahmacariyavāso akkhāto yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
226. ‘‘буна жабарам̣, санд̣̇ага, ид̇хзгажжо сад̇т̇аа звам̣ваад̣̇ий ход̇и звам̣д̣̇идти – ‘гарод̇о гаараяад̇о чинд̣̇ад̇о чзд̣̇аабаяад̇о бажад̇о баажаабаяад̇о сожаяад̇о сожаабаяад̇о гиламад̇о гиламаабаяад̇о панд̣̇ад̇о панд̣̇аабаяад̇о баан̣амад̇ибаад̇аяад̇о ад̣̇иннам̣ аад̣̇ияад̇о санд̇хим̣ чинд̣̇ад̇о ниллобам̣ харад̇о згааг̇ааригам̣ гарод̇о барибант̇з д̇идтад̇о барад̣̇аарам̣ г̇ажчад̇о мусаа бхан̣ад̇о гарод̇о на гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о чинд̣̇анд̇о чзд̣̇аабзнд̇о бажанд̇о бажаабзнд̇о, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о яаж̇анд̇о яаж̇аабзнд̇о, над̇т̇и д̇ад̇онид̣̇аанам̣ бун̃н̃ам̣, над̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна над̇т̇и бун̃н̃ам̣, над̇т̇и бун̃н̃асса ааг̇амо’д̇и.
226. ‘‘Puna caparaṃ, sandaka, idhekacco satthā evaṃvādī hoti evaṃdiṭṭhi – ‘karoto kārayato chindato chedāpayato pacato pācāpayato socayato socāpayato kilamato kilamāpayato phandato phandāpayato pāṇamatipātayato adinnaṃ ādiyato sandhiṃ chindato nillopaṃ harato ekāgārikaṃ karoto paripanthe tiṭṭhato paradāraṃ gacchato musā bhaṇato karoto na karīyati pāpaṃ. Khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, natthi tatonidānaṃ pāpaṃ, natthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento chindanto chedāpento pacanto pacāpento, natthi tatonidānaṃ pāpaṃ, natthi pāpassa āgamo. Uttarañcepi gaṅgāya tīraṃ gaccheyya dadanto dāpento yajanto yajāpento, natthi tatonidānaṃ puññaṃ, natthi puññassa āgamo. Dānena damena saṃyamena saccavajjena natthi puññaṃ, natthi puññassa āgamo’ti.
‘‘д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа звам̣ваад̣̇ий звам̣д̣̇идти – гарод̇о гаараяад̇о чинд̣̇ад̇о чзд̣̇аабаяад̇о бажад̇о баажаабаяад̇о сожад̇о сожаабаяад̇о гиламад̇о гиламаабаяад̇о панд̣̇ад̇о панд̣̇аабаяад̇о баан̣амад̇ибаад̇аяад̇о ад̣̇иннам̣ аад̣̇ияад̇о санд̇хим̣ чинд̣̇ад̇о ниллобам̣ харад̇о згааг̇ааригам̣ гарод̇о барибант̇з д̇идтад̇о барад̣̇аарам̣ г̇ажчад̇о мусаа бхан̣ад̇о гарод̇о на гарийяад̇и баабам̣ курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о чинд̣̇анд̇о чзд̣̇аабзнд̇о бажанд̇о бажаабзнд̇о, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о яаж̇анд̇о яаж̇аабзнд̇о, над̇т̇и д̇ад̇онид̣̇аанам̣ бун̃н̃ам̣, над̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна над̇т̇и бун̃н̃ам̣, над̇т̇и бун̃н̃асса ааг̇амо’д̇и. сажз имасса бход̇о сад̇т̇уно сажжам̣ важанам̣, агад̇зна мз зд̇т̇а гад̇ам̣, авусид̇зна мз зд̇т̇а вусид̇ам̣. убхоби маяам̣ зд̇т̇а самасамаа сааман̃н̃ам̣ бад̇д̇аа, яо жаахам̣ на вад̣̇аами ‘убхиннам̣ гуруд̇ам̣ на гарийяад̇и бааба’нд̇и. ад̇ирзгам̣ ко банимасса бход̇о сад̇т̇уно наг̇г̇ияам̣ мун̣д̣ияам̣ уггудигаббад̇хаанам̣ гзсамассуложанам̣ яохам̣ буд̇д̇асамб̣аад̇хасаяанам̣ аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаарзнд̇о ж̇аад̇аруубараж̇ад̇ам̣ саад̣̇ияанд̇о иминаа бход̇аа сад̇т̇аараа самасамаг̇ад̇иго бхависсаами. абхисамбарааяам̣ сохам̣ гим̣ ж̇аананд̇о гим̣ бассанд̇о имасмим̣ сад̇т̇ари б̣рахмажарияам̣ жариссаами? ‘со аб̣рахмажарияаваасо аяа’нд̇и ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. аяам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇уд̇ияо аб̣рахмажарияаваасо агкаад̇о яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
‘‘Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā evaṃvādī evaṃdiṭṭhi – karoto kārayato chindato chedāpayato pacato pācāpayato socato socāpayato kilamato kilamāpayato phandato phandāpayato pāṇamatipātayato adinnaṃ ādiyato sandhiṃ chindato nillopaṃ harato ekāgārikaṃ karoto paripanthe tiṭṭhato paradāraṃ gacchato musā bhaṇato karoto na karīyati pāpaṃ khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, natthi tatonidānaṃ pāpaṃ, natthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento chindanto chedāpento pacanto pacāpento, natthi tatonidānaṃ pāpaṃ, natthi pāpassa āgamo. Uttarañcepi gaṅgāya tīraṃ gaccheyya dadanto dāpento yajanto yajāpento, natthi tatonidānaṃ puññaṃ, natthi puññassa āgamo. Dānena damena saṃyamena saccavajjena natthi puññaṃ, natthi puññassa āgamo’ti. Sace imassa bhoto satthuno saccaṃ vacanaṃ, akatena me ettha kataṃ, avusitena me ettha vusitaṃ. Ubhopi mayaṃ ettha samasamā sāmaññaṃ pattā, yo cāhaṃ na vadāmi ‘ubhinnaṃ kurutaṃ na karīyati pāpa’nti. Atirekaṃ kho panimassa bhoto satthuno naggiyaṃ muṇḍiyaṃ ukkuṭikappadhānaṃ kesamassulocanaṃ yohaṃ puttasambādhasayanaṃ ajjhāvasanto kāsikacandanaṃ paccanubhonto mālāgandhavilepanaṃ dhārento jātarūparajataṃ sādiyanto iminā bhotā satthārā samasamagatiko bhavissāmi. Abhisamparāyaṃ sohaṃ kiṃ jānanto kiṃ passanto imasmiṃ satthari brahmacariyaṃ carissāmi? ‘So abrahmacariyavāso aya’nti iti viditvā tasmā brahmacariyā nibbijja pakkamati. Ayaṃ kho, sandaka, tena bhagavatā jānatā passatā arahatā sammāsambuddhena dutiyo abrahmacariyavāso akkhāto yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
227. ‘‘буна жабарам̣, санд̣̇ага, ид̇хзгажжо сад̇т̇аа звам̣ваад̣̇ий ход̇и звам̣д̣̇идти – ‘над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяа; ахзд̇уу аббажжаяаа сад̇д̇аа сам̣гилиссанд̇и; над̇т̇и хзд̇у, над̇т̇и бажжаяо сад̇д̇аанам̣ висуд̣̇д̇хияаа; ахзд̇уу аббажжаяаа сад̇д̇аа висуж̇жханд̇и; над̇т̇и б̣алам̣, над̇т̇и вийрияам̣, над̇т̇и бурисат̇аамо , над̇т̇и бурисабараггамо; саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исан̇г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и.
227. ‘‘Puna caparaṃ, sandaka, idhekacco satthā evaṃvādī hoti evaṃdiṭṭhi – ‘natthi hetu, natthi paccayo sattānaṃ saṃkilesāya; ahetū appaccayā sattā saṃkilissanti; natthi hetu, natthi paccayo sattānaṃ visuddhiyā; ahetū appaccayā sattā visujjhanti; natthi balaṃ, natthi vīriyaṃ, natthi purisathāmo , natthi purisaparakkamo; sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṅgatibhāvapariṇatā chasvevābhijātīsu sukhadukkhaṃ paṭisaṃvedentī’ti.
‘‘д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа звам̣ваад̣̇ий звам̣д̣̇идти – над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяа, ахзд̇уу аббажжаяаа сад̇д̇аа сам̣гилиссанд̇и. над̇т̇и хзд̇у над̇т̇и бажжаяо сад̇д̇аанам̣ висуд̣̇д̇хияаа, ахзд̇уу аббажжаяаа сад̇д̇аа висуж̇жханд̇и. над̇т̇и б̣алам̣, над̇т̇и вийрияам̣, над̇т̇и бурисат̇аамо, над̇т̇и бурисабараггамо, саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исан̇г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и. сажз имасса бход̇о сад̇т̇уно сажжам̣ важанам̣, агад̇зна мз зд̇т̇а гад̇ам̣, авусид̇зна мз зд̇т̇а вусид̇ам̣. убхоби маяам̣ зд̇т̇а самасамаа сааман̃н̃ам̣ бад̇д̇аа, яо жаахам̣ на вад̣̇аами ‘убхо ахзд̇уу аббажжаяаа висуж̇жхиссаамаа’д̇и. ад̇ирзгам̣ ко банимасса бход̇о сад̇т̇уно наг̇г̇ияам̣ мун̣д̣ияам̣ уггудигаббад̇хаанам̣ гзсамассуложанам̣ яохам̣ буд̇д̇асамб̣аад̇хасаяанам̣ аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаарзнд̇о ж̇аад̇аруубараж̇ад̇ам̣ саад̣̇ияанд̇о иминаа бход̇аа сад̇т̇аараа самасамаг̇ад̇иго бхависсаами. абхисамбарааяам̣ сохам̣ гим̣ ж̇аананд̇о гим̣ бассанд̇о имасмим̣ сад̇т̇ари б̣рахмажарияам̣ жариссаами? ‘со аб̣рахмажарияаваасо аяа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. аяам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇ад̇ияо аб̣рахмажарияаваасо агкаад̇о яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
‘‘Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā evaṃvādī evaṃdiṭṭhi – natthi hetu, natthi paccayo sattānaṃ saṃkilesāya, ahetū appaccayā sattā saṃkilissanti. Natthi hetu natthi paccayo sattānaṃ visuddhiyā, ahetū appaccayā sattā visujjhanti. Natthi balaṃ, natthi vīriyaṃ, natthi purisathāmo, natthi purisaparakkamo, sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṅgatibhāvapariṇatā chasvevābhijātīsu sukhadukkhaṃ paṭisaṃvedentī’ti. Sace imassa bhoto satthuno saccaṃ vacanaṃ, akatena me ettha kataṃ, avusitena me ettha vusitaṃ. Ubhopi mayaṃ ettha samasamā sāmaññaṃ pattā, yo cāhaṃ na vadāmi ‘ubho ahetū appaccayā visujjhissāmā’ti. Atirekaṃ kho panimassa bhoto satthuno naggiyaṃ muṇḍiyaṃ ukkuṭikappadhānaṃ kesamassulocanaṃ yohaṃ puttasambādhasayanaṃ ajjhāvasanto kāsikacandanaṃ paccanubhonto mālāgandhavilepanaṃ dhārento jātarūparajataṃ sādiyanto iminā bhotā satthārā samasamagatiko bhavissāmi. Abhisamparāyaṃ sohaṃ kiṃ jānanto kiṃ passanto imasmiṃ satthari brahmacariyaṃ carissāmi? ‘So abrahmacariyavāso aya’nti – iti viditvā tasmā brahmacariyā nibbijja pakkamati. Ayaṃ kho, sandaka, tena bhagavatā jānatā passatā arahatā sammāsambuddhena tatiyo abrahmacariyavāso akkhāto yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
228. ‘‘буна жабарам̣, санд̣̇ага, ид̇хзгажжо сад̇т̇аа звам̣ваад̣̇ий ход̇и звам̣д̣̇идти – ‘сад̇д̇имз гааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа, д̇з на ин̃ж̇анд̇и на вибарин̣аманд̇и на ан̃н̃аман̃н̃ам̣ б̣яааб̣аад̇хзнд̇и наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. гад̇амз сад̇д̇а? бат̇авийгааяо аабогааяо д̇зж̇огааяо вааяогааяо сукз д̣̇угкз ж̇ийвз сад̇д̇амз – имз сад̇д̇агааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа. д̇з на ин̃ж̇анд̇и на вибарин̣аманд̇и на ан̃н̃аман̃н̃ам̣ б̣яааб̣аад̇хзнд̇и. наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. д̇ад̇т̇а над̇т̇и ханд̇аа ваа гхаад̇зд̇аа ваа сод̇аа ваа саавзд̇аа ваа вин̃н̃аад̇аа ваа вин̃н̃аабзд̇аа ваа. яоби д̇ин̣хзна сад̇т̇зна сийсам̣ чинд̣̇ад̇и, на гожи ган̃жи 7 ж̇ийвид̇аа воробзд̇и. сад̇д̇аннам̣д̇взва гааяаанаманд̇арзна сад̇т̇ам̣ вивараманубад̇ад̇и. жуд̣̇д̣̇аса ко банимаани яонибамукасад̇асахассаани садти жа сад̇аани ча жа сад̇аани бан̃жа жа гаммуно сад̇аани бан̃жа жа гаммаани д̇ийн̣и жа гаммаани, гаммз жа ад̣дхагаммз жа, д̣̇вадтибадибад̣̇аа, д̣̇вадтанд̇арагаббаа, чал̣аабхиж̇аад̇ияо, адта бурисабхуумияо, згуунабан̃н̃ааса ааж̇ийвагасад̇з, згуунабан̃н̃ааса бариб̣б̣ааж̇агасад̇з, згуунабан̃н̃ааса нааг̇ааваасасад̇з, вийсз инд̣̇рияасад̇з, д̇им̣сз нираяасад̇з, чад̇д̇им̣са раж̇од̇хаад̇уяо, сад̇д̇а сан̃н̃ийг̇аб̣бхаа, сад̇д̇а асан̃н̃ийг̇аб̣бхаа, сад̇д̇а ниг̇ан̣тиг̇аб̣бхаа, сад̇д̇а д̣̇зваа, сад̇д̇а маанусаа, сад̇д̇а бзсаажаа, сад̇д̇а сараа, сад̇д̇а бавудаа, сад̇д̇а бабаад̇аа, сад̇д̇а бабаад̇асад̇аани, сад̇д̇а субинаа, сад̇д̇а субинасад̇аани, жуллаасийд̇и 8 махаагаббино 9 сад̇асахассаани, яаани б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и. д̇ад̇т̇а над̇т̇и иминаахам̣ сийлзна ваа вад̇зна ваа д̇абзна ваа б̣рахмажариязна ваа абарибаггам̣ ваа гаммам̣ барибаажзссаами, барибаггам̣ ваа гаммам̣ пусса пусса б̣яанд̇им̣ гариссаамийд̇и. хзвам̣ над̇т̇и д̣̇он̣амид̇з сукад̣̇угкз барияанд̇агад̇з сам̣саарз, над̇т̇и хааяанавад̣дханз, над̇т̇и уггам̣саавагам̣сз. сзяяат̇ааби наама суд̇д̇аг̇ул̣з кид̇д̇з ниб̣б̣зтияамаанамзва балзд̇и, звамзва б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇ий’д̇и.
228. ‘‘Puna caparaṃ, sandaka, idhekacco satthā evaṃvādī hoti evaṃdiṭṭhi – ‘sattime kāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā, te na iñjanti na vipariṇamanti na aññamaññaṃ byābādhenti nālaṃ aññamaññassa sukhāya vā dukkhāya vā sukhadukkhāya vā. Katame satta? Pathavīkāyo āpokāyo tejokāyo vāyokāyo sukhe dukkhe jīve sattame – ime sattakāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā. Te na iñjanti na vipariṇamanti na aññamaññaṃ byābādhenti. Nālaṃ aññamaññassa sukhāya vā dukkhāya vā sukhadukkhāya vā. Tattha natthi hantā vā ghātetā vā sotā vā sāvetā vā viññātā vā viññāpetā vā. Yopi tiṇhena satthena sīsaṃ chindati, na koci kañci 10 jīvitā voropeti. Sattannaṃtveva kāyānamantarena satthaṃ vivaramanupatati. Cuddasa kho panimāni yonipamukhasatasahassāni saṭṭhi ca satāni cha ca satāni pañca ca kammuno satāni pañca ca kammāni tīṇi ca kammāni, kamme ca aḍḍhakamme ca, dvaṭṭhipaṭipadā, dvaṭṭhantarakappā, chaḷābhijātiyo, aṭṭha purisabhūmiyo, ekūnapaññāsa ājīvakasate, ekūnapaññāsa paribbājakasate, ekūnapaññāsa nāgāvāsasate, vīse indriyasate, tiṃse nirayasate, chattiṃsa rajodhātuyo, satta saññīgabbhā, satta asaññīgabbhā, satta nigaṇṭhigabbhā, satta devā, satta mānusā, satta pesācā, satta sarā, satta pavuṭā, satta papātā, satta papātasatāni, satta supinā, satta supinasatāni, cullāsīti 11 mahākappino 12 satasahassāni, yāni bāle ca paṇḍite ca sandhāvitvā saṃsaritvā dukkhassantaṃ karissanti. Tattha natthi imināhaṃ sīlena vā vatena vā tapena vā brahmacariyena vā aparipakkaṃ vā kammaṃ paripācessāmi, paripakkaṃ vā kammaṃ phussa phussa byantiṃ karissāmīti. Hevaṃ natthi doṇamite sukhadukkhe pariyantakate saṃsāre, natthi hāyanavaḍḍhane, natthi ukkaṃsāvakaṃse. Seyyathāpi nāma suttaguḷe khitte nibbeṭhiyamānameva paleti, evameva bāle ca paṇḍite ca sandhāvitvā saṃsaritvā dukkhassantaṃ karissantī’ti.
‘‘д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа звам̣ваад̣̇ий звам̣д̣̇идти – сад̇д̇имз гааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа. д̇з на ин̃ж̇анд̇и на вибарин̣аманд̇и на ан̃н̃аман̃н̃ам̣ б̣яааб̣аад̇хзнд̇и. наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. гад̇амз сад̇д̇а ? бат̇авийгааяо аабогааяо д̇зж̇огааяо вааяогааяо сукз д̣̇угкз ж̇ийвз сад̇д̇амз – имз сад̇д̇а гааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа. д̇з на ин̃ж̇анд̇и на вибарин̣аманд̇и на ан̃н̃аман̃н̃ам̣ б̣яааб̣аад̇хзнд̇и. наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. д̇ад̇т̇а над̇т̇и ханд̇аа ваа гхаад̇зд̇аа ваа сод̇аа ваа саавзд̇аа ваа вин̃н̃аад̇аа ваа вин̃н̃аабзд̇аа ваа. яоби д̇ин̣хзна сад̇т̇зна сийсам̣ чинд̣̇ад̇и, на гожи ган̃жи ж̇ийвид̇аа воробзд̇и . сад̇д̇аннам̣д̇взва гааяаанаманд̇арзна сад̇т̇ам̣ вивараманубад̇ад̇и. жуд̣̇д̣̇аса ко банимаани яонибамукасад̇асахассаани садти жа сад̇аани ча жа сад̇аани бан̃жа жа гаммуно сад̇аани бан̃жа жа гаммаани д̇ийн̣и жа гаммаани, гаммз жа ад̣дхагаммз жа, д̣̇вадтибадибад̣̇аа, д̣̇вадтанд̇арагаббаа, чал̣аабхиж̇аад̇ияо, адта бурисабхуумияо, згуунабан̃н̃ааса ааж̇ийвагасад̇з, згуунабан̃н̃ааса бариб̣б̣ааж̇агасад̇з, згуунабан̃н̃ааса нааг̇ааваасасад̇з, вийсз инд̣̇рияасад̇з, д̇им̣сз нираяасад̇з, чад̇д̇им̣са раж̇од̇хаад̇уяо, сад̇д̇а сан̃н̃ийг̇аб̣бхаа, сад̇д̇а асан̃н̃ийг̇аб̣бхаа, сад̇д̇а ниг̇ан̣тиг̇аб̣бхаа, сад̇д̇а д̣̇зваа, сад̇д̇а маанусаа, сад̇д̇а бзсаажаа, сад̇д̇а сараа, сад̇д̇а бавудаа, сад̇д̇а бабаад̇аа, сад̇д̇а бабаад̇асад̇аани, сад̇д̇а субинаа, сад̇д̇а субинасад̇аани, жуллаасийд̇и махаагаббино сад̇асахассаани, яаани б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и. д̇ад̇т̇а над̇т̇и иминаахам̣ сийлзна ваа вад̇зна ваа д̇абзна ваа б̣рахмажариязна ваа абарибаггам̣ ваа гаммам̣ барибаажзссаами, барибаггам̣ ваа гаммам̣ пусса пусса б̣яанд̇им̣ гариссаамийд̇и, хзвам̣ над̇т̇и д̣̇он̣амид̇з сукад̣̇угкз барияанд̇агад̇з сам̣саарз, над̇т̇и хааяанавад̣дханз, над̇т̇и уггам̣саавагам̣сз. сзяяат̇ааби наама суд̇д̇аг̇ул̣з кид̇д̇з ниб̣б̣зтияамаанамзва балзд̇и, звамзва б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇ий’д̇и. сажз бана имасса бход̇о сад̇т̇уно сажжам̣ важанам̣, агад̇зна мз зд̇т̇а гад̇ам̣, авусид̇зна мз зд̇т̇а вусид̇ам̣. убхоби маяам̣ зд̇т̇а самасамаа сааман̃н̃ам̣ бад̇д̇аа, яо жаахам̣ на вад̣̇аами. ‘убхо санд̇хаавид̇ваа сам̣сарид̇ваа д̣̇угкассанд̇ам̣ гариссаамаа’д̇и. ад̇ирзгам̣ ко банимасса бход̇о сад̇т̇уно наг̇г̇ияам̣ мун̣д̣ияам̣ уггудигаббад̇хаанам̣ гзсамассуложанам̣ яохам̣ буд̇д̇асамб̣аад̇хасаяанам̣ аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаарзнд̇о ж̇аад̇аруубараж̇ад̇ам̣ саад̣̇ияанд̇о иминаа бход̇аа сад̇т̇аараа самасамаг̇ад̇иго бхависсаами. абхисамбарааяам̣ сохам̣ гим̣ ж̇аананд̇о гим̣ бассанд̇о имасмим̣ сад̇т̇ари б̣рахмажарияам̣ жариссаами? ‘со аб̣рахмажарияаваасо аяа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. аяам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇уд̇т̇о аб̣рахмажарияаваасо агкаад̇о яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
‘‘Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā evaṃvādī evaṃdiṭṭhi – sattime kāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā. Te na iñjanti na vipariṇamanti na aññamaññaṃ byābādhenti. Nālaṃ aññamaññassa sukhāya vā dukkhāya vā sukhadukkhāya vā. Katame satta ? Pathavīkāyo āpokāyo tejokāyo vāyokāyo sukhe dukkhe jīve sattame – ime satta kāyā akaṭā akaṭavidhā animmitā animmātā vañjhā kūṭaṭṭhā esikaṭṭhāyiṭṭhitā. Te na iñjanti na vipariṇamanti na aññamaññaṃ byābādhenti. Nālaṃ aññamaññassa sukhāya vā dukkhāya vā sukhadukkhāya vā. Tattha natthi hantā vā ghātetā vā sotā vā sāvetā vā viññātā vā viññāpetā vā. Yopi tiṇhena satthena sīsaṃ chindati, na koci kañci jīvitā voropeti . Sattannaṃtveva kāyānamantarena satthaṃ vivaramanupatati. Cuddasa kho panimāni yonipamukhasatasahassāni saṭṭhi ca satāni cha ca satāni pañca ca kammuno satāni pañca ca kammāni tīṇi ca kammāni, kamme ca aḍḍhakamme ca, dvaṭṭhipaṭipadā, dvaṭṭhantarakappā, chaḷābhijātiyo, aṭṭha purisabhūmiyo, ekūnapaññāsa ājīvakasate, ekūnapaññāsa paribbājakasate, ekūnapaññāsa nāgāvāsasate, vīse indriyasate, tiṃse nirayasate, chattiṃsa rajodhātuyo, satta saññīgabbhā, satta asaññīgabbhā, satta nigaṇṭhigabbhā, satta devā, satta mānusā, satta pesācā, satta sarā, satta pavuṭā, satta papātā, satta papātasatāni, satta supinā, satta supinasatāni, cullāsīti mahākappino satasahassāni, yāni bāle ca paṇḍite ca sandhāvitvā saṃsaritvā dukkhassantaṃ karissanti. Tattha natthi imināhaṃ sīlena vā vatena vā tapena vā brahmacariyena vā aparipakkaṃ vā kammaṃ paripācessāmi, paripakkaṃ vā kammaṃ phussa phussa byantiṃ karissāmīti, hevaṃ natthi doṇamite sukhadukkhe pariyantakate saṃsāre, natthi hāyanavaḍḍhane, natthi ukkaṃsāvakaṃse. Seyyathāpi nāma suttaguḷe khitte nibbeṭhiyamānameva paleti, evameva bāle ca paṇḍite ca sandhāvitvā saṃsaritvā dukkhassantaṃ karissantī’ti. Sace pana imassa bhoto satthuno saccaṃ vacanaṃ, akatena me ettha kataṃ, avusitena me ettha vusitaṃ. Ubhopi mayaṃ ettha samasamā sāmaññaṃ pattā, yo cāhaṃ na vadāmi. ‘Ubho sandhāvitvā saṃsaritvā dukkhassantaṃ karissāmā’ti. Atirekaṃ kho panimassa bhoto satthuno naggiyaṃ muṇḍiyaṃ ukkuṭikappadhānaṃ kesamassulocanaṃ yohaṃ puttasambādhasayanaṃ ajjhāvasanto kāsikacandanaṃ paccanubhonto mālāgandhavilepanaṃ dhārento jātarūparajataṃ sādiyanto iminā bhotā satthārā samasamagatiko bhavissāmi. Abhisamparāyaṃ sohaṃ kiṃ jānanto kiṃ passanto imasmiṃ satthari brahmacariyaṃ carissāmi? ‘So abrahmacariyavāso aya’nti – iti viditvā tasmā brahmacariyā nibbijja pakkamati. Ayaṃ kho, sandaka, tena bhagavatā jānatā passatā arahatā sammāsambuddhena catuttho abrahmacariyavāso akkhāto yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
‘‘имз ко д̇з, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро аб̣рахмажарияаваасаа агкаад̇аа яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусала’’нд̇и.
‘‘Ime kho te, sandaka, tena bhagavatā jānatā passatā arahatā sammāsambuddhena cattāro abrahmacariyavāsā akkhātā yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusala’’nti.
‘‘ажчарияам̣ , бхо аананд̣̇а, аб̣бхуд̇ам̣, бхо аананд̣̇а! яааван̃жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро аб̣рахмажарияаваасаава самаанаа ‘аб̣рахмажарияаваасаа’д̇и агкаад̇аа яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусаланд̇и. гад̇амаани бана д̇аани, бхо аананд̣̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇аари анассаасигаани б̣рахмажарияаани агкаад̇аани яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусала’’нд̇и?
‘‘Acchariyaṃ , bho ānanda, abbhutaṃ, bho ānanda! Yāvañcidaṃ tena bhagavatā jānatā passatā arahatā sammāsambuddhena cattāro abrahmacariyavāsāva samānā ‘abrahmacariyavāsā’ti akkhātā yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalanti. Katamāni pana tāni, bho ānanda, tena bhagavatā jānatā passatā arahatā sammāsambuddhena cattāri anassāsikāni brahmacariyāni akkhātāni yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusala’’nti?
229. ‘‘ид̇ха, санд̣̇ага, згажжо сад̇т̇аа саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇и – ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со сун̃н̃амби аг̇аарам̣ бависад̇и, бин̣д̣амби на лабхад̇и, гуггуроби д̣ам̣сад̇и, жан̣д̣знаби хад̇т̇инаа самааг̇ажчад̇и, жан̣д̣знаби ассзна самааг̇ажчад̇и, жан̣д̣знаби г̇он̣зна самааг̇ажчад̇и, ид̇т̇ияааби бурисассаби наамамби г̇од̇д̇амби бужчад̇и, г̇аамассаби ниг̇амассаби наамамби маг̇г̇амби бужчад̇и. со ‘гимид̣̇а’нд̇и будто самаано ‘сун̃н̃ам̣ мз аг̇аарам̣ бависид̇аб̣б̣ам̣ ахоси’, д̇зна баависим̣; ‘бин̣д̣амби алад̣̇д̇хаб̣б̣ам̣ ахоси’, д̇зна наалад̇т̇ам̣ ; ‘гуггурзна д̣ам̣сид̇аб̣б̣ам̣ ахоси’, д̇знамхи 13 д̣̇адто; ‘жан̣д̣зна хад̇т̇инаа самааг̇анд̇аб̣б̣ам̣ ахоси’, д̇зна самааг̇амим̣; ‘жан̣д̣зна ассзна самааг̇анд̇аб̣б̣ам̣ ахоси’, д̇зна самааг̇амим̣; ‘жан̣д̣зна г̇он̣зна самааг̇анд̇аб̣б̣ам̣ ахоси’, д̇зна самааг̇амим̣; ‘ид̇т̇ияааби бурисассаби наамамби г̇од̇д̇амби бужчид̇аб̣б̣ам̣ ахоси’, д̇зна бужчим̣; ‘г̇аамассаби ниг̇амассаби наамамби маг̇г̇амби бужчид̇аб̣б̣ам̣ ахоси’, д̇зна бужчинд̇и. д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇и…бз… ‘г̇аамассаби ниг̇амассаби наамамби маг̇г̇амби бужчид̇аб̣б̣ам̣ ахоси, д̇зна бужчи’нд̇и . со ‘анассаасигам̣ ид̣̇ам̣ б̣рахмажарияа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. ид̣̇ам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамам̣ анассаасигам̣ б̣рахмажарияам̣ агкаад̇ам̣ яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
229. ‘‘Idha, sandaka, ekacco satthā sabbaññū sabbadassāvī aparisesaṃ ñāṇadassanaṃ paṭijānāti – ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So suññampi agāraṃ pavisati, piṇḍampi na labhati, kukkuropi ḍaṃsati, caṇḍenapi hatthinā samāgacchati, caṇḍenapi assena samāgacchati, caṇḍenapi goṇena samāgacchati, itthiyāpi purisassapi nāmampi gottampi pucchati, gāmassapi nigamassapi nāmampi maggampi pucchati. So ‘kimida’nti puṭṭho samāno ‘suññaṃ me agāraṃ pavisitabbaṃ ahosi’, tena pāvisiṃ; ‘piṇḍampi aladdhabbaṃ ahosi’, tena nālatthaṃ ; ‘kukkurena ḍaṃsitabbaṃ ahosi’, tenamhi 14 daṭṭho; ‘caṇḍena hatthinā samāgantabbaṃ ahosi’, tena samāgamiṃ; ‘caṇḍena assena samāgantabbaṃ ahosi’, tena samāgamiṃ; ‘caṇḍena goṇena samāgantabbaṃ ahosi’, tena samāgamiṃ; ‘itthiyāpi purisassapi nāmampi gottampi pucchitabbaṃ ahosi’, tena pucchiṃ; ‘gāmassapi nigamassapi nāmampi maggampi pucchitabbaṃ ahosi’, tena pucchinti. Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā sabbaññū sabbadassāvī aparisesaṃ ñāṇadassanaṃ paṭijānāti…pe… ‘gāmassapi nigamassapi nāmampi maggampi pucchitabbaṃ ahosi, tena pucchi’nti . So ‘anassāsikaṃ idaṃ brahmacariya’nti – iti viditvā tasmā brahmacariyā nibbijja pakkamati. Idaṃ kho, sandaka, tena bhagavatā jānatā passatā arahatā sammāsambuddhena paṭhamaṃ anassāsikaṃ brahmacariyaṃ akkhātaṃ yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
230. ‘‘буна жабарам̣, санд̣̇ага, ид̇хзгажжо сад̇т̇аа ануссавиго ход̇и ануссавасажжо. со ануссавзна ид̇ихид̇ихабарамбарааяа бидагасамбад̣̇ааяа д̇хаммам̣ д̣̇зсзд̇и. ануссавигасса ко бана, санд̣̇ага , сад̇т̇уно ануссавасажжасса суссуд̇амби ход̇и д̣̇уссуд̇амби ход̇и д̇ат̇ааби ход̇и ан̃н̃ат̇ааби ход̇и. д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа ануссавиго ануссавасажжо со ануссавзна ид̇ихид̇ихабарамбарааяа бидагасамбад̣̇ааяа д̇хаммам̣ д̣̇зсзд̇и. ануссавигасса ко бана сад̇т̇уно ануссавасажжасса суссуд̇амби ход̇и д̣̇уссуд̇амби ход̇и д̇ат̇ааби ход̇и ан̃н̃ат̇ааби ход̇и’. со ‘анассаасигам̣ ид̣̇ам̣ б̣рахмажарияа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. ид̣̇ам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇уд̇ияам̣ анассаасигам̣ б̣рахмажарияам̣ агкаад̇ам̣ яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
230. ‘‘Puna caparaṃ, sandaka, idhekacco satthā anussaviko hoti anussavasacco. So anussavena itihitihaparamparāya piṭakasampadāya dhammaṃ deseti. Anussavikassa kho pana, sandaka , satthuno anussavasaccassa sussutampi hoti dussutampi hoti tathāpi hoti aññathāpi hoti. Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā anussaviko anussavasacco so anussavena itihitihaparamparāya piṭakasampadāya dhammaṃ deseti. Anussavikassa kho pana satthuno anussavasaccassa sussutampi hoti dussutampi hoti tathāpi hoti aññathāpi hoti’. So ‘anassāsikaṃ idaṃ brahmacariya’nti – iti viditvā tasmā brahmacariyā nibbijja pakkamati. Idaṃ kho, sandaka, tena bhagavatā jānatā passatā arahatā sammāsambuddhena dutiyaṃ anassāsikaṃ brahmacariyaṃ akkhātaṃ yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
231. ‘‘буна жабарам̣, санд̣̇ага, ид̇хзгажжо сад̇т̇аа д̇аггий ход̇и виймам̣сий. со д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ д̇хаммам̣ д̣̇зсзд̇и. д̇аггисса ко бана, санд̣̇ага, сад̇т̇уно виймам̣сисса суд̇аггид̇амби ход̇и д̣̇уд̇д̇аггид̇амби ход̇и д̇ат̇ааби ход̇и ан̃н̃ат̇ааби ход̇и. д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа д̇аггий виймам̣сий. со д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ д̇хаммам̣ д̣̇зсзд̇и. д̇аггисса ко бана сад̇т̇уно виймам̣сисса суд̇аггид̇амби ход̇и д̣̇уд̇д̇аггид̇амби ход̇и д̇ат̇ааби ход̇и ан̃н̃ат̇ааби ход̇и’. со ‘анассаасигам̣ ид̣̇ам̣ б̣рахмажарияа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. ид̣̇ам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇ад̇ияам̣ анассаасигам̣ б̣рахмажарияам̣ агкаад̇ам̣ яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
231. ‘‘Puna caparaṃ, sandaka, idhekacco satthā takkī hoti vīmaṃsī. So takkapariyāhataṃ vīmaṃsānucaritaṃ sayaṃpaṭibhānaṃ dhammaṃ deseti. Takkissa kho pana, sandaka, satthuno vīmaṃsissa sutakkitampi hoti duttakkitampi hoti tathāpi hoti aññathāpi hoti. Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā takkī vīmaṃsī. So takkapariyāhataṃ vīmaṃsānucaritaṃ sayaṃpaṭibhānaṃ dhammaṃ deseti. Takkissa kho pana satthuno vīmaṃsissa sutakkitampi hoti duttakkitampi hoti tathāpi hoti aññathāpi hoti’. So ‘anassāsikaṃ idaṃ brahmacariya’nti – iti viditvā tasmā brahmacariyā nibbijja pakkamati. Idaṃ kho, sandaka, tena bhagavatā jānatā passatā arahatā sammāsambuddhena tatiyaṃ anassāsikaṃ brahmacariyaṃ akkhātaṃ yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
232. ‘‘буна жабарам̣, санд̣̇ага, ид̇хзгажжо сад̇т̇аа манд̣̇о ход̇и момуухо. со манд̣̇ад̇д̇аа момуухад̇д̇аа д̇ад̇т̇а д̇ад̇т̇а 15 бан̃хам̣ будто самаано ваажаавигкзбам̣ аабаж̇ж̇ад̇и амараавигкзбам̣ – ‘званд̇иби 16 мз но, д̇ат̇аад̇иби 17 мз но, ан̃н̃ат̇аад̇иби 18 мз но, нод̇иби мз но, но нод̇иби мз но’д̇и. д̇ад̇ра, санд̣̇ага, вин̃н̃уу бурисо ид̇и бадисан̃жигкад̇и – ‘аяам̣ ко бхавам̣ сад̇т̇аа манд̣̇о момуухо. со манд̣̇ад̇д̇аа момуухад̇д̇аа д̇ад̇т̇а д̇ад̇т̇а бан̃хам̣ будто самаано ваажаавигкзбам̣ аабаж̇ж̇ад̇и амараавигкзбам̣ – званд̇иби мз но, д̇ат̇аад̇иби мз но, ан̃н̃ат̇аад̇иби мз но, нод̇иби мз но, но нод̇иби мз но’д̇и. со ‘анассаасигам̣ ид̣̇ам̣ б̣рахмажарияа’нд̇и – ид̇и вид̣̇ид̇ваа д̇асмаа б̣рахмажарияаа ниб̣б̣иж̇ж̇а баггамад̇и. ид̣̇ам̣ ко, санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇уд̇т̇ам̣ анассаасигам̣ б̣рахмажарияам̣ агкаад̇ам̣ яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣.
232. ‘‘Puna caparaṃ, sandaka, idhekacco satthā mando hoti momūho. So mandattā momūhattā tattha tattha 19 pañhaṃ puṭṭho samāno vācāvikkhepaṃ āpajjati amarāvikkhepaṃ – ‘evantipi 20 me no, tathātipi 21 me no, aññathātipi 22 me no, notipi me no, no notipi me no’ti. Tatra, sandaka, viññū puriso iti paṭisañcikkhati – ‘ayaṃ kho bhavaṃ satthā mando momūho. So mandattā momūhattā tattha tattha pañhaṃ puṭṭho samāno vācāvikkhepaṃ āpajjati amarāvikkhepaṃ – evantipi me no, tathātipi me no, aññathātipi me no, notipi me no, no notipi me no’ti. So ‘anassāsikaṃ idaṃ brahmacariya’nti – iti viditvā tasmā brahmacariyā nibbijja pakkamati. Idaṃ kho, sandaka, tena bhagavatā jānatā passatā arahatā sammāsambuddhena catutthaṃ anassāsikaṃ brahmacariyaṃ akkhātaṃ yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ.
‘‘имаани ко, (д̇аани санд̣̇ага, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇аари анассаасигаани б̣рахмажарияаани агкаад̇аани яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусала’’нд̇и.
‘‘Imāni kho, (tāni sandaka, tena bhagavatā jānatā passatā arahatā sammāsambuddhena cattāri anassāsikāni brahmacariyāni akkhātāni yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusala’’nti.
‘‘ажчарияам̣, бхо аананд̣̇а, аб̣бхуд̇ам̣, бхо аананд̣̇а! яааван̃жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇аари анассаасигаанзва б̣рахмажарияаани анассаасигаани б̣рахмажарияаанийд̇и агкаад̇аани яад̇т̇а вин̃н̃уу бурисо сасаггам̣ б̣рахмажарияам̣ на васзяяа, васанд̇о жа наараад̇хзяяа н̃ааяам̣ д̇хаммам̣ гусалам̣. со бана, бхо аананд̣̇а, сад̇т̇аа гим̣ ваад̣̇ий гим̣ агкааяий яад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусала’’нд̇и.
‘‘Acchariyaṃ, bho ānanda, abbhutaṃ, bho ānanda! Yāvañcidaṃ tena bhagavatā jānatā passatā arahatā sammāsambuddhena cattāri anassāsikāneva brahmacariyāni anassāsikāni brahmacariyānīti akkhātāni yattha viññū puriso sasakkaṃ brahmacariyaṃ na vaseyya, vasanto ca nārādheyya ñāyaṃ dhammaṃ kusalaṃ. So pana, bho ānanda, satthā kiṃ vādī kiṃ akkhāyī yattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusala’’nti.
233. ‘‘ид̇ха, санд̣̇ага, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа…бз… 23 со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. яасмим̣ ко 24, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
233. ‘‘Idha, sandaka, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā…pe… 25 so ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Yasmiṃ kho 26, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘буна жабарам̣, санд̣̇ага, бхигку вид̇аггавижаараанам̣ вуубасамаа…бз... д̣̇уд̇ияам̣ жхаанам̣ убасамбаж̇ж̇а вихарад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
‘‘Puna caparaṃ, sandaka, bhikkhu vitakkavicārānaṃ vūpasamā…pe... dutiyaṃ jhānaṃ upasampajja viharati. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘буна жабарам̣, санд̣̇ага, бхигку бийд̇ияаа жа вирааг̇аа убзгкаго жа вихарад̇и…бз… д̇ад̇ияам̣ жхаанам̣ убасамбаж̇ж̇а вихарад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
‘‘Puna caparaṃ, sandaka, bhikkhu pītiyā ca virāgā upekkhako ca viharati…pe… tatiyaṃ jhānaṃ upasampajja viharati. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘буна жабарам̣, санд̣̇ага, бхигку сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
‘‘Puna caparaṃ, sandaka, bhikkhu sukhassa ca pahānā…pe… catutthaṃ jhānaṃ upasampajja viharati. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з…бз… яат̇аагаммуубаг̇з сад̇д̇з баж̇аанаад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусалам̣.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate…pe… yathākammūpage satte pajānāti. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusalaṃ.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. яасмим̣ ко, санд̣̇ага, сад̇т̇ари сааваго зваруубам̣ ул̣аарависзсам̣ ад̇хиг̇ажчад̇и д̇ад̇т̇а вин̃н̃уу бурисо сасаггам̣ б̣рахмажарияам̣ васзяяа, васанд̇о жа аараад̇хзяяа н̃ааяам̣ д̇хаммам̣ гусала’’нд̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; ‘ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Yasmiṃ kho, sandaka, satthari sāvako evarūpaṃ uḷāravisesaṃ adhigacchati tattha viññū puriso sasakkaṃ brahmacariyaṃ vaseyya, vasanto ca ārādheyya ñāyaṃ dhammaṃ kusala’’nti.
234. ‘‘яо бана со, бхо аананд̣̇а, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о барибхун̃ж̇зяяа со гаамз’’д̇и? ‘‘яо со, санд̣̇ага, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о абхаб̣б̣о со бан̃жадтаанаани аж̇жхаажарид̇ум̣. абхаб̣б̣о кийн̣аасаво бхигку сан̃жижжа баан̣ам̣ ж̇ийвид̇аа воробзд̇ум̣, абхаб̣б̣о кийн̣аасаво бхигку ад̣̇иннам̣ т̇зяяасан̇каад̇ам̣ аад̣̇аад̇ум̣, абхаб̣б̣о кийн̣аасаво бхигку мзт̇унам̣ д̇хаммам̣ бадисзвзд̇ум̣, абхаб̣б̣о кийн̣аасаво бхигку самбаж̇аанамусаа бхаасид̇ум̣, абхаб̣б̣о кийн̣аасаво бхигку саннид̇хигаарагам̣ гаамз барибхун̃ж̇ид̇ум̣, сзяяат̇ааби буб̣б̣з аг̇аарияабхууд̇о. яо со, санд̣̇ага, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о абхаб̣б̣о со имаани бан̃жадтаанаани аж̇жхаажарид̇у’’нд̇и.
234. ‘‘Yo pana so, bho ānanda, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto paribhuñjeyya so kāme’’ti? ‘‘Yo so, sandaka, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto abhabbo so pañcaṭṭhānāni ajjhācarituṃ. Abhabbo khīṇāsavo bhikkhu sañcicca pāṇaṃ jīvitā voropetuṃ, abhabbo khīṇāsavo bhikkhu adinnaṃ theyyasaṅkhātaṃ ādātuṃ, abhabbo khīṇāsavo bhikkhu methunaṃ dhammaṃ paṭisevetuṃ, abhabbo khīṇāsavo bhikkhu sampajānamusā bhāsituṃ, abhabbo khīṇāsavo bhikkhu sannidhikārakaṃ kāme paribhuñjituṃ, seyyathāpi pubbe agāriyabhūto. Yo so, sandaka, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto abhabbo so imāni pañcaṭṭhānāni ajjhācaritu’’nti.
235. ‘‘яо бана со, бхо аананд̣̇а, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о д̇асса жарад̇о жзва д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇ам̣ – ‘кийн̣аа мз аасаваа’’’д̇и? ‘‘д̇зна хи, санд̣̇ага, убамам̣ д̇з гариссаами; убамааяабид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. сзяяат̇ааби, санд̣̇ага, бурисасса хад̇т̇абаад̣̇аа чиннаа; д̇асса жарад̇о жзва д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ (ж̇аанаад̇и – ‘чиннаа мз хад̇т̇абаад̣̇аа’д̇и, уд̣̇ааху бажжавзгкамаано ж̇аанаад̇и – ‘чиннаа мз хад̇т̇абаад̣̇аа’’’д̇и? ‘‘на ко, бхо аананд̣̇а, со бурисо сад̇ад̇ам̣ самид̇ам̣ ж̇аанаад̇и – ‘чиннаа мз хад̇т̇абаад̣̇аа’ д̇и.) 27 аби жа ко бана нам̣ бажжавзгкамаано ж̇аанаад̇и – ‘чиннаа мз хад̇т̇абаад̣̇аа’’’д̇и. ‘‘звамзва ко, санд̣̇ага, яо со бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о д̇асса жарад̇о жзва д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ (н̃аан̣ад̣̇ассанам̣ на бажжубадтид̇ам̣ – ‘кийн̣аа мз аасаваа’д̇и;) 28 аби жа ко бана нам̣ бажжавзгкамаано ж̇аанаад̇и – ‘кийн̣аа мз аасаваа’’’д̇и.
235. ‘‘Yo pana so, bho ānanda, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa carato ceva tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitaṃ – ‘khīṇā me āsavā’’’ti? ‘‘Tena hi, sandaka, upamaṃ te karissāmi; upamāyapidhekacce viññū purisā bhāsitassa atthaṃ ājānanti. Seyyathāpi, sandaka, purisassa hatthapādā chinnā; tassa carato ceva tiṭṭhato ca suttassa ca jāgarassa ca satataṃ samitaṃ (jānāti – ‘chinnā me hatthapādā’ti, udāhu paccavekkhamāno jānāti – ‘chinnā me hatthapādā’’’ti? ‘‘Na kho, bho ānanda, so puriso satataṃ samitaṃ jānāti – ‘chinnā me hatthapādā’ ti.) 29 Api ca kho pana naṃ paccavekkhamāno jānāti – ‘chinnā me hatthapādā’’’ti. ‘‘Evameva kho, sandaka, yo so bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto tassa carato ceva tiṭṭhato ca suttassa ca jāgarassa ca satataṃ samitaṃ (ñāṇadassanaṃ na paccupaṭṭhitaṃ – ‘khīṇā me āsavā’ti;) 30 api ca kho pana naṃ paccavekkhamāno jānāti – ‘khīṇā me āsavā’’’ti.
236. ‘‘гийваб̣ахугаа бана, бхо аананд̣̇а, имасмим̣ д̇хаммавинаяз нияяаад̇ааро’’д̇и? ‘‘на ко, санд̣̇ага, згам̣язва сад̇ам̣ на д̣̇вз сад̇аани на д̇ийн̣и сад̇аани на жад̇д̇аари сад̇аани на бан̃жа сад̇аани, ат̇а ко бхияяова яз имасмим̣ д̇хаммавинаяз нияяаад̇ааро’’д̇и. ‘‘ажчарияам̣, бхо аананд̣̇а, аб̣бхуд̇ам̣, бхо аананд̣̇а! на жа наама сад̇хаммоггам̣санаа бхависсад̇и, на барад̇хаммавамбханаа, ааяад̇анз жа д̇хаммад̣̇зсанаа д̇аава б̣ахугаа жа нияяаад̇ааро бан̃н̃ааяиссанд̇и. имз банааж̇ийвагаа буд̇д̇амад̇ааяа буд̇д̇аа ад̇д̇аанан̃жзва уггам̣сзнд̇и, барз жа вамбхзнд̇и д̇аяо жзва нияяаад̇ааро бан̃н̃абзнд̇и, сзяяат̇ид̣̇ам̣ – нанд̣̇ам̣ важчам̣, гисам̣ сам̣гижжам̣, магкалим̣ г̇осаала’’нд̇и. ат̇а ко санд̣̇аго бариб̣б̣ааж̇аго сагам̣ барисам̣ ааманд̇зси – ‘‘жаранд̇у бхонд̇о саман̣з г̇од̇амз б̣рахмажарияаваасо. на д̣̇аани сугарам̣ амхзхи лаабхасаггаарасилогз барижжаж̇ид̇у’’нд̇и. ид̇и хид̣̇ам̣ санд̣̇аго бариб̣б̣ааж̇аго сагам̣ барисам̣ уяяож̇зси бхаг̇авад̇и б̣рахмажариязд̇и.
236. ‘‘Kīvabahukā pana, bho ānanda, imasmiṃ dhammavinaye niyyātāro’’ti? ‘‘Na kho, sandaka, ekaṃyeva sataṃ na dve satāni na tīṇi satāni na cattāri satāni na pañca satāni, atha kho bhiyyova ye imasmiṃ dhammavinaye niyyātāro’’ti. ‘‘Acchariyaṃ, bho ānanda, abbhutaṃ, bho ānanda! Na ca nāma sadhammokkaṃsanā bhavissati, na paradhammavambhanā, āyatane ca dhammadesanā tāva bahukā ca niyyātāro paññāyissanti. Ime panājīvakā puttamatāya puttā attānañceva ukkaṃsenti, pare ca vambhenti tayo ceva niyyātāro paññapenti, seyyathidaṃ – nandaṃ vacchaṃ, kisaṃ saṃkiccaṃ, makkhaliṃ gosāla’’nti. Atha kho sandako paribbājako sakaṃ parisaṃ āmantesi – ‘‘carantu bhonto samaṇe gotame brahmacariyavāso. Na dāni sukaraṃ amhehi lābhasakkārasiloke pariccajitu’’nti. Iti hidaṃ sandako paribbājako sakaṃ parisaṃ uyyojesi bhagavati brahmacariyeti.
санд̣̇агасуд̇д̇ам̣ нидтид̇ам̣ чадтам̣.
Sandakasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. санд̣̇агасуд̇д̇аван̣н̣анаа • 6. Sandakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. санд̣̇агасуд̇д̇аван̣н̣анаа • 6. Sandakasuttavaṇṇanā
