| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. санд̣̇агасуд̇д̇аван̣н̣анаа
6. Sandakasuttavaṇṇanā
223. д̣̇звзна вассзна гад̇о соб̣бхо д̣̇звагад̇асоб̣бхо. д̇знааха ‘‘вассо…бз… рахад̣̇о’’д̇и. г̇ухаад̇и бам̣суг̇ухаа баасаан̣аг̇ухаа миссагаг̇ухаад̇и д̇иссо г̇ухаа. д̇ад̇т̇а бам̣суг̇ухаа уд̣̇агамуд̇д̇адтаанз ахоси ниннадтаанам̣ бана уд̣̇агзна аж̇жход̇т̇ад̇ам̣. уман̇г̇ам̣ гад̇ваад̇и хздтаа суд̣̇уг̇г̇ам̣ гад̇ваа. анамад̇аг̇г̇ияам̣ бажжавзгкид̇ваад̇и ‘‘на ко со сад̇д̇ааваасо сулабхаруубо, яо иминаа д̣̇ийгхзна ад̣̇д̇хунаа анаавудтабуб̣б̣о’’д̇иаад̣̇инаа (ма. ни. 1.160) ид̣̇ан̃жа д̇ал̣аагам̣ маяаа вуд̇т̇абуб̣б̣ам̣ бхависсад̇и, д̇амби таанам̣ со жа ад̇д̇абхааво абан̃н̃ад̇д̇игабхаавам̣ г̇ад̇од̇и звам̣ анамад̇аг̇г̇ияам̣ бажжавзгкид̇ваа д̇аад̣̇исам̣ таанам̣ г̇анд̇ум̣ ваддад̇и. иминаа наязна самуд̣̇д̣̇абаб̣б̣ад̇ад̣̇ассанаад̣̇ийсуби бажжавзгкан̣аавид̇хи взд̣̇ид̇аб̣б̣о.
223. Devena vassena kato sobbho devakatasobbho. Tenāha ‘‘vasso…pe… rahado’’ti. Guhāti paṃsuguhā pāsāṇaguhā missakaguhāti tisso guhā. Tattha paṃsuguhā udakamuttaṭṭhāne ahosi ninnaṭṭhānaṃ pana udakena ajjhotthataṃ. Umaṅgaṃ katvāti heṭṭhā suduggaṃ katvā. Anamataggiyaṃpaccavekkhitvāti ‘‘na kho so sattāvāso sulabharūpo, yo iminā dīghena addhunā anāvuṭṭhapubbo’’tiādinā (ma. ni. 1.160) idañca taḷākaṃ mayā vutthapubbaṃ bhavissati, tampi ṭhānaṃ so ca attabhāvo apaññattikabhāvaṃ gatoti evaṃ anamataggiyaṃ paccavekkhitvā tādisaṃ ṭhānaṃ gantuṃ vaṭṭati. Iminā nayena samuddapabbatadassanādīsupi paccavekkhaṇāvidhi veditabbo.
ужжам̣ над̣̇амаанааяаад̇и ужжам̣ гад̇ваа сад̣̇д̣̇ам̣ гаронд̇ияаа гаамассаад̣̇абхавассаад̣̇аад̣̇ивад̇т̇унд̇и ‘‘аяан̃жа аяан̃жа гаамо идто ганд̇о манаабо, асуго бхаво идто ганд̇о манаабо, звамаяам̣ лого биязхи бияад̇аро’’д̇и звам̣ гаамассаад̣̇абхавассаад̣̇алогассаад̣̇аад̣̇исан̇каад̇ам̣ вад̇т̇ум̣. д̣̇уг̇г̇ад̇ид̇о сам̣саарад̇о жа нияяаад̇и зд̇знаад̇и нияяаанам̣, саг̇г̇амаг̇г̇о могкамаг̇г̇о жа, д̇ам̣ нияяаанам̣ арахад̇и, нияяаанз ваа нияуд̇д̇аад̇и нияяаанигаа, нияяаанам̣ ваа палам̣ зд̇иссаа ад̇т̇ийд̇и нияяаанигаа, важийд̣̇ужжарид̇аад̣̇исам̣гилзсад̇о нияяаад̇ийд̇и ваа нияяаанийяаа, ий-гаарасса рассад̇д̇ам̣ яа-гаарасса жа га-гаарам̣ гад̇ваа нияяаанигаа, жзд̇анааяа сад̣̇д̇хим̣ сампаббалаабаа взраман̣и. д̇аббадибагкад̇о анияяаанигаа, д̇ассаа бхааво анияяаанигад̇д̇ам̣, д̇асмаа анияяаанигад̇д̇аа. д̇иражчаанабхууд̇аад̇и д̇ирогаран̣абхууд̇аа. г̇зхассид̇агат̇аад̇и гаамабадисам̣яуд̇д̇агат̇аа. гаммадтаанабхаавзд̇и анижжад̇аабадисам̣яуд̇д̇ажад̇усажжагаммадтаанабхаавз. саха ад̇т̇знаад̇и саад̇т̇агам̣, хид̇абадисам̣яуд̇д̇анд̇и ад̇т̇о. висикаад̇и гхарасаннивзсо, висикааг̇ахан̣зна жа д̇анниваасино г̇ахид̇аа ‘‘г̇аамо ааг̇ад̇о’’д̇иаад̣̇ийсу (саарад̇т̇а. дий. 1.аажарияабарамбарагат̇ааван̣н̣анаа) вияа. д̇знзвааха ‘‘суураа самад̇т̇аа’’д̇и ‘‘сад̣̇д̇хаа басаннаа’’д̇и жа. гумбхадтаанаббад̣̇зсзна гумбхад̣̇аасияо вуд̇д̇аад̇и ааха ‘‘гумбхад̣̇аасигат̇аа ваа’’д̇и.
Uccaṃ nadamānāyāti uccaṃ katvā saddaṃ karontiyā kāmassādabhavassādādivatthunti ‘‘ayañca ayañca kāmo iṭṭho kanto manāpo, asuko bhavo iṭṭho kanto manāpo, evamayaṃ loko piyehi piyataro’’ti evaṃ kāmassādabhavassādalokassādādisaṅkhātaṃ vatthuṃ. Duggatito saṃsārato ca niyyāti etenāti niyyānaṃ, saggamaggo mokkhamaggo ca, taṃ niyyānaṃ arahati, niyyāne vā niyuttāti niyyānikā, niyyānaṃ vā phalaṃ etissā atthīti niyyānikā, vacīduccaritādisaṃkilesato niyyātīti vā niyyānīyā, ī-kārassa rassattaṃ ya-kārassa ca ka-kāraṃ katvā niyyānikā, cetanāya saddhiṃ samphappalāpā veramaṇi. Tappaṭipakkhato aniyyānikā, tassā bhāvo aniyyānikattaṃ, tasmā aniyyānikattā. Tiracchānabhūtāti tirokaraṇabhūtā. Gehassitakathāti kāmapaṭisaṃyuttakathā. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve. Saha atthenāti sātthakaṃ, hitapaṭisaṃyuttanti attho. Visikhāti gharasanniveso, visikhāgahaṇena ca tannivāsino gahitā ‘‘gāmo āgato’’tiādīsu (sārattha. ṭī. 1.ācariyaparamparakathāvaṇṇanā) viya. Tenevāha ‘‘sūrā samatthā’’ti ‘‘saddhā pasannā’’ti ca. Kumbhaṭṭhānappadesena kumbhadāsiyo vuttāti āha ‘‘kumbhadāsikathā vā’’ti.
228. вохааро вияа д̇зсам̣ д̇ат̇аа вохаарамад̇д̇ам̣ г̇ахзд̇ваа вуд̇д̇ам̣ ‘‘б̣рахмажарияаваасз’’д̇и. агад̇аад̇и самзна, висамзна ваа гзнажи хзд̇унаа на гад̇аа на вихид̇аа. гад̇авид̇хо гаран̣авид̇хи над̇т̇и зд̇зсанд̇и агадавид̇хаа. бад̣̇ад̣̇ваязнаби логз гзнажи хзд̇убажжаязна нзсам̣ аниб̣б̣ад̇д̇ад̇ам̣ д̣̇ассзд̇и. ид̣̇д̇хияааби на ниммид̇аад̇и гассажи ид̣̇д̇химад̇о жзд̇овасиббад̇д̇асса д̣̇звасса, иссараад̣̇ино ваа ид̣̇д̇хияааби на ниммид̇аа. аниммаад̇аад̇и гассажи аниммаабид̇аа. руубаад̣̇иж̇анагабхааванд̇и руубасад̣̇д̣̇аад̣̇ийнам̣ бажжаяабхаавам̣, руубаад̣̇аяоби бат̇авияаад̣̇ийхи аббадиб̣ад̣̇д̇хавуд̇д̇игаад̇и д̇асса ад̇хиббааяо. яат̇аа баб̣б̣ад̇агуудам̣ гзнажи аниб̣б̣ад̇д̇ид̇ам̣ гассажи жа аниб̣б̣ад̇д̇анагам̣, звамзд̇збийд̇и ааха ‘‘баб̣б̣ад̇агуудаа вияа тид̇аад̇и гуудадтаа’’д̇и. яамид̣̇ам̣ б̣ийж̇ад̇о ан̇гураад̣̇и ж̇ааяад̇ийд̇и вужжад̇и, д̇ам̣ виж̇ж̇амаанамзва д̇ад̇о нигкамад̇и наавиж̇ж̇амаанам̣, ан̃н̃ат̇аа ан̃н̃ад̇оби ан̃н̃асса убалад̣̇д̇хи сияаад̇и ад̇хиббааяо. звам̣ тид̇аад̇и звам̣ ниб̣б̣игаараа тид̇аа. убхаязнабийд̇и ад̇т̇ад̣̇ваязнабийд̇и вад̣̇анд̇и. ‘‘гуудадтаа зсигадтааяидтид̇аа’’д̇и бад̣̇ад̣̇ваязнаби. д̇зсам̣ сад̇д̇аннам̣ гааяаанам̣. тид̇ад̇д̇аад̇и ниб̣б̣игаараабхаавзна тид̇ад̇д̇аа. на жаланд̇ийд̇и вигаарам̣ наабаж̇ж̇анд̇и. вигаараабхаавад̇о хи д̇зсам̣ сад̇д̇аннам̣ гааяаанам̣ зсигадтааяидтид̇ад̇аа. анин̃ж̇анан̃жа ад̇т̇ад̇о багад̇ияаа авадтаанамзваад̇и д̣̇ассзд̇ум̣ ‘‘на вибарин̣аамзнд̇ий’’д̇и вуд̇д̇ам̣. д̇ат̇аа авибарин̣аамад̇хаммад̇д̇аа зва д̇з ан̃н̃аман̃н̃ам̣ на б̣яааб̣аад̇хзнд̇и. сад̇и хи вигаарам̣ аабаад̣̇зд̇аб̣б̣ад̇ааяа б̣яааб̣аад̇хагад̇ааби сияаа, д̇ат̇аа ануг̇г̇ахзд̇аб̣б̣ад̇ааяа ануг̇г̇аахагад̇аад̇и д̇ад̣̇абхаавам̣ д̣̇ассзд̇ум̣ баал̣ияам̣ ‘‘наала’’нд̇иаад̣̇и вуд̇д̇ам̣.
228. Vohāro viya tesaṃ tathā vohāramattaṃ gahetvā vuttaṃ ‘‘brahmacariyavāse’’ti. Akatāti samena, visamena vā kenaci hetunā na katā na vihitā. Katavidho karaṇavidhi natthi etesanti akaṭavidhā. Padadvayenapi loke kenaci hetupaccayena nesaṃ anibbattataṃ dasseti. Iddhiyāpi na nimmitāti kassaci iddhimato cetovasippattassa devassa, issarādino vā iddhiyāpi na nimmitā. Animmātāti kassaci animmāpitā. Rūpādijanakabhāvanti rūpasaddādīnaṃ paccayabhāvaṃ, rūpādayopi pathaviyādīhi appaṭibaddhavuttikāti tassa adhippāyo. Yathā pabbatakūṭaṃ kenaci anibbattitaṃ kassaci ca anibbattanakaṃ, evametepīti āha ‘‘pabbatakūṭā viya ṭhitāti kūṭaṭṭhā’’ti. Yamidaṃ bījato aṅkurādi jāyatīti vuccati, taṃ vijjamānameva tato nikkhamati nāvijjamānaṃ, aññathā aññatopi aññassa upaladdhi siyāti adhippāyo. Evaṃ ṭhitāti evaṃ nibbikārā ṭhitā. Ubhayenapīti atthadvayenapīti vadanti. ‘‘Kūṭaṭṭhā esikaṭṭhāyiṭṭhitā’’ti padadvayenapi. Tesaṃ sattannaṃ kāyānaṃ. Ṭhitattāti nibbikārābhāvena ṭhitattā. Na calantīti vikāraṃ nāpajjanti. Vikārābhāvato hi tesaṃ sattannaṃ kāyānaṃ esikaṭṭhāyiṭṭhitatā. Aniñjanañca atthato pakatiyā avaṭṭhānamevāti dassetuṃ ‘‘na vipariṇāmentī’’ti vuttaṃ. Tathā avipariṇāmadhammattā eva te aññamaññaṃ na byābādhenti. Sati hi vikāraṃ āpādetabbatāya byābādhakatāpi siyā, tathā anuggahetabbatāya anuggāhakatāti tadabhāvaṃ dassetuṃ pāḷiyaṃ ‘‘nāla’’ntiādi vuttaṃ.
бат̇авий зва гааязгад̣̇зсад̇д̇аа бат̇авийгааяо. ханд̇ум̣ ваа гхаад̇зд̇ум̣ ваа самад̇т̇о наама над̇т̇и ж̇ийвасад̇д̇амаанам̣ гааяаанам̣ нижжад̇ааяа ниб̣б̣игаарабхаавад̇о, зд̇знзва нзсамаханд̇аб̣б̣ад̇аа агхаад̇зд̇аб̣б̣ад̇аа ад̇т̇ад̇о вуд̇д̇ааязваад̇и д̣̇адтаб̣б̣аа. д̇ат̇аа хи вуд̇д̇ам̣ ‘‘сад̇д̇аннам̣д̇взва гааяаана’’нд̇иаад̣̇и. сод̇ум̣ ваа саавзд̇ум̣ ваа самад̇т̇о наама над̇т̇ийд̇и бажжзгам̣ нзсам̣ саванзсу асамад̇т̇ад̇д̇аа д̇ад̣̇згад̣̇зсаад̣̇ийсуби асамад̇т̇ад̇ам̣ д̣̇ийбзд̇и. яад̣̇и гожи ханд̇аа над̇т̇и, гат̇ам̣ сад̇т̇аббахаарод̇и ааха ‘‘яат̇аа муг̇г̇араасиаад̣̇ийсуу’’д̇иаад̣̇и. гзвалам̣ сан̃н̃аамад̇д̇амзва ход̇и, хананагхаад̇анаад̣̇и бана барамад̇т̇ад̇о над̇т̇зва гааяаанам̣ авигобанийяабхаавад̇од̇и ад̇хиббааяо. гзвалам̣ д̇аггамад̇д̇зна нирад̇т̇агам̣ д̣̇идтим̣ д̣̇ийбзд̇ийд̇и зд̇зна яасмаа д̇аггигаа ниран̇гусад̇ааяа баригаббанасса яам̣ гин̃жи ад̇д̇анаа баригаббид̇ам̣ саарад̇о ман̃н̃амаанаа д̇ат̇зва абхинивисса д̇аггад̣̇идтиг̇г̇аахам̣ г̇ан̣ханд̇и, д̇асмаа на д̇зсам̣ д̣̇идтивад̇т̇усмим̣ вин̃н̃уухи вижааран̣аа гад̇д̇аб̣б̣аад̇и д̣̇ассзд̇и. гзжийд̇и саарасамаасаажарияаа. бан̃жинд̣̇рияавасзнаад̇и бан̃жаруубинд̣̇рияавасзна. гамманд̇и лад̣̇д̇хи гаммабхаавзна субаагадад̇д̇аа. аван̇гагат̇аад̇ааран̣аад̣̇игаа д̣̇ваасадти бадибад̣̇аа. згасмим̣ габбзд̇и згасмим̣ махаагаббз.
Pathavī eva kāyekadesattā pathavīkāyo. Hantuṃ vā ghātetuṃ vā samattho nāma natthi jīvasattamānaṃ kāyānaṃ niccatāya nibbikārabhāvato, eteneva nesamahantabbatā aghātetabbatā atthato vuttāyevāti daṭṭhabbā. Tathā hi vuttaṃ ‘‘sattannaṃtveva kāyāna’’ntiādi. Sotuṃ vā sāvetuṃ vā samattho nāma natthīti paccekaṃ nesaṃ savanesu asamatthattā tadekadesādīsupi asamatthataṃ dīpeti. Yadi koci hantā natthi, kathaṃ satthappahāroti āha ‘‘yathā muggarāsiādīsū’’tiādi. Kevalaṃ saññāmattameva hoti, hananaghātanādi pana paramatthato nattheva kāyānaṃ avikopanīyabhāvatoti adhippāyo. Kevalaṃ takkamattena niratthakaṃ diṭṭhiṃ dīpetīti etena yasmā takkikā niraṅkusatāya parikappanassa yaṃ kiñci attanā parikappitaṃ sārato maññamānā tatheva abhinivissa takkadiṭṭhiggāhaṃ gaṇhanti, tasmā na tesaṃ diṭṭhivatthusmiṃ viññūhi vicāraṇā kattabbāti dasseti. Kecīti sārasamāsācariyā. Pañcindriyavasenāti pañcarūpindriyavasena. Kammanti laddhi kammabhāvena supākaṭattā. Avaṅkakathātāraṇādikā dvāsaṭṭhi paṭipadā. Ekasmiṃ kappeti ekasmiṃ mahākappe.
бурисабхуумияод̇и бад̇хаанабуг̇г̇алзна нид̣̇д̣̇зсо, ид̇т̇ийнамбзд̇аа бхуумияо ижчанд̇зва. бхигку жа баннагод̇иаад̣̇и д̇зсам̣ баал̣иязва. д̇ад̇т̇а баннагод̇и бхигкааяа вижаран̣агод̇и вад̣̇анд̇и, д̇зсам̣ ваа бадибад̇д̇им̣ бадибаннаго. ж̇инод̇и ж̇ин̣н̣о, ж̇араавасзна нихийнад̇хаад̇угод̇и вад̣̇анд̇и, ад̇д̇ано ваа бадибад̇д̇ияаа бадибагкам̣ ж̇инид̇ваа тид̇о. со гира д̇ат̇аабхууд̇о гассажиби д̇хаммам̣ на гат̇зд̇и, д̇знааха ‘‘на гин̃жи аахаа’’д̇и. алаабхинд̇и ‘‘со на гумбхимукаа бадиг̇г̇ан̣хад̇ий’’д̇иаад̣̇инаа (д̣̇ий. ни. 1.394) наязна вуд̇д̇аалаабхахзд̇усамааяог̇зна алаабхим̣. д̇ад̇о зва ж̇игхажчаад̣̇уб̣б̣алабарзд̇ад̇ааяа саяанабарааяан̣ам̣ саман̣ам̣ баннабхуумийд̇и вад̣̇ад̇и.
Purisabhūmiyoti padhānapuggalena niddeso, itthīnampetā bhūmiyo icchanteva. Bhikkhu ca pannakotiādi tesaṃ pāḷiyeva. Tattha pannakoti bhikkhāya vicaraṇakoti vadanti, tesaṃ vā paṭipattiṃ paṭipannako. Jinoti jiṇṇo, jarāvasena nihīnadhātukoti vadanti, attano vā paṭipattiyā paṭipakkhaṃ jinitvā ṭhito. So kira tathābhūto kassacipi dhammaṃ na katheti, tenāha ‘‘na kiñci āhā’’ti. Alābhinti ‘‘so na kumbhimukhā paṭiggaṇhatī’’tiādinā (dī. ni. 1.394) nayena vuttaalābhahetusamāyogena alābhiṃ. Tato eva jighacchādubbalaparetatāya sayanaparāyaṇaṃ samaṇaṃ pannabhūmīti vadati.
ааж̇ийвавуд̇д̇исад̇аанийд̇и сад̇д̇аанам̣ ааж̇ийвабхууд̇аани ж̇ийвигаавуд̇д̇исад̇аани. басуг̇г̇ахан̣зна зл̣агаж̇аад̇и г̇ахид̇аа, миг̇аг̇г̇ахан̣зна руруг̇аваяаад̣̇исаб̣б̣амиг̇аж̇аад̇и. б̣ахуу д̣̇зваад̇и жаад̇умахаарааж̇игаад̣̇иб̣рахмагааяигаад̣̇ивасзна нзсам̣ анд̇арабхзд̣̇авасзна б̣ахуу д̣̇зваа. д̇ад̇т̇а жаад̇умахаарааж̇игаанам̣ згажжо анд̇арабхзд̣̇о ‘‘махаасамаяасуд̇д̇зна’’ (д̣̇ий. ни. 2.331 аад̣̇аяо) д̣̇ийбзд̇аб̣б̣о. маанусааби ананд̇аад̇и д̣̇ийбад̣̇зсагулавам̣сааж̇ийваад̣̇ивибхааг̇авасзна маанусааби ананд̇абхзд̣̇аа. бисаажаа зва бзсаажаа, д̇з абарабзд̇аад̣̇аяо маханд̇аа взд̣̇ид̇аб̣б̣аа.
Ājīvavuttisatānīti sattānaṃ ājīvabhūtāni jīvikāvuttisatāni. Pasuggahaṇena eḷakajāti gahitā, migaggahaṇena rurugavayādisabbamigajāti. Bahū devāti cātumahārājikādibrahmakāyikādivasena nesaṃ antarabhedavasena bahū devā. Tattha cātumahārājikānaṃ ekacco antarabhedo ‘‘mahāsamayasuttena’’ (dī. ni. 2.331 ādayo) dīpetabbo. Mānusāpi anantāti dīpadesakulavaṃsājīvādivibhāgavasena mānusāpi anantabhedā. Pisācā eva pesācā, te aparapetādayo mahantā veditabbā.
чад̣̇д̣̇анд̇ад̣̇ахаманд̣̇аагинияо гул̣ийрамужалинд̣̇анаамзна вад̣̇ад̇и. г̇ан̣тигаад̇и баб̣б̣аг̇ан̣тигаа. бан̣д̣ид̇оби…бз… уд̣̇д̇хам̣ на г̇ажчад̇и, гасмаа? сад̇д̇аанам̣ сам̣саран̣агааласса нияад̇абхаавад̇о.
Chaddantadahamandākiniyo kuḷīramucalindanāmena vadati. Gaṇṭhikāti pabbagaṇṭhikā. Paṇḍitopi…pe… uddhaṃ na gacchati, kasmā? Sattānaṃ saṃsaraṇakālassa niyatabhāvato.
абарибаггам̣ сам̣саран̣анимид̇д̇ам̣ сийлаад̣̇инаа барибаажзд̇и наама сийгхам̣язва висуд̣̇д̇хиббад̇д̇ияаа. барибаггам̣ пусса пусса бад̇ваа бад̇ваа барибаггабхааваабаад̣̇анзна б̣яанд̇им̣ гарод̇и наама. суд̇д̇аг̇ул̣зд̇и суд̇д̇аваддияам̣. ниб̣б̣зтияамаанамзва балзд̇ийд̇и убамааяа сад̇д̇аанам̣ сам̣сааро ануггамзна кийяад̇зва, на д̇асса вад̣̇д̇хийд̇и д̣̇ассзд̇и барижчиннаруубад̇д̇аа.
Aparipakkaṃ saṃsaraṇanimittaṃ sīlādinā paripāceti nāma sīghaṃyeva visuddhippattiyā. Paripakkaṃ phussa phussa patvā patvā paripakkabhāvāpādanena byantiṃ karoti nāma. Suttaguḷeti suttavaṭṭiyaṃ. Nibbeṭhiyamānameva paletīti upamāya sattānaṃ saṃsāro anukkamena khīyateva, na tassa vaddhīti dasseti paricchinnarūpattā.
229. нияад̇иваад̣̇з багкибанд̇од̇и саб̣б̣ан̃н̃уд̇ам̣ бадиж̇аанид̇вааби бад̣̇зсан̃н̃уд̇ааяа асамбааяамаано д̇ад̇т̇а ад̇д̇ано ан̃н̃аан̣агирияам̣ барихарид̇ум̣ асаггонд̇о жа ‘‘звамзсаа нияад̇ий’’д̇и нияад̇иваад̣̇з багкибанд̇о.
229.Niyativāde pakkhipantoti sabbaññutaṃ paṭijānitvāpi padesaññutāya asampāyamāno tattha attano aññāṇakiriyaṃ pariharituṃ asakkonto ca ‘‘evamesā niyatī’’ti niyativāde pakkhipanto.
230. д̇хаммагат̇ааяа абассаяабхууд̇о ануссаво зд̇асса ад̇т̇ийд̇и ануссавий, д̇знзвасса абассаяаваад̣̇ам̣ д̣̇ассзд̇ум̣ ‘‘ануссаваниссид̇о’’д̇и ааха. саванам̣ сажжад̇од̇и яам̣ гин̃жи ануссавам̣, д̇ам̣ саванам̣ сажжанд̇и г̇ахзд̇ваа тид̇о. бидагасамбад̣̇ааяаад̇и г̇ант̇асамбаад̣̇анзна, д̇аад̣̇исам̣ г̇ант̇ам̣ баг̇ун̣ам̣ ваажуг̇г̇ад̇ам̣ гад̇ваа д̇ам̣ ниссааяа д̇хаммам̣ гат̇зд̇и. д̇знааха ‘‘ваг̇г̇абан̣н̣аасагааяаа’’д̇иаад̣̇и.
230. Dhammakathāya apassayabhūto anussavo etassa atthīti anussavī, tenevassa apassayavādaṃ dassetuṃ ‘‘anussavanissito’’ti āha. Savanaṃ saccatoti yaṃ kiñci anussavaṃ, taṃ savanaṃ saccanti gahetvā ṭhito. Piṭakasampadāyāti ganthasampādanena, tādisaṃ ganthaṃ paguṇaṃ vācuggataṃ katvā taṃ nissāya dhammaṃ katheti. Tenāha ‘‘vaggapaṇṇāsakāyā’’tiādi.
232. манд̣̇абан̃н̃од̇и барид̇д̇абан̃н̃о. момууход̇и саммуяхаго. ‘‘званд̇иби мз но’’д̇иаад̣̇инаа вивид̇хо наанаббагааро кзбо ваажааяа бараваад̣̇аанам̣ кийбанам̣ ваажаавигкзбо, д̇ам̣ ваажаавигкзбам̣, на марад̇и на бажчиж̇ж̇ад̇и яат̇аавуд̇д̇о ваад̣̇авигкзбо зд̇ааяаад̇и амараа, д̇ад̇т̇а бавад̇д̇аа д̣̇идти амараавигкзбо, д̇ам̣ амараавигкзбам̣. абарияанд̇авигкзбанд̇и ‘‘звамби мз но’’д̇иаад̣̇инаа бужчид̇асса абарияосаабанавасзна вигкзбам̣. ид̇о жид̇о жа санд̇хаавад̇и згасмим̣ сабхаавз анавадтаанад̇о. г̇аахам̣ на убаг̇ажчад̇ийд̇и мижчааг̇аахад̇ааяа уд̇д̇аравид̇хаанааяа буримабагкам̣ табзд̇ваа г̇аахам̣ на убаг̇ажчад̇и. амараасад̣̇исааяа амарааяа вигкзбод̇и амараавигкзбо.
232.Mandapaññoti parittapañño. Momūhoti sammuyhako. ‘‘Evantipi me no’’tiādinā vividho nānappakāro khepo vācāya paravādānaṃ khīpanaṃ vācāvikkhepo, taṃ vācāvikkhepaṃ, na marati na pacchijjati yathāvutto vādavikkhepo etāyāti amarā, tattha pavattā diṭṭhi amarāvikkhepo, taṃ amarāvikkhepaṃ. Apariyantavikkhepanti ‘‘evampi me no’’tiādinā pucchitassa apariyosāpanavasena vikkhepaṃ. Ito cito ca sandhāvati ekasmiṃ sabhāve anavaṭṭhānato. Gāhaṃ na upagacchatīti micchāgāhatāya uttaravidhānāya purimapakkhaṃ ṭhapetvā gāhaṃ na upagacchati. Amarāsadisāya amarāya vikkhepoti amarāvikkhepo.
ид̣̇ам̣ гусаланд̇и зд̇т̇а ид̇и-сад̣̇д̣̇о багаарад̇т̇о, иминаа багаарзнаад̇и ад̇т̇о. амараавигкзбиго яат̇аа гусалз, звам̣ ан̃н̃асмим̣ яам̣ гин̃жи гзнажи бужчид̇ам̣ ад̇т̇ам̣ ад̇д̇ано аружжанад̇ааяа ‘‘званд̇иби мз но’’д̇иаад̣̇инаа д̇ад̇т̇а д̇ад̇т̇а вигкзбан̃н̃зва аабаж̇ж̇ад̇и, д̇асмаа ‘‘званд̇иби мз но’’д̇иаад̣̇и д̇ад̇т̇а д̇ад̇т̇а бужчид̇аагаарабадисзд̇ханавасзна вигкибанаагаарад̣̇ассанам̣. нану жзд̇т̇а вигкзбаваад̣̇ино вигкзбабагкасса анануж̇аананам̣ вигкзбабагкз авадтаанам̣ яуд̇д̇анд̇и? на, д̇ад̇т̇ааби д̇асса саммуул̣хасса бадигкзбавасзнзва вигкзбаваад̣̇асса бавад̇д̇анад̇о. д̇зна вуд̇д̇ам̣ ‘‘но’’д̇и. д̇ат̇аа хи сан̃жаяо б̣зладтабуд̇д̇о ран̃н̃аа аж̇аад̇асад̇д̇унаа санд̣̇идтигам̣ сааман̃н̃апалам̣ будто баралогад̇д̇игаад̣̇ийнам̣ бадисзд̇ханамукзна вигкзбам̣ б̣яаагааси.
Idaṃ kusalanti ettha iti-saddo pakārattho, iminā pakārenāti attho. Amarāvikkhepiko yathā kusale, evaṃ aññasmiṃ yaṃ kiñci kenaci pucchitaṃ atthaṃ attano aruccanatāya ‘‘evantipi me no’’tiādinā tattha tattha vikkhepaññeva āpajjati, tasmā ‘‘evantipi me no’’tiādi tattha tattha pucchitākārapaṭisedhanavasena vikkhipanākāradassanaṃ. Nanu cettha vikkhepavādino vikkhepapakkhassa ananujānanaṃ vikkhepapakkhe avaṭṭhānaṃ yuttanti? Na, tatthāpi tassa sammūḷhassa paṭikkhepavaseneva vikkhepavādassa pavattanato. Tena vuttaṃ ‘‘no’’ti. Tathā hi sañcayo belaṭṭhaputto raññā ajātasattunā sandiṭṭhikaṃ sāmaññaphalaṃ puṭṭho paralokattikādīnaṃ paṭisedhanamukhena vikkhepaṃ byākāsi.
зд̇т̇ааха – ‘‘нану жааяам̣ саб̣б̣оби амараавигкзбиго гусалаад̣̇аяо д̇хаммз баралогад̇д̇игаад̣̇ийни жа яат̇аабхууд̇ам̣ анаваб̣уж̇жхамаано д̇ад̇т̇а д̇ад̇т̇а бан̃хам̣ будто самаано бужчааяа вигкзбамад̇д̇ам̣ аабаж̇ж̇ад̇и, д̇асса гат̇ам̣ д̣̇идтиг̇ад̇абхааво. на хи авад̇д̇угаамасса вияа бужчид̇амад̇т̇ам̣ аж̇аананд̇асса вигкзбагаран̣амад̇д̇зна д̇асса д̣̇идтиг̇ад̇игад̇аа яуд̇д̇аа’’д̇и? вужжад̇з – на хзва ко бужчааяа вигкзбагаран̣амад̇д̇зна д̇асса д̣̇идтиг̇ад̇игад̇аа, ат̇а ко мижчаабхинивзсавасзна. сассад̇аабхинивзсзна мижчаабхинивидтоязва хи буг̇г̇ало манд̣̇аб̣уд̣̇д̇хид̇ааяа гусалаад̣̇ид̇хаммз баралогад̇д̇игаад̣̇ийни жа яаат̇аавад̇о аббадибаж̇ж̇амаано ад̇д̇анаа авин̃н̃аад̇асса ад̇т̇асса барам̣ вин̃н̃аабзд̇ум̣ асаггун̣зяяад̇ааяа мусааваад̣̇абхаязна жа вигкзбам̣ аабаж̇ж̇ад̇ийд̇и. ат̇а ваа бун̃н̃абаабаанам̣ д̇аб̣б̣ибаагаанан̃жа анаваб̣од̇хзна асад̣̇д̣̇аханзна жа д̇аб̣б̣исаяааяа бужчааяа вигкзбагаран̣ам̣язва сунд̣̇аранд̇и канд̇им̣ ружим̣ уббаад̣̇зд̇ваа абхинивисанд̇асса уббаннаа висум̣язва саа згаа д̣̇идти сад̇д̇абхан̇г̇ад̣̇идти вияаад̇и д̣̇адтаб̣б̣аа, инд̣̇рияаб̣ад̣̇д̇хад̇о жа д̇ад̇ияадтаанабхаавз д̣̇ассид̇о.
Etthāha – ‘‘nanu cāyaṃ sabbopi amarāvikkhepiko kusalādayo dhamme paralokattikādīni ca yathābhūtaṃ anavabujjhamāno tattha tattha pañhaṃ puṭṭho samāno pucchāya vikkhepamattaṃ āpajjati, tassa kathaṃ diṭṭhigatabhāvo. Na hi avattukāmassa viya pucchitamatthaṃ ajānantassa vikkhepakaraṇamattena tassa diṭṭhigatikatā yuttā’’ti? Vuccate – na heva kho pucchāya vikkhepakaraṇamattena tassa diṭṭhigatikatā, atha kho micchābhinivesavasena. Sassatābhinivesena micchābhiniviṭṭhoyeva hi puggalo mandabuddhitāya kusalādidhamme paralokattikādīni ca yāthāvato appaṭipajjamāno attanā aviññātassa atthassa paraṃ viññāpetuṃ asakkuṇeyyatāya musāvādabhayena ca vikkhepaṃ āpajjatīti. Atha vā puññapāpānaṃ tabbipākānañca anavabodhena asaddahanena ca tabbisayāya pucchāya vikkhepakaraṇaṃyeva sundaranti khantiṃ ruciṃ uppādetvā abhinivisantassa uppannā visuṃyeva sā ekā diṭṭhi sattabhaṅgadiṭṭhi viyāti daṭṭhabbā, indriyabaddhato ca tatiyaṭṭhānabhāve dassito.
234. саннид̇хигаарагам̣ гаамзд̇и зд̇т̇а анинд̣̇рияаб̣ад̣̇д̇хаани ад̇хиббзд̇аанийд̇и д̇илад̇ан̣д̣улаад̣̇иг̇г̇ахан̣ам̣, д̇асса логасса аббасаад̣̇абарихаарад̇т̇ам̣ гад̣̇аажи д̇ан̣д̣уланаал̣иаад̣̇исан̇г̇ахан̣агаран̣ам̣ санд̇хааяа вуд̇д̇ам̣ ‘‘д̇илад̇ан̣д̣улаад̣̇аяо бан̃н̃ааяанд̇ий’’д̇и.
234.Sannidhikārakaṃkāmeti ettha anindriyabaddhāni adhippetānīti tilataṇḍulādiggahaṇaṃ, tassa lokassa appasādaparihāratthaṃ kadāci taṇḍulanāḷiādisaṅgahaṇakaraṇaṃ sandhāya vuttaṃ ‘‘tilataṇḍulādayo paññāyantī’’ti.
236. ааж̇ийвагаа мад̇аа наамаад̇и имз ааж̇ийвагаа саб̣б̣асо саммаабадибад̇д̇ирахид̇аа мижчаа зва жа бадибаж̇ж̇амаанаа ад̇хисийласан̇каад̇асса сийлаж̇ийвид̇асса абхаавзна мад̇аа наама. буд̇д̇амад̇аад̇и мад̇абуд̇д̇аа. саман̣з г̇од̇амз б̣рахмажарияаваасо ад̇т̇ийд̇и саман̣ам̣ зва г̇од̇амам̣ барисуд̣̇д̇хо субарибун̣н̣о д̇аггарасса саммаа д̣̇угкагкаяаавахо б̣рахмажарияаваасо ад̇т̇и. зд̇знзд̇т̇а д̇хаммасуд̇хаммад̇аад̣̇ид̣̇ийбанзна б̣уд̣̇д̇хасуб̣уд̣̇д̇хад̇ан̃жа д̣̇ийбзд̇и, ан̃н̃ад̇т̇а над̇т̇ийд̇и иминаа б̣аахирагзсу д̇асса абхаавам̣. сзсам̣ сувин̃н̃зяяамзва.
236.Ājīvakā matā nāmāti ime ājīvakā sabbaso sammāpaṭipattirahitā micchā eva ca paṭipajjamānā adhisīlasaṅkhātassa sīlajīvitassa abhāvena matā nāma. Puttamatāti mataputtā. Samaṇe gotame brahmacariyavāso atthīti samaṇaṃ eva gotamaṃ parisuddho suparipuṇṇo takkarassa sammā dukkhakkhayāvaho brahmacariyavāso atthi. Etenettha dhammasudhammatādidīpanena buddhasubuddhatañca dīpeti, aññattha natthīti iminā bāhirakesu tassa abhāvaṃ. Sesaṃ suviññeyyameva.
санд̣̇агасуд̇д̇аван̣н̣анааяа лийнад̇т̇аббагаасанаа самад̇д̇аа.
Sandakasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. санд̣̇агасуд̇д̇ам̣ • 6. Sandakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. санд̣̇агасуд̇д̇аван̣н̣анаа • 6. Sandakasuttavaṇṇanā
