| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[349] 9. санд̇хибхзд̣̇аж̇аад̇агаван̣н̣анаа
[349] 9. Sandhibhedajātakavaṇṇanā
нзва ид̇т̇ийсу сааман̃н̃анд̇и ид̣̇ам̣ сад̇т̇аа ж̇зд̇аванз вихаранд̇о бзсун̃н̃асигкаабад̣̇ам̣ аараб̣бха гат̇зси. згасмим̣ гира самаяз сад̇т̇аа ‘‘чаб̣б̣аг̇г̇ияаа бхигкуу бзсун̃н̃ам̣ убасам̣харанд̇ий’’д̇и суд̇ваа д̇з баггосаабзд̇ваа ‘‘сажжам̣ гира д̇умхз, бхигкавз, бхигкуунам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ бзсун̃н̃ам̣ убасам̣харат̇а, д̇зна ануббаннаани жзва бхан̣д̣анаани уббаж̇ж̇анд̇и, уббаннаани жа бхияяобхаавааяа сам̣вад̇д̇анд̇ий’’д̇и бужчид̇ваа ‘‘сажжа’’нд̇и вуд̇д̇з д̇з бхигкуу г̇арахид̇ваа ‘‘бхигкавз, бисун̣аа ваажаа наама д̇икин̣асад̇д̇ибахаарасад̣̇исаа, д̣̇ал̣хо виссаасоби д̇ааяа киббам̣ бхиж̇ж̇ад̇и, д̇ан̃жа бана г̇ахзд̇ваа ад̇д̇ано мзд̇д̇ибхинд̣̇анагаж̇ано сийхаусабхасад̣̇исо ход̇ий’’д̇и вад̇ваа ад̇ийд̇ам̣ аахари.
Neva itthīsu sāmaññanti idaṃ satthā jetavane viharanto pesuññasikkhāpadaṃ ārabbha kathesi. Ekasmiṃ kira samaye satthā ‘‘chabbaggiyā bhikkhū pesuññaṃ upasaṃharantī’’ti sutvā te pakkosāpetvā ‘‘saccaṃ kira tumhe, bhikkhave, bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃharatha, tena anuppannāni ceva bhaṇḍanāni uppajjanti, uppannāni ca bhiyyobhāvāya saṃvattantī’’ti pucchitvā ‘‘sacca’’nti vutte te bhikkhū garahitvā ‘‘bhikkhave, pisuṇā vācā nāma tikhiṇasattipahārasadisā, daḷho vissāsopi tāya khippaṃ bhijjati, tañca pana gahetvā attano mettibhindanakajano sīhausabhasadiso hotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса буд̇д̇о худ̇ваа ваяаббад̇д̇о д̇аггасилааяам̣ уг̇г̇ахид̇асиббо бид̇у ажжаязна д̇хаммзна раж̇ж̇ам̣ гаарзси. д̇ад̣̇аа зго г̇обаалаго аран̃н̃з г̇огулзсу г̇ааво бадиж̇аг̇г̇ид̇ваа ааг̇ажчанд̇о згам̣ г̇аб̣бхиним̣ асаллагкзд̇ваа бахааяа ааг̇ад̇о. д̇ассаа згааяа сийхияаа сад̣̇д̇хим̣ виссаасо уббаж̇ж̇и. д̇аа убхоби д̣̇ал̣хамид̇д̇аа худ̇ваа згад̇о вижаранд̇и. абарабхааг̇з г̇аавий важчагам̣, сийхий сийхабод̇агам̣ виж̇ааяи. д̇з убхоби ж̇анаа гулзна ааг̇ад̇амзд̇д̇ияаа д̣̇ал̣хамид̇д̇аа худ̇ваа згад̇о вижаранд̇и . ат̇зго ванажараго аран̃н̃ам̣ бависид̇ваа д̇зсам̣ виссаасам̣ д̣̇исваа аран̃н̃з уббаж̇ж̇анагабхан̣д̣ам̣ аад̣̇ааяа б̣аараан̣асим̣ г̇анд̇ваа ран̃н̃о д̣̇ад̇ваа ‘‘аби д̇з, самма, гин̃жи аран̃н̃з ажчарияам̣ д̣̇идтабуб̣б̣а’’нд̇и ран̃н̃аа будто ‘‘д̣̇зва, ан̃н̃ам̣ гин̃жи на бассаами, згам̣ бана сийхан̃жа усабхан̃жа ан̃н̃аман̃н̃ам̣ виссаасигз згад̇о вижаранд̇з ад̣̇д̣̇аса’’нд̇и ааха. ‘‘зд̇зсам̣ д̇ад̇ияз уббаннз бхаяам̣ бхависсад̇и, яад̣̇аа д̇зсам̣ д̇ад̇ияам̣ бассад̇и, ат̇а мз аажигкзяяаасий’’д̇и. ‘‘саад̇ху, д̣̇зваа’’д̇и.
Atīte bārāṇasiyaṃ brahmadatte rajjaṃ kārente bodhisatto tassa putto hutvā vayappatto takkasilāyaṃ uggahitasippo pitu accayena dhammena rajjaṃ kāresi. Tadā eko gopālako araññe gokulesu gāvo paṭijaggitvā āgacchanto ekaṃ gabbhiniṃ asallakkhetvā pahāya āgato. Tassā ekāya sīhiyā saddhiṃ vissāso uppajji. Tā ubhopi daḷhamittā hutvā ekato vicaranti. Aparabhāge gāvī vacchakaṃ, sīhī sīhapotakaṃ vijāyi. Te ubhopi janā kulena āgatamettiyā daḷhamittā hutvā ekato vicaranti . Atheko vanacarako araññaṃ pavisitvā tesaṃ vissāsaṃ disvā araññe uppajjanakabhaṇḍaṃ ādāya bārāṇasiṃ gantvā rañño datvā ‘‘api te, samma, kiñci araññe acchariyaṃ diṭṭhapubba’’nti raññā puṭṭho ‘‘deva, aññaṃ kiñci na passāmi, ekaṃ pana sīhañca usabhañca aññamaññaṃ vissāsike ekato vicarante addasa’’nti āha. ‘‘Etesaṃ tatiye uppanne bhayaṃ bhavissati, yadā tesaṃ tatiyaṃ passati, atha me ācikkheyyāsī’’ti. ‘‘Sādhu, devā’’ti.
ванажарагз бана б̣аараан̣асим̣ г̇ад̇з зго син̇г̇аало сийхан̃жа усабхан̃жа убадтахи. ванажараго аран̃н̃ам̣ г̇анд̇ваа д̇ам̣ д̣̇исваа ‘‘д̇ад̇ияасса уббаннабхаавам̣ ран̃н̃о гат̇зссаамий’’д̇и наг̇арам̣ г̇ад̇о. син̇г̇аало жинд̇зси ‘‘маяаа табзд̇ваа сийхамам̣сан̃жа усабхамам̣сан̃жа ан̃н̃ам̣ акаад̣̇ид̇абуб̣б̣ам̣ наама над̇т̇и, имз бхинд̣̇ид̇ваа имзсам̣ мам̣сам̣ каад̣̇иссаамий’’д̇и. со ‘‘аяам̣ д̇ам̣ звам̣ вад̣̇ад̇и, аяам̣ д̇ам̣ звам̣ вад̣̇ад̇ий’’д̇и убхоби д̇з ан̃н̃аман̃н̃ам̣ бхинд̣̇ид̇ваа на жирассзва галахам̣ гаарзд̇ваа маран̣аагаараббад̇д̇з агааси. ванажарагоби г̇анд̇ваа ран̃н̃о ‘‘д̇зсам̣, д̣̇зва, д̇ад̇ияо уббанно’’д̇и ааха. ‘‘го со’’д̇и? ‘‘син̇г̇аало, д̣̇зваа’’д̇и. рааж̇аа ‘‘со убхо мид̇д̇з бхинд̣̇ид̇ваа маараабзссад̇и, маяам̣ д̇зсам̣ мад̇агаалз самбаабун̣иссаамаа’’д̇и вад̇ваа рат̇ам̣ абхируяха ванажарагзна маг̇г̇ад̣̇зсагзна г̇ажчанд̇о д̇зсу ан̃н̃аман̃н̃ам̣ галахам̣ гад̇ваа ж̇ийвид̇агкаяам̣ бад̇д̇зсу самбаабун̣и. син̇г̇аало бана хадтад̇удто згаваарам̣ сийхасса мам̣сам̣ каад̣̇ад̇и, згаваарам̣ усабхасса мам̣сам̣ каад̣̇ад̇и. рааж̇аа д̇з убхоби ж̇ийвид̇агкаяаббад̇д̇з д̣̇исваа рат̇з тид̇ова саарат̇инаа сад̣̇д̇хим̣ саллабанд̇о имаа г̇аат̇аа абхааси –
Vanacarake pana bārāṇasiṃ gate eko siṅgālo sīhañca usabhañca upaṭṭhahi. Vanacarako araññaṃ gantvā taṃ disvā ‘‘tatiyassa uppannabhāvaṃ rañño kathessāmī’’ti nagaraṃ gato. Siṅgālo cintesi ‘‘mayā ṭhapetvā sīhamaṃsañca usabhamaṃsañca aññaṃ akhāditapubbaṃ nāma natthi, ime bhinditvā imesaṃ maṃsaṃ khādissāmī’’ti. So ‘‘ayaṃ taṃ evaṃ vadati, ayaṃ taṃ evaṃ vadatī’’ti ubhopi te aññamaññaṃ bhinditvā na cirasseva kalahaṃ kāretvā maraṇākārappatte akāsi. Vanacarakopi gantvā rañño ‘‘tesaṃ, deva, tatiyo uppanno’’ti āha. ‘‘Ko so’’ti? ‘‘Siṅgālo, devā’’ti. Rājā ‘‘so ubho mitte bhinditvā mārāpessati, mayaṃ tesaṃ matakāle sampāpuṇissāmā’’ti vatvā rathaṃ abhiruyha vanacarakena maggadesakena gacchanto tesu aññamaññaṃ kalahaṃ katvā jīvitakkhayaṃ pattesu sampāpuṇi. Siṅgālo pana haṭṭhatuṭṭho ekavāraṃ sīhassa maṃsaṃ khādati, ekavāraṃ usabhassa maṃsaṃ khādati. Rājā te ubhopi jīvitakkhayappatte disvā rathe ṭhitova sārathinā saddhiṃ sallapanto imā gāthā abhāsi –
189.
189.
‘‘нзва ид̇т̇ийсу сааман̃н̃ам̣, нааби бхагкзсу саарат̇и;
‘‘Neva itthīsu sāmaññaṃ, nāpi bhakkhesu sārathi;
ат̇асса санд̇хибхзд̣̇асса, басса яаава сужинд̇ид̇ам̣.
Athassa sandhibhedassa, passa yāva sucintitaṃ.
190.
190.
‘‘аси д̇игкова мам̣самхи, бзсун̃н̃ам̣ баривад̇д̇ад̇и;
‘‘Asi tikkhova maṃsamhi, pesuññaṃ parivattati;
яад̇т̇уусабхан̃жа сийхан̃жа, бхагкаяанд̇и миг̇аад̇хамаа.
Yatthūsabhañca sīhañca, bhakkhayanti migādhamā.
191.
191.
‘‘имам̣ со саяанам̣ сзд̇и, яамимам̣ бассаси саарат̇и;
‘‘Imaṃ so sayanaṃ seti, yamimaṃ passasi sārathi;
яо ваажам̣ санд̇хибхзд̣̇асса, бисун̣асса ниб̣од̇хад̇и.
Yo vācaṃ sandhibhedassa, pisuṇassa nibodhati.
192.
192.
‘‘д̇з ж̇анаа сукамзд̇ханд̇и, нараа саг̇г̇аг̇ад̇аарива;
‘‘Te janā sukhamedhanti, narā saggagatāriva;
яз ваажам̣ санд̇хибхзд̣̇асса, нааваб̣од̇ханд̇и саарат̇ий’’д̇и.
Ye vācaṃ sandhibhedassa, nāvabodhanti sārathī’’ti.
д̇ад̇т̇а нзва ид̇т̇ийсууд̇и самма саарат̇и, имзсам̣ д̣̇виннам̣ ж̇анаанам̣ нзва ид̇т̇ийсу сааман̃н̃ам̣ ад̇т̇и на , бхагкзсуби. ан̃н̃амзва хи ид̇т̇им̣ сийхо сзвад̇и, ан̃н̃ам̣ усабхо, ан̃н̃ам̣ бхагкам̣ сийхо каад̣̇ад̇и, ан̃н̃ам̣ усабход̇и ад̇т̇о. ат̇ассаад̇и звам̣ галахагааран̣з авиж̇ж̇амаанзби ат̇а имасса мид̇д̇асанд̇хибхзд̣̇агасса д̣̇удтасин̇г̇ааласса ‘‘убхиннам̣ мам̣сам̣ каад̣̇иссаамий’’д̇и жинд̇зд̇ваа имз маарзнд̇асса басса яаава сужинд̇ид̇ам̣, сужинд̇ид̇ам̣ ж̇аад̇анд̇и ад̇хиббааяо. яад̇т̇аад̇и яасмим̣ бзсун̃н̃з баривад̇д̇амаанз. усабхан̃жа сийхан̃жа миг̇аад̇хамаа син̇г̇аалаа каад̣̇анд̇и, д̇ам̣ бзсун̃н̃ам̣ мам̣самхи д̇икин̣о аси вияа мид̇д̇абхаавам̣ чинд̣̇анд̇амзва баривад̇д̇ад̇ийд̇и д̣̇ийбзд̇и.
Tattha neva itthīsūti samma sārathi, imesaṃ dvinnaṃ janānaṃ neva itthīsu sāmaññaṃ atthi na , bhakkhesupi. Aññameva hi itthiṃ sīho sevati, aññaṃ usabho, aññaṃ bhakkhaṃ sīho khādati, aññaṃ usabhoti attho. Athassāti evaṃ kalahakāraṇe avijjamānepi atha imassa mittasandhibhedakassa duṭṭhasiṅgālassa ‘‘ubhinnaṃ maṃsaṃ khādissāmī’’ti cintetvā ime mārentassa passa yāva sucintitaṃ, sucintitaṃ jātanti adhippāyo. Yatthāti yasmiṃ pesuññe parivattamāne. Usabhañca sīhañca migādhamā siṅgālā khādanti, taṃ pesuññaṃ maṃsamhi tikhiṇo asi viya mittabhāvaṃ chindantameva parivattatīti dīpeti.
яамимам̣ бассасийд̇и самма саарат̇и, яам̣ имам̣ бассаси имзсам̣ д̣̇виннам̣ мад̇асаяанам̣, ан̃н̃оби яо буг̇г̇ало санд̇хибхзд̣̇асса бисун̣асса бисун̣аваажам̣ ниб̣од̇хад̇и г̇ан̣хаад̇и, со имам̣ саяанам̣ сзд̇и, звамзвам̣ марад̇ийд̇и д̣̇ассзд̇и. сукамзд̇ханд̇ийд̇и сукам̣ винд̣̇анд̇и лабханд̇и. нараа саг̇г̇аг̇ад̇аариваад̇и саг̇г̇аг̇ад̇аа д̣̇иб̣б̣абхог̇асаман̇г̇ино нараа вияа д̇з сукам̣ винд̣̇анд̇и. нааваб̣од̇ханд̇ийд̇и на саарад̇о бажжзнд̇и, д̇аад̣̇исам̣ бана важанам̣ суд̇ваа жод̣̇зд̇ваа саарзд̇ваа мзд̇д̇им̣ абхинд̣̇ид̇ваа баагад̇игаава хонд̇ийд̇и.
Yamimaṃ passasīti samma sārathi, yaṃ imaṃ passasi imesaṃ dvinnaṃ matasayanaṃ, aññopi yo puggalo sandhibhedassa pisuṇassa pisuṇavācaṃ nibodhati gaṇhāti, so imaṃ sayanaṃ seti, evamevaṃ maratīti dasseti. Sukhamedhantīti sukhaṃ vindanti labhanti. Narā saggagatārivāti saggagatā dibbabhogasamaṅgino narā viya te sukhaṃ vindanti. Nāvabodhantīti na sārato paccenti, tādisaṃ pana vacanaṃ sutvā codetvā sāretvā mettiṃ abhinditvā pākatikāva hontīti.
рааж̇аа имаа г̇аат̇аа бхаасид̇ваа сийхасса гзсаражамманакад̣̇аатаа г̇аахаабзд̇ваа наг̇арамзва г̇ад̇о.
Rājā imā gāthā bhāsitvā sīhassa kesaracammanakhadāṭhā gāhāpetvā nagarameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣аараан̣асирааж̇аа ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā bārāṇasirājā ahameva ahosi’’nti.
санд̇хибхзд̣̇аж̇аад̇агаван̣н̣анаа навамаа.
Sandhibhedajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 349. санд̇хибхзд̣̇аж̇аад̇агам̣ • 349. Sandhibhedajātakaṃ
