| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. санд̇хид̇ад̇т̇зраг̇аат̇ааван̣н̣анаа
9. Sandhitattheragāthāvaṇṇanā
ассад̇т̇з харид̇обхаасзд̇и ааяасмад̇о санд̇хид̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о згад̇им̣сз габбз сикисса бхаг̇авад̇о гаалз зго г̇обаалаго ахоси. со сад̇т̇ари бариниб̣б̣уд̇з ан̃н̃ад̇арам̣ т̇зрам̣ убасан̇гамид̇ваа д̇асса санд̇игз б̣уд̣̇д̇хаг̇ун̣абадисам̣яуд̇д̇ам̣ д̇хаммам̣ суд̇ваа басаннамаанасо ‘‘гухим̣ бхаг̇аваа’’д̇и бужчид̇ваа бариниб̣б̣уд̇абхаавам̣ суд̇ваа ‘‘звам̣ махаанубхааваа б̣уд̣̇д̇хааби наама анижжад̇аавасам̣ г̇ажчанд̇и, ахо сан̇каараа ад̣̇д̇хуваа’’д̇и анижжасан̃н̃ам̣ бадилабхи. д̇ам̣ т̇зро б̣од̇хибууж̇ааяа уссаахзси. со гаалзна гаалам̣ б̣од̇хиругкасамийбам̣ г̇анд̇ваа вибассанам̣ бадтабзд̇ваа б̣уд̣̇д̇хаг̇ун̣з ануссаранд̇о б̣од̇хим̣ ванд̣̇ад̇и. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз иб̣бхагулз ниб̣б̣ад̇д̇ид̇ваа санд̇хид̇од̇и лад̣̇д̇ханаамо ваяаббад̇д̇о анижжад̇аабадисам̣яуд̇д̇ам̣ д̇хаммагат̇ам̣ суд̇ваа сам̣взг̇аж̇аад̇о баб̣б̣аж̇ид̇ваа вибассанам̣ бадтабзд̇ваа н̃аан̣асса барибаагам̣ г̇ад̇ад̇д̇аа нажирассзва чал̣абхин̃н̃о ахоси. со ад̇д̇ано буб̣б̣зниваасам̣ ануссаранд̇о сикисса бхаг̇авад̇о гаалз б̣од̇хиванд̣̇анам̣ б̣уд̣̇д̇хаануссад̇им̣ анижжасан̃н̃аабадилаабхан̃жа ануссарид̇ваа д̇ад̣̇убаниссаязна ад̇д̇ано висзсаад̇хиг̇амам̣ багаасзнд̇о –
Assatthe haritobhāseti āyasmato sandhitattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekatiṃse kappe sikhissa bhagavato kāle eko gopālako ahosi. So satthari parinibbute aññataraṃ theraṃ upasaṅkamitvā tassa santike buddhaguṇapaṭisaṃyuttaṃ dhammaṃ sutvā pasannamānaso ‘‘kuhiṃ bhagavā’’ti pucchitvā parinibbutabhāvaṃ sutvā ‘‘evaṃ mahānubhāvā buddhāpi nāma aniccatāvasaṃ gacchanti, aho saṅkhārā addhuvā’’ti aniccasaññaṃ paṭilabhi. Taṃ thero bodhipūjāya ussāhesi. So kālena kālaṃ bodhirukkhasamīpaṃ gantvā vipassanaṃ paṭṭhapetvā buddhaguṇe anussaranto bodhiṃ vandati. So tena puññakammena devamanussesu saṃsaranto imasmiṃ buddhuppāde kosalaraṭṭhe ibbhakule nibbattitvā sandhitoti laddhanāmo vayappatto aniccatāpaṭisaṃyuttaṃ dhammakathaṃ sutvā saṃvegajāto pabbajitvā vipassanaṃ paṭṭhapetvā ñāṇassa paripākaṃ gatattā nacirasseva chaḷabhiñño ahosi. So attano pubbenivāsaṃ anussaranto sikhissa bhagavato kāle bodhivandanaṃ buddhānussatiṃ aniccasaññāpaṭilābhañca anussaritvā tadupanissayena attano visesādhigamaṃ pakāsento –
217.
217.
‘‘ассад̇т̇з харид̇обхаасз, сам̣вируул̣хамхи баад̣̇абз;
‘‘Assatthe haritobhāse, saṃvirūḷhamhi pādape;
згам̣ б̣уд̣̇д̇хаг̇ад̇ам̣ сан̃н̃ам̣, алабхид̇т̇ам̣ бад̇иссад̇о.
Ekaṃ buddhagataṃ saññaṃ, alabhitthaṃ patissato.
218.
218.
‘‘згад̇им̣сз ид̇о габбз, яам̣ сан̃н̃амалабхим̣ д̇ад̣̇аа;
‘‘Ekatiṃse ito kappe, yaṃ saññamalabhiṃ tadā;
д̇ассаа сан̃н̃ааяа ваахасаа, бад̇д̇о мз аасавагкаяо’’д̇и. –
Tassā saññāya vāhasā, patto me āsavakkhayo’’ti. –
д̣̇вз г̇аат̇аа абхааси.
Dve gāthā abhāsi.
д̇ад̇т̇а ассад̇т̇зд̇и ассад̇т̇адтаанийяз, явааяам̣ зд̇арахи амхаагам̣ бхаг̇авад̇о б̣од̇хиругко ассад̇т̇о, зд̇асса таанз д̇ад̣̇аа сикисса бхаг̇авад̇о б̣од̇хиругко бун̣д̣арийго тид̇од̇и со ассад̇т̇адтаанийяад̇ааяа ‘‘ассад̇т̇з’’д̇и вуд̇д̇ам̣. сад̇д̇аанам̣ ассаасаж̇ананад̇о ваа. абарз бана ‘‘ассад̇т̇аругкамуулз нисийд̣̇ид̇ваа д̇ад̣̇аа б̣уд̣̇д̇хаануссад̇ияаа бхаавид̇ад̇д̇аа т̇зро ‘ассад̇т̇з’д̇и авожаа’’д̇и вад̣̇анд̇и. харид̇обхаасзд̇и харид̇зхи саараман̣иван̣н̣зхи обхаасамаанз. сам̣вируул̣хамхийд̇и судту вируул̣хз суббад̇идтид̇з, сугхананижид̇абад̇д̇абалаасабаллавзхи вируул̣хасан̃чаннзд̇и жа вад̣̇анд̇и. баад̣̇абзд̇и ругкз. згам̣ б̣уд̣̇д̇хаг̇ад̇ам̣ сан̃н̃ам̣, алабхид̇т̇ам̣ бад̇иссад̇од̇и б̣уд̣̇д̇хаарамман̣ам̣ аарамман̣асса згаж̇аад̇ияад̇д̇аа згам̣ ‘‘ид̇иби со бхаг̇аваа’’д̇иаад̣̇инаяаббавад̇д̇ам̣ б̣уд̣̇д̇хаануссад̇исахаг̇ад̇ам̣ сан̃н̃ам̣ б̣уд̣̇д̇хаг̇ун̣аанам̣ бад̇ибад̇исаран̣ад̇о бад̇иссад̇о худ̇ваа алабхим̣.
Tattha assattheti assatthaṭṭhānīye, yvāyaṃ etarahi amhākaṃ bhagavato bodhirukkho assattho, etassa ṭhāne tadā sikhissa bhagavato bodhirukkho puṇḍarīko ṭhitoti so assatthaṭṭhānīyatāya ‘‘assatthe’’ti vuttaṃ. Sattānaṃ assāsajananato vā. Apare pana ‘‘assattharukkhamūle nisīditvā tadā buddhānussatiyā bhāvitattā thero ‘assatthe’ti avocā’’ti vadanti. Haritobhāseti haritehi sāramaṇivaṇṇehi obhāsamāne. Saṃvirūḷhamhīti suṭṭhu virūḷhe suppatiṭṭhite, sughananicitapattapalāsapallavehi virūḷhasañchanneti ca vadanti. Pādapeti rukkhe. Ekaṃ buddhagataṃ saññaṃ, alabhitthaṃ patissatoti buddhārammaṇaṃ ārammaṇassa ekajātiyattā ekaṃ ‘‘itipi so bhagavā’’tiādinayappavattaṃ buddhānussatisahagataṃ saññaṃ buddhaguṇānaṃ patipatisaraṇato patissato hutvā alabhiṃ.
гад̣̇аа бана саа сан̃н̃аа лад̣̇д̇хаа, гийвад̇ааяа сид̣̇д̇хаад̇и ааха ‘‘згад̇им̣сз ид̇о габбз’’д̇иаад̣̇и. ид̇о бхад̣̇д̣̇агаббад̇о уд̣̇д̇хам̣ аароханавасзна згад̇им̣сз габбз. яам̣ сан̃н̃анд̇и яам̣ б̣уд̣̇д̇хаануссад̇исахаг̇ад̇ам̣ сан̃н̃ам̣, яам̣ ваа б̣уд̣̇д̇хаанам̣ анижжад̇ам̣ д̣̇исваа д̇ад̣̇анусаарзна саб̣б̣аасан̇каарзсу д̇ад̣̇аа анижжасан̃н̃ам̣ алабхим̣. д̇ассаа сан̃н̃ааяа ваахасаад̇и д̇ассаа яат̇аавуд̇д̇ааяа сан̃н̃ааяа гааран̣абхаавзна д̇ам̣ убаниссаяам̣ гад̇ваа. бад̇д̇о мз аасавагкаяод̇и ид̣̇аани маяаа аасаваанам̣ каяо нирод̇хо ад̇хиг̇ад̇од̇и имааязва жа имасса т̇зрасса абад̣̇аанаг̇аат̇ааби. яат̇ааха (аба. т̇зра 1.22.27-30) –
Kadā pana sā saññā laddhā, kīvatāya siddhāti āha ‘‘ekatiṃse ito kappe’’tiādi. Ito bhaddakappato uddhaṃ ārohanavasena ekatiṃse kappe. Yaṃ saññanti yaṃ buddhānussatisahagataṃ saññaṃ, yaṃ vā buddhānaṃ aniccataṃ disvā tadanusārena sabbāsaṅkhāresu tadā aniccasaññaṃ alabhiṃ. Tassā saññāya vāhasāti tassā yathāvuttāya saññāya kāraṇabhāvena taṃ upanissayaṃ katvā. Patto me āsavakkhayoti idāni mayā āsavānaṃ khayo nirodho adhigatoti imāyeva ca imassa therassa apadānagāthāpi. Yathāha (apa. thera 1.22.27-30) –
‘‘ассад̇т̇з харид̇обхаасз…бз… бад̇д̇о мз аасавагкаяо.
‘‘Assatthe haritobhāse…pe… patto me āsavakkhayo.
‘‘ид̇о д̇зрасагаббамхи, д̇ханидто наама кад̇д̇ияо;
‘‘Ito terasakappamhi, dhaniṭṭho nāma khattiyo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
санд̇хид̇ад̇т̇зраг̇аат̇ааван̣н̣анаа нидтид̇аа.
Sandhitattheragāthāvaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
нидтид̇аа жа д̣̇уганибаад̇аван̣н̣анаа.
Niṭṭhitā ca dukanipātavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. санд̇хид̇ад̇т̇зраг̇аат̇аа • 9. Sandhitattheragāthā
