| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. සන්‌දිට්‌ඨිකධම්‌මසුත්‌තං
5. Sandiṭṭhikadhammasuttaṃ
46. ‘‘‘සන්‌දිට්‌ඨිකො ධම්‌මො සන්‌දිට්‌ඨිකො ධම්‌මො’ති, ආවුසො, වුච්‌චති. කිත්‌තාවතා නු ඛො, ආවුසො, සන්‌දිට්‌ඨිකො ධම්‌මො වුත්‌තො භගවතා’’ති?
46. ‘‘‘Sandiṭṭhiko dhammo sandiṭṭhiko dhammo’ti, āvuso, vuccati. Kittāvatā nu kho, āvuso, sandiṭṭhiko dhammo vutto bhagavatā’’ti?
‘‘ඉධාවුසො, භික්‌ඛු විවිච්‌චෙව කාමෙහි…පෙ.… පඨමං ඣානං උපසම්‌පජ්‌ජ විහරති. එත්‌තාවතාපි ඛො, ආවුසො, සන්‌දිට්‌ඨිකො ධම්‌මො වුත්‌තො භගවතා පරියායෙන…පෙ.….
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Ettāvatāpi kho, āvuso, sandiṭṭhiko dhammo vutto bhagavatā pariyāyena…pe….
‘‘පුන චපරං, ආවුසො, භික්‌ඛු සබ්‌බසො නෙවසඤ්‌ඤානාසඤ්‌ඤායතනං සමතික්‌කම්‌ම සඤ්‌ඤාවෙදයිතනිරොධං උපසම්‌පජ්‌ජ විහරති, පඤ්‌ඤාය චස්‌ස දිස්‌වා ආසවා පරික්‌ඛීණා හොන්‌ති. එත්‌තාවතාපි ඛො, ආවුසො, සන්‌දිට්‌ඨිකො ධම්‌මො වුත්‌තො භගවතා නිප්‌පරියායෙනා’’ති. පඤ්‌චමං.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, sandiṭṭhiko dhammo vutto bhagavatā nippariyāyenā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-10. සන්‌දිට්‌ඨිකධම්‌මසුත්‌තාදිවණ්‌ණනා • 5-10. Sandiṭṭhikadhammasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සම්‌බාධසුත්‌තාදිවණ්‌ණනා • 1-10. Sambādhasuttādivaṇṇanā
