| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. සන්‌දිට්‌ඨිකනිබ්‌බානසුත්‌තං
6. Sandiṭṭhikanibbānasuttaṃ
47. ‘‘‘සන්‌දිට්‌ඨිකං නිබ්‌බානං සන්‌දිට්‌ඨිකං නිබ්‌බාන’න්‌ති, ආවුසො, වුච්‌චති. කිත්‌තාවතා නු ඛො, ආවුසො, සන්‌දිට්‌ඨිකං නිබ්‌බානං වුත්‌තං භගවතා’’ති?
47. ‘‘‘Sandiṭṭhikaṃ nibbānaṃ sandiṭṭhikaṃ nibbāna’nti, āvuso, vuccati. Kittāvatā nu kho, āvuso, sandiṭṭhikaṃ nibbānaṃ vuttaṃ bhagavatā’’ti?
‘‘ඉධාවුසො, භික්‌ඛු විවිච්‌චෙව කාමෙහි…පෙ.… පඨමං ඣානං උපසම්‌පජ්‌ජ විහරති. එත්‌තාවතාපි ඛො, ආවුසො, සන්‌දිට්‌ඨිකං නිබ්‌බානං වුත්‌තං භගවතා පරියායෙන…පෙ.….
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Ettāvatāpi kho, āvuso, sandiṭṭhikaṃ nibbānaṃ vuttaṃ bhagavatā pariyāyena…pe….
‘‘පුන චපරං, ආවුසො, භික්‌ඛු සබ්‌බසො නෙවසඤ්‌ඤානාසඤ්‌ඤායතනං සමතික්‌කම්‌ම සඤ්‌ඤාවෙදයිතනිරොධං උපසම්‌පජ්‌ජ විහරති, පඤ්‌ඤාය චස්‌ස දිස්‌වා ආසවා පරික්‌ඛීණා හොන්‌ති. එත්‌තාවතාපි ඛො, ආවුසො, සන්‌දිට්‌ඨිකං නිබ්‌බානං වුත්‌තං භගවතා නිප්‌පරියායෙනා’’ති. ඡට්‌ඨං.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, sandiṭṭhikaṃ nibbānaṃ vuttaṃ bhagavatā nippariyāyenā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-10. සන්‌දිට්‌ඨිකධම්‌මසුත්‌තාදිවණ්‌ණනා • 5-10. Sandiṭṭhikadhammasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සම්‌බාධසුත්‌තාදිවණ්‌ණනා • 1-10. Sambādhasuttādivaṇṇanā
