| Library / Tipiṭaka / ติปิฎก • Tipiṭaka / ธาตุกถาปาฬิ • Dhātukathāpāḷi |
๑. ปฐมนโย
1. Paṭhamanayo
๑. สงฺคหาสงฺคหปทนิเทฺทโส
1. Saṅgahāsaṅgahapadaniddeso
๑. ขโนฺธ
1. Khandho
๖. รูปกฺขโนฺธ กติหิ ขเนฺธหิ กติหายตเนหิ กติหิ ธาตูหิ สงฺคหิโต? รูปกฺขโนฺธ เอเกน ขเนฺธน เอกาทสหายตเนหิ เอกาทสหิ ธาตูหิ สงฺคหิโตฯ กติหิ อสงฺคหิโต? จตูหิ ขเนฺธหิ เอเกนายตเนน สตฺตหิ ธาตูหิ อสงฺคหิโตฯ
6. Rūpakkhandho katihi khandhehi katihāyatanehi katihi dhātūhi saṅgahito? Rūpakkhandho ekena khandhena ekādasahāyatanehi ekādasahi dhātūhi saṅgahito. Katihi asaṅgahito? Catūhi khandhehi ekenāyatanena sattahi dhātūhi asaṅgahito.
๗. เวทนากฺขโนฺธ กติหิ ขเนฺธหิ กติหายตเนหิ กติหิ ธาตูหิ สงฺคหิโต? เวทนากฺขโนฺธ เอเกน ขเนฺธน เอเกนายตเนน เอกาย ธาตุยา สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิโตฯ
7. Vedanākkhandho katihi khandhehi katihāyatanehi katihi dhātūhi saṅgahito? Vedanākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
๘. สญฺญากฺขโนฺธ กติหิ ขเนฺธหิ กติหายตเนหิ กติหิ ธาตูหิ สงฺคหิโต? สญฺญากฺขโนฺธ เอเกน ขเนฺธน เอเกนายตเนน เอกาย ธาตุยา สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิโตฯ
8. Saññākkhandho katihi khandhehi katihāyatanehi katihi dhātūhi saṅgahito? Saññākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
๙. สงฺขารกฺขโนฺธ กติหิ ขเนฺธหิ กติหายตเนหิ กติหิ ธาตูหิ สงฺคหิโต? สงฺขารกฺขโนฺธ เอเกน ขเนฺธน เอเกนายตเนน เอกาย ธาตุยา สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิโตฯ
9. Saṅkhārakkhandho katihi khandhehi katihāyatanehi katihi dhātūhi saṅgahito? Saṅkhārakkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
๑๐. วิญฺญาณกฺขโนฺธ กติหิ ขเนฺธหิ กติหายตเนหิ กติหิ ธาตูหิ สงฺคหิโต? วิญฺญาณกฺขโนฺธ เอเกน ขเนฺธน เอเกนายตเนน สตฺตหิ ธาตูหิ สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิโตฯ
10. Viññāṇakkhandho katihi khandhehi katihāyatanehi katihi dhātūhi saṅgahito? Viññāṇakkhandho ekena khandhena ekenāyatanena sattahi dhātūhi saṅgahito. Katihi asaṅgahito? Catūhi khandhehi ekādasahāyatanehi ekādasahi dhātūhi asaṅgahito.
(เอกมูลกํฯ)
(Ekamūlakaṃ.)
๑๑. รูปกฺขโนฺธ จ เวทนากฺขโนฺธ จ กติหิ ขเนฺธหิ กติหายตเนหิ กติหิ ธาตูหิ สงฺคหิตา? รูปกฺขโนฺธ จ เวทนากฺขโนฺธ จ ทฺวีหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
11. Rūpakkhandho ca vedanākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
๑๒. รูปกฺขโนฺธ จ สญฺญากฺขโนฺธ จ…เป.… ทฺวีหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
12. Rūpakkhandho ca saññākkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
๑๓. รูปกฺขโนฺธ จ สงฺขารกฺขโนฺธ จ…เป.… ทฺวีหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
13. Rūpakkhandho ca saṅkhārakkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
๑๔. รูปกฺขโนฺธ จ วิญฺญาณกฺขโนฺธ จ…เป.… ทฺวีหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ, น เกหิจิ อายตเนหิ น กาหิจิ ธาตูหิ อสงฺคหิตาฯ
14. Rūpakkhandho ca viññāṇakkhandho ca…pe… dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi, na kehici āyatanehi na kāhici dhātūhi asaṅgahitā.
(ทุกมูลกํฯ)
(Dukamūlakaṃ.)
๑๕. รูปกฺขโนฺธ จ เวทนากฺขโนฺธ จ สญฺญากฺขโนฺธ จ กติหิ ขเนฺธหิ กติหายตเนหิ กติหิ ธาตูหิ สงฺคหิตา? รูปกฺขโนฺธ จ เวทนากฺขโนฺธ จ สญฺญากฺขโนฺธ จ ตีหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
15. Rūpakkhandho ca vedanākkhandho ca saññākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.
๑๖. รูปกฺขโนฺธ จ เวทนากฺขโนฺธ จ สงฺขารกฺขโนฺธ จ…เป.… ตีหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
16. Rūpakkhandho ca vedanākkhandho ca saṅkhārakkhandho ca…pe… tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.
๑๗. รูปกฺขโนฺธ จ เวทนากฺขโนฺธ จ วิญฺญาณกฺขโนฺธ จ…เป.… ตีหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ, น เกหิจิ อายตเนหิ น กาหิจิ ธาตูหิ อสงฺคหิตาฯ
17. Rūpakkhandho ca vedanākkhandho ca viññāṇakkhandho ca…pe… tīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Dvīhi khandhehi, na kehici āyatanehi na kāhici dhātūhi asaṅgahitā.
(ติกมูลกํฯ)
(Tikamūlakaṃ.)
๑๘. รูปกฺขโนฺธ จ เวทนากฺขโนฺธ จ สญฺญากฺขโนฺธ จ สงฺขารกฺขโนฺธ จ กติหิ ขเนฺธหิ กติหายตเนหิ กติหิ ธาตูหิ สงฺคหิตา? รูปกฺขโนฺธ จ เวทนากฺขโนฺธ จ สญฺญากฺขโนฺธ จ สงฺขารกฺขโนฺธ จ จตูหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน เอเกนายตเนน สตฺตหิ ธาตูหิ อสงฺคหิตาฯ
18. Rūpakkhandho ca vedanākkhandho ca saññākkhandho ca saṅkhārakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.
๑๙. รูปกฺขโนฺธ จ เวทนากฺขโนฺธ จ สญฺญากฺขโนฺธ จ วิญฺญาณกฺขโนฺธ จ…เป.… จตูหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน, น เกหิจิ อายตเนหิ น กาหิจิ ธาตูหิ อสงฺคหิตาฯ
19. Rūpakkhandho ca vedanākkhandho ca saññākkhandho ca viññāṇakkhandho ca…pe… catūhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Ekena khandhena, na kehici āyatanehi na kāhici dhātūhi asaṅgahitā.
(จตุกฺกมูลกํฯ)
(Catukkamūlakaṃ.)
๒๐. รูปกฺขโนฺธ จ เวทนากฺขโนฺธ จ สญฺญากฺขโนฺธ จ สงฺขารกฺขโนฺธ จ วิญฺญาณกฺขโนฺธ จ กติหิ ขเนฺธหิ กติหายตเนหิ กติหิ ธาตูหิ สงฺคหิตา? รูปกฺขโนฺธ จ เวทนากฺขโนฺธ จ สญฺญากฺขโนฺธ จ สงฺขารกฺขโนฺธ จ วิญฺญาณกฺขโนฺธ จ ปญฺจหิ ขเนฺธหิ ทฺวาทสายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
20. Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca pañcahi khandhehi dvādasāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๒๑. ปญฺจกฺขนฺธา กติหิ ขเนฺธหิ กติหายตเนหิ กติหิ ธาตูหิ สงฺคหิตา? ปญฺจกฺขนฺธา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
21. Pañcakkhandhā katihi khandhehi katihāyatanehi katihi dhātūhi saṅgahitā? Pañcakkhandhā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(ปญฺจกํฯ)
(Pañcakaṃ.)
๒. อายตนํ
2. Āyatanaṃ
๒๒. จกฺขายตนํ กติหิ ขเนฺธหิ กติหายตเนหิ กติหิ ธาตูหิ สงฺคหิตํ? จกฺขายตนํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
22. Cakkhāyatanaṃ katihi khandhehi katihāyatanehi katihi dhātūhi saṅgahitaṃ? Cakkhāyatanaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๒๓. โสตายตนํ … ฆานายตนํ… ชิวฺหายตนํ… กายายตนํ… รูปายตนํ… สทฺทายตนํ… คนฺธายตนํ… รสายตนํ… โผฎฺฐพฺพายตนํ…เป.… เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
23. Sotāyatanaṃ … ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ…pe… ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๒๔. มนายตนํ เอเกน ขเนฺธน เอเกนายตเนน สตฺตหิ ธาตูหิ สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิตํฯ
24. Manāyatanaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
๒๕. ธมฺมายตนํ อสงฺขตํ ขนฺธโต ฐเปตฺวา จตูหิ ขเนฺธหิ เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? เอเกน ขเนฺธน เอกาทสหายตเนหิ สตฺตรสหิ ธาตูหิ อสงฺคหิตํฯ
25. Dhammāyatanaṃ asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Ekena khandhena ekādasahāyatanehi sattarasahi dhātūhi asaṅgahitaṃ.
(เอกมูลกํฯ)
(Ekamūlakaṃ.)
๒๖. จกฺขายตนญฺจ โสตายตนญฺจ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
26. Cakkhāyatanañca sotāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๒๗. จกฺขายตนญฺจ ฆานายตนญฺจ… จกฺขายตนญฺจ ชิวฺหายตนญฺจ… จกฺขายตนญฺจ กายายตนญฺจ… จกฺขายตนญฺจ รูปายตนญฺจ… จกฺขายตนญฺจ สทฺทายตนญฺจ… จกฺขายตนญฺจ คนฺธายตนญฺจ… จกฺขายตนญฺจ รสายตนญฺจ… จกฺขายตนญฺจ โผฎฺฐพฺพายตนญฺจ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
27. Cakkhāyatanañca ghānāyatanañca… cakkhāyatanañca jivhāyatanañca… cakkhāyatanañca kāyāyatanañca… cakkhāyatanañca rūpāyatanañca… cakkhāyatanañca saddāyatanañca… cakkhāyatanañca gandhāyatanañca… cakkhāyatanañca rasāyatanañca… cakkhāyatanañca phoṭṭhabbāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๒๘. จกฺขายตนญฺจ มนายตนญฺจ ทฺวีหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ ทสหิ ธาตูหิ อสงฺคหิตาฯ
28. Cakkhāyatanañca manāyatanañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.
๒๙. จกฺขายตนญฺจ ธมฺมายตนญฺจ อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
29. Cakkhāyatanañca dhammāyatanañca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
(ทุกมูลกํฯ)
(Dukamūlakaṃ.)
๓๐. ทฺวาทสายตนานิ กติหิ ขเนฺธหิ กติหายตเนหิ กติหิ ธาตูหิ สงฺคหิตา? ทฺวาทสายตนานิ อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
30. Dvādasāyatanāni katihi khandhehi katihāyatanehi katihi dhātūhi saṅgahitā? Dvādasāyatanāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(ทฺวาทสกํฯ)
(Dvādasakaṃ.)
๓. ธาตุ
3. Dhātu
๓๑. จกฺขุธาตุ กติหิ ขเนฺธหิ กติหายตเนหิ กติหิ ธาตูหิ สงฺคหิตา? จกฺขุธาตุ เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
31. Cakkhudhātu katihi khandhehi katihāyatanehi katihi dhātūhi saṅgahitā? Cakkhudhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๓๒. โสตธาตุ… ฆานธาตุ… ชิวฺหาธาตุ… กายธาตุ… รูปธาตุ… สทฺทธาตุ… คนฺธธาตุ… รสธาตุ… โผฎฺฐพฺพธาตุ… จกฺขุวิญฺญาณธาตุ… โสตวิญฺญาณธาตุ… ฆานวิญฺญาณธาตุ… ชิวฺหาวิญฺญาณธาตุ… กายวิญฺญาณธาตุ… มโนธาตุ… มโนวิญฺญาณธาตุ เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
32. Sotadhātu… ghānadhātu… jivhādhātu… kāyadhātu… rūpadhātu… saddadhātu… gandhadhātu… rasadhātu… phoṭṭhabbadhātu… cakkhuviññāṇadhātu… sotaviññāṇadhātu… ghānaviññāṇadhātu… jivhāviññāṇadhātu… kāyaviññāṇadhātu… manodhātu… manoviññāṇadhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๓๓. ธมฺมธาตุ อสงฺขตํ ขนฺธโต ฐเปตฺวา จตูหิ ขเนฺธหิ เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? เอเกน ขเนฺธน เอกาทสหายตเนหิ สตฺตรสหิ ธาตูหิ อสงฺคหิตาฯ
33. Dhammadhātu asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.
(เอกมูลกํฯ)
(Ekamūlakaṃ.)
๓๔. จกฺขุธาตุ จ โสตธาตุ จ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
34. Cakkhudhātu ca sotadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๓๕. จกฺขุธาตุ จ ฆานธาตุ จ… จกฺขุธาตุ จ ชิวฺหาธาตุ จ… จกฺขุธาตุ จ กายธาตุ จ… จกฺขุธาตุ จ รูปธาตุ จ… จกฺขุธาตุ จ สทฺทธาตุ จ… จกฺขุธาตุ จ คนฺธธาตุ จ… จกฺขุธาตุ จ รสธาตุ จ… จกฺขุธาตุ จ โผฎฺฐพฺพธาตุ จ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
35. Cakkhudhātu ca ghānadhātu ca… cakkhudhātu ca jivhādhātu ca… cakkhudhātu ca kāyadhātu ca… cakkhudhātu ca rūpadhātu ca… cakkhudhātu ca saddadhātu ca… cakkhudhātu ca gandhadhātu ca… cakkhudhātu ca rasadhātu ca… cakkhudhātu ca phoṭṭhabbadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๓๖. จกฺขุธาตุ จ จกฺขุวิญฺญาณธาตุ จ ทฺวีหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
36. Cakkhudhātu ca cakkhuviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
๓๗. จกฺขุธาตุ จ โสตวิญฺญาณธาตุ จ… จกฺขุธาตุ จ ฆานวิญฺญาณธาตุ จ… จกฺขุธาตุ จ ชิวฺหาวิญฺญาณธาตุ จ… จกฺขุธาตุ จ กายวิญฺญาณธาตุ จ… จกฺขุธาตุ จ มโนธาตุ จ… จกฺขุธาตุ จ มโนวิญฺญาณธาตุ จ ทฺวีหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
37. Cakkhudhātu ca sotaviññāṇadhātu ca… cakkhudhātu ca ghānaviññāṇadhātu ca… cakkhudhātu ca jivhāviññāṇadhātu ca… cakkhudhātu ca kāyaviññāṇadhātu ca… cakkhudhātu ca manodhātu ca… cakkhudhātu ca manoviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
๓๘. จกฺขุธาตุ จ ธมฺมธาตุ จ อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
38. Cakkhudhātu ca dhammadhātu ca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
(ทุกมูลกํฯ)
(Dukamūlakaṃ.)
๓๙. อฎฺฐารส ธาตุโย กติหิ ขเนฺธหิ กติหายตเนหิ กติหิ ธาตูหิ สงฺคหิตา? อฎฺฐารส ธาตุโย อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
39. Aṭṭhārasa dhātuyo katihi khandhehi katihāyatanehi katihi dhātūhi saṅgahitā? Aṭṭhārasa dhātuyo asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(อฎฺฐารสกํฯ)
(Aṭṭhārasakaṃ.)
๔. สจฺจํ
4. Saccaṃ
๔๐. ทุกฺขสจฺจํ กติหิ ขเนฺธหิ กติหายตเนหิ กติหิ ธาตูหิ สงฺคหิตํ? ทุกฺขสจฺจํ ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตํฯ กติหิ อสงฺคหิตํ? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตํฯ
40. Dukkhasaccaṃ katihi khandhehi katihāyatanehi katihi dhātūhi saṅgahitaṃ? Dukkhasaccaṃ pañcahi khandhehi dvādasahāyatanehi aṭṭhārasahi dhātūhi saṅgahitaṃ. Katihi asaṅgahitaṃ? Na kehici khandhehi na kehici āyatanehi na kāhici dhātūhi asaṅgahitaṃ.
๔๑. สมุทยสจฺจํ … มคฺคสจฺจํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
41. Samudayasaccaṃ … maggasaccaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๔๒. นิโรธสจฺจํ น เกหิจิ ขเนฺธหิ เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
42. Nirodhasaccaṃ na kehici khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Pañcahi khandhehi ekādasahāyatanehi sattarasahi dhātūhi asaṅgahitaṃ.
(เอกมูลกํฯ)
(Ekamūlakaṃ.)
๔๓. ทุกฺขสจฺจญฺจ สมุทยสจฺจญฺจ ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
43. Dukkhasaccañca samudayasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๔๔. ทุกฺขสจฺจญฺจ มคฺคสจฺจญฺจ ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
44. Dukkhasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๔๕. ทุกฺขสจฺจญฺจ นิโรธสจฺจญฺจ อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
45. Dukkhasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(ทุกมูลกํฯ)
(Dukamūlakaṃ.)
๔๖. ทุกฺขสจฺจญฺจ สมุทยสจฺจญฺจ มคฺคสจฺจญฺจ ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
46. Dukkhasaccañca samudayasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๔๗. ทุกฺขสจฺจญฺจ สมุทยสจฺจญฺจ นิโรธสจฺจญฺจ อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
47. Dukkhasaccañca samudayasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(ติกมูลกํฯ)
(Tikamūlakaṃ.)
๔๘. ทุกฺขสจฺจญฺจ สมุทยสจฺจญฺจ มคฺคสจฺจญฺจ นิโรธสจฺจญฺจ อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
48. Dukkhasaccañca samudayasaccañca maggasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๔๙. จตฺตาริ สจฺจานิ กติหิ ขเนฺธหิ กติหายตเนหิ กติหิ ธาตูหิ สงฺคหิตานิ? จตฺตาริ สจฺจานิ อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตานิฯ กติหิ อสงฺคหิตานิ? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตานิฯ
49. Cattāri saccāni katihi khandhehi katihāyatanehi katihi dhātūhi saṅgahitāni? Cattāri saccāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitāni. Katihi asaṅgahitāni? Na kehici khandhehi na kehici āyatanehi na kāhici dhātūhi asaṅgahitāni.
(จตุกฺกํฯ)
(Catukkaṃ.)
๕. อินฺทฺริยํ
5. Indriyaṃ
๕๐. จกฺขุนฺทฺริยํ กติหิ ขเนฺธหิ กติหายตเนหิ กติหิ ธาตูหิ สงฺคหิตํ? จกฺขุนฺทฺริยํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
50. Cakkhundriyaṃ katihi khandhehi katihāyatanehi katihi dhātūhi saṅgahitaṃ? Cakkhundriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๕๑. โสตินฺทฺริยํ… ฆานินฺทฺริยํ… ชิวฺหินฺทฺริยํ… กายินฺทฺริยํ… อิตฺถินฺทฺริยํ … ปุริสินฺทฺริยํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
51. Sotindriyaṃ… ghānindriyaṃ… jivhindriyaṃ… kāyindriyaṃ… itthindriyaṃ … purisindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๕๒. มนินฺทฺริยํ เอเกน ขเนฺธน เอเกนายตเนน สตฺตหิ ธาตูหิ สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิตํฯ
52. Manindriyaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
๕๓. ชีวิตินฺทฺริยํ ทฺวีหิ ขเนฺธหิ เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? ตีหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
53. Jīvitindriyaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
๕๔. สุขินฺทฺริยํ … ทุกฺขินฺทฺริยํ… โสมนสฺสินฺทฺริยํ… โทมนสฺสินฺทฺริยํ… อุเปกฺขินฺทฺริยํ… สทฺธินฺทฺริยํ… วีริยินฺทฺริยํ… สตินฺทฺริยํ… สมาธินฺทฺริยํ… ปญฺญินฺทฺริยํ… อนญฺญาตญฺญสฺสามีตินฺทฺริยํ… อญฺญินฺทฺริยํ… อญฺญาตาวินฺทฺริยํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
54. Sukhindriyaṃ … dukkhindriyaṃ… somanassindriyaṃ… domanassindriyaṃ… upekkhindriyaṃ… saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ… anaññātaññassāmītindriyaṃ… aññindriyaṃ… aññātāvindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
(เอกมูลกํฯ)
(Ekamūlakaṃ.)
๕๕. จกฺขุนฺทฺริยญฺจ โสตินฺทฺริยญฺจ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
55. Cakkhundriyañca sotindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๕๖. จกฺขุนฺทฺริยญฺจ ฆานินฺทฺริยญฺจ… จกฺขุนฺทฺริยญฺจ ชิวฺหินฺทฺริยญฺจ… จกฺขุนฺทฺริยญฺจ กายินฺทฺริยญฺจ… จกฺขุนฺทฺริยญฺจ อิตฺถินฺทฺริยญฺจ… จกฺขุนฺทฺริยญฺจ ปุริสินฺทฺริยญฺจ เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
56. Cakkhundriyañca ghānindriyañca… cakkhundriyañca jivhindriyañca… cakkhundriyañca kāyindriyañca… cakkhundriyañca itthindriyañca… cakkhundriyañca purisindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
๕๗. จกฺขุนฺทฺริยญฺจ มนินฺทฺริยญฺจ ทฺวีหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ ทสหิ ธาตูหิ อสงฺคหิตาฯ
57. Cakkhundriyañca manindriyañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.
๕๘. จกฺขุนฺทฺริยญฺจ ชีวิตินฺทฺริยญฺจ ทฺวีหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
58. Cakkhundriyañca jīvitindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
๕๙. จกฺขุนฺทฺริยญฺจ สุขินฺทฺริยญฺจ… จกฺขุนฺทฺริยญฺจ ทุกฺขินฺทฺริยญฺจ… จกฺขุนฺทฺริยญฺจ โสมนสฺสินฺทฺริยญฺจ… จกฺขุนฺทฺริยญฺจ โทมนสฺสินฺทฺริยญฺจ… จกฺขุนฺทฺริยญฺจ อุเปกฺขินฺทฺริยญฺจ… จกฺขุนฺทฺริยญฺจ สทฺธินฺทฺริยญฺจ… จกฺขุนฺทฺริยญฺจ วีริยินฺทฺริยญฺจ… จกฺขุนฺทฺริยญฺจ สตินฺทฺริยญฺจ… จกฺขุนฺทฺริยญฺจ สมาธินฺทฺริยญฺจ… จกฺขุนฺทฺริยญฺจ ปญฺญินฺทฺริยญฺจ… จกฺขุนฺทฺริยญฺจ อนญฺญาตญฺญสฺสามีตินฺทฺริยญฺจ… จกฺขุนฺทฺริยญฺจ อญฺญินฺทฺริยญฺจ… จกฺขุนฺทฺริยญฺจ อญฺญาตาวินฺทฺริยญฺจ ทฺวีหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ทสหายตเนหิ โสฬสหิ ธาตูหิ อสงฺคหิตาฯ
59. Cakkhundriyañca sukhindriyañca… cakkhundriyañca dukkhindriyañca… cakkhundriyañca somanassindriyañca… cakkhundriyañca domanassindriyañca… cakkhundriyañca upekkhindriyañca… cakkhundriyañca saddhindriyañca… cakkhundriyañca vīriyindriyañca… cakkhundriyañca satindriyañca… cakkhundriyañca samādhindriyañca… cakkhundriyañca paññindriyañca… cakkhundriyañca anaññātaññassāmītindriyañca… cakkhundriyañca aññindriyañca… cakkhundriyañca aññātāvindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
(ทุกมูลกํฯ)
(Dukamūlakaṃ.)
๖๐. พาวีสตินฺทฺริยานิ กติหิ ขเนฺธหิ กติหายตเนหิ กติหิ ธาตูหิ สงฺคหิตานิ? พาวีสตินฺทฺริยานิ จตูหิ ขเนฺธหิ สตฺตหายตเนหิ เตรสหิ ธาตูหิ สงฺคหิตานิฯ กติหิ อสงฺคหิตานิ? เอเกน ขเนฺธน ปญฺจหายตเนหิ ปญฺจหิ ธาตูหิ อสงฺคหิตานิฯ
60. Bāvīsatindriyāni katihi khandhehi katihāyatanehi katihi dhātūhi saṅgahitāni? Bāvīsatindriyāni catūhi khandhehi sattahāyatanehi terasahi dhātūhi saṅgahitāni. Katihi asaṅgahitāni? Ekena khandhena pañcahāyatanehi pañcahi dhātūhi asaṅgahitāni.
๖. ปฎิจฺจสมุปฺปาทาทิ
6. Paṭiccasamuppādādi
๖๑. อวิชฺชา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
61. Avijjā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๖๒. อวิชฺชาปจฺจยา สงฺขารา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
62. Avijjāpaccayā saṅkhārā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๖๓. สงฺขารปจฺจยา วิญฺญาณํ เอเกน ขเนฺธน เอเกนายตเนน สตฺตหิ ธาตูหิ สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิตํฯ
63. Saṅkhārapaccayā viññāṇaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
๖๔. วิญฺญาณปจฺจยา นามรูปํ จตูหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตํฯ กติหิ อสงฺคหิตํ? เอเกน ขเนฺธน เอเกนายตเนน สตฺตหิ ธาตูหิ อสงฺคหิตํฯ
64. Viññāṇapaccayā nāmarūpaṃ catūhi khandhehi ekādasahāyatanehi ekādasahi dhātūhi saṅgahitaṃ. Katihi asaṅgahitaṃ? Ekena khandhena ekenāyatanena sattahi dhātūhi asaṅgahitaṃ.
๖๕. นามรูปปจฺจยา สฬายตนํ ทฺวีหิ ขเนฺธหิ ฉหายตเนหิ ทฺวาทสหิ ธาตูหิ สงฺคหิตํฯ กติหิ อสงฺคหิตํ? ตีหิ ขเนฺธหิ ฉหายตเนหิ ฉหิ ธาตูหิ อสงฺคหิตํฯ
65. Nāmarūpapaccayā saḷāyatanaṃ dvīhi khandhehi chahāyatanehi dvādasahi dhātūhi saṅgahitaṃ. Katihi asaṅgahitaṃ? Tīhi khandhehi chahāyatanehi chahi dhātūhi asaṅgahitaṃ.
๖๖. สฬายตนปจฺจยา ผโสฺส… ผสฺสปจฺจยา เวทนา… เวทนาปจฺจยา ตณฺหา… ตณฺหาปจฺจยา อุปาทานํ… กมฺมภโว 1 เอเกน ขเนฺธน เอเกนายตเนน เอกาย ธาตุยา สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิโตฯ
66. Saḷāyatanapaccayā phasso… phassapaccayā vedanā… vedanāpaccayā taṇhā… taṇhāpaccayā upādānaṃ… kammabhavo 2 ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
๖๗. อุปปตฺติภโว … กามภโว… สญฺญาภโว… ปญฺจโวการภโว ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ สงฺคหิโตฯ กติหิ อสงฺคหิโต? น เกหิจิ ขเนฺธหิ เอเกนายตเนน เอกาย ธาตุยา อสงฺคหิโตฯ
67. Upapattibhavo … kāmabhavo… saññābhavo… pañcavokārabhavo pañcahi khandhehi ekādasahāyatanehi sattarasahi dhātūhi saṅgahito. Katihi asaṅgahito? Na kehici khandhehi ekenāyatanena ekāya dhātuyā asaṅgahito.
๖๘. รูปภโว ปญฺจหิ ขเนฺธหิ ปญฺจหายตเนหิ อฎฺฐหิ ธาตูหิ สงฺคหิโตฯ กติหิ อสงฺคหิโต? น เกหิจิ ขเนฺธหิ สตฺตหายตเนหิ ทสหิ ธาตูหิ อสงฺคหิโตฯ
68. Rūpabhavo pañcahi khandhehi pañcahāyatanehi aṭṭhahi dhātūhi saṅgahito. Katihi asaṅgahito? Na kehici khandhehi sattahāyatanehi dasahi dhātūhi asaṅgahito.
๖๙. อรูปภโว… เนวสญฺญานาสญฺญาภโว… จตุโวการภโว จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิโตฯ กติหิ อสงฺคหิโต? เอเกน ขเนฺธน ทสหายตเนหิ โสฬสหิ ธาตูหิ อสงฺคหิโตฯ
69. Arūpabhavo… nevasaññānāsaññābhavo… catuvokārabhavo catūhi khandhehi dvīhāyatanehi dvīhi dhātūhi saṅgahito. Katihi asaṅgahito? Ekena khandhena dasahāyatanehi soḷasahi dhātūhi asaṅgahito.
๗๐. อสญฺญาภโว… เอกโวการภโว เอเกน ขเนฺธน ทฺวีหายตเนหิ ทฺวีหิ ธาตูหิ สงฺคหิโตฯ กติหิ อสงฺคหิโต? จตูหิ ขเนฺธหิ ทสหายตเนหิ โสฬสหิ ธาตูหิ อสงฺคหิโตฯ
70. Asaññābhavo… ekavokārabhavo ekena khandhena dvīhāyatanehi dvīhi dhātūhi saṅgahito. Katihi asaṅgahito? Catūhi khandhehi dasahāyatanehi soḷasahi dhātūhi asaṅgahito.
๗๑. ชาติ ทฺวีหิ ขเนฺธหิ… ชรา ทฺวีหิ ขเนฺธหิ… มรณํ ทฺวีหิ ขเนฺธหิ เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? ตีหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
71. Jāti dvīhi khandhehi… jarā dvīhi khandhehi… maraṇaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
๗๒. โสโก… ปริเทโว… ทุกฺขํ… โทมนสฺสํ… อุปายาโส… สติปฎฺฐานํ… สมฺมปฺปธานํ เอเกน ขเนฺธน เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
72. Soko… paridevo… dukkhaṃ… domanassaṃ… upāyāso… satipaṭṭhānaṃ… sammappadhānaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
๗๓. อิทฺธิปาโท ทฺวีหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิโตฯ กติหิ อสงฺคหิโต? ตีหิ ขเนฺธหิ ทสหายตเนหิ โสฬสหิ ธาตูหิ อสงฺคหิโตฯ
73. Iddhipādo dvīhi khandhehi dvīhāyatanehi dvīhi dhātūhi saṅgahito. Katihi asaṅgahito? Tīhi khandhehi dasahāyatanehi soḷasahi dhātūhi asaṅgahito.
๗๔. ฌานํ ทฺวีหิ ขเนฺธหิ เอเกนายตเนน เอกาย ธาตุยา สงฺคหิตํฯ กติหิ อสงฺคหิตํ? ตีหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตํฯ
74. Jhānaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
๗๕. อปฺปมญฺญา … ปญฺจินฺทฺริยานิ… ปญฺจ พลานิ… สตฺต โพชฺฌงฺคา… อริโย อฎฺฐงฺคิโก มโคฺค… ผโสฺส… เวทนา… สญฺญา… เจตนา… อธิโมโกฺข… มนสิกาโร เอเกน ขเนฺธน เอเกนายตเนน เอกาย ธาตุยา สงฺคหิโตฯ กติหิ อสงฺคหิโต? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิโตฯ
75. Appamaññā … pañcindriyāni… pañca balāni… satta bojjhaṅgā… ariyo aṭṭhaṅgiko maggo… phasso… vedanā… saññā… cetanā… adhimokkho… manasikāro ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
๗๖. จิตฺตํ เอเกน ขเนฺธน เอเกนายตเนน สตฺตหิ ธาตูหิ สงฺคหิตํฯ กติหิ อสงฺคหิตํ? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิตํฯ
76. Cittaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
๗. ติกํ
7. Tikaṃ
๗๗. กุสลา ธมฺมา… อกุสลา ธมฺมา กติหิ ขเนฺธหิ กติหายตเนหิ กติหิ ธาตูหิ สงฺคหิตา? กุสลา ธมฺมา… อกุสลา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
77. Kusalā dhammā… akusalā dhammā katihi khandhehi katihāyatanehi katihi dhātūhi saṅgahitā? Kusalā dhammā… akusalā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๗๘. อพฺยากตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
78. Abyākatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๗๙. สุขาย เวทนาย สมฺปยุตฺตา ธมฺมา… ทุกฺขาย เวทนาย สมฺปยุตฺตา ธมฺมา ตีหิ ขเนฺธหิ ทฺวีหายตเนหิ ตีหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ ปนฺนรสหิ ธาตูหิ อสงฺคหิตาฯ
79. Sukhāya vedanāya sampayuttā dhammā… dukkhāya vedanāya sampayuttā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
๘๐. อทุกฺขมสุขาย เวทนาย สมฺปยุตฺตา ธมฺมา ตีหิ ขเนฺธหิ ทฺวีหายตเนหิ สตฺตหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ เอกาทสหิ ธาตูหิ อสงฺคหิตาฯ
80. Adukkhamasukhāya vedanāya sampayuttā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
๘๑. วิปากา ธมฺมา จตูหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ทสหิ ธาตูหิ อสงฺคหิตาฯ
81. Vipākā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
๘๒. วิปากธมฺมธมฺมา… สํกิลิฎฺฐสํกิเลสิกา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
82. Vipākadhammadhammā… saṃkiliṭṭhasaṃkilesikā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๘๓. เนววิปากนวิปากธมฺมธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ เตรสหิ ธาตูหิ สงฺคหิตาฯ กติหิ อสงฺคหิตา ? น เกหิจิ ขเนฺธหิ น เกหิจิ อายตเนหิ ปญฺจหิ ธาตูหิ อสงฺคหิตาฯ
83. Nevavipākanavipākadhammadhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi pañcahi dhātūhi asaṅgahitā.
๘๔. อุปาทินฺนุปาทานิยา ธมฺมา ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ เอเกนายตเนน เอกาย ธาตุยา อสงฺคหิตาฯ
84. Upādinnupādāniyā dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
๘๕. อนุปาทินฺนุปาทานิยา ธมฺมา ปญฺจหิ ขเนฺธหิ สตฺตหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ ปญฺจหายตเนหิ ทสหิ ธาตูหิ อสงฺคหิตาฯ
85. Anupādinnupādāniyā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
๘๖. อนุปาทินฺนอนุปาทานิยา ธมฺมา… อสํกิลิฎฺฐอสํกิเลสิกา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
86. Anupādinnaanupādāniyā dhammā… asaṃkiliṭṭhaasaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๘๗. อสํกิลิฎฺฐสํกิเลสิกา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
87. Asaṃkiliṭṭhasaṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๘๘. สวิตกฺกสวิจารา ธมฺมา จตูหิ ขเนฺธหิ ทฺวีหายตเนหิ ตีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ปนฺนรสหิ ธาตูหิ อสงฺคหิตาฯ
88. Savitakkasavicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
๘๙. อวิตกฺกวิจารมตฺตา ธมฺมา… ปีติสหคตา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
89. Avitakkavicāramattā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๙๐. อวิตกฺกอวิจารา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ สตฺตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ เอกาย ธาตุยา อสงฺคหิตาฯ
90. Avitakkaavicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
๙๑. สุขสหคตา ธมฺมา ตีหิ ขเนฺธหิ ทฺวีหายตเนหิ ตีหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ ปนฺนรสหิ ธาตูหิ อสงฺคหิตาฯ
91. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
๙๒. อุเปกฺขาสหคตา ธมฺมา ตีหิ ขเนฺธหิ ทฺวีหายตเนหิ สตฺตหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ เอกาทสหิ ธาตูหิ อสงฺคหิตาฯ
92. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
๙๓. ทสฺสเนน ปหาตพฺพา ธมฺมา… ภาวนาย ปหาตพฺพา ธมฺมา… ทสฺสเนน ปหาตพฺพเหตุกา ธมฺมา… ภาวนาย ปหาตพฺพเหตุกา ธมฺมา… อาจยคามิโน ธมฺมา… อปจยคามิโน ธมฺมา… เสกฺขา ธมฺมา… อเสกฺขา ธมฺมา… มหคฺคตา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
93. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā… ācayagāmino dhammā… apacayagāmino dhammā… sekkhā dhammā… asekkhā dhammā… mahaggatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๙๔. เนว ทสฺสเนน น ภาวนาย ปหาตพฺพา ธมฺมา… เนว ทสฺสเนน น ภาวนาย ปหาตพฺพเหตุกา ธมฺมา… เนวาจยคามินาปจยคามิโน ธมฺมา… เนวเสกฺขนาเสกฺขา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
94. Neva dassanena na bhāvanāya pahātabbā dhammā… neva dassanena na bhāvanāya pahātabbahetukā dhammā… nevācayagāmināpacayagāmino dhammā… nevasekkhanāsekkhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๙๕. ปริตฺตา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
95. Parittā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๙๖. อปฺปมาณา ธมฺมา… ปณีตา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
96. Appamāṇā dhammā… paṇītā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๙๗. ปริตฺตารมฺมณา 3 ธมฺมา จตูหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ทสหิ ธาตูหิ อสงฺคหิตาฯ
97. Parittārammaṇā 4 dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
๙๘. มหคฺคตารมฺมณา ธมฺมา… อปฺปมาณารมฺมณา ธมฺมา… หีนา ธมฺมา… มิจฺฉตฺตนิยตา ธมฺมา… สมฺมตฺตนิยตา ธมฺมา… มคฺคารมฺมณา ธมฺมา… มคฺคเหตุกา ธมฺมา… มคฺคาธิปติโน ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
98. Mahaggatārammaṇā dhammā… appamāṇārammaṇā dhammā… hīnā dhammā… micchattaniyatā dhammā… sammattaniyatā dhammā… maggārammaṇā dhammā… maggahetukā dhammā… maggādhipatino dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๙๙. มชฺฌิมา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
99. Majjhimā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๐๐. อนิยตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
100. Aniyatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๐๑. อุปฺปนฺนา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
101. Uppannā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๐๒. อนุปฺปนฺนา ธมฺมา ปญฺจหิ ขเนฺธหิ สตฺตหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ ปญฺจหายตเนหิ ทสหิ ธาตูหิ อสงฺคหิตาฯ
102. Anuppannā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
๑๐๓. อุปฺปาทิโน ธมฺมา ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ เอเกนายตเนน เอกาย ธาตุยา อสงฺคหิตาฯ
103. Uppādino dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
๑๐๔. อตีตา ธมฺมา… อนาคตา ธมฺมา… ปจฺจุปฺปนฺนา ธมฺมา… อชฺฌตฺตา ธมฺมา… อชฺฌตฺตพหิทฺธา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
104. Atītā dhammā… anāgatā dhammā… paccuppannā dhammā… ajjhattā dhammā… ajjhattabahiddhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๐๕. พหิทฺธา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
105. Bahiddhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๐๖. อตีตารมฺมณา ธมฺมา… อนาคตารมฺมณา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
106. Atītārammaṇā dhammā… anāgatārammaṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๐๗. ปจฺจุปฺปนฺนารมฺมณา ธมฺมา… อชฺฌตฺตารมฺมณา ธมฺมา… พหิทฺธารมฺมณา ธมฺมา… อชฺฌตฺตพหิทฺธารมฺมณา ธมฺมา จตูหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ทสหิ ธาตูหิ อสงฺคหิตาฯ
107. Paccuppannārammaṇā dhammā… ajjhattārammaṇā dhammā… bahiddhārammaṇā dhammā… ajjhattabahiddhārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
๑๐๘. สนิทสฺสนสปฺปฎิฆา ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตา ฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
108. Sanidassanasappaṭighā dhammā ekena khandhena ekenāyatanena ekāya dhātuyā saṅgahitā . Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๐๙. อนิทสฺสนสปฺปฎิฆา ธมฺมา เอเกน ขเนฺธน นวหายตเนหิ นวหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ตีหายตเนหิ นวหิ ธาตูหิ อสงฺคหิตาฯ
109. Anidassanasappaṭighā dhammā ekena khandhena navahāyatanehi navahi dhātūhi saṅgahitā. Katihi asaṅgahitā? Catūhi khandhehi tīhāyatanehi navahi dhātūhi asaṅgahitā.
๑๑๐. อนิทสฺสนอปฺปฎิฆา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ, ทสหายตเนหิ ทสหิ ธาตูหิ อสงฺคหิตาฯ
110. Anidassanaappaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.
๘. ทุกํ
8. Dukaṃ
๑๑๑. เหตู ธมฺมา… เหตู เจว สเหตุกา จ ธมฺมา… เหตู เจว เหตุสมฺปยุตฺตา จ ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
111. Hetū dhammā… hetū ceva sahetukā ca dhammā… hetū ceva hetusampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๑๒. น เหตู ธมฺมา… อเหตุกา ธมฺมา… เหตุวิปฺปยุตฺตา ธมฺมา… น เหตู อเหตุกา 5 ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
112. Na hetū dhammā… ahetukā dhammā… hetuvippayuttā dhammā… na hetū ahetukā 6 dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๑๓. สเหตุกา ธมฺมา… เหตุสมฺปยุตฺตา ธมฺมา… สเหตุกา เจว น จ เหตู ธมฺมา… เหตุสมฺปยุตฺตา เจว น จ เหตู ธมฺมา… น เหตู สเหตุกา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
113. Sahetukā dhammā… hetusampayuttā dhammā… sahetukā ceva na ca hetū dhammā… hetusampayuttā ceva na ca hetū dhammā… na hetū sahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๑๔. สปฺปจฺจยา ธมฺมา… สงฺขตา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
114. Sappaccayā dhammā… saṅkhatā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๑๕. อปฺปจฺจยา ธมฺมา… อสงฺขตา ธมฺมา น เกหิจิ ขเนฺธหิ เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
115. Appaccayā dhammā… asaṅkhatā dhammā na kehici khandhehi ekenāyatanena ekāya dhātuyā saṅgahitā. Katihi asaṅgahitā? Pañcahi khandhehi ekādasahāyatanehi sattarasahi dhātūhi asaṅgahitā.
๑๑๖. สนิทสฺสนา ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
116. Sanidassanā dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๑๗. อนิทสฺสนา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ, เอเกนายตเนน เอกาย ธาตุยา อสงฺคหิตาฯ
117. Anidassanā dhammā asaṅkhataṃ khandhato ṭhapetvā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi, ekenāyatanena ekāya dhātuyā asaṅgahitā.
๑๑๘. สปฺปฎิฆา ธมฺมา เอเกน ขเนฺธน ทสหายตเนหิ ทสหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทฺวีหายตเนหิ อฎฺฐหิ ธาตูหิ อสงฺคหิตาฯ
118. Sappaṭighā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.
๑๑๙. อปฺปฎิฆา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ, ทสหายตเนหิ ทสหิ ธาตูหิ อสงฺคหิตาฯ
119. Appaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.
๑๒๐. รูปิโน ธมฺมา เอเกน ขเนฺธน เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
120. Rūpino dhammā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
๑๒๑. อรูปิโน ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ทสหิ ธาตูหิ อสงฺคหิตาฯ
121. Arūpino dhammā asaṅkhataṃ khandhato ṭhapetvā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
๑๒๒. โลกิยา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
122. Lokiyā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๒๓. โลกุตฺตรา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
123. Lokuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๒๔. เกนจิ วิเญฺญยฺยา ธมฺมา… เกนจิ น วิเญฺญยฺยา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
124. Kenaci viññeyyā dhammā… kenaci na viññeyyā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๒๕. อาสวา ธมฺมา… อาสวา เจว สาสวา จ ธมฺมา… อาสวา เจว อาสวสมฺปยุตฺตา จ ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
125. Āsavā dhammā… āsavā ceva sāsavā ca dhammā… āsavā ceva āsavasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๒๖. โน อาสวา ธมฺมา… อาสววิปฺปยุตฺตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
126. No āsavā dhammā… āsavavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๒๗. สาสวา ธมฺมา… สาสวา เจว โน จ อาสวา ธมฺมา… อาสววิปฺปยุตฺตา สาสวา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
127. Sāsavā dhammā… sāsavā ceva no ca āsavā dhammā… āsavavippayuttā sāsavā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๒๘. อนาสวา ธมฺมา… อาสววิปฺปยุตฺตา อนาสวา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
128. Anāsavā dhammā… āsavavippayuttā anāsavā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๒๙. อาสวสมฺปยุตฺตา ธมฺมา… อาสวสมฺปยุตฺตา เจว โน จ อาสวา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
129. Āsavasampayuttā dhammā… āsavasampayuttā ceva no ca āsavā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๓๐. สํโยชนา ธมฺมา… คนฺถา ธมฺมา… โอฆา ธมฺมา… โยคา ธมฺมา… นีวรณา ธมฺมา… ปรามาสา ธมฺมา… ปรามาสา เจว ปรามฎฺฐา จ ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
130. Saṃyojanā dhammā… ganthā dhammā… oghā dhammā… yogā dhammā… nīvaraṇā dhammā… parāmāsā dhammā… parāmāsā ceva parāmaṭṭhā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๓๑. โน ปรามาสา ธมฺมา… ปรามาสวิปฺปยุตฺตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตา ฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
131. No parāmāsā dhammā… parāmāsavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๓๒. ปรามฎฺฐา ธมฺมา… ปรามฎฺฐา เจว โน จ ปรามาสา ธมฺมา… ปรามาสวิปฺปยุตฺตา ปรามฎฺฐา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
132. Parāmaṭṭhā dhammā… parāmaṭṭhā ceva no ca parāmāsā dhammā… parāmāsavippayuttā parāmaṭṭhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๓๓. อปรามฎฺฐา ธมฺมา… ปรามาสวิปฺปยุตฺตา อปรามฎฺฐา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
133. Aparāmaṭṭhā dhammā… parāmāsavippayuttā aparāmaṭṭhā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๓๔. ปรามาสสมฺปยุตฺตา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
134. Parāmāsasampayuttā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๓๕. สารมฺมณา ธมฺมา จตูหิ ขเนฺธหิ ทฺวีหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ทสหิ ธาตูหิ อสงฺคหิตาฯ
135. Sārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
๑๓๖. อนารมฺมณา ธมฺมา อสงฺขตํ ขนฺธโต ฐเปตฺวา เอเกน ขเนฺธน เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
136. Anārammaṇā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
๑๓๗. จิตฺตา ธมฺมา เอเกน ขเนฺธน เอเกนายตเนน สตฺตหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ เอกาทสหิ ธาตูหิ อสงฺคหิตาฯ
137. Cittā dhammā ekena khandhena ekenāyatanena sattahi dhātūhi saṅgahitā. Katihi asaṅgahitā? Catūhi khandhehi ekādasahāyatanehi ekādasahi dhātūhi asaṅgahitā.
๑๓๘. โน จิตฺตา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน เอเกนายตเนน สตฺตหิ ธาตูหิ อสงฺคหิตาฯ
138. No cittā dhammā asaṅkhataṃ khandhato ṭhapetvā catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.
๑๓๙. เจตสิกา ธมฺมา… จิตฺตสมฺปยุตฺตา ธมฺมา… จิตฺตสํสฎฺฐา ธมฺมา ตีหิ ขเนฺธหิ เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? ทฺวีหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
139. Cetasikā dhammā… cittasampayuttā dhammā… cittasaṃsaṭṭhā dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.
๑๔๐. อเจตสิกา ธมฺมา อสงฺขตํ ขนฺธโต ฐเปตฺวา ทฺวีหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
140. Acetasikā dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
๑๔๑. จิตฺตวิปฺปยุตฺตา ธมฺมา… จิตฺตวิสํสฎฺฐา ธมฺมา อสงฺขตํ ขนฺธโต ฐเปตฺวา เอเกน ขเนฺธน เอกาทสหายตเนหิ เอกาทสหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ เอเกนายตเนน สตฺตหิ ธาตูหิ อสงฺคหิตาฯ
141. Cittavippayuttā dhammā… cittavisaṃsaṭṭhā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
๑๔๒. จิตฺตสมุฎฺฐานา ธมฺมา จตูหิ ขเนฺธหิ ฉหายตเนหิ ฉหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ฉหายตเนหิ ทฺวาทสหิ ธาตูหิ อสงฺคหิตาฯ
142. Cittasamuṭṭhānā dhammā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.
๑๔๓. โน จิตฺตสมุฎฺฐานา ธมฺมา… โน จิตฺตสหภุโน ธมฺมา… โน จิตฺตานุปริวตฺติโน ธมฺมา อสงฺขตํ ขนฺธโต ฐเปตฺวา ทฺวีหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
143. No cittasamuṭṭhānā dhammā… no cittasahabhuno dhammā… no cittānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
๑๔๔. จิตฺตสหภุโน ธมฺมา… จิตฺตานุปริวตฺติโน ธมฺมา จตูหิ ขเนฺธหิ เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? เอเกน ขเนฺธน เอกาทสหายตเนหิ สตฺตรสหิ ธาตูหิ อสงฺคหิตาฯ
144. Cittasahabhuno dhammā… cittānuparivattino dhammā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.
๑๔๕. จิตฺตสํสฎฺฐสมุฎฺฐานา ธมฺมา… จิตฺตสํสฎฺฐสมุฎฺฐานสหภุโน ธมฺมา… จิตฺตสํสฎฺฐสมุฎฺฐานานุปริวตฺติโน ธมฺมา ตีหิ ขเนฺธหิ เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? ทฺวีหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
145. Cittasaṃsaṭṭhasamuṭṭhānā dhammā… cittasaṃsaṭṭhasamuṭṭhānasahabhuno dhammā… cittasaṃsaṭṭhasamuṭṭhānānuparivattino dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.
๑๔๖. โน จิตฺตสํสฎฺฐสมุฎฺฐานา ธมฺมา… โน จิตฺตสํสฎฺฐสมุฎฺฐานสหภุโน ธมฺมา… โน จิตฺตสํสฎฺฐสมุฎฺฐานานุปริวตฺติโน ธมฺมา อสงฺขตํ ขนฺธโต ฐเปตฺวา ทฺวีหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
146. No cittasaṃsaṭṭhasamuṭṭhānā dhammā… no cittasaṃsaṭṭhasamuṭṭhānasahabhuno dhammā… no cittasaṃsaṭṭhasamuṭṭhānānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
๑๔๗. อชฺฌตฺติกา ธมฺมา ทฺวีหิ ขเนฺธหิ ฉหายตเนหิ ทฺวาทสหิ ธาตูหิ สงฺคหิตาฯ กติหิ อสงฺคหิตา? ตีหิ ขเนฺธหิ ฉหายตเนหิ ฉหิ ธาตูหิ อสงฺคหิตาฯ
147. Ajjhattikā dhammā dvīhi khandhehi chahāyatanehi dvādasahi dhātūhi saṅgahitā. Katihi asaṅgahitā? Tīhi khandhehi chahāyatanehi chahi dhātūhi asaṅgahitā.
๑๔๘. พาหิรา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ฉหายตเนหิ ฉหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ฉหายตเนหิ ทฺวาทสหิ ธาตูหิ อสงฺคหิตาฯ
148. Bāhirā dhammā asaṅkhataṃ khandhato ṭhapetvā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.
๑๔๙. อุปาทา ธมฺมา เอเกน ขเนฺธน ทสหายตเนหิ ทสหิ ธาตูหิ สงฺคหิตาฯ กติหิ อสงฺคหิตา? จตูหิ ขเนฺธหิ ทฺวีหายตเนหิ อฎฺฐหิ ธาตูหิ อสงฺคหิตาฯ
149. Upādā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.
๑๕๐. โน อุปาทา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ตีหายตเนหิ นวหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ นวหายตเนหิ นวหิ ธาตูหิ อสงฺคหิตาฯ
150. No upādā dhammā asaṅkhataṃ khandhato ṭhapetvā pañcahi khandhehi tīhāyatanehi navahi dhātūhi saṅgahitā. Katihi asaṅgahitā? Na kehici khandhehi navahāyatanehi navahi dhātūhi asaṅgahitā.
๑๕๑. อุปาทินฺนา ธมฺมา ปญฺจหิ ขเนฺธหิ เอกาทสหายตเนหิ สตฺตรสหิ ธาตูหิ สงฺคหิตา ฯ กติหิ อสงฺคหิตา? น เกหิจิ ขเนฺธหิ เอเกนายตเนน เอกาย ธาตุยา อสงฺคหิตาฯ
151. Upādinnā dhammā pañcahi khandhehi ekādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
๑๕๒. อนุปาทินฺนา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ สตฺตหายตเนหิ อฎฺฐหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ ปญฺจหายตเนหิ ทสหิ ธาตูหิ อสงฺคหิตาฯ
152. Anupādinnā dhammā asaṅkhataṃ khandhato ṭhapetvā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
๑๕๓. อุปาทานา ธมฺมา… กิเลสา ธมฺมา… กิเลสา เจว สํกิเลสิกา จ ธมฺมา… กิเลสา เจว สํกิลิฎฺฐา จ ธมฺมา… กิเลสา เจว กิเลสสมฺปยุตฺตา จ ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ กติหิ อสงฺคหิตา? จตูหิ ขเนฺธหิ เอกาทสหายตเนหิ สตฺตรสหิ ธาตูหิ อสงฺคหิตาฯ
153. Upādānā dhammā… kilesā dhammā… kilesā ceva saṃkilesikā ca dhammā… kilesā ceva saṃkiliṭṭhā ca dhammā… kilesā ceva kilesasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
๑๕๔. โน กิเลสา ธมฺมา… อสํกิลิฎฺฐา ธมฺมา… กิเลสวิปฺปยุตฺตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
154. No kilesā dhammā… asaṃkiliṭṭhā dhammā… kilesavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๕๕. สํกิเลสิกา ธมฺมา… สํกิเลสิกา เจว โน จ กิเลสา ธมฺมา… กิเลสวิปฺปยุตฺตา สํกิเลสิกา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
155. Saṃkilesikā dhammā… saṃkilesikā ceva no ca kilesā dhammā… kilesavippayuttā saṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๕๖. อสํกิเลสิกา ธมฺมา… กิเลสวิปฺปยุตฺตา อสํกิเลสิกา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
156. Asaṃkilesikā dhammā… kilesavippayuttā asaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๕๗. สํกิลิฎฺฐา ธมฺมา… กิเลสสมฺปยุตฺตา ธมฺมา… สํกิลิฎฺฐา เจว โน จ กิเลสา ธมฺมา… กิเลสสมฺปยุตฺตา เจว โน จ กิเลสา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
157. Saṃkiliṭṭhā dhammā… kilesasampayuttā dhammā… saṃkiliṭṭhā ceva no ca kilesā dhammā… kilesasampayuttā ceva no ca kilesā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๕๘. ทสฺสเนน ปหาตพฺพา ธมฺมา… ภาวนาย ปหาตพฺพา ธมฺมา… ทสฺสเนน ปหาตพฺพเหตุกา ธมฺมา… ภาวนาย ปหาตพฺพเหตุกา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
158. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๕๙. น ทสฺสเนน ปหาตพฺพา ธมฺมา… น ภาวนาย ปหาตพฺพา ธมฺมา … น ทสฺสเนน ปหาตพฺพเหตุกา ธมฺมา… น ภาวนาย ปหาตพฺพเหตุกา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
159. Na dassanena pahātabbā dhammā… na bhāvanāya pahātabbā dhammā … na dassanena pahātabbahetukā dhammā… na bhāvanāya pahātabbahetukā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๖๐. สวิตกฺกา ธมฺมา… สวิจารา ธมฺมา จตูหิ ขเนฺธหิ ทฺวีหายตเนหิ ตีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ ปนฺนรสหิ ธาตูหิ อสงฺคหิตาฯ
160. Savitakkā dhammā… savicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
๑๖๑. อวิตกฺกา ธมฺมา… อวิจารา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ สตฺตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ เอกาย ธาตุยา อสงฺคหิตาฯ
161. Avitakkā dhammā… avicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
๑๖๒. สปฺปีติกา ธมฺมา… ปีติสหคตา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
162. Sappītikā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๖๓. อปฺปีติกา ธมฺมา… น ปีติสหคตา ธมฺมา… น สุขสหคตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
163. Appītikā dhammā… na pītisahagatā dhammā… na sukhasahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๖๔. สุขสหคตา ธมฺมา ตีหิ ขเนฺธหิ ทฺวีหายตเนหิ ตีหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ ปนฺนรสหิ ธาตูหิ อสงฺคหิตาฯ
164. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
๑๖๕. อุเปกฺขาสหคตา ธมฺมา ตีหิ ขเนฺธหิ ทฺวีหายตเนหิ สตฺตหิ ธาตูหิ สงฺคหิตาฯ กติหิ อสงฺคหิตา? ทฺวีหิ ขเนฺธหิ ทสหายตเนหิ เอกาทสหิ ธาตูหิ อสงฺคหิตาฯ
165. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
๑๖๖. น อุเปกฺขาสหคตา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ เตรสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ ปญฺจหิ ธาตูหิ อสงฺคหิตาฯ
166. Na upekkhāsahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
๑๖๗. กามาวจรา ธมฺมา… ปริยาปนฺนา ธมฺมา… สอุตฺตรา ธมฺมา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
167. Kāmāvacarā dhammā… pariyāpannā dhammā… sauttarā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
๑๖๘. น กามาวจรา ธมฺมา… อปริยาปนฺนา ธมฺมา… อนุตฺตรา ธมฺมา อสงฺขตํ ขนฺธโต ฐเปตฺวา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
168. Na kāmāvacarā dhammā… apariyāpannā dhammā… anuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๖๙. รูปาวจรา ธมฺมา… อรูปาวจรา ธมฺมา… นิยฺยานิกา ธมฺมา… นิยตา ธมฺมา… สรณา ธมฺมา จตูหิ ขเนฺธหิ ทฺวีหายตเนหิ ทฺวีหิ ธาตูหิ สงฺคหิตาฯ กติหิ อสงฺคหิตา? เอเกน ขเนฺธน ทสหายตเนหิ โสฬสหิ ธาตูหิ อสงฺคหิตาฯ
169. Rūpāvacarā dhammā… arūpāvacarā dhammā… niyyānikā dhammā… niyatā dhammā… saraṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
๑๗๐. น รูปาวจรา ธมฺมา… น อรูปาวจรา ธมฺมา… อนิยฺยานิกา ธมฺมา… อนิยตา ธมฺมา… อรณา ธมฺมา กติหิ ขเนฺธหิ กติหายตเนหิ กติหิ ธาตูหิ สงฺคหิตา? อรณา ธมฺมา อสงฺขตํ ขนฺธโต ฐเปตฺวา ปญฺจหิ ขเนฺธหิ ทฺวาทสหายตเนหิ อฎฺฐารสหิ ธาตูหิ สงฺคหิตาฯ กติหิ อสงฺคหิตา? น เกหิจิ ขเนฺธหิ น เกหิจิ อายตเนหิ น กาหิจิ ธาตูหิ อสงฺคหิตาฯ
170. Na rūpāvacarā dhammā… na arūpāvacarā dhammā… aniyyānikā dhammā… aniyatā dhammā… araṇā dhammā katihi khandhehi katihāyatanehi katihi dhātūhi saṅgahitā? Araṇā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
สงฺคหาสงฺคหปทนิเทฺทโส ปฐโมฯ
Saṅgahāsaṅgahapadaniddeso paṭhamo.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑. ปฐมนโย สงฺคหาสงฺคหปทวณฺณนา • 1. Paṭhamanayo saṅgahāsaṅgahapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑. ปฐมนโย สงฺคหาสงฺคหปทวณฺณนา • 1. Paṭhamanayo saṅgahāsaṅgahapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑. ปฐมนโย สงฺคหาสงฺคหปทวณฺณนา • 1. Paṭhamanayo saṅgahāsaṅgahapadavaṇṇanā
