| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
1. පඨමනයො
1. Paṭhamanayo
1. සඞ්‌ගහාසඞ්‌ගහපදනිද්‌දෙසො
1. Saṅgahāsaṅgahapadaniddeso
1. ඛන්‌ධො
1. Khandho
6. රූපක්‌ඛන්‌ධො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතො? රූපක්‌ඛන්‌ධො එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතො.
6. Rūpakkhandho katihi khandhehi katihāyatanehi katihi dhātūhi saṅgahito? Rūpakkhandho ekena khandhena ekādasahāyatanehi ekādasahi dhātūhi saṅgahito. Katihi asaṅgahito? Catūhi khandhehi ekenāyatanena sattahi dhātūhi asaṅgahito.
7. වෙදනාක්‌ඛන්‌ධො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතො? වෙදනාක්‌ඛන්‌ධො එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතො.
7. Vedanākkhandho katihi khandhehi katihāyatanehi katihi dhātūhi saṅgahito? Vedanākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
8. සඤ්‌ඤාක්‌ඛන්‌ධො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතො? සඤ්‌ඤාක්‌ඛන්‌ධො එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතො.
8. Saññākkhandho katihi khandhehi katihāyatanehi katihi dhātūhi saṅgahito? Saññākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
9. සඞ්‌ඛාරක්‌ඛන්‌ධො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතො? සඞ්‌ඛාරක්‌ඛන්‌ධො එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතො.
9. Saṅkhārakkhandho katihi khandhehi katihāyatanehi katihi dhātūhi saṅgahito? Saṅkhārakkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
10. විඤ්‌ඤාණක්‌ඛන්‌ධො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතො? විඤ්‌ඤාණක්‌ඛන්‌ධො එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතො.
10. Viññāṇakkhandho katihi khandhehi katihāyatanehi katihi dhātūhi saṅgahito? Viññāṇakkhandho ekena khandhena ekenāyatanena sattahi dhātūhi saṅgahito. Katihi asaṅgahito? Catūhi khandhehi ekādasahāyatanehi ekādasahi dhātūhi asaṅgahito.
(එකමූලකං.)
(Ekamūlakaṃ.)
11. රූපක්‌ඛන්‌ධො ච වෙදනාක්‌ඛන්‌ධො ච කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? රූපක්‌ඛන්‌ධො ච වෙදනාක්‌ඛන්‌ධො ච ද්‌වීහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
11. Rūpakkhandho ca vedanākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
12. රූපක්‌ඛන්‌ධො ච සඤ්‌ඤාක්‌ඛන්‌ධො ච…පෙ.… ද්‌වීහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
12. Rūpakkhandho ca saññākkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
13. රූපක්‌ඛන්‌ධො ච සඞ්‌ඛාරක්‌ඛන්‌ධො ච…පෙ.… ද්‌වීහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
13. Rūpakkhandho ca saṅkhārakkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.
14. රූපක්‌ඛන්‌ධො ච විඤ්‌ඤාණක්‌ඛන්‌ධො ච…පෙ.… ද්‌වීහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි, න කෙහිචි ආයතනෙහි න කාහිචි ධාතූහි අසඞ්‌ගහිතා.
14. Rūpakkhandho ca viññāṇakkhandho ca…pe… dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi, na kehici āyatanehi na kāhici dhātūhi asaṅgahitā.
(දුකමූලකං.)
(Dukamūlakaṃ.)
15. රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච තීහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
15. Rūpakkhandho ca vedanākkhandho ca saññākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.
16. රූපක්‌ඛන්‌ධො ච වෙදනාක්‌ඛන්‌ධො ච සඞ්‌ඛාරක්‌ඛන්‌ධො ච…පෙ.… තීහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
16. Rūpakkhandho ca vedanākkhandho ca saṅkhārakkhandho ca…pe… tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.
17. රූපක්‌ඛන්‌ධො ච වෙදනාක්‌ඛන්‌ධො ච විඤ්‌ඤාණක්‌ඛන්‌ධො ච…පෙ.… තීහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි, න කෙහිචි ආයතනෙහි න කාහිචි ධාතූහි අසඞ්‌ගහිතා.
17. Rūpakkhandho ca vedanākkhandho ca viññāṇakkhandho ca…pe… tīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Dvīhi khandhehi, na kehici āyatanehi na kāhici dhātūhi asaṅgahitā.
(තිකමූලකං.)
(Tikamūlakaṃ.)
18. රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච සඞ්‌ඛාරක්‌ඛන්‌ධො ච කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච සඞ්‌ඛාරක්‌ඛන්‌ධො ච චතූහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
18. Rūpakkhandho ca vedanākkhandho ca saññākkhandho ca saṅkhārakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.
19. රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච විඤ්‌ඤාණක්‌ඛන්‌ධො ච…පෙ.… චතූහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන, න කෙහිචි ආයතනෙහි න කාහිචි ධාතූහි අසඞ්‌ගහිතා.
19. Rūpakkhandho ca vedanākkhandho ca saññākkhandho ca viññāṇakkhandho ca…pe… catūhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Ekena khandhena, na kehici āyatanehi na kāhici dhātūhi asaṅgahitā.
(චතුක්‌කමූලකං.)
(Catukkamūlakaṃ.)
20. රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච සඞ්‌ඛාරක්‌ඛන්‌ධො ච විඤ්‌ඤාණක්‌ඛන්‌ධො ච කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? රූපක්‌ඛන්‌ධො ච වෙදනාක්‌ඛන්‌ධො ච සඤ්‌ඤාක්‌ඛන්‌ධො ච සඞ්‌ඛාරක්‌ඛන්‌ධො ච විඤ්‌ඤාණක්‌ඛන්‌ධො ච පඤ්‌චහි ඛන්‌ධෙහි ද්‌වාදසායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
20. Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca pañcahi khandhehi dvādasāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
21. පඤ්‌චක්‌ඛන්‌ධා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? පඤ්‌චක්‌ඛන්‌ධා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
21. Pañcakkhandhā katihi khandhehi katihāyatanehi katihi dhātūhi saṅgahitā? Pañcakkhandhā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(පඤ්‌චකං.)
(Pañcakaṃ.)
2. ආයතනං
2. Āyatanaṃ
22. චක්‌ඛායතනං කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතං? චක්‌ඛායතනං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
22. Cakkhāyatanaṃ katihi khandhehi katihāyatanehi katihi dhātūhi saṅgahitaṃ? Cakkhāyatanaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
23. සොතායතනං … ඝානායතනං… ජිව්‌හායතනං… කායායතනං… රූපායතනං… සද්‌දායතනං… ගන්‌ධායතනං… රසායතනං… ඵොට්‌ඨබ්‌බායතනං…පෙ.… එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
23. Sotāyatanaṃ … ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ…pe… ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
24. මනායතනං එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතං.
24. Manāyatanaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
25. ධම්‌මායතනං අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? එකෙන ඛන්‌ධෙන එකාදසහායතනෙහි සත්‌තරසහි ධාතූහි අසඞ්‌ගහිතං.
25. Dhammāyatanaṃ asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Ekena khandhena ekādasahāyatanehi sattarasahi dhātūhi asaṅgahitaṃ.
(එකමූලකං.)
(Ekamūlakaṃ.)
26. චක්‌ඛායතනඤ්‌ච සොතායතනඤ්‌ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
26. Cakkhāyatanañca sotāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
27. චක්‌ඛායතනඤ්‌ච ඝානායතනඤ්‌ච… චක්‌ඛායතනඤ්‌ච ජිව්‌හායතනඤ්‌ච… චක්‌ඛායතනඤ්‌ච කායායතනඤ්‌ච… චක්‌ඛායතනඤ්‌ච රූපායතනඤ්‌ච… චක්‌ඛායතනඤ්‌ච සද්‌දායතනඤ්‌ච… චක්‌ඛායතනඤ්‌ච ගන්‌ධායතනඤ්‌ච… චක්‌ඛායතනඤ්‌ච රසායතනඤ්‌ච… චක්‌ඛායතනඤ්‌ච ඵොට්‌ඨබ්‌බායතනඤ්‌ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
27. Cakkhāyatanañca ghānāyatanañca… cakkhāyatanañca jivhāyatanañca… cakkhāyatanañca kāyāyatanañca… cakkhāyatanañca rūpāyatanañca… cakkhāyatanañca saddāyatanañca… cakkhāyatanañca gandhāyatanañca… cakkhāyatanañca rasāyatanañca… cakkhāyatanañca phoṭṭhabbāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
28. චක්‌ඛායතනඤ්‌ච මනායතනඤ්‌ච ද්‌වීහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි දසහි ධාතූහි අසඞ්‌ගහිතා.
28. Cakkhāyatanañca manāyatanañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.
29. චක්‌ඛායතනඤ්‌ච ධම්‌මායතනඤ්‌ච අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
29. Cakkhāyatanañca dhammāyatanañca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
(දුකමූලකං.)
(Dukamūlakaṃ.)
30. ද්‌වාදසායතනානි කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? ද්‌වාදසායතනානි අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
30. Dvādasāyatanāni katihi khandhehi katihāyatanehi katihi dhātūhi saṅgahitā? Dvādasāyatanāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(ද්‌වාදසකං.)
(Dvādasakaṃ.)
3. ධාතු
3. Dhātu
31. චක්‌ඛුධාතු කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? චක්‌ඛුධාතු එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
31. Cakkhudhātu katihi khandhehi katihāyatanehi katihi dhātūhi saṅgahitā? Cakkhudhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
32. සොතධාතු… ඝානධාතු… ජිව්‌හාධාතු… කායධාතු… රූපධාතු… සද්‌දධාතු… ගන්‌ධධාතු… රසධාතු… ඵොට්‌ඨබ්‌බධාතු… චක්‌ඛුවිඤ්‌ඤාණධාතු… සොතවිඤ්‌ඤාණධාතු… ඝානවිඤ්‌ඤාණධාතු… ජිව්‌හාවිඤ්‌ඤාණධාතු… කායවිඤ්‌ඤාණධාතු… මනොධාතු… මනොවිඤ්‌ඤාණධාතු එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
32. Sotadhātu… ghānadhātu… jivhādhātu… kāyadhātu… rūpadhātu… saddadhātu… gandhadhātu… rasadhātu… phoṭṭhabbadhātu… cakkhuviññāṇadhātu… sotaviññāṇadhātu… ghānaviññāṇadhātu… jivhāviññāṇadhātu… kāyaviññāṇadhātu… manodhātu… manoviññāṇadhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
33. ධම්‌මධාතු අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන එකාදසහායතනෙහි සත්‌තරසහි ධාතූහි අසඞ්‌ගහිතා.
33. Dhammadhātu asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.
(එකමූලකං.)
(Ekamūlakaṃ.)
34. චක්‌ඛුධාතු ච සොතධාතු ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
34. Cakkhudhātu ca sotadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
35. චක්‌ඛුධාතු ච ඝානධාතු ච… චක්‌ඛුධාතු ච ජිව්‌හාධාතු ච… චක්‌ඛුධාතු ච කායධාතු ච… චක්‌ඛුධාතු ච රූපධාතු ච… චක්‌ඛුධාතු ච සද්‌දධාතු ච… චක්‌ඛුධාතු ච ගන්‌ධධාතු ච… චක්‌ඛුධාතු ච රසධාතු ච… චක්‌ඛුධාතු ච ඵොට්‌ඨබ්‌බධාතු ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
35. Cakkhudhātu ca ghānadhātu ca… cakkhudhātu ca jivhādhātu ca… cakkhudhātu ca kāyadhātu ca… cakkhudhātu ca rūpadhātu ca… cakkhudhātu ca saddadhātu ca… cakkhudhātu ca gandhadhātu ca… cakkhudhātu ca rasadhātu ca… cakkhudhātu ca phoṭṭhabbadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
36. චක්‌ඛුධාතු ච චක්‌ඛුවිඤ්‌ඤාණධාතු ච ද්‌වීහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
36. Cakkhudhātu ca cakkhuviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
37. චක්‌ඛුධාතු ච සොතවිඤ්‌ඤාණධාතු ච… චක්‌ඛුධාතු ච ඝානවිඤ්‌ඤාණධාතු ච… චක්‌ඛුධාතු ච ජිව්‌හාවිඤ්‌ඤාණධාතු ච… චක්‌ඛුධාතු ච කායවිඤ්‌ඤාණධාතු ච… චක්‌ඛුධාතු ච මනොධාතු ච… චක්‌ඛුධාතු ච මනොවිඤ්‌ඤාණධාතු ච ද්‌වීහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
37. Cakkhudhātu ca sotaviññāṇadhātu ca… cakkhudhātu ca ghānaviññāṇadhātu ca… cakkhudhātu ca jivhāviññāṇadhātu ca… cakkhudhātu ca kāyaviññāṇadhātu ca… cakkhudhātu ca manodhātu ca… cakkhudhātu ca manoviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
38. චක්‌ඛුධාතු ච ධම්‌මධාතු ච අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
38. Cakkhudhātu ca dhammadhātu ca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
(දුකමූලකං.)
(Dukamūlakaṃ.)
39. අට්‌ඨාරස ධාතුයො කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? අට්‌ඨාරස ධාතුයො අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
39. Aṭṭhārasa dhātuyo katihi khandhehi katihāyatanehi katihi dhātūhi saṅgahitā? Aṭṭhārasa dhātuyo asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(අට්‌ඨාරසකං.)
(Aṭṭhārasakaṃ.)
4. සච්‌චං
4. Saccaṃ
40. දුක්‌ඛසච්‌චං කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතං? දුක්‌ඛසච්‌චං පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතං. කතිහි අසඞ්‌ගහිතං? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතං.
40. Dukkhasaccaṃ katihi khandhehi katihāyatanehi katihi dhātūhi saṅgahitaṃ? Dukkhasaccaṃ pañcahi khandhehi dvādasahāyatanehi aṭṭhārasahi dhātūhi saṅgahitaṃ. Katihi asaṅgahitaṃ? Na kehici khandhehi na kehici āyatanehi na kāhici dhātūhi asaṅgahitaṃ.
41. සමුදයසච්‌චං … මග්‌ගසච්‌චං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
41. Samudayasaccaṃ … maggasaccaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
42. නිරොධසච්‌චං න කෙහිචි ඛන්‌ධෙහි එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
42. Nirodhasaccaṃ na kehici khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Pañcahi khandhehi ekādasahāyatanehi sattarasahi dhātūhi asaṅgahitaṃ.
(එකමූලකං.)
(Ekamūlakaṃ.)
43. දුක්‌ඛසච්‌චඤ්‌ච සමුදයසච්‌චඤ්‌ච පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
43. Dukkhasaccañca samudayasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
44. දුක්‌ඛසච්‌චඤ්‌ච මග්‌ගසච්‌චඤ්‌ච පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
44. Dukkhasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
45. දුක්‌ඛසච්‌චඤ්‌ච නිරොධසච්‌චඤ්‌ච අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
45. Dukkhasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(දුකමූලකං.)
(Dukamūlakaṃ.)
46. දුක්‌ඛසච්‌චඤ්‌ච සමුදයසච්‌චඤ්‌ච මග්‌ගසච්‌චඤ්‌ච පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
46. Dukkhasaccañca samudayasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
47. දුක්‌ඛසච්‌චඤ්‌ච සමුදයසච්‌චඤ්‌ච නිරොධසච්‌චඤ්‌ච අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
47. Dukkhasaccañca samudayasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
(තිකමූලකං.)
(Tikamūlakaṃ.)
48. දුක්‌ඛසච්‌චඤ්‌ච සමුදයසච්‌චඤ්‌ච මග්‌ගසච්‌චඤ්‌ච නිරොධසච්‌චඤ්‌ච අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
48. Dukkhasaccañca samudayasaccañca maggasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
49. චත්‌තාරි සච්‌චානි කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතානි? චත්‌තාරි සච්‌චානි අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතානි. කතිහි අසඞ්‌ගහිතානි? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතානි.
49. Cattāri saccāni katihi khandhehi katihāyatanehi katihi dhātūhi saṅgahitāni? Cattāri saccāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitāni. Katihi asaṅgahitāni? Na kehici khandhehi na kehici āyatanehi na kāhici dhātūhi asaṅgahitāni.
(චතුක්‌කං.)
(Catukkaṃ.)
5. ඉන්‌ද්‍රියං
5. Indriyaṃ
50. චක්‌ඛුන්‌ද්‍රියං කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතං? චක්‌ඛුන්‌ද්‍රියං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
50. Cakkhundriyaṃ katihi khandhehi katihāyatanehi katihi dhātūhi saṅgahitaṃ? Cakkhundriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
51. සොතින්‌ද්‍රියං… ඝානින්‌ද්‍රියං… ජිව්‌හින්‌ද්‍රියං… කායින්‌ද්‍රියං… ඉත්‌ථින්‌ද්‍රියං … පුරිසින්‌ද්‍රියං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
51. Sotindriyaṃ… ghānindriyaṃ… jivhindriyaṃ… kāyindriyaṃ… itthindriyaṃ … purisindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
52. මනින්‌ද්‍රියං එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතං.
52. Manindriyaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
53. ජීවිතින්‌ද්‍රියං ද්‌වීහි ඛන්‌ධෙහි එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? තීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
53. Jīvitindriyaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
54. සුඛින්‌ද්‍රියං … දුක්‌ඛින්‌ද්‍රියං… සොමනස්‌සින්‌ද්‍රියං… දොමනස්‌සින්‌ද්‍රියං… උපෙක්‌ඛින්‌ද්‍රියං… සද්‌ධින්‌ද්‍රියං… වීරියින්‌ද්‍රියං… සතින්‌ද්‍රියං… සමාධින්‌ද්‍රියං… පඤ්‌ඤින්‌ද්‍රියං… අනඤ්‌ඤාතඤ්‌ඤස්‌සාමීතින්‌ද්‍රියං… අඤ්‌ඤින්‌ද්‍රියං… අඤ්‌ඤාතාවින්‌ද්‍රියං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
54. Sukhindriyaṃ … dukkhindriyaṃ… somanassindriyaṃ… domanassindriyaṃ… upekkhindriyaṃ… saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ… anaññātaññassāmītindriyaṃ… aññindriyaṃ… aññātāvindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
(එකමූලකං.)
(Ekamūlakaṃ.)
55. චක්‌ඛුන්‌ද්‍රියඤ්‌ච සොතින්‌ද්‍රියඤ්‌ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
55. Cakkhundriyañca sotindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
56. චක්‌ඛුන්‌ද්‍රියඤ්‌ච ඝානින්‌ද්‍රියඤ්‌ච… චක්‌ඛුන්‌ද්‍රියඤ්‌ච ජිව්‌හින්‌ද්‍රියඤ්‌ච… චක්‌ඛුන්‌ද්‍රියඤ්‌ච කායින්‌ද්‍රියඤ්‌ච… චක්‌ඛුන්‌ද්‍රියඤ්‌ච ඉත්‌ථින්‌ද්‍රියඤ්‌ච… චක්‌ඛුන්‌ද්‍රියඤ්‌ච පුරිසින්‌ද්‍රියඤ්‌ච එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
56. Cakkhundriyañca ghānindriyañca… cakkhundriyañca jivhindriyañca… cakkhundriyañca kāyindriyañca… cakkhundriyañca itthindriyañca… cakkhundriyañca purisindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.
57. චක්‌ඛුන්‌ද්‍රියඤ්‌ච මනින්‌ද්‍රියඤ්‌ච ද්‌වීහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි දසහි ධාතූහි අසඞ්‌ගහිතා.
57. Cakkhundriyañca manindriyañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.
58. චක්‌ඛුන්‌ද්‍රියඤ්‌ච ජීවිතින්‌ද්‍රියඤ්‌ච ද්‌වීහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
58. Cakkhundriyañca jīvitindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
59. චක්‌ඛුන්‌ද්‍රියඤ්‌ච සුඛින්‌ද්‍රියඤ්‌ච… චක්‌ඛුන්‌ද්‍රියඤ්‌ච දුක්‌ඛින්‌ද්‍රියඤ්‌ච… චක්‌ඛුන්‌ද්‍රියඤ්‌ච සොමනස්‌සින්‌ද්‍රියඤ්‌ච… චක්‌ඛුන්‌ද්‍රියඤ්‌ච දොමනස්‌සින්‌ද්‍රියඤ්‌ච… චක්‌ඛුන්‌ද්‍රියඤ්‌ච උපෙක්‌ඛින්‌ද්‍රියඤ්‌ච… චක්‌ඛුන්‌ද්‍රියඤ්‌ච සද්‌ධින්‌ද්‍රියඤ්‌ච… චක්‌ඛුන්‌ද්‍රියඤ්‌ච වීරියින්‌ද්‍රියඤ්‌ච… චක්‌ඛුන්‌ද්‍රියඤ්‌ච සතින්‌ද්‍රියඤ්‌ච… චක්‌ඛුන්‌ද්‍රියඤ්‌ච සමාධින්‌ද්‍රියඤ්‌ච… චක්‌ඛුන්‌ද්‍රියඤ්‌ච පඤ්‌ඤින්‌ද්‍රියඤ්‌ච… චක්‌ඛුන්‌ද්‍රියඤ්‌ච අනඤ්‌ඤාතඤ්‌ඤස්‌සාමීතින්‌ද්‍රියඤ්‌ච… චක්‌ඛුන්‌ද්‍රියඤ්‌ච අඤ්‌ඤින්‌ද්‍රියඤ්‌ච… චක්‌ඛුන්‌ද්‍රියඤ්‌ච අඤ්‌ඤාතාවින්‌ද්‍රියඤ්‌ච ද්‌වීහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතා.
59. Cakkhundriyañca sukhindriyañca… cakkhundriyañca dukkhindriyañca… cakkhundriyañca somanassindriyañca… cakkhundriyañca domanassindriyañca… cakkhundriyañca upekkhindriyañca… cakkhundriyañca saddhindriyañca… cakkhundriyañca vīriyindriyañca… cakkhundriyañca satindriyañca… cakkhundriyañca samādhindriyañca… cakkhundriyañca paññindriyañca… cakkhundriyañca anaññātaññassāmītindriyañca… cakkhundriyañca aññindriyañca… cakkhundriyañca aññātāvindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.
(දුකමූලකං.)
(Dukamūlakaṃ.)
60. බාවීසතින්‌ද්‍රියානි කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතානි? බාවීසතින්‌ද්‍රියානි චතූහි ඛන්‌ධෙහි සත්‌තහායතනෙහි තෙරසහි ධාතූහි සඞ්‌ගහිතානි. කතිහි අසඞ්‌ගහිතානි? එකෙන ඛන්‌ධෙන පඤ්‌චහායතනෙහි පඤ්‌චහි ධාතූහි අසඞ්‌ගහිතානි.
60. Bāvīsatindriyāni katihi khandhehi katihāyatanehi katihi dhātūhi saṅgahitāni? Bāvīsatindriyāni catūhi khandhehi sattahāyatanehi terasahi dhātūhi saṅgahitāni. Katihi asaṅgahitāni? Ekena khandhena pañcahāyatanehi pañcahi dhātūhi asaṅgahitāni.
6. පටිච්‌චසමුප්‌පාදාදි
6. Paṭiccasamuppādādi
61. අවිජ්‌ජා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
61. Avijjā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
62. අවිජ්‌ජාපච්‌චයා සඞ්‌ඛාරා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
62. Avijjāpaccayā saṅkhārā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
63. සඞ්‌ඛාරපච්‌චයා විඤ්‌ඤාණං එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතං.
63. Saṅkhārapaccayā viññāṇaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
64. විඤ්‌ඤාණපච්‌චයා නාමරූපං චතූහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතං. කතිහි අසඞ්‌ගහිතං? එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතං.
64. Viññāṇapaccayā nāmarūpaṃ catūhi khandhehi ekādasahāyatanehi ekādasahi dhātūhi saṅgahitaṃ. Katihi asaṅgahitaṃ? Ekena khandhena ekenāyatanena sattahi dhātūhi asaṅgahitaṃ.
65. නාමරූපපච්‌චයා සළායතනං ද්‌වීහි ඛන්‌ධෙහි ඡහායතනෙහි ද්‌වාදසහි ධාතූහි සඞ්‌ගහිතං. කතිහි අසඞ්‌ගහිතං? තීහි ඛන්‌ධෙහි ඡහායතනෙහි ඡහි ධාතූහි අසඞ්‌ගහිතං.
65. Nāmarūpapaccayā saḷāyatanaṃ dvīhi khandhehi chahāyatanehi dvādasahi dhātūhi saṅgahitaṃ. Katihi asaṅgahitaṃ? Tīhi khandhehi chahāyatanehi chahi dhātūhi asaṅgahitaṃ.
66. සළායතනපච්‌චයා ඵස්‌සො… ඵස්‌සපච්‌චයා වෙදනා… වෙදනාපච්‌චයා තණ්‌හා… තණ්‌හාපච්‌චයා උපාදානං… කම්‌මභවො 1 එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතො.
66. Saḷāyatanapaccayā phasso… phassapaccayā vedanā… vedanāpaccayā taṇhā… taṇhāpaccayā upādānaṃ… kammabhavo 2 ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
67. උපපත්‌තිභවො … කාමභවො… සඤ්‌ඤාභවො… පඤ්‌චවොකාරභවො පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි සඞ්‌ගහිතො. කතිහි අසඞ්‌ගහිතො? න කෙහිචි ඛන්‌ධෙහි එකෙනායතනෙන එකාය ධාතුයා අසඞ්‌ගහිතො.
67. Upapattibhavo … kāmabhavo… saññābhavo… pañcavokārabhavo pañcahi khandhehi ekādasahāyatanehi sattarasahi dhātūhi saṅgahito. Katihi asaṅgahito? Na kehici khandhehi ekenāyatanena ekāya dhātuyā asaṅgahito.
68. රූපභවො පඤ්‌චහි ඛන්‌ධෙහි පඤ්‌චහායතනෙහි අට්‌ඨහි ධාතූහි සඞ්‌ගහිතො. කතිහි අසඞ්‌ගහිතො? න කෙහිචි ඛන්‌ධෙහි සත්‌තහායතනෙහි දසහි ධාතූහි අසඞ්‌ගහිතො.
68. Rūpabhavo pañcahi khandhehi pañcahāyatanehi aṭṭhahi dhātūhi saṅgahito. Katihi asaṅgahito? Na kehici khandhehi sattahāyatanehi dasahi dhātūhi asaṅgahito.
69. අරූපභවො… නෙවසඤ්‌ඤානාසඤ්‌ඤාභවො… චතුවොකාරභවො චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතො. කතිහි අසඞ්‌ගහිතො? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතො.
69. Arūpabhavo… nevasaññānāsaññābhavo… catuvokārabhavo catūhi khandhehi dvīhāyatanehi dvīhi dhātūhi saṅgahito. Katihi asaṅgahito? Ekena khandhena dasahāyatanehi soḷasahi dhātūhi asaṅgahito.
70. අසඤ්‌ඤාභවො… එකවොකාරභවො එකෙන ඛන්‌ධෙන ද්‌වීහායතනෙහි ද්‌වීහි ධාතූහි සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතො.
70. Asaññābhavo… ekavokārabhavo ekena khandhena dvīhāyatanehi dvīhi dhātūhi saṅgahito. Katihi asaṅgahito? Catūhi khandhehi dasahāyatanehi soḷasahi dhātūhi asaṅgahito.
71. ජාති ද්‌වීහි ඛන්‌ධෙහි… ජරා ද්‌වීහි ඛන්‌ධෙහි… මරණං ද්‌වීහි ඛන්‌ධෙහි එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? තීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
71. Jāti dvīhi khandhehi… jarā dvīhi khandhehi… maraṇaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
72. සොකො… පරිදෙවො… දුක්‌ඛං… දොමනස්‌සං… උපායාසො… සතිපට්‌ඨානං… සම්‌මප්‌පධානං එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
72. Soko… paridevo… dukkhaṃ… domanassaṃ… upāyāso… satipaṭṭhānaṃ… sammappadhānaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.
73. ඉද්‌ධිපාදො ද්‌වීහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතො. කතිහි අසඞ්‌ගහිතො? තීහි ඛන්‌ධෙහි දසහායතනෙහි සොළසහි ධාතූහි අසඞ්‌ගහිතො.
73. Iddhipādo dvīhi khandhehi dvīhāyatanehi dvīhi dhātūhi saṅgahito. Katihi asaṅgahito? Tīhi khandhehi dasahāyatanehi soḷasahi dhātūhi asaṅgahito.
74. ඣානං ද්‌වීහි ඛන්‌ධෙහි එකෙනායතනෙන එකාය ධාතුයා සඞ්‌ගහිතං. කතිහි අසඞ්‌ගහිතං? තීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතං.
74. Jhānaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.
75. අප්‌පමඤ්‌ඤා … පඤ්‌චින්‌ද්‍රියානි… පඤ්‌ච බලානි… සත්‌ත බොජ්‌ඣඞ්‌ගා… අරියො අට්‌ඨඞ්‌ගිකො මග්‌ගො… ඵස්‌සො… වෙදනා… සඤ්‌ඤා… චෙතනා… අධිමොක්‌ඛො… මනසිකාරො එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතො. කතිහි අසඞ්‌ගහිතො? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතො.
75. Appamaññā … pañcindriyāni… pañca balāni… satta bojjhaṅgā… ariyo aṭṭhaṅgiko maggo… phasso… vedanā… saññā… cetanā… adhimokkho… manasikāro ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.
76. චිත්‌තං එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතං. කතිහි අසඞ්‌ගහිතං? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතං.
76. Cittaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.
7. තිකං
7. Tikaṃ
77. කුසලා ධම්‌මා… අකුසලා ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? කුසලා ධම්‌මා… අකුසලා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
77. Kusalā dhammā… akusalā dhammā katihi khandhehi katihāyatanehi katihi dhātūhi saṅgahitā? Kusalā dhammā… akusalā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
78. අබ්‍යාකතා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
78. Abyākatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
79. සුඛාය වෙදනාය සම්‌පයුත්‌තා ධම්‌මා… දුක්‌ඛාය වෙදනාය සම්‌පයුත්‌තා ධම්‌මා තීහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි පන්‌නරසහි ධාතූහි අසඞ්‌ගහිතා.
79. Sukhāya vedanāya sampayuttā dhammā… dukkhāya vedanāya sampayuttā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
80. අදුක්‌ඛමසුඛාය වෙදනාය සම්‌පයුත්‌තා ධම්‌මා තීහි ඛන්‌ධෙහි ද්‌වීහායතනෙහි සත්‌තහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි එකාදසහි ධාතූහි අසඞ්‌ගහිතා.
80. Adukkhamasukhāya vedanāya sampayuttā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
81. විපාකා ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
81. Vipākā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
82. විපාකධම්‌මධම්‌මා… සංකිලිට්‌ඨසංකිලෙසිකා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
82. Vipākadhammadhammā… saṃkiliṭṭhasaṃkilesikā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
83. නෙවවිපාකනවිපාකධම්‌මධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා ? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
83. Nevavipākanavipākadhammadhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi pañcahi dhātūhi asaṅgahitā.
84. උපාදින්‌නුපාදානියා ධම්‌මා පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි එකෙනායතනෙන එකාය ධාතුයා අසඞ්‌ගහිතා.
84. Upādinnupādāniyā dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
85. අනුපාදින්‌නුපාදානියා ධම්‌මා පඤ්‌චහි ඛන්‌ධෙහි සත්‌තහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි පඤ්‌චහායතනෙහි දසහි ධාතූහි අසඞ්‌ගහිතා.
85. Anupādinnupādāniyā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
86. අනුපාදින්‌නඅනුපාදානියා ධම්‌මා… අසංකිලිට්‌ඨඅසංකිලෙසිකා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
86. Anupādinnaanupādāniyā dhammā… asaṃkiliṭṭhaasaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
87. අසංකිලිට්‌ඨසංකිලෙසිකා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
87. Asaṃkiliṭṭhasaṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
88. සවිතක්‌කසවිචාරා ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
88. Savitakkasavicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
89. අවිතක්‌කවිචාරමත්‌තා ධම්‌මා… පීතිසහගතා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
89. Avitakkavicāramattā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
90. අවිතක්‌කඅවිචාරා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි එකාය ධාතුයා අසඞ්‌ගහිතා.
90. Avitakkaavicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
91. සුඛසහගතා ධම්‌මා තීහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි පන්‌නරසහි ධාතූහි අසඞ්‌ගහිතා.
91. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
92. උපෙක්‌ඛාසහගතා ධම්‌මා තීහි ඛන්‌ධෙහි ද්‌වීහායතනෙහි සත්‌තහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි එකාදසහි ධාතූහි අසඞ්‌ගහිතා.
92. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
93. දස්‌සනෙන පහාතබ්‌බා ධම්‌මා… භාවනාය පහාතබ්‌බා ධම්‌මා… දස්‌සනෙන පහාතබ්‌බහෙතුකා ධම්‌මා… භාවනාය පහාතබ්‌බහෙතුකා ධම්‌මා… ආචයගාමිනො ධම්‌මා… අපචයගාමිනො ධම්‌මා… සෙක්‌ඛා ධම්‌මා… අසෙක්‌ඛා ධම්‌මා… මහග්‌ගතා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
93. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā… ācayagāmino dhammā… apacayagāmino dhammā… sekkhā dhammā… asekkhā dhammā… mahaggatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
94. නෙව දස්‌සනෙන න භාවනාය පහාතබ්‌බා ධම්‌මා… නෙව දස්‌සනෙන න භාවනාය පහාතබ්‌බහෙතුකා ධම්‌මා… නෙවාචයගාමිනාපචයගාමිනො ධම්‌මා… නෙවසෙක්‌ඛනාසෙක්‌ඛා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
94. Neva dassanena na bhāvanāya pahātabbā dhammā… neva dassanena na bhāvanāya pahātabbahetukā dhammā… nevācayagāmināpacayagāmino dhammā… nevasekkhanāsekkhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
95. පරිත්‌තා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
95. Parittā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
96. අප්‌පමාණා ධම්‌මා… පණීතා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
96. Appamāṇā dhammā… paṇītā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
97. පරිත්‌තාරම්‌මණා 3 ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
97. Parittārammaṇā 4 dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
98. මහග්‌ගතාරම්‌මණා ධම්‌මා… අප්‌පමාණාරම්‌මණා ධම්‌මා… හීනා ධම්‌මා… මිච්‌ඡත්‌තනියතා ධම්‌මා… සම්‌මත්‌තනියතා ධම්‌මා… මග්‌ගාරම්‌මණා ධම්‌මා… මග්‌ගහෙතුකා ධම්‌මා… මග්‌ගාධිපතිනො ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
98. Mahaggatārammaṇā dhammā… appamāṇārammaṇā dhammā… hīnā dhammā… micchattaniyatā dhammā… sammattaniyatā dhammā… maggārammaṇā dhammā… maggahetukā dhammā… maggādhipatino dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
99. මජ්‌ඣිමා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
99. Majjhimā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
100. අනියතා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
100. Aniyatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
101. උප්‌පන්‌නා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
101. Uppannā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
102. අනුප්‌පන්‌නා ධම්‌මා පඤ්‌චහි ඛන්‌ධෙහි සත්‌තහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි පඤ්‌චහායතනෙහි දසහි ධාතූහි අසඞ්‌ගහිතා.
102. Anuppannā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
103. උප්‌පාදිනො ධම්‌මා පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි එකෙනායතනෙන එකාය ධාතුයා අසඞ්‌ගහිතා.
103. Uppādino dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
104. අතීතා ධම්‌මා… අනාගතා ධම්‌මා… පච්‌චුප්‌පන්‌නා ධම්‌මා… අජ්‌ඣත්‌තා ධම්‌මා… අජ්‌ඣත්‌තබහිද්‌ධා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
104. Atītā dhammā… anāgatā dhammā… paccuppannā dhammā… ajjhattā dhammā… ajjhattabahiddhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
105. බහිද්‌ධා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
105. Bahiddhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
106. අතීතාරම්‌මණා ධම්‌මා… අනාගතාරම්‌මණා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
106. Atītārammaṇā dhammā… anāgatārammaṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
107. පච්‌චුප්‌පන්‌නාරම්‌මණා ධම්‌මා… අජ්‌ඣත්‌තාරම්‌මණා ධම්‌මා… බහිද්‌ධාරම්‌මණා ධම්‌මා… අජ්‌ඣත්‌තබහිද්‌ධාරම්‌මණා ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
107. Paccuppannārammaṇā dhammā… ajjhattārammaṇā dhammā… bahiddhārammaṇā dhammā… ajjhattabahiddhārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
108. සනිදස්‌සනසප්‌පටිඝා ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා . කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
108. Sanidassanasappaṭighā dhammā ekena khandhena ekenāyatanena ekāya dhātuyā saṅgahitā . Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
109. අනිදස්‌සනසප්‌පටිඝා ධම්‌මා එකෙන ඛන්‌ධෙන නවහායතනෙහි නවහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි තීහායතනෙහි නවහි ධාතූහි අසඞ්‌ගහිතා.
109. Anidassanasappaṭighā dhammā ekena khandhena navahāyatanehi navahi dhātūhi saṅgahitā. Katihi asaṅgahitā? Catūhi khandhehi tīhāyatanehi navahi dhātūhi asaṅgahitā.
110. අනිදස්‌සනඅප්‌පටිඝා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි, දසහායතනෙහි දසහි ධාතූහි අසඞ්‌ගහිතා.
110. Anidassanaappaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.
8. දුකං
8. Dukaṃ
111. හෙතූ ධම්‌මා… හෙතූ චෙව සහෙතුකා ච ධම්‌මා… හෙතූ චෙව හෙතුසම්‌පයුත්‌තා ච ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
111. Hetū dhammā… hetū ceva sahetukā ca dhammā… hetū ceva hetusampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
112. න හෙතූ ධම්‌මා… අහෙතුකා ධම්‌මා… හෙතුවිප්‌පයුත්‌තා ධම්‌මා… න හෙතූ අහෙතුකා 5 ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
112. Na hetū dhammā… ahetukā dhammā… hetuvippayuttā dhammā… na hetū ahetukā 6 dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
113. සහෙතුකා ධම්‌මා… හෙතුසම්‌පයුත්‌තා ධම්‌මා… සහෙතුකා චෙව න ච හෙතූ ධම්‌මා… හෙතුසම්‌පයුත්‌තා චෙව න ච හෙතූ ධම්‌මා… න හෙතූ සහෙතුකා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
113. Sahetukā dhammā… hetusampayuttā dhammā… sahetukā ceva na ca hetū dhammā… hetusampayuttā ceva na ca hetū dhammā… na hetū sahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
114. සප්‌පච්‌චයා ධම්‌මා… සඞ්‌ඛතා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
114. Sappaccayā dhammā… saṅkhatā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
115. අප්‌පච්‌චයා ධම්‌මා… අසඞ්‌ඛතා ධම්‌මා න කෙහිචි ඛන්‌ධෙහි එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
115. Appaccayā dhammā… asaṅkhatā dhammā na kehici khandhehi ekenāyatanena ekāya dhātuyā saṅgahitā. Katihi asaṅgahitā? Pañcahi khandhehi ekādasahāyatanehi sattarasahi dhātūhi asaṅgahitā.
116. සනිදස්‌සනා ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
116. Sanidassanā dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
117. අනිදස්‌සනා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි, එකෙනායතනෙන එකාය ධාතුයා අසඞ්‌ගහිතා.
117. Anidassanā dhammā asaṅkhataṃ khandhato ṭhapetvā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi, ekenāyatanena ekāya dhātuyā asaṅgahitā.
118. සප්‌පටිඝා ධම්‌මා එකෙන ඛන්‌ධෙන දසහායතනෙහි දසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
118. Sappaṭighā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.
119. අප්‌පටිඝා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි, දසහායතනෙහි දසහි ධාතූහි අසඞ්‌ගහිතා.
119. Appaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.
120. රූපිනො ධම්‌මා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
120. Rūpino dhammā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
121. අරූපිනො ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
121. Arūpino dhammā asaṅkhataṃ khandhato ṭhapetvā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
122. ලොකියා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
122. Lokiyā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
123. ලොකුත්‌තරා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
123. Lokuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
124. කෙනචි විඤ්‌ඤෙය්‍යා ධම්‌මා… කෙනචි න විඤ්‌ඤෙය්‍යා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
124. Kenaci viññeyyā dhammā… kenaci na viññeyyā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
125. ආසවා ධම්‌මා… ආසවා චෙව සාසවා ච ධම්‌මා… ආසවා චෙව ආසවසම්‌පයුත්‌තා ච ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
125. Āsavā dhammā… āsavā ceva sāsavā ca dhammā… āsavā ceva āsavasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
126. නො ආසවා ධම්‌මා… ආසවවිප්‌පයුත්‌තා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
126. No āsavā dhammā… āsavavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
127. සාසවා ධම්‌මා… සාසවා චෙව නො ච ආසවා ධම්‌මා… ආසවවිප්‌පයුත්‌තා සාසවා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
127. Sāsavā dhammā… sāsavā ceva no ca āsavā dhammā… āsavavippayuttā sāsavā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
128. අනාසවා ධම්‌මා… ආසවවිප්‌පයුත්‌තා අනාසවා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
128. Anāsavā dhammā… āsavavippayuttā anāsavā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
129. ආසවසම්‌පයුත්‌තා ධම්‌මා… ආසවසම්‌පයුත්‌තා චෙව නො ච ආසවා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
129. Āsavasampayuttā dhammā… āsavasampayuttā ceva no ca āsavā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
130. සංයොජනා ධම්‌මා… ගන්‌ථා ධම්‌මා… ඔඝා ධම්‌මා… යොගා ධම්‌මා… නීවරණා ධම්‌මා… පරාමාසා ධම්‌මා… පරාමාසා චෙව පරාමට්‌ඨා ච ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
130. Saṃyojanā dhammā… ganthā dhammā… oghā dhammā… yogā dhammā… nīvaraṇā dhammā… parāmāsā dhammā… parāmāsā ceva parāmaṭṭhā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
131. නො පරාමාසා ධම්‌මා… පරාමාසවිප්‌පයුත්‌තා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා . කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
131. No parāmāsā dhammā… parāmāsavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
132. පරාමට්‌ඨා ධම්‌මා… පරාමට්‌ඨා චෙව නො ච පරාමාසා ධම්‌මා… පරාමාසවිප්‌පයුත්‌තා පරාමට්‌ඨා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
132. Parāmaṭṭhā dhammā… parāmaṭṭhā ceva no ca parāmāsā dhammā… parāmāsavippayuttā parāmaṭṭhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
133. අපරාමට්‌ඨා ධම්‌මා… පරාමාසවිප්‌පයුත්‌තා අපරාමට්‌ඨා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
133. Aparāmaṭṭhā dhammā… parāmāsavippayuttā aparāmaṭṭhā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
134. පරාමාසසම්‌පයුත්‌තා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
134. Parāmāsasampayuttā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
135. සාරම්‌මණා ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
135. Sārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
136. අනාරම්‌මණා ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
136. Anārammaṇā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
137. චිත්‌තා ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතා.
137. Cittā dhammā ekena khandhena ekenāyatanena sattahi dhātūhi saṅgahitā. Katihi asaṅgahitā? Catūhi khandhehi ekādasahāyatanehi ekādasahi dhātūhi asaṅgahitā.
138. නො චිත්‌තා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
138. No cittā dhammā asaṅkhataṃ khandhato ṭhapetvā catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.
139. චෙතසිකා ධම්‌මා… චිත්‌තසම්‌පයුත්‌තා ධම්‌මා… චිත්‌තසංසට්‌ඨා ධම්‌මා තීහි ඛන්‌ධෙහි එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
139. Cetasikā dhammā… cittasampayuttā dhammā… cittasaṃsaṭṭhā dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.
140. අචෙතසිකා ධම්‌මා අසඞ්‌ඛතං ඛන්‌ධතො ඨපෙත්‌වා ද්‌වීහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
140. Acetasikā dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
141. චිත්‌තවිප්‌පයුත්‌තා ධම්‌මා… චිත්‌තවිසංසට්‌ඨා ධම්‌මා අසඞ්‌ඛතං ඛන්‌ධතො ඨපෙත්‌වා එකෙන ඛන්‌ධෙන එකාදසහායතනෙහි එකාදසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකෙනායතනෙන සත්‌තහි ධාතූහි අසඞ්‌ගහිතා.
141. Cittavippayuttā dhammā… cittavisaṃsaṭṭhā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
142. චිත්‌තසමුට්‌ඨානා ධම්‌මා චතූහි ඛන්‌ධෙහි ඡහායතනෙහි ඡහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන ඡහායතනෙහි ද්‌වාදසහි ධාතූහි අසඞ්‌ගහිතා.
142. Cittasamuṭṭhānā dhammā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.
143. නො චිත්‌තසමුට්‌ඨානා ධම්‌මා… නො චිත්‌තසහභුනො ධම්‌මා… නො චිත්‌තානුපරිවත්‌තිනො ධම්‌මා අසඞ්‌ඛතං ඛන්‌ධතො ඨපෙත්‌වා ද්‌වීහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
143. No cittasamuṭṭhānā dhammā… no cittasahabhuno dhammā… no cittānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
144. චිත්‌තසහභුනො ධම්‌මා… චිත්‌තානුපරිවත්‌තිනො ධම්‌මා චතූහි ඛන්‌ධෙහි එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන එකාදසහායතනෙහි සත්‌තරසහි ධාතූහි අසඞ්‌ගහිතා.
144. Cittasahabhuno dhammā… cittānuparivattino dhammā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.
145. චිත්‌තසංසට්‌ඨසමුට්‌ඨානා ධම්‌මා… චිත්‌තසංසට්‌ඨසමුට්‌ඨානසහභුනො ධම්‌මා… චිත්‌තසංසට්‌ඨසමුට්‌ඨානානුපරිවත්‌තිනො ධම්‌මා තීහි ඛන්‌ධෙහි එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
145. Cittasaṃsaṭṭhasamuṭṭhānā dhammā… cittasaṃsaṭṭhasamuṭṭhānasahabhuno dhammā… cittasaṃsaṭṭhasamuṭṭhānānuparivattino dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.
146. නො චිත්‌තසංසට්‌ඨසමුට්‌ඨානා ධම්‌මා… නො චිත්‌තසංසට්‌ඨසමුට්‌ඨානසහභුනො ධම්‌මා… නො චිත්‌තසංසට්‌ඨසමුට්‌ඨානානුපරිවත්‌තිනො ධම්‌මා අසඞ්‌ඛතං ඛන්‌ධතො ඨපෙත්‌වා ද්‌වීහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
146. No cittasaṃsaṭṭhasamuṭṭhānā dhammā… no cittasaṃsaṭṭhasamuṭṭhānasahabhuno dhammā… no cittasaṃsaṭṭhasamuṭṭhānānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.
147. අජ්‌ඣත්‌තිකා ධම්‌මා ද්‌වීහි ඛන්‌ධෙහි ඡහායතනෙහි ද්‌වාදසහි ධාතූහි සඞ්‌ගහිතා. කතිහි අසඞ්‌ගහිතා? තීහි ඛන්‌ධෙහි ඡහායතනෙහි ඡහි ධාතූහි අසඞ්‌ගහිතා.
147. Ajjhattikā dhammā dvīhi khandhehi chahāyatanehi dvādasahi dhātūhi saṅgahitā. Katihi asaṅgahitā? Tīhi khandhehi chahāyatanehi chahi dhātūhi asaṅgahitā.
148. බාහිරා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ඡහායතනෙහි ඡහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන ඡහායතනෙහි ද්‌වාදසහි ධාතූහි අසඞ්‌ගහිතා.
148. Bāhirā dhammā asaṅkhataṃ khandhato ṭhapetvā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.
149. උපාදා ධම්‌මා එකෙන ඛන්‌ධෙන දසහායතනෙහි දසහි ධාතූහි සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
149. Upādā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.
150. නො උපාදා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි තීහායතනෙහි නවහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි නවහායතනෙහි නවහි ධාතූහි අසඞ්‌ගහිතා.
150. No upādā dhammā asaṅkhataṃ khandhato ṭhapetvā pañcahi khandhehi tīhāyatanehi navahi dhātūhi saṅgahitā. Katihi asaṅgahitā? Na kehici khandhehi navahāyatanehi navahi dhātūhi asaṅgahitā.
151. උපාදින්‌නා ධම්‌මා පඤ්‌චහි ඛන්‌ධෙහි එකාදසහායතනෙහි සත්‌තරසහි ධාතූහි සඞ්‌ගහිතා . කතිහි අසඞ්‌ගහිතා? න කෙහිචි ඛන්‌ධෙහි එකෙනායතනෙන එකාය ධාතුයා අසඞ්‌ගහිතා.
151. Upādinnā dhammā pañcahi khandhehi ekādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.
152. අනුපාදින්‌නා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි සත්‌තහායතනෙහි අට්‌ඨහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි පඤ්‌චහායතනෙහි දසහි ධාතූහි අසඞ්‌ගහිතා.
152. Anupādinnā dhammā asaṅkhataṃ khandhato ṭhapetvā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.
153. උපාදානා ධම්‌මා… කිලෙසා ධම්‌මා… කිලෙසා චෙව සංකිලෙසිකා ච ධම්‌මා… කිලෙසා චෙව සංකිලිට්‌ඨා ච ධම්‌මා… කිලෙසා චෙව කිලෙසසම්‌පයුත්‌තා ච ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා. කතිහි අසඞ්‌ගහිතා? චතූහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
153. Upādānā dhammā… kilesā dhammā… kilesā ceva saṃkilesikā ca dhammā… kilesā ceva saṃkiliṭṭhā ca dhammā… kilesā ceva kilesasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.
154. නො කිලෙසා ධම්‌මා… අසංකිලිට්‌ඨා ධම්‌මා… කිලෙසවිප්‌පයුත්‌තා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
154. No kilesā dhammā… asaṃkiliṭṭhā dhammā… kilesavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
155. සංකිලෙසිකා ධම්‌මා… සංකිලෙසිකා චෙව නො ච කිලෙසා ධම්‌මා… කිලෙසවිප්‌පයුත්‌තා සංකිලෙසිකා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
155. Saṃkilesikā dhammā… saṃkilesikā ceva no ca kilesā dhammā… kilesavippayuttā saṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
156. අසංකිලෙසිකා ධම්‌මා… කිලෙසවිප්‌පයුත්‌තා අසංකිලෙසිකා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
156. Asaṃkilesikā dhammā… kilesavippayuttā asaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
157. සංකිලිට්‌ඨා ධම්‌මා… කිලෙසසම්‌පයුත්‌තා ධම්‌මා… සංකිලිට්‌ඨා චෙව නො ච කිලෙසා ධම්‌මා… කිලෙසසම්‌පයුත්‌තා චෙව නො ච කිලෙසා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
157. Saṃkiliṭṭhā dhammā… kilesasampayuttā dhammā… saṃkiliṭṭhā ceva no ca kilesā dhammā… kilesasampayuttā ceva no ca kilesā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
158. දස්‌සනෙන පහාතබ්‌බා ධම්‌මා… භාවනාය පහාතබ්‌බා ධම්‌මා… දස්‌සනෙන පහාතබ්‌බහෙතුකා ධම්‌මා… භාවනාය පහාතබ්‌බහෙතුකා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
158. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
159. න දස්‌සනෙන පහාතබ්‌බා ධම්‌මා… න භාවනාය පහාතබ්‌බා ධම්‌මා … න දස්‌සනෙන පහාතබ්‌බහෙතුකා ධම්‌මා… න භාවනාය පහාතබ්‌බහෙතුකා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
159. Na dassanena pahātabbā dhammā… na bhāvanāya pahātabbā dhammā … na dassanena pahātabbahetukā dhammā… na bhāvanāya pahātabbahetukā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
160. සවිතක්‌කා ධම්‌මා… සවිචාරා ධම්‌මා චතූහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි පන්‌නරසහි ධාතූහි අසඞ්‌ගහිතා.
160. Savitakkā dhammā… savicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
161. අවිතක්‌කා ධම්‌මා… අවිචාරා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි සත්‌තරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි එකාය ධාතුයා අසඞ්‌ගහිතා.
161. Avitakkā dhammā… avicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
162. සප්‌පීතිකා ධම්‌මා… පීතිසහගතා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
162. Sappītikā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
163. අප්‌පීතිකා ධම්‌මා… න පීතිසහගතා ධම්‌මා… න සුඛසහගතා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
163. Appītikā dhammā… na pītisahagatā dhammā… na sukhasahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
164. සුඛසහගතා ධම්‌මා තීහි ඛන්‌ධෙහි ද්‌වීහායතනෙහි තීහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි පන්‌නරසහි ධාතූහි අසඞ්‌ගහිතා.
164. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.
165. උපෙක්‌ඛාසහගතා ධම්‌මා තීහි ඛන්‌ධෙහි ද්‌වීහායතනෙහි සත්‌තහි ධාතූහි සඞ්‌ගහිතා. කතිහි අසඞ්‌ගහිතා? ද්‌වීහි ඛන්‌ධෙහි දසහායතනෙහි එකාදසහි ධාතූහි අසඞ්‌ගහිතා.
165. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.
166. න උපෙක්‌ඛාසහගතා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි තෙරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි පඤ්‌චහි ධාතූහි අසඞ්‌ගහිතා.
166. Na upekkhāsahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
167. කාමාවචරා ධම්‌මා… පරියාපන්‌නා ධම්‌මා… සඋත්‌තරා ධම්‌මා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
167. Kāmāvacarā dhammā… pariyāpannā dhammā… sauttarā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
168. න කාමාවචරා ධම්‌මා… අපරියාපන්‌නා ධම්‌මා… අනුත්‌තරා ධම්‌මා අසඞ්‌ඛතං ඛන්‌ධතො ඨපෙත්‌වා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
168. Na kāmāvacarā dhammā… apariyāpannā dhammā… anuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
169. රූපාවචරා ධම්‌මා… අරූපාවචරා ධම්‌මා… නිය්‍යානිකා ධම්‌මා… නියතා ධම්‌මා… සරණා ධම්‌මා චතූහි ඛන්‌ධෙහි ද්‌වීහායතනෙහි ද්‌වීහි ධාතූහි සඞ්‌ගහිතා. කතිහි අසඞ්‌ගහිතා? එකෙන ඛන්‌ධෙන දසහායතනෙහි සොළසහි ධාතූහි අසඞ්‌ගහිතා.
169. Rūpāvacarā dhammā… arūpāvacarā dhammā… niyyānikā dhammā… niyatā dhammā… saraṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
170. න රූපාවචරා ධම්‌මා… න අරූපාවචරා ධම්‌මා… අනිය්‍යානිකා ධම්‌මා… අනියතා ධම්‌මා… අරණා ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? අරණා ධම්‌මා අසඞ්‌ඛතං ඛන්‌ධතො ඨපෙත්‌වා පඤ්‌චහි ඛන්‌ධෙහි ද්‌වාදසහායතනෙහි අට්‌ඨාරසහි ධාතූහි සඞ්‌ගහිතා. කතිහි අසඞ්‌ගහිතා? න කෙහිචි ඛන්‌ධෙහි න කෙහිචි ආයතනෙහි න කාහිචි ධාතූහි අසඞ්‌ගහිතා.
170. Na rūpāvacarā dhammā… na arūpāvacarā dhammā… aniyyānikā dhammā… aniyatā dhammā… araṇā dhammā katihi khandhehi katihāyatanehi katihi dhātūhi saṅgahitā? Araṇā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
සඞ්‌ගහාසඞ්‌ගහපදනිද්‌දෙසො පඨමො.
Saṅgahāsaṅgahapadaniddeso paṭhamo.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 1. පඨමනයො සඞ්‌ගහාසඞ්‌ගහපදවණ්‌ණනා • 1. Paṭhamanayo saṅgahāsaṅgahapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 1. පඨමනයො සඞ්‌ගහාසඞ්‌ගහපදවණ්‌ණනා • 1. Paṭhamanayo saṅgahāsaṅgahapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 1. පඨමනයො සඞ්‌ගහාසඞ්‌ගහපදවණ්‌ණනා • 1. Paṭhamanayo saṅgahāsaṅgahapadavaṇṇanā
