Library / Tipiṭaka / ཏིཔིཊཀ • Tipiṭaka / དྷཱཏུཀཐཱཔཱལི༹ • Dhātukathāpāḷi

    ༡. པཋམནཡོ

    1. Paṭhamanayo

    ༡. སངྒཧཱསངྒཧཔདནིདྡེསོ

    1. Saṅgahāsaṅgahapadaniddeso

    ༡. ཁནྡྷོ

    1. Khandho

    ༦. རཱུཔཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? རཱུཔཀྑནྡྷོ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏོ།

    6. Rūpakkhandho katihi khandhehi katihāyatanehi katihi dhātūhi saṅgahito? Rūpakkhandho ekena khandhena ekādasahāyatanehi ekādasahi dhātūhi saṅgahito. Katihi asaṅgahito? Catūhi khandhehi ekenāyatanena sattahi dhātūhi asaṅgahito.

    ༧. ཝེདནཱཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? ཝེདནཱཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ།

    7. Vedanākkhandho katihi khandhehi katihāyatanehi katihi dhātūhi saṅgahito? Vedanākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.

    ༨. སཉྙཱཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? སཉྙཱཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ།

    8. Saññākkhandho katihi khandhehi katihāyatanehi katihi dhātūhi saṅgahito? Saññākkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.

    ༩. སངྑཱརཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? སངྑཱརཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ།

    9. Saṅkhārakkhandho katihi khandhehi katihāyatanehi katihi dhātūhi saṅgahito? Saṅkhārakkhandho ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.

    ༡༠. ཝིཉྙཱཎཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? ཝིཉྙཱཎཀྑནྡྷོ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏོ།

    10. Viññāṇakkhandho katihi khandhehi katihāyatanehi katihi dhātūhi saṅgahito? Viññāṇakkhandho ekena khandhena ekenāyatanena sattahi dhātūhi saṅgahito. Katihi asaṅgahito? Catūhi khandhehi ekādasahāyatanehi ekādasahi dhātūhi asaṅgahito.

    (ཨེཀམཱུལཀཾ།)

    (Ekamūlakaṃ.)

    ༡༡. རཱུཔཀྑནྡྷོ ཙ ཝེདནཱཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    11. Rūpakkhandho ca vedanākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.

    ༡༢. རཱུཔཀྑནྡྷོ ཙ སཉྙཱཀྑནྡྷོ ཙ…པེ॰… དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    12. Rūpakkhandho ca saññākkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.

    ༡༣. རཱུཔཀྑནྡྷོ ཙ སངྑཱརཀྑནྡྷོ ཙ…པེ॰… དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    13. Rūpakkhandho ca saṅkhārakkhandho ca…pe… dvīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Tīhi khandhehi ekenāyatanena sattahi dhātūhi asaṅgahitā.

    ༡༤. རཱུཔཀྑནྡྷོ ཙ ཝིཉྙཱཎཀྑནྡྷོ ཙ…པེ॰… དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    14. Rūpakkhandho ca viññāṇakkhandho ca…pe… dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi, na kehici āyatanehi na kāhici dhātūhi asaṅgahitā.

    (དུཀམཱུལཀཾ།)

    (Dukamūlakaṃ.)

    ༡༥. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཏཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    15. Rūpakkhandho ca vedanākkhandho ca saññākkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.

    ༡༦. རཱུཔཀྑནྡྷོ ཙ ཝེདནཱཀྑནྡྷོ ཙ སངྑཱརཀྑནྡྷོ ཙ…པེ॰… ཏཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    16. Rūpakkhandho ca vedanākkhandho ca saṅkhārakkhandho ca…pe… tīhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Dvīhi khandhehi ekenāyatanena sattahi dhātūhi asaṅgahitā.

    ༡༧. རཱུཔཀྑནྡྷོ ཙ ཝེདནཱཀྑནྡྷོ ཙ ཝིཉྙཱཎཀྑནྡྷོ ཙ…པེ॰… ཏཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    17. Rūpakkhandho ca vedanākkhandho ca viññāṇakkhandho ca…pe… tīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Dvīhi khandhehi, na kehici āyatanehi na kāhici dhātūhi asaṅgahitā.

    (ཏིཀམཱུལཀཾ།)

    (Tikamūlakaṃ.)

    ༡༨. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    18. Rūpakkhandho ca vedanākkhandho ca saññākkhandho ca saṅkhārakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.

    ༡༩. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཝིཉྙཱཎཀྑནྡྷོ ཙ…པེ॰… ཙཏཱུཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    19. Rūpakkhandho ca vedanākkhandho ca saññākkhandho ca viññāṇakkhandho ca…pe… catūhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Ekena khandhena, na kehici āyatanehi na kāhici dhātūhi asaṅgahitā.

    (ཙཏུཀྐམཱུལཀཾ།)

    (Catukkamūlakaṃ.)

    ༢༠. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཝིཉྙཱཎཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཝིཉྙཱཎཀྑནྡྷོ ཙ པཉྩཧི ཁནྡྷེཧི དྭཱདསཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    20. Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca katihi khandhehi katihāyatanehi katihi dhātūhi saṅgahitā? Rūpakkhandho ca vedanākkhandho ca saññākkhandho ca saṅkhārakkhandho ca viññāṇakkhandho ca pañcahi khandhehi dvādasāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༢༡. པཉྩཀྑནྡྷཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? པཉྩཀྑནྡྷཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    21. Pañcakkhandhā katihi khandhehi katihāyatanehi katihi dhātūhi saṅgahitā? Pañcakkhandhā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    (པཉྩཀཾ།)

    (Pañcakaṃ.)

    ༢. ཨཱཡཏནཾ

    2. Āyatanaṃ

    ༢༢. ཙཀྑཱཡཏནཾ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? ཙཀྑཱཡཏནཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    22. Cakkhāyatanaṃ katihi khandhehi katihāyatanehi katihi dhātūhi saṅgahitaṃ? Cakkhāyatanaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༢༣. སོཏཱཡཏནཾ … གྷཱནཱཡཏནཾ… ཛིཝ྄ཧཱཡཏནཾ… ཀཱཡཱཡཏནཾ… རཱུཔཱཡཏནཾ… སདྡཱཡཏནཾ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ॰… ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    23. Sotāyatanaṃ … ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ…pe… ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༢༤. མནཱཡཏནཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ།

    24. Manāyatanaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.

    ༢༥. དྷམྨཱཡཏནཾ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    25. Dhammāyatanaṃ asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Ekena khandhena ekādasahāyatanehi sattarasahi dhātūhi asaṅgahitaṃ.

    (ཨེཀམཱུལཀཾ།)

    (Ekamūlakaṃ.)

    ༢༦. ཙཀྑཱཡཏནཉྩ སོཏཱཡཏནཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    26. Cakkhāyatanañca sotāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༢༧. ཙཀྑཱཡཏནཉྩ གྷཱནཱཡཏནཉྩ… ཙཀྑཱཡཏནཉྩ ཛིཝ྄ཧཱཡཏནཉྩ… ཙཀྑཱཡཏནཉྩ ཀཱཡཱཡཏནཉྩ… ཙཀྑཱཡཏནཉྩ རཱུཔཱཡཏནཉྩ… ཙཀྑཱཡཏནཉྩ སདྡཱཡཏནཉྩ… ཙཀྑཱཡཏནཉྩ གནྡྷཱཡཏནཉྩ… ཙཀྑཱཡཏནཉྩ རསཱཡཏནཉྩ… ཙཀྑཱཡཏནཉྩ ཕོཊྛབྦཱཡཏནཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    27. Cakkhāyatanañca ghānāyatanañca… cakkhāyatanañca jivhāyatanañca… cakkhāyatanañca kāyāyatanañca… cakkhāyatanañca rūpāyatanañca… cakkhāyatanañca saddāyatanañca… cakkhāyatanañca gandhāyatanañca… cakkhāyatanañca rasāyatanañca… cakkhāyatanañca phoṭṭhabbāyatanañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༢༨. ཙཀྑཱཡཏནཉྩ མནཱཡཏནཉྩ དྭཱིཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    28. Cakkhāyatanañca manāyatanañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.

    ༢༩. ཙཀྑཱཡཏནཉྩ དྷམྨཱཡཏནཉྩ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    29. Cakkhāyatanañca dhammāyatanañca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    (དུཀམཱུལཀཾ།)

    (Dukamūlakaṃ.)

    ༣༠. དྭཱདསཱཡཏནཱནི ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? དྭཱདསཱཡཏནཱནི ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    30. Dvādasāyatanāni katihi khandhehi katihāyatanehi katihi dhātūhi saṅgahitā? Dvādasāyatanāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    (དྭཱདསཀཾ།)

    (Dvādasakaṃ.)

    ༣. དྷཱཏུ

    3. Dhātu

    ༣༡. ཙཀྑུདྷཱཏུ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཙཀྑུདྷཱཏུ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    31. Cakkhudhātu katihi khandhehi katihāyatanehi katihi dhātūhi saṅgahitā? Cakkhudhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༣༢. སོཏདྷཱཏུ… གྷཱནདྷཱཏུ… ཛིཝ྄ཧཱདྷཱཏུ… ཀཱཡདྷཱཏུ… རཱུཔདྷཱཏུ… སདྡདྷཱཏུ… གནྡྷདྷཱཏུ… རསདྷཱཏུ… ཕོཊྛབྦདྷཱཏུ… ཙཀྑུཝིཉྙཱཎདྷཱཏུ… སོཏཝིཉྙཱཎདྷཱཏུ… གྷཱནཝིཉྙཱཎདྷཱཏུ… ཛིཝ྄ཧཱཝིཉྙཱཎདྷཱཏུ… ཀཱཡཝིཉྙཱཎདྷཱཏུ… མནོདྷཱཏུ… མནོཝིཉྙཱཎདྷཱཏུ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    32. Sotadhātu… ghānadhātu… jivhādhātu… kāyadhātu… rūpadhātu… saddadhātu… gandhadhātu… rasadhātu… phoṭṭhabbadhātu… cakkhuviññāṇadhātu… sotaviññāṇadhātu… ghānaviññāṇadhātu… jivhāviññāṇadhātu… kāyaviññāṇadhātu… manodhātu… manoviññāṇadhātu ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༣༣. དྷམྨདྷཱཏུ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    33. Dhammadhātu asaṅkhataṃ khandhato ṭhapetvā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.

    (ཨེཀམཱུལཀཾ།)

    (Ekamūlakaṃ.)

    ༣༤. ཙཀྑུདྷཱཏུ ཙ སོཏདྷཱཏུ ཙ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    34. Cakkhudhātu ca sotadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༣༥. ཙཀྑུདྷཱཏུ ཙ གྷཱནདྷཱཏུ ཙ… ཙཀྑུདྷཱཏུ ཙ ཛིཝ྄ཧཱདྷཱཏུ ཙ… ཙཀྑུདྷཱཏུ ཙ ཀཱཡདྷཱཏུ ཙ… ཙཀྑུདྷཱཏུ ཙ རཱུཔདྷཱཏུ ཙ… ཙཀྑུདྷཱཏུ ཙ སདྡདྷཱཏུ ཙ… ཙཀྑུདྷཱཏུ ཙ གནྡྷདྷཱཏུ ཙ… ཙཀྑུདྷཱཏུ ཙ རསདྷཱཏུ ཙ… ཙཀྑུདྷཱཏུ ཙ ཕོཊྛབྦདྷཱཏུ ཙ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    35. Cakkhudhātu ca ghānadhātu ca… cakkhudhātu ca jivhādhātu ca… cakkhudhātu ca kāyadhātu ca… cakkhudhātu ca rūpadhātu ca… cakkhudhātu ca saddadhātu ca… cakkhudhātu ca gandhadhātu ca… cakkhudhātu ca rasadhātu ca… cakkhudhātu ca phoṭṭhabbadhātu ca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༣༦. ཙཀྑུདྷཱཏུ ཙ ཙཀྑུཝིཉྙཱཎདྷཱཏུ ཙ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    36. Cakkhudhātu ca cakkhuviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.

    ༣༧. ཙཀྑུདྷཱཏུ ཙ སོཏཝིཉྙཱཎདྷཱཏུ ཙ… ཙཀྑུདྷཱཏུ ཙ གྷཱནཝིཉྙཱཎདྷཱཏུ ཙ… ཙཀྑུདྷཱཏུ ཙ ཛིཝ྄ཧཱཝིཉྙཱཎདྷཱཏུ ཙ… ཙཀྑུདྷཱཏུ ཙ ཀཱཡཝིཉྙཱཎདྷཱཏུ ཙ… ཙཀྑུདྷཱཏུ ཙ མནོདྷཱཏུ ཙ… ཙཀྑུདྷཱཏུ ཙ མནོཝིཉྙཱཎདྷཱཏུ ཙ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    37. Cakkhudhātu ca sotaviññāṇadhātu ca… cakkhudhātu ca ghānaviññāṇadhātu ca… cakkhudhātu ca jivhāviññāṇadhātu ca… cakkhudhātu ca kāyaviññāṇadhātu ca… cakkhudhātu ca manodhātu ca… cakkhudhātu ca manoviññāṇadhātu ca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.

    ༣༨. ཙཀྑུདྷཱཏུ ཙ དྷམྨདྷཱཏུ ཙ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    38. Cakkhudhātu ca dhammadhātu ca asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    (དུཀམཱུལཀཾ།)

    (Dukamūlakaṃ.)

    ༣༩. ཨཊྛཱརས དྷཱཏུཡོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཨཊྛཱརས དྷཱཏུཡོ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    39. Aṭṭhārasa dhātuyo katihi khandhehi katihāyatanehi katihi dhātūhi saṅgahitā? Aṭṭhārasa dhātuyo asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    (ཨཊྛཱརསཀཾ།)

    (Aṭṭhārasakaṃ.)

    ༤. སཙྩཾ

    4. Saccaṃ

    ༤༠. དུཀྑསཙྩཾ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? དུཀྑསཙྩཾ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཾ།

    40. Dukkhasaccaṃ katihi khandhehi katihāyatanehi katihi dhātūhi saṅgahitaṃ? Dukkhasaccaṃ pañcahi khandhehi dvādasahāyatanehi aṭṭhārasahi dhātūhi saṅgahitaṃ. Katihi asaṅgahitaṃ? Na kehici khandhehi na kehici āyatanehi na kāhici dhātūhi asaṅgahitaṃ.

    ༤༡. སམུདཡསཙྩཾ … མགྒསཙྩཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    41. Samudayasaccaṃ … maggasaccaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༤༢. ནིརོདྷསཙྩཾ ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    42. Nirodhasaccaṃ na kehici khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Pañcahi khandhehi ekādasahāyatanehi sattarasahi dhātūhi asaṅgahitaṃ.

    (ཨེཀམཱུལཀཾ།)

    (Ekamūlakaṃ.)

    ༤༣. དུཀྑསཙྩཉྩ སམུདཡསཙྩཉྩ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    43. Dukkhasaccañca samudayasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༤༤. དུཀྑསཙྩཉྩ མགྒསཙྩཉྩ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    44. Dukkhasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༤༥. དུཀྑསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    45. Dukkhasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    (དུཀམཱུལཀཾ།)

    (Dukamūlakaṃ.)

    ༤༦. དུཀྑསཙྩཉྩ སམུདཡསཙྩཉྩ མགྒསཙྩཉྩ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    46. Dukkhasaccañca samudayasaccañca maggasaccañca pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༤༧. དུཀྑསཙྩཉྩ སམུདཡསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    47. Dukkhasaccañca samudayasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    (ཏིཀམཱུལཀཾ།)

    (Tikamūlakaṃ.)

    ༤༨. དུཀྑསཙྩཉྩ སམུདཡསཙྩཉྩ མགྒསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    48. Dukkhasaccañca samudayasaccañca maggasaccañca nirodhasaccañca asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༤༩. ཙཏྟཱརི སཙྩཱནི ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱནི? ཙཏྟཱརི སཙྩཱནི ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱནི། ཀཏིཧི ཨསངྒཧིཏཱནི? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱནི།

    49. Cattāri saccāni katihi khandhehi katihāyatanehi katihi dhātūhi saṅgahitāni? Cattāri saccāni asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitāni. Katihi asaṅgahitāni? Na kehici khandhehi na kehici āyatanehi na kāhici dhātūhi asaṅgahitāni.

    (ཙཏུཀྐཾ།)

    (Catukkaṃ.)

    ༥. ཨིནྡྲིཡཾ

    5. Indriyaṃ

    ༥༠. ཙཀྑུནྡྲིཡཾ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? ཙཀྑུནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    50. Cakkhundriyaṃ katihi khandhehi katihāyatanehi katihi dhātūhi saṅgahitaṃ? Cakkhundriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༥༡. སོཏིནྡྲིཡཾ… གྷཱནིནྡྲིཡཾ… ཛིཝ྄ཧིནྡྲིཡཾ… ཀཱཡིནྡྲིཡཾ… ཨིཏྠིནྡྲིཡཾ … པུརིསིནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    51. Sotindriyaṃ… ghānindriyaṃ… jivhindriyaṃ… kāyindriyaṃ… itthindriyaṃ … purisindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༥༢. མནིནྡྲིཡཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ།

    52. Manindriyaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.

    ༥༣. ཛཱིཝིཏིནྡྲིཡཾ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    53. Jīvitindriyaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.

    ༥༤. སུཁིནྡྲིཡཾ … དུཀྑིནྡྲིཡཾ… སོམནསྶིནྡྲིཡཾ… དོམནསྶིནྡྲིཡཾ… ཨུཔེཀྑིནྡྲིཡཾ… སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ… ཨནཉྙཱཏཉྙསྶཱམཱིཏིནྡྲིཡཾ… ཨཉྙིནྡྲིཡཾ… ཨཉྙཱཏཱཝིནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    54. Sukhindriyaṃ … dukkhindriyaṃ… somanassindriyaṃ… domanassindriyaṃ… upekkhindriyaṃ… saddhindriyaṃ… vīriyindriyaṃ… satindriyaṃ… samādhindriyaṃ… paññindriyaṃ… anaññātaññassāmītindriyaṃ… aññindriyaṃ… aññātāvindriyaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    (ཨེཀམཱུལཀཾ།)

    (Ekamūlakaṃ.)

    ༥༥. ཙཀྑུནྡྲིཡཉྩ སོཏིནྡྲིཡཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    55. Cakkhundriyañca sotindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༥༦. ཙཀྑུནྡྲིཡཉྩ གྷཱནིནྡྲིཡཉྩ… ཙཀྑུནྡྲིཡཉྩ ཛིཝ྄ཧིནྡྲིཡཉྩ… ཙཀྑུནྡྲིཡཉྩ ཀཱཡིནྡྲིཡཉྩ… ཙཀྑུནྡྲིཡཉྩ ཨིཏྠིནྡྲིཡཉྩ… ཙཀྑུནྡྲིཡཉྩ པུརིསིནྡྲིཡཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    56. Cakkhundriyañca ghānindriyañca… cakkhundriyañca jivhindriyañca… cakkhundriyañca kāyindriyañca… cakkhundriyañca itthindriyañca… cakkhundriyañca purisindriyañca ekena khandhena dvīhāyatanehi dvīhi dhātūhi saṅgahitā. Katihi asaṅgahitā? Catūhi khandhehi dasahāyatanehi soḷasahi dhātūhi asaṅgahitā.

    ༥༧. ཙཀྑུནྡྲིཡཉྩ མནིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    57. Cakkhundriyañca manindriyañca dvīhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Tīhi khandhehi dasahāyatanehi dasahi dhātūhi asaṅgahitā.

    ༥༨. ཙཀྑུནྡྲིཡཉྩ ཛཱིཝིཏིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    58. Cakkhundriyañca jīvitindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.

    ༥༩. ཙཀྑུནྡྲིཡཉྩ སུཁིནྡྲིཡཉྩ… ཙཀྑུནྡྲིཡཉྩ དུཀྑིནྡྲིཡཉྩ… ཙཀྑུནྡྲིཡཉྩ སོམནསྶིནྡྲིཡཉྩ… ཙཀྑུནྡྲིཡཉྩ དོམནསྶིནྡྲིཡཉྩ… ཙཀྑུནྡྲིཡཉྩ ཨུཔེཀྑིནྡྲིཡཉྩ… ཙཀྑུནྡྲིཡཉྩ སདྡྷིནྡྲིཡཉྩ… ཙཀྑུནྡྲིཡཉྩ ཝཱིརིཡིནྡྲིཡཉྩ… ཙཀྑུནྡྲིཡཉྩ སཏིནྡྲིཡཉྩ… ཙཀྑུནྡྲིཡཉྩ སམཱདྷིནྡྲིཡཉྩ… ཙཀྑུནྡྲིཡཉྩ པཉྙིནྡྲིཡཉྩ… ཙཀྑུནྡྲིཡཉྩ ཨནཉྙཱཏཉྙསྶཱམཱིཏིནྡྲིཡཉྩ… ཙཀྑུནྡྲིཡཉྩ ཨཉྙིནྡྲིཡཉྩ… ཙཀྑུནྡྲིཡཉྩ ཨཉྙཱཏཱཝིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    59. Cakkhundriyañca sukhindriyañca… cakkhundriyañca dukkhindriyañca… cakkhundriyañca somanassindriyañca… cakkhundriyañca domanassindriyañca… cakkhundriyañca upekkhindriyañca… cakkhundriyañca saddhindriyañca… cakkhundriyañca vīriyindriyañca… cakkhundriyañca satindriyañca… cakkhundriyañca samādhindriyañca… cakkhundriyañca paññindriyañca… cakkhundriyañca anaññātaññassāmītindriyañca… cakkhundriyañca aññindriyañca… cakkhundriyañca aññātāvindriyañca dvīhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Tīhi khandhehi dasahāyatanehi soḷasahi dhātūhi asaṅgahitā.

    (དུཀམཱུལཀཾ།)

    (Dukamūlakaṃ.)

    ༦༠. བཱཝཱིསཏིནྡྲིཡཱནི ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱནི? བཱཝཱིསཏིནྡྲིཡཱནི ཙཏཱུཧི ཁནྡྷེཧི སཏྟཧཱཡཏནེཧི ཏེརསཧི དྷཱཏཱུཧི སངྒཧིཏཱནི། ཀཏིཧི ཨསངྒཧིཏཱནི? ཨེཀེན ཁནྡྷེན པཉྩཧཱཡཏནེཧི པཉྩཧི དྷཱཏཱུཧི ཨསངྒཧིཏཱནི།

    60. Bāvīsatindriyāni katihi khandhehi katihāyatanehi katihi dhātūhi saṅgahitāni? Bāvīsatindriyāni catūhi khandhehi sattahāyatanehi terasahi dhātūhi saṅgahitāni. Katihi asaṅgahitāni? Ekena khandhena pañcahāyatanehi pañcahi dhātūhi asaṅgahitāni.

    ༦. པཊིཙྩསམུཔྤཱདཱདི

    6. Paṭiccasamuppādādi

    ༦༡. ཨཝིཛྫཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    61. Avijjā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༦༢. ཨཝིཛྫཱཔཙྩཡཱ སངྑཱརཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    62. Avijjāpaccayā saṅkhārā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༦༣. སངྑཱརཔཙྩཡཱ ཝིཉྙཱཎཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ།

    63. Saṅkhārapaccayā viññāṇaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.

    ༦༤. ཝིཉྙཱཎཔཙྩཡཱ ནཱམརཱུཔཾ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཾ།

    64. Viññāṇapaccayā nāmarūpaṃ catūhi khandhehi ekādasahāyatanehi ekādasahi dhātūhi saṅgahitaṃ. Katihi asaṅgahitaṃ? Ekena khandhena ekenāyatanena sattahi dhātūhi asaṅgahitaṃ.

    ༦༥. ནཱམརཱུཔཔཙྩཡཱ སལཱ༹ཡཏནཾ དྭཱིཧི ཁནྡྷེཧི ཚཧཱཡཏནེཧི དྭཱདསཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཏཱིཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི ཨསངྒཧིཏཾ།

    65. Nāmarūpapaccayā saḷāyatanaṃ dvīhi khandhehi chahāyatanehi dvādasahi dhātūhi saṅgahitaṃ. Katihi asaṅgahitaṃ? Tīhi khandhehi chahāyatanehi chahi dhātūhi asaṅgahitaṃ.

    ༦༦. སལཱ༹ཡཏནཔཙྩཡཱ ཕསྶོ… ཕསྶཔཙྩཡཱ ཝེདནཱ… ཝེདནཱཔཙྩཡཱ ཏཎྷཱ… ཏཎྷཱཔཙྩཡཱ ཨུཔཱདཱནཾ… ཀམྨབྷཝོ 1 ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ།

    66. Saḷāyatanapaccayā phasso… phassapaccayā vedanā… vedanāpaccayā taṇhā… taṇhāpaccayā upādānaṃ… kammabhavo 2 ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.

    ༦༧. ཨུཔཔཏྟིབྷཝོ … ཀཱམབྷཝོ… སཉྙཱབྷཝོ… པཉྩཝོཀཱརབྷཝོ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏོ།

    67. Upapattibhavo … kāmabhavo… saññābhavo… pañcavokārabhavo pañcahi khandhehi ekādasahāyatanehi sattarasahi dhātūhi saṅgahito. Katihi asaṅgahito? Na kehici khandhehi ekenāyatanena ekāya dhātuyā asaṅgahito.

    ༦༨. རཱུཔབྷཝོ པཉྩཧི ཁནྡྷེཧི པཉྩཧཱཡཏནེཧི ཨཊྛཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ན ཀེཧིཙི ཁནྡྷེཧི སཏྟཧཱཡཏནེཧི དསཧི དྷཱཏཱུཧི ཨསངྒཧིཏོ།

    68. Rūpabhavo pañcahi khandhehi pañcahāyatanehi aṭṭhahi dhātūhi saṅgahito. Katihi asaṅgahito? Na kehici khandhehi sattahāyatanehi dasahi dhātūhi asaṅgahito.

    ༦༩. ཨརཱུཔབྷཝོ… ནེཝསཉྙཱནཱསཉྙཱབྷཝོ… ཙཏུཝོཀཱརབྷཝོ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ།

    69. Arūpabhavo… nevasaññānāsaññābhavo… catuvokārabhavo catūhi khandhehi dvīhāyatanehi dvīhi dhātūhi saṅgahito. Katihi asaṅgahito? Ekena khandhena dasahāyatanehi soḷasahi dhātūhi asaṅgahito.

    ༧༠. ཨསཉྙཱབྷཝོ… ཨེཀཝོཀཱརབྷཝོ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ།

    70. Asaññābhavo… ekavokārabhavo ekena khandhena dvīhāyatanehi dvīhi dhātūhi saṅgahito. Katihi asaṅgahito? Catūhi khandhehi dasahāyatanehi soḷasahi dhātūhi asaṅgahito.

    ༧༡. ཛཱཏི དྭཱིཧི ཁནྡྷེཧི… ཛརཱ དྭཱིཧི ཁནྡྷེཧི… མརཎཾ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    71. Jāti dvīhi khandhehi… jarā dvīhi khandhehi… maraṇaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.

    ༧༢. སོཀོ… པརིདེཝོ… དུཀྑཾ… དོམནསྶཾ… ཨུཔཱཡཱསོ… སཏིཔཊྛཱནཾ… སམྨཔྤདྷཱནཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    72. Soko… paridevo… dukkhaṃ… domanassaṃ… upāyāso… satipaṭṭhānaṃ… sammappadhānaṃ ekena khandhena ekenāyatanena ekāya dhātuyā saṅgahitaṃ. Katihi asaṅgahitaṃ? Catūhi khandhehi ekādasahāyatanehi sattarasahi dhātūhi asaṅgahitaṃ.

    ༧༣. ཨིདྡྷིཔཱདོ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ། ཀཏིཧི ཨསངྒཧིཏོ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ།

    73. Iddhipādo dvīhi khandhehi dvīhāyatanehi dvīhi dhātūhi saṅgahito. Katihi asaṅgahito? Tīhi khandhehi dasahāyatanehi soḷasahi dhātūhi asaṅgahito.

    ༧༤. ཛྷཱནཾ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ། ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ།

    74. Jhānaṃ dvīhi khandhehi ekenāyatanena ekāya dhātuyā saṅgahitaṃ. Katihi asaṅgahitaṃ? Tīhi khandhehi ekādasahāyatanehi sattarasahi dhātūhi asaṅgahitaṃ.

    ༧༥. ཨཔྤམཉྙཱ … པཉྩིནྡྲིཡཱནི… པཉྩ བལཱནི… སཏྟ བོཛ྄ཛྷངྒཱ… ཨརིཡོ ཨཊྛངྒིཀོ མགྒོ… ཕསྶོ… ཝེདནཱ… སཉྙཱ… ཙེཏནཱ… ཨདྷིམོཀྑོ… མནསིཀཱརོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ། ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ།

    75. Appamaññā … pañcindriyāni… pañca balāni… satta bojjhaṅgā… ariyo aṭṭhaṅgiko maggo… phasso… vedanā… saññā… cetanā… adhimokkho… manasikāro ekena khandhena ekenāyatanena ekāya dhātuyā saṅgahito. Katihi asaṅgahito? Catūhi khandhehi ekādasahāyatanehi sattarasahi dhātūhi asaṅgahito.

    ༧༦. ཙིཏྟཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ། ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ།

    76. Cittaṃ ekena khandhena ekenāyatanena sattahi dhātūhi saṅgahitaṃ. Katihi asaṅgahitaṃ? Catūhi khandhehi ekādasahāyatanehi ekādasahi dhātūhi asaṅgahitaṃ.

    ༧. ཏིཀཾ

    7. Tikaṃ

    ༧༧. ཀུསལཱ དྷམྨཱ… ཨཀུསལཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཀུསལཱ དྷམྨཱ… ཨཀུསལཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    77. Kusalā dhammā… akusalā dhammā katihi khandhehi katihāyatanehi katihi dhātūhi saṅgahitā? Kusalā dhammā… akusalā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༧༨. ཨབྱཱཀཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    78. Abyākatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༧༩. སུཁཱཡ ཝེདནཱཡ སམྤཡུཏྟཱ དྷམྨཱ… དུཀྑཱཡ ཝེདནཱཡ སམྤཡུཏྟཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ།

    79. Sukhāya vedanāya sampayuttā dhammā… dukkhāya vedanāya sampayuttā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.

    ༨༠. ཨདུཀྑམསུཁཱཡ ཝེདནཱཡ སམྤཡུཏྟཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།

    80. Adukkhamasukhāya vedanāya sampayuttā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.

    ༨༡. ཝིཔཱཀཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    81. Vipākā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.

    ༨༢. ཝིཔཱཀདྷམྨདྷམྨཱ… སཾཀིལིཊྛསཾཀིལེསིཀཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    82. Vipākadhammadhammā… saṃkiliṭṭhasaṃkilesikā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༨༣. ནེཝཝིཔཱཀནཝིཔཱཀདྷམྨདྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ།

    83. Nevavipākanavipākadhammadhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi pañcahi dhātūhi asaṅgahitā.

    ༨༤. ཨུཔཱདིནྣུཔཱདཱནིཡཱ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།

    84. Upādinnupādāniyā dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.

    ༨༥. ཨནུཔཱདིནྣུཔཱདཱནིཡཱ དྷམྨཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ།

    85. Anupādinnupādāniyā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.

    ༨༦. ཨནུཔཱདིནྣཨནུཔཱདཱནིཡཱ དྷམྨཱ… ཨསཾཀིལིཊྛཨསཾཀིལེསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    86. Anupādinnaanupādāniyā dhammā… asaṃkiliṭṭhaasaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༨༧. ཨསཾཀིལིཊྛསཾཀིལེསིཀཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    87. Asaṃkiliṭṭhasaṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༨༨. སཝིཏཀྐསཝིཙཱརཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ།

    88. Savitakkasavicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.

    ༨༩. ཨཝིཏཀྐཝིཙཱརམཏྟཱ དྷམྨཱ… པཱིཏིསཧགཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    89. Avitakkavicāramattā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༩༠. ཨཝིཏཀྐཨཝིཙཱརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ།

    90. Avitakkaavicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.

    ༩༡. སུཁསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ།

    91. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.

    ༩༢. ཨུཔེཀྑཱསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།

    92. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.

    ༩༣. དསྶནེན པཧཱཏབྦཱ དྷམྨཱ… བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ… ཨཱཙཡགཱམིནོ དྷམྨཱ… ཨཔཙཡགཱམིནོ དྷམྨཱ… སེཀྑཱ དྷམྨཱ… ཨསེཀྑཱ དྷམྨཱ… མཧགྒཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    93. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā… ācayagāmino dhammā… apacayagāmino dhammā… sekkhā dhammā… asekkhā dhammā… mahaggatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༩༤. ནེཝ དསྶནེན ན བྷཱཝནཱཡ པཧཱཏབྦཱ དྷམྨཱ… ནེཝ དསྶནེན ན བྷཱཝནཱཡ པཧཱཏབྦཧེཏུཀཱ དྷམྨཱ… ནེཝཱཙཡགཱམིནཱཔཙཡགཱམིནོ དྷམྨཱ… ནེཝསེཀྑནཱསེཀྑཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    94. Neva dassanena na bhāvanāya pahātabbā dhammā… neva dassanena na bhāvanāya pahātabbahetukā dhammā… nevācayagāmināpacayagāmino dhammā… nevasekkhanāsekkhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༩༥. པརིཏྟཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    95. Parittā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༩༦. ཨཔྤམཱཎཱ དྷམྨཱ… པཎཱིཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    96. Appamāṇā dhammā… paṇītā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༩༧. པརིཏྟཱརམྨཎཱ 3 དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    97. Parittārammaṇā 4 dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.

    ༩༨. མཧགྒཏཱརམྨཎཱ དྷམྨཱ… ཨཔྤམཱཎཱརམྨཎཱ དྷམྨཱ… ཧཱིནཱ དྷམྨཱ… མིཙྪཏྟནིཡཏཱ དྷམྨཱ… སམྨཏྟནིཡཏཱ དྷམྨཱ… མགྒཱརམྨཎཱ དྷམྨཱ… མགྒཧེཏུཀཱ དྷམྨཱ… མགྒཱདྷིཔཏིནོ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    98. Mahaggatārammaṇā dhammā… appamāṇārammaṇā dhammā… hīnā dhammā… micchattaniyatā dhammā… sammattaniyatā dhammā… maggārammaṇā dhammā… maggahetukā dhammā… maggādhipatino dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༩༩. མཛ྄ཛྷིམཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    99. Majjhimā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༠༠. ཨནིཡཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    100. Aniyatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༠༡. ཨུཔྤནྣཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    101. Uppannā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༠༢. ཨནུཔྤནྣཱ དྷམྨཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ།

    102. Anuppannā dhammā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.

    ༡༠༣. ཨུཔྤཱདིནོ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།

    103. Uppādino dhammā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.

    ༡༠༤. ཨཏཱིཏཱ དྷམྨཱ… ཨནཱགཏཱ དྷམྨཱ… པཙྩུཔྤནྣཱ དྷམྨཱ… ཨཛ྄ཛྷཏྟཱ དྷམྨཱ… ཨཛ྄ཛྷཏྟབཧིདྡྷཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    104. Atītā dhammā… anāgatā dhammā… paccuppannā dhammā… ajjhattā dhammā… ajjhattabahiddhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༠༥. བཧིདྡྷཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    105. Bahiddhā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༠༦. ཨཏཱིཏཱརམྨཎཱ དྷམྨཱ… ཨནཱགཏཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    106. Atītārammaṇā dhammā… anāgatārammaṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༠༧. པཙྩུཔྤནྣཱརམྨཎཱ དྷམྨཱ… ཨཛ྄ཛྷཏྟཱརམྨཎཱ དྷམྨཱ… བཧིདྡྷཱརམྨཎཱ དྷམྨཱ… ཨཛ྄ཛྷཏྟབཧིདྡྷཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    107. Paccuppannārammaṇā dhammā… ajjhattārammaṇā dhammā… bahiddhārammaṇā dhammā… ajjhattabahiddhārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.

    ༡༠༨. སནིདསྶནསཔྤཊིགྷཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    108. Sanidassanasappaṭighā dhammā ekena khandhena ekenāyatanena ekāya dhātuyā saṅgahitā . Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༠༩. ཨནིདསྶནསཔྤཊིགྷཱ དྷམྨཱ ཨེཀེན ཁནྡྷེན ནཝཧཱཡཏནེཧི ནཝཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཏཱིཧཱཡཏནེཧི ནཝཧི དྷཱཏཱུཧི ཨསངྒཧིཏཱ།

    109. Anidassanasappaṭighā dhammā ekena khandhena navahāyatanehi navahi dhātūhi saṅgahitā. Katihi asaṅgahitā? Catūhi khandhehi tīhāyatanehi navahi dhātūhi asaṅgahitā.

    ༡༡༠. ཨནིདསྶནཨཔྤཊིགྷཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    110. Anidassanaappaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.

    ༨. དུཀཾ

    8. Dukaṃ

    ༡༡༡. ཧེཏཱུ དྷམྨཱ… ཧེཏཱུ ཙེཝ སཧེཏུཀཱ ཙ དྷམྨཱ… ཧེཏཱུ ཙེཝ ཧེཏུསམྤཡུཏྟཱ ཙ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    111. Hetū dhammā… hetū ceva sahetukā ca dhammā… hetū ceva hetusampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༡༢. ན ཧེཏཱུ དྷམྨཱ… ཨཧེཏུཀཱ དྷམྨཱ… ཧེཏུཝིཔྤཡུཏྟཱ དྷམྨཱ… ན ཧེཏཱུ ཨཧེཏུཀཱ 5 དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    112. Na hetū dhammā… ahetukā dhammā… hetuvippayuttā dhammā… na hetū ahetukā 6 dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༡༣. སཧེཏུཀཱ དྷམྨཱ… ཧེཏུསམྤཡུཏྟཱ དྷམྨཱ… སཧེཏུཀཱ ཙེཝ ན ཙ ཧེཏཱུ དྷམྨཱ… ཧེཏུསམྤཡུཏྟཱ ཙེཝ ན ཙ ཧེཏཱུ དྷམྨཱ… ན ཧེཏཱུ སཧེཏུཀཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    113. Sahetukā dhammā… hetusampayuttā dhammā… sahetukā ceva na ca hetū dhammā… hetusampayuttā ceva na ca hetū dhammā… na hetū sahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༡༤. སཔྤཙྩཡཱ དྷམྨཱ… སངྑཏཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    114. Sappaccayā dhammā… saṅkhatā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༡༥. ཨཔྤཙྩཡཱ དྷམྨཱ… ཨསངྑཏཱ དྷམྨཱ ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    115. Appaccayā dhammā… asaṅkhatā dhammā na kehici khandhehi ekenāyatanena ekāya dhātuyā saṅgahitā. Katihi asaṅgahitā? Pañcahi khandhehi ekādasahāyatanehi sattarasahi dhātūhi asaṅgahitā.

    ༡༡༦. སནིདསྶནཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    116. Sanidassanā dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༡༧. ཨནིདསྶནཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།

    117. Anidassanā dhammā asaṅkhataṃ khandhato ṭhapetvā pañcahi khandhehi ekādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi, ekenāyatanena ekāya dhātuyā asaṅgahitā.

    ༡༡༨. སཔྤཊིགྷཱ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།

    118. Sappaṭighā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.

    ༡༡༩. ཨཔྤཊིགྷཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    119. Appaṭighā dhammā asaṅkhataṃ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi, dasahāyatanehi dasahi dhātūhi asaṅgahitā.

    ༡༢༠. རཱུཔིནོ དྷམྨཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    120. Rūpino dhammā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.

    ༡༢༡. ཨརཱུཔིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    121. Arūpino dhammā asaṅkhataṃ khandhato ṭhapetvā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.

    ༡༢༢. ལོཀིཡཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    122. Lokiyā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༢༣. ལོཀུཏྟརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    123. Lokuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༢༤. ཀེནཙི ཝིཉྙེཡྻཱ དྷམྨཱ… ཀེནཙི ན ཝིཉྙེཡྻཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    124. Kenaci viññeyyā dhammā… kenaci na viññeyyā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༢༥. ཨཱསཝཱ དྷམྨཱ… ཨཱསཝཱ ཙེཝ སཱསཝཱ ཙ དྷམྨཱ… ཨཱསཝཱ ཙེཝ ཨཱསཝསམྤཡུཏྟཱ ཙ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    125. Āsavā dhammā… āsavā ceva sāsavā ca dhammā… āsavā ceva āsavasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༢༦. ནོ ཨཱསཝཱ དྷམྨཱ… ཨཱསཝཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    126. No āsavā dhammā… āsavavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༢༧. སཱསཝཱ དྷམྨཱ… སཱསཝཱ ཙེཝ ནོ ཙ ཨཱསཝཱ དྷམྨཱ… ཨཱསཝཝིཔྤཡུཏྟཱ སཱསཝཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    127. Sāsavā dhammā… sāsavā ceva no ca āsavā dhammā… āsavavippayuttā sāsavā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༢༨. ཨནཱསཝཱ དྷམྨཱ… ཨཱསཝཝིཔྤཡུཏྟཱ ཨནཱསཝཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    128. Anāsavā dhammā… āsavavippayuttā anāsavā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༢༩. ཨཱསཝསམྤཡུཏྟཱ དྷམྨཱ… ཨཱསཝསམྤཡུཏྟཱ ཙེཝ ནོ ཙ ཨཱསཝཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    129. Āsavasampayuttā dhammā… āsavasampayuttā ceva no ca āsavā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༣༠. སཾཡོཛནཱ དྷམྨཱ… གནྠཱ དྷམྨཱ… ཨོགྷཱ དྷམྨཱ… ཡོགཱ དྷམྨཱ… ནཱིཝརཎཱ དྷམྨཱ… པརཱམཱསཱ དྷམྨཱ… པརཱམཱསཱ ཙེཝ པརཱམཊྛཱ ཙ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    130. Saṃyojanā dhammā… ganthā dhammā… oghā dhammā… yogā dhammā… nīvaraṇā dhammā… parāmāsā dhammā… parāmāsā ceva parāmaṭṭhā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༣༡. ནོ པརཱམཱསཱ དྷམྨཱ… པརཱམཱསཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    131. No parāmāsā dhammā… parāmāsavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༣༢. པརཱམཊྛཱ དྷམྨཱ… པརཱམཊྛཱ ཙེཝ ནོ ཙ པརཱམཱསཱ དྷམྨཱ… པརཱམཱསཝིཔྤཡུཏྟཱ པརཱམཊྛཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    132. Parāmaṭṭhā dhammā… parāmaṭṭhā ceva no ca parāmāsā dhammā… parāmāsavippayuttā parāmaṭṭhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༣༣. ཨཔརཱམཊྛཱ དྷམྨཱ… པརཱམཱསཝིཔྤཡུཏྟཱ ཨཔརཱམཊྛཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    133. Aparāmaṭṭhā dhammā… parāmāsavippayuttā aparāmaṭṭhā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༣༤. པརཱམཱསསམྤཡུཏྟཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    134. Parāmāsasampayuttā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༣༥. སཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།

    135. Sārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.

    ༡༣༦. ཨནཱརམྨཎཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    136. Anārammaṇā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.

    ༡༣༧. ཙིཏྟཱ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།

    137. Cittā dhammā ekena khandhena ekenāyatanena sattahi dhātūhi saṅgahitā. Katihi asaṅgahitā? Catūhi khandhehi ekādasahāyatanehi ekādasahi dhātūhi asaṅgahitā.

    ༡༣༨. ནོ ཙིཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    138. No cittā dhammā asaṅkhataṃ khandhato ṭhapetvā catūhi khandhehi ekādasahāyatanehi ekādasahi dhātūhi saṅgahitā. Katihi asaṅgahitā? Ekena khandhena ekenāyatanena sattahi dhātūhi asaṅgahitā.

    ༡༣༩. ཙེཏསིཀཱ དྷམྨཱ… ཙིཏྟསམྤཡུཏྟཱ དྷམྨཱ… ཙིཏྟསཾསཊྛཱ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    139. Cetasikā dhammā… cittasampayuttā dhammā… cittasaṃsaṭṭhā dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.

    ༡༤༠. ཨཙེཏསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    140. Acetasikā dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.

    ༡༤༡. ཙིཏྟཝིཔྤཡུཏྟཱ དྷམྨཱ… ཙིཏྟཝིསཾསཊྛཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།

    141. Cittavippayuttā dhammā… cittavisaṃsaṭṭhā dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.

    ༡༤༢. ཙིཏྟསམུཊྛཱནཱ དྷམྨཱ ཙཏཱུཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཚཧཱཡཏནེཧི དྭཱདསཧི དྷཱཏཱུཧི ཨསངྒཧིཏཱ།

    142. Cittasamuṭṭhānā dhammā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.

    ༡༤༣. ནོ ཙིཏྟསམུཊྛཱནཱ དྷམྨཱ… ནོ ཙིཏྟསཧབྷུནོ དྷམྨཱ… ནོ ཙིཏྟཱནུཔརིཝཏྟིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    143. No cittasamuṭṭhānā dhammā… no cittasahabhuno dhammā… no cittānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.

    ༡༤༤. ཙིཏྟསཧབྷུནོ དྷམྨཱ… ཙིཏྟཱནུཔརིཝཏྟིནོ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    144. Cittasahabhuno dhammā… cittānuparivattino dhammā catūhi khandhehi ekenāyatanena ekāya dhātuyā saṅgahitā. Katihi asaṅgahitā? Ekena khandhena ekādasahāyatanehi sattarasahi dhātūhi asaṅgahitā.

    ༡༤༥. ཙིཏྟསཾསཊྛསམུཊྛཱནཱ དྷམྨཱ… ཙིཏྟསཾསཊྛསམུཊྛཱནསཧབྷུནོ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    145. Cittasaṃsaṭṭhasamuṭṭhānā dhammā… cittasaṃsaṭṭhasamuṭṭhānasahabhuno dhammā… cittasaṃsaṭṭhasamuṭṭhānānuparivattino dhammā tīhi khandhehi ekenāyatanena ekāya dhātuyā saṅgahitā. Katihi asaṅgahitā? Dvīhi khandhehi ekādasahāyatanehi sattarasahi dhātūhi asaṅgahitā.

    ༡༤༦. ནོ ཙིཏྟསཾསཊྛསམུཊྛཱནཱ དྷམྨཱ… ནོ ཙིཏྟསཾསཊྛསམུཊྛཱནསཧབྷུནོ དྷམྨཱ… ནོ ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    146. No cittasaṃsaṭṭhasamuṭṭhānā dhammā… no cittasaṃsaṭṭhasamuṭṭhānasahabhuno dhammā… no cittasaṃsaṭṭhasamuṭṭhānānuparivattino dhammā asaṅkhataṃ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Tīhi khandhehi na kehici āyatanehi na kāhici dhātūhi asaṅgahitā.

    ༡༤༧. ཨཛ྄ཛྷཏྟིཀཱ དྷམྨཱ དྭཱིཧི ཁནྡྷེཧི ཚཧཱཡཏནེཧི དྭཱདསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཏཱིཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི ཨསངྒཧིཏཱ།

    147. Ajjhattikā dhammā dvīhi khandhehi chahāyatanehi dvādasahi dhātūhi saṅgahitā. Katihi asaṅgahitā? Tīhi khandhehi chahāyatanehi chahi dhātūhi asaṅgahitā.

    ༡༤༨. བཱཧིརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན ཚཧཱཡཏནེཧི དྭཱདསཧི དྷཱཏཱུཧི ཨསངྒཧིཏཱ།

    148. Bāhirā dhammā asaṅkhataṃ khandhato ṭhapetvā catūhi khandhehi chahāyatanehi chahi dhātūhi saṅgahitā. Katihi asaṅgahitā? Ekena khandhena chahāyatanehi dvādasahi dhātūhi asaṅgahitā.

    ༡༤༩. ཨུཔཱདཱ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།

    149. Upādā dhammā ekena khandhena dasahāyatanehi dasahi dhātūhi saṅgahitā. Katihi asaṅgahitā? Catūhi khandhehi dvīhāyatanehi aṭṭhahi dhātūhi asaṅgahitā.

    ༡༥༠. ནོ ཨུཔཱདཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ཏཱིཧཱཡཏནེཧི ནཝཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ནཝཧཱཡཏནེཧི ནཝཧི དྷཱཏཱུཧི ཨསངྒཧིཏཱ།

    150. No upādā dhammā asaṅkhataṃ khandhato ṭhapetvā pañcahi khandhehi tīhāyatanehi navahi dhātūhi saṅgahitā. Katihi asaṅgahitā? Na kehici khandhehi navahāyatanehi navahi dhātūhi asaṅgahitā.

    ༡༥༡. ཨུཔཱདིནྣཱ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།

    151. Upādinnā dhammā pañcahi khandhehi ekādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi ekenāyatanena ekāya dhātuyā asaṅgahitā.

    ༡༥༢. ཨནུཔཱདིནྣཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ།

    152. Anupādinnā dhammā asaṅkhataṃ khandhato ṭhapetvā pañcahi khandhehi sattahāyatanehi aṭṭhahi dhātūhi saṅgahitā. Katihi asaṅgahitā? Na kehici khandhehi pañcahāyatanehi dasahi dhātūhi asaṅgahitā.

    ༡༥༣. ཨུཔཱདཱནཱ དྷམྨཱ… ཀིལེསཱ དྷམྨཱ… ཀིལེསཱ ཙེཝ སཾཀིལེསིཀཱ ཙ དྷམྨཱ… ཀིལེསཱ ཙེཝ སཾཀིལིཊྛཱ ཙ དྷམྨཱ… ཀིལེསཱ ཙེཝ ཀིལེསསམྤཡུཏྟཱ ཙ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ། ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།

    153. Upādānā dhammā… kilesā dhammā… kilesā ceva saṃkilesikā ca dhammā… kilesā ceva saṃkiliṭṭhā ca dhammā… kilesā ceva kilesasampayuttā ca dhammā ekena khandhena ekenāyatanena ekāya dhātuyā saṅgahitā. Katihi asaṅgahitā? Catūhi khandhehi ekādasahāyatanehi sattarasahi dhātūhi asaṅgahitā.

    ༡༥༤. ནོ ཀིལེསཱ དྷམྨཱ… ཨསཾཀིལིཊྛཱ དྷམྨཱ… ཀིལེསཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    154. No kilesā dhammā… asaṃkiliṭṭhā dhammā… kilesavippayuttā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༥༥. སཾཀིལེསིཀཱ དྷམྨཱ… སཾཀིལེསིཀཱ ཙེཝ ནོ ཙ ཀིལེསཱ དྷམྨཱ… ཀིལེསཝིཔྤཡུཏྟཱ སཾཀིལེསིཀཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    155. Saṃkilesikā dhammā… saṃkilesikā ceva no ca kilesā dhammā… kilesavippayuttā saṃkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༥༦. ཨསཾཀིལེསིཀཱ དྷམྨཱ… ཀིལེསཝིཔྤཡུཏྟཱ ཨསཾཀིལེསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    156. Asaṃkilesikā dhammā… kilesavippayuttā asaṃkilesikā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༥༧. སཾཀིལིཊྛཱ དྷམྨཱ… ཀིལེསསམྤཡུཏྟཱ དྷམྨཱ… སཾཀིལིཊྛཱ ཙེཝ ནོ ཙ ཀིལེསཱ དྷམྨཱ… ཀིལེསསམྤཡུཏྟཱ ཙེཝ ནོ ཙ ཀིལེསཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    157. Saṃkiliṭṭhā dhammā… kilesasampayuttā dhammā… saṃkiliṭṭhā ceva no ca kilesā dhammā… kilesasampayuttā ceva no ca kilesā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༥༨. དསྶནེན པཧཱཏབྦཱ དྷམྨཱ… བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    158. Dassanena pahātabbā dhammā… bhāvanāya pahātabbā dhammā… dassanena pahātabbahetukā dhammā… bhāvanāya pahātabbahetukā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༥༩. ན དསྶནེན པཧཱཏབྦཱ དྷམྨཱ… ན བྷཱཝནཱཡ པཧཱཏབྦཱ དྷམྨཱ … ན དསྶནེན པཧཱཏབྦཧེཏུཀཱ དྷམྨཱ… ན བྷཱཝནཱཡ པཧཱཏབྦཧེཏུཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    159. Na dassanena pahātabbā dhammā… na bhāvanāya pahātabbā dhammā … na dassanena pahātabbahetukā dhammā… na bhāvanāya pahātabbahetukā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༦༠. སཝིཏཀྐཱ དྷམྨཱ… སཝིཙཱརཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ།

    160. Savitakkā dhammā… savicārā dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.

    ༡༦༡. ཨཝིཏཀྐཱ དྷམྨཱ… ཨཝིཙཱརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ།

    161. Avitakkā dhammā… avicārā dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.

    ༡༦༢. སཔྤཱིཏིཀཱ དྷམྨཱ… པཱིཏིསཧགཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    162. Sappītikā dhammā… pītisahagatā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༦༣. ཨཔྤཱིཏིཀཱ དྷམྨཱ… ན པཱིཏིསཧགཏཱ དྷམྨཱ… ན སུཁསཧགཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    163. Appītikā dhammā… na pītisahagatā dhammā… na sukhasahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༦༤. སུཁསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ།

    164. Sukhasahagatā dhammā tīhi khandhehi dvīhāyatanehi tīhi dhātūhi saṅgahitā. Katihi asaṅgahitā? Dvīhi khandhehi dasahāyatanehi pannarasahi dhātūhi asaṅgahitā.

    ༡༦༥. ཨུཔེཀྑཱསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།

    165. Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā. Katihi asaṅgahitā? Dvīhi khandhehi dasahāyatanehi ekādasahi dhātūhi asaṅgahitā.

    ༡༦༦. ན ཨུཔེཀྑཱསཧགཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ།

    166. Na upekkhāsahagatā dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.

    ༡༦༧. ཀཱམཱཝཙརཱ དྷམྨཱ… པརིཡཱཔནྣཱ དྷམྨཱ… སཨུཏྟརཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    167. Kāmāvacarā dhammā… pariyāpannā dhammā… sauttarā dhammā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    ༡༦༨. ན ཀཱམཱཝཙརཱ དྷམྨཱ… ཨཔརིཡཱཔནྣཱ དྷམྨཱ… ཨནུཏྟརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    168. Na kāmāvacarā dhammā… apariyāpannā dhammā… anuttarā dhammā asaṅkhataṃ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༦༩. རཱུཔཱཝཙརཱ དྷམྨཱ… ཨརཱུཔཱཝཙརཱ དྷམྨཱ… ནིཡྻཱནིཀཱ དྷམྨཱ… ནིཡཏཱ དྷམྨཱ… སརཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ།

    169. Rūpāvacarā dhammā… arūpāvacarā dhammā… niyyānikā dhammā… niyatā dhammā… saraṇā dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.

    ༡༧༠. ན རཱུཔཱཝཙརཱ དྷམྨཱ… ན ཨརཱུཔཱཝཙརཱ དྷམྨཱ… ཨནིཡྻཱནིཀཱ དྷམྨཱ… ཨནིཡཏཱ དྷམྨཱ… ཨརཎཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཨརཎཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ། ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ།

    170. Na rūpāvacarā dhammā… na arūpāvacarā dhammā… aniyyānikā dhammā… aniyatā dhammā… araṇā dhammā katihi khandhehi katihāyatanehi katihi dhātūhi saṅgahitā? Araṇā dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.

    སངྒཧཱསངྒཧཔདནིདྡེསོ པཋམོ།

    Saṅgahāsaṅgahapadaniddeso paṭhamo.




    Next: ༢. དུཏིཡནཡོ • 2. Dutiyanayo




    Footnotes:
    1. ཨུཔཱདཱནཔཙྩཡཱ ཀམྨབྷཝོ (སཱི॰ སྱཱ॰)
    2. upādānapaccayā kammabhavo (sī. syā.)
    3. པརིཏྟཱརམཎཱ (?)
    4. parittāramaṇā (?)
    5. ན ཧེཏཱུ ཨཧེཏུཀཱ (སྱཱ॰ ཀ॰) ཝིབྷ॰ དུཀཔཉྷཱཔུཙྪཀེཔི
    6. na hetū ahetukā (syā. ka.) vibha. dukapañhāpucchakepi



    Related texts:



    ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡. པཋམནཡོ སངྒཧཱསངྒཧཔདཝཎྞནཱ • 1. Paṭhamanayo saṅgahāsaṅgahapadavaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡. པཋམནཡོ སངྒཧཱསངྒཧཔདཝཎྞནཱ • 1. Paṭhamanayo saṅgahāsaṅgahapadavaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡. པཋམནཡོ སངྒཧཱསངྒཧཔདཝཎྞནཱ • 1. Paṭhamanayo saṅgahāsaṅgahapadavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact