| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. сан̇г̇ахасуд̇д̇аван̣н̣анаа
2. Saṅgahasuttavaṇṇanā
32. д̣̇уд̇ияз сан̇г̇ахавад̇т̇уунийд̇и сан̇г̇ан̣ханагааран̣аани. д̣̇аанан̃жаад̇иаад̣̇ийсу згажжо хи д̣̇аанзнзва сан̇г̇ан̣хид̇аб̣б̣о ход̇и, д̇асса д̣̇аанамзва д̣̇аад̇аб̣б̣ам̣. бзяяаваж̇ж̇анд̇и бияаважанам̣. згажжо хи ‘‘аяам̣ д̣̇аад̇аб̣б̣ам̣ наама д̣̇зд̇и, згзгзна бана важанзна саб̣б̣ам̣ магкзд̇ваа наасзд̇и, гим̣ д̇асса д̣̇аана’’нд̇и вад̇д̇аа ход̇и. згажжо ‘‘аяам̣ гин̃жааби д̣̇аанам̣ на д̣̇зд̇и, гат̇знд̇о бана д̇злзна вияа магкзд̇и. зса д̣̇зд̇у ваа маа ваа, важанамзвасса сахассам̣ аг̇гхад̇ий’’д̇и вад̇д̇аа ход̇и. зваруубо буг̇г̇ало д̣̇аанам̣ на бажжаасийсад̇и, бияаважанамзва бажжаасийсад̇и. д̇асса бияаважанамзва вад̇д̇аб̣б̣ам̣. ад̇т̇ажарияаад̇и ад̇т̇авад̣дханагат̇аа. згажжо хи нзва д̣̇аанам̣, на бияаважанам̣ бажжаасийсад̇и, ад̇д̇ано хид̇агат̇ам̣ вад̣дхигат̇амзва бажжаасийсад̇и. зваруубасса буг̇г̇аласса ‘‘ид̣̇ам̣ д̇з гаад̇аб̣б̣ам̣, ид̣̇ам̣ на гаад̇аб̣б̣ам̣, зваруубо буг̇г̇ало сзвид̇аб̣б̣о, зваруубо на сзвид̇аб̣б̣о’’д̇и звам̣ ад̇т̇ажарияагат̇аава гат̇зд̇аб̣б̣аа. самаанад̇д̇ад̇аад̇и самаанасукад̣̇угкабхааво. згажжо хи д̣̇аанаад̣̇ийсу згамби на бажжаасийсад̇и , згаасанз нисаж̇ж̇ам̣, згабаллан̇гз саяанам̣, згад̇о бхож̇ананд̇и звам̣ самаанасукад̣̇угкад̇ам̣ бажжаасийсад̇и. со сажз г̇ахадтасса ж̇аад̇ияаа баб̣б̣аж̇ид̇асса сийлзна сад̣̇исо ход̇и, д̇ассааяам̣ самаанад̇д̇ад̇аа гаад̇аб̣б̣аа. д̇ад̇т̇а д̇ад̇т̇а яат̇аараханд̇и д̇зсу д̇зсу д̇хаммзсу яат̇аанужчавигам̣ самаанад̇д̇ад̇аад̇и ад̇т̇о. рат̇ассаан̣ийва яааяад̇од̇и яат̇аа рат̇асса г̇ажчад̇о аан̣и сан̇г̇ахо наама ход̇и, саа рат̇ам̣ сан̇г̇ан̣хаад̇и, звамимз сан̇г̇ахаа логам̣ сан̇г̇ан̣ханд̇и. на маад̇аа буд̇д̇агааран̣аад̇и яад̣̇и маад̇аа зд̇з сан̇г̇ахз буд̇д̇асса на гарзяяа, буд̇д̇агааран̣аа маанам̣ ваа бууж̇ам̣ ваа на лабхзяяа. сан̇г̇ахаа зд̇зд̇и убаяог̇аважанз бажжад̇д̇ам̣. сан̇г̇ахз зд̇зд̇и ваа баато. самавзгканд̇ийд̇и саммаа бзгканд̇и. баасам̣саа жа бхаванд̇ийд̇и басам̣санийяаа жа бхаванд̇и.
32. Dutiye saṅgahavatthūnīti saṅgaṇhanakāraṇāni. Dānañcātiādīsu ekacco hi dāneneva saṅgaṇhitabbo hoti, tassa dānameva dātabbaṃ. Peyyavajjanti piyavacanaṃ. Ekacco hi ‘‘ayaṃ dātabbaṃ nāma deti, ekekena pana vacanena sabbaṃ makkhetvā nāseti, kiṃ tassa dāna’’nti vattā hoti. Ekacco ‘‘ayaṃ kiñcāpi dānaṃ na deti, kathento pana telena viya makkheti. Esa detu vā mā vā, vacanamevassa sahassaṃ agghatī’’ti vattā hoti. Evarūpo puggalo dānaṃ na paccāsīsati, piyavacanameva paccāsīsati. Tassa piyavacanameva vattabbaṃ. Atthacariyāti atthavaḍḍhanakathā. Ekacco hi neva dānaṃ, na piyavacanaṃ paccāsīsati, attano hitakathaṃ vaḍḍhikathameva paccāsīsati. Evarūpassa puggalassa ‘‘idaṃ te kātabbaṃ, idaṃ na kātabbaṃ, evarūpo puggalo sevitabbo, evarūpo na sevitabbo’’ti evaṃ atthacariyakathāva kathetabbā. Samānattatāti samānasukhadukkhabhāvo. Ekacco hi dānādīsu ekampi na paccāsīsati , ekāsane nisajjaṃ, ekapallaṅke sayanaṃ, ekato bhojananti evaṃ samānasukhadukkhataṃ paccāsīsati. So sace gahaṭṭhassa jātiyā pabbajitassa sīlena sadiso hoti, tassāyaṃ samānattatā kātabbā. Tattha tattha yathārahanti tesu tesu dhammesu yathānucchavikaṃ samānattatāti attho. Rathassāṇīva yāyatoti yathā rathassa gacchato āṇi saṅgaho nāma hoti, sā rathaṃ saṅgaṇhāti, evamime saṅgahā lokaṃ saṅgaṇhanti. Na mātā puttakāraṇāti yadi mātā ete saṅgahe puttassa na kareyya, puttakāraṇā mānaṃ vā pūjaṃ vā na labheyya. Saṅgahāeteti upayogavacane paccattaṃ. Saṅgahe eteti vā pāṭho. Samavekkhantīti sammā pekkhanti. Pāsaṃsā ca bhavantīti pasaṃsanīyā ca bhavanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сан̇г̇ахасуд̇д̇ам̣ • 2. Saṅgahasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. сан̇г̇ахасуд̇д̇аван̣н̣анаа • 2. Saṅgahasuttavaṇṇanā
