| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. сан̇г̇ахасуд̇д̇аван̣н̣анаа
2. Saṅgahasuttavaṇṇanā
32. д̣̇уд̇ияз д̇асса д̣̇аанамзва д̣̇аад̇аб̣б̣анд̇и баб̣б̣аж̇ид̇асса баб̣б̣аж̇ид̇абаригкаарам̣ бад̇д̇ажийвараад̣̇и, г̇ихино г̇ихибаригкаарам̣ вад̇т̇аавуд̇хаяаанасаяанаад̣̇и д̣̇аад̇аб̣б̣ам̣. саб̣б̣анд̇и саб̣б̣ам̣ убагаарам̣. магкзд̇ваа наасзд̇и магкибхаавз тад̇ваа. д̇злзна вияа магкзд̇ийд̇и сад̇ад̇ход̇ад̇злзна магкзд̇и вияа. ад̇т̇авад̣дханагат̇аад̇и хид̇аавахагат̇аа. гат̇ааг̇ахан̣ан̃жзд̇т̇а нид̣̇ассанамад̇д̇ам̣, барзсам̣ хид̇аавахо гааяаббаяог̇оби ад̇т̇ажарияаа. адтагат̇ааяам̣ бана важиббаяог̇авасзнзва ад̇т̇ажарияаа вуд̇д̇аа. самаанад̇д̇ад̇аад̇и сад̣̇исабхааво, самаанадтаанз табанам̣, д̇ам̣ банасса самаанадтабанам̣ ад̇д̇асад̣̇исад̇аагаран̣амукзна згасамбхог̇ад̇аа. ад̇д̇ано сукуббад̇д̇ияам̣ д̇асса жа д̣̇угкуббад̇д̇ияам̣ д̇зна д̣̇угкзна ад̇д̇анаа згасамбхог̇ад̇аад̇и ааха ‘‘самаанасукад̣̇угкабхааво’’д̇и. саа жа самаанасукад̣̇угкад̇аа згад̇о нисаж̇ж̇аад̣̇инаа баагадаа ход̇ийд̇и д̣̇ассзнд̇о ‘‘згаасанз’’д̇иаад̣̇имааха.
32. Dutiye tassa dānameva dātabbanti pabbajitassa pabbajitaparikkhāraṃ pattacīvarādi, gihino gihiparikkhāraṃ vatthāvudhayānasayanādi dātabbaṃ. Sabbanti sabbaṃ upakāraṃ. Makkhetvā nāseti makkhibhāve ṭhatvā. Telena viya makkhetīti satadhotatelena makkheti viya. Atthavaḍḍhanakathāti hitāvahakathā. Kathāgahaṇañcettha nidassanamattaṃ, paresaṃ hitāvaho kāyappayogopi atthacariyā. Aṭṭhakathāyaṃ pana vacippayogavaseneva atthacariyā vuttā. Samānattatāti sadisabhāvo, samānaṭṭhāne ṭhapanaṃ, taṃ panassa samānaṭṭhapanaṃ attasadisatākaraṇamukhena ekasambhogatā. Attano sukhuppattiyaṃ tassa ca dukkhuppattiyaṃ tena dukkhena attanā ekasambhogatāti āha ‘‘samānasukhadukkhabhāvo’’ti. Sā ca samānasukhadukkhatā ekato nisajjādinā pākaṭā hotīti dassento ‘‘ekāsane’’tiādimāha.
д̇ад̇т̇а ж̇аад̇ияаа хийно бхог̇зна ад̇хиго д̣̇уссан̇г̇ахо ход̇и. на хи саггаа д̇зна сад̣̇д̇хим̣ згабарибхог̇о гаад̇ум̣ ж̇аад̇ияаа хийнад̇д̇аа. д̇асса д̇ат̇аа агарияамаанз жа со гуж̇жхад̇и бхог̇зна ад̇хигад̇д̇аа, д̇асмаа со д̣̇уссан̇г̇ахо. бхог̇зна хийно ж̇аад̇ияаа ад̇хигоби д̣̇уссан̇г̇ахо ход̇и. со хи ‘‘ахам̣ ж̇аад̇имаа’’д̇и бхог̇асамбаннзна сад̣̇д̇хи згабарибхог̇ам̣ ижчад̇и, д̇асмим̣ агарияамаанз гуж̇жхад̇и. убхохиби хийно сусан̇г̇ахо ход̇и. на хи со ид̇арзна сад̣̇д̇хим̣ згабарибхог̇ам̣ ижчад̇и ж̇аад̇ияаа хийнабхаавад̇о, на агарияамаано гуж̇жхад̇и бхог̇зна хийнабхаавад̇о. убхохи сад̣̇исоби сусан̇г̇ахоязва. сад̣̇исабхаавзнзва ид̇арзна саха згабарибхог̇асса бажжаасийсааяа, агаран̣з жа д̇асса гуж̇жханасса абхаавад̇о. бхигку д̣̇уссийло д̣̇уссан̇г̇ахо ход̇и. на хи саггаа д̇зна сад̣̇д̇хим̣ згабарибхог̇ам̣ гаад̇ум̣, агарияамаанз жа гуж̇жхад̇и. сийлаваа бана сусан̇г̇ахо ход̇и. сийлаваа хи ад̣̇ийяамаанзби гисмин̃жи аамисз агарияамаанзби сан̇г̇ахз на гуж̇жхад̇и, ан̃н̃ам̣ ад̇д̇анаа сад̣̇д̇хим̣ барибхог̇ам̣ агаронд̇амби на баабагзна жид̇д̇зна бассад̇и бзсалабхаавад̇о. д̇ад̇о зва барибхог̇оби анзна сад̣̇д̇хим̣ сугаро ход̇и, д̇асмаа г̇ихи жз, убхохи сад̣̇исо. баб̣б̣аж̇ид̇о жз, сийлаваа буг̇г̇ало . звам̣ самаанад̇д̇ад̇ааяа сан̇г̇ахзд̇аб̣б̣о. д̇знзвааха ‘‘со сажз г̇ахадтасса ж̇аад̇ияаа баб̣б̣аж̇ид̇асса сийлзна сад̣̇исо ход̇и, д̇ассааяам̣ самаанад̇д̇ад̇аа гаад̇аб̣б̣аа’’д̇и. сзсам̣ сувин̃н̃зяяамзва.
Tattha jātiyā hīno bhogena adhiko dussaṅgaho hoti. Na hi sakkā tena saddhiṃ ekaparibhogo kātuṃ jātiyā hīnattā. Tassa tathā akariyamāne ca so kujjhati bhogena adhikattā, tasmā so dussaṅgaho. Bhogena hīno jātiyā adhikopi dussaṅgaho hoti. So hi ‘‘ahaṃ jātimā’’ti bhogasampannena saddhi ekaparibhogaṃ icchati, tasmiṃ akariyamāne kujjhati. Ubhohipi hīno susaṅgaho hoti. Na hi so itarena saddhiṃ ekaparibhogaṃ icchati jātiyā hīnabhāvato, na akariyamāno kujjhati bhogena hīnabhāvato. Ubhohi sadisopi susaṅgahoyeva. Sadisabhāveneva itarena saha ekaparibhogassa paccāsīsāya, akaraṇe ca tassa kujjhanassa abhāvato. Bhikkhu dussīlo dussaṅgaho hoti. Na hi sakkā tena saddhiṃ ekaparibhogaṃ kātuṃ, akariyamāne ca kujjhati. Sīlavā pana susaṅgaho hoti. Sīlavā hi adīyamānepi kismiñci āmise akariyamānepi saṅgahe na kujjhati, aññaṃ attanā saddhiṃ paribhogaṃ akarontampi na pāpakena cittena passati pesalabhāvato. Tato eva paribhogopi anena saddhiṃ sukaro hoti, tasmā gihi ce, ubhohi sadiso. Pabbajito ce, sīlavā puggalo . Evaṃ samānattatāya saṅgahetabbo. Tenevāha ‘‘so sace gahaṭṭhassa jātiyā pabbajitassa sīlena sadiso hoti, tassāyaṃ samānattatā kātabbā’’ti. Sesaṃ suviññeyyameva.
сан̇г̇ахасуд̇д̇аван̣н̣анаа нидтид̇аа.
Saṅgahasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сан̇г̇ахасуд̇д̇ам̣ • 2. Saṅgahasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. сан̇г̇ахасуд̇д̇аван̣н̣анаа • 2. Saṅgahasuttavaṇṇanā
