| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਸਙ੍ਗਹਸੁਤ੍ਤવਣ੍ਣਨਾ
2. Saṅgahasuttavaṇṇanā
੩੨. ਦੁਤਿਯੇ ਸਙ੍ਗਹવਤ੍ਥੂਨੀਤਿ ਸਙ੍ਗਣ੍ਹਨਕਾਰਣਾਨਿ। ਦਾਨਞ੍ਚਾਤਿਆਦੀਸੁ ਏਕਚ੍ਚੋ ਹਿ ਦਾਨੇਨੇવ ਸਙ੍ਗਣ੍ਹਿਤਬ੍ਬੋ ਹੋਤਿ, ਤਸ੍ਸ ਦਾਨਮੇવ ਦਾਤਬ੍ਬਂ। ਪੇਯ੍ਯવਜ੍ਜਨ੍ਤਿ ਪਿਯવਚਨਂ। ਏਕਚ੍ਚੋ ਹਿ ‘‘ਅਯਂ ਦਾਤਬ੍ਬਂ ਨਾਮ ਦੇਤਿ, ਏਕੇਕੇਨ ਪਨ વਚਨੇਨ ਸਬ੍ਬਂ ਮਕ੍ਖੇਤ੍વਾ ਨਾਸੇਤਿ, ਕਿਂ ਤਸ੍ਸ ਦਾਨ’’ਨ੍ਤਿ વਤ੍ਤਾ ਹੋਤਿ। ਏਕਚ੍ਚੋ ‘‘ਅਯਂ ਕਿਞ੍ਚਾਪਿ ਦਾਨਂ ਨ ਦੇਤਿ, ਕਥੇਨ੍ਤੋ ਪਨ ਤੇਲੇਨ વਿਯ ਮਕ੍ਖੇਤਿ। ਏਸ ਦੇਤੁ વਾ ਮਾ વਾ, વਚਨਮੇવਸ੍ਸ ਸਹਸ੍ਸਂ ਅਗ੍ਘਤੀ’’ਤਿ વਤ੍ਤਾ ਹੋਤਿ। ਏવਰੂਪੋ ਪੁਗ੍ਗਲੋ ਦਾਨਂ ਨ ਪਚ੍ਚਾਸੀਸਤਿ, ਪਿਯવਚਨਮੇવ ਪਚ੍ਚਾਸੀਸਤਿ। ਤਸ੍ਸ ਪਿਯવਚਨਮੇવ વਤ੍ਤਬ੍ਬਂ। ਅਤ੍ਥਚਰਿਯਾਤਿ ਅਤ੍ਥવਡ੍ਢਨਕਥਾ। ਏਕਚ੍ਚੋ ਹਿ ਨੇવ ਦਾਨਂ, ਨ ਪਿਯવਚਨਂ ਪਚ੍ਚਾਸੀਸਤਿ, ਅਤ੍ਤਨੋ ਹਿਤਕਥਂ વਡ੍ਢਿਕਥਮੇવ ਪਚ੍ਚਾਸੀਸਤਿ। ਏવਰੂਪਸ੍ਸ ਪੁਗ੍ਗਲਸ੍ਸ ‘‘ਇਦਂ ਤੇ ਕਾਤਬ੍ਬਂ, ਇਦਂ ਨ ਕਾਤਬ੍ਬਂ, ਏવਰੂਪੋ ਪੁਗ੍ਗਲੋ ਸੇવਿਤਬ੍ਬੋ, ਏવਰੂਪੋ ਨ ਸੇવਿਤਬ੍ਬੋ’’ਤਿ ਏવਂ ਅਤ੍ਥਚਰਿਯਕਥਾવ ਕਥੇਤਬ੍ਬਾ। ਸਮਾਨਤ੍ਤਤਾਤਿ ਸਮਾਨਸੁਖਦੁਕ੍ਖਭਾવੋ। ਏਕਚ੍ਚੋ ਹਿ ਦਾਨਾਦੀਸੁ ਏਕਮ੍ਪਿ ਨ ਪਚ੍ਚਾਸੀਸਤਿ , ਏਕਾਸਨੇ ਨਿਸਜ੍ਜਂ, ਏਕਪਲ੍ਲਙ੍ਕੇ ਸਯਨਂ, ਏਕਤੋ ਭੋਜਨਨ੍ਤਿ ਏવਂ ਸਮਾਨਸੁਖਦੁਕ੍ਖਤਂ ਪਚ੍ਚਾਸੀਸਤਿ। ਸੋ ਸਚੇ ਗਹਟ੍ਠਸ੍ਸ ਜਾਤਿਯਾ ਪਬ੍ਬਜਿਤਸ੍ਸ ਸੀਲੇਨ ਸਦਿਸੋ ਹੋਤਿ, ਤਸ੍ਸਾਯਂ ਸਮਾਨਤ੍ਤਤਾ ਕਾਤਬ੍ਬਾ। ਤਤ੍ਥ ਤਤ੍ਥ ਯਥਾਰਹਨ੍ਤਿ ਤੇਸੁ ਤੇਸੁ ਧਮ੍ਮੇਸੁ ਯਥਾਨੁਚ੍ਛવਿਕਂ ਸਮਾਨਤ੍ਤਤਾਤਿ ਅਤ੍ਥੋ। ਰਥਸ੍ਸਾਣੀવ ਯਾਯਤੋਤਿ ਯਥਾ ਰਥਸ੍ਸ ਗਚ੍ਛਤੋ ਆਣਿ ਸਙ੍ਗਹੋ ਨਾਮ ਹੋਤਿ, ਸਾ ਰਥਂ ਸਙ੍ਗਣ੍ਹਾਤਿ, ਏવਮਿਮੇ ਸਙ੍ਗਹਾ ਲੋਕਂ ਸਙ੍ਗਣ੍ਹਨ੍ਤਿ। ਨ ਮਾਤਾ ਪੁਤ੍ਤਕਾਰਣਾਤਿ ਯਦਿ ਮਾਤਾ ਏਤੇ ਸਙ੍ਗਹੇ ਪੁਤ੍ਤਸ੍ਸ ਨ ਕਰੇਯ੍ਯ, ਪੁਤ੍ਤਕਾਰਣਾ ਮਾਨਂ વਾ ਪੂਜਂ વਾ ਨ ਲਭੇਯ੍ਯ। ਸਙ੍ਗਹਾ ਏਤੇਤਿ ਉਪਯੋਗવਚਨੇ ਪਚ੍ਚਤ੍ਤਂ। ਸਙ੍ਗਹੇ ਏਤੇਤਿ વਾ ਪਾਠੋ। ਸਮવੇਕ੍ਖਨ੍ਤੀਤਿ ਸਮ੍ਮਾ ਪੇਕ੍ਖਨ੍ਤਿ। ਪਾਸਂਸਾ ਚ ਭવਨ੍ਤੀਤਿ ਪਸਂਸਨੀਯਾ ਚ ਭવਨ੍ਤਿ।
32. Dutiye saṅgahavatthūnīti saṅgaṇhanakāraṇāni. Dānañcātiādīsu ekacco hi dāneneva saṅgaṇhitabbo hoti, tassa dānameva dātabbaṃ. Peyyavajjanti piyavacanaṃ. Ekacco hi ‘‘ayaṃ dātabbaṃ nāma deti, ekekena pana vacanena sabbaṃ makkhetvā nāseti, kiṃ tassa dāna’’nti vattā hoti. Ekacco ‘‘ayaṃ kiñcāpi dānaṃ na deti, kathento pana telena viya makkheti. Esa detu vā mā vā, vacanamevassa sahassaṃ agghatī’’ti vattā hoti. Evarūpo puggalo dānaṃ na paccāsīsati, piyavacanameva paccāsīsati. Tassa piyavacanameva vattabbaṃ. Atthacariyāti atthavaḍḍhanakathā. Ekacco hi neva dānaṃ, na piyavacanaṃ paccāsīsati, attano hitakathaṃ vaḍḍhikathameva paccāsīsati. Evarūpassa puggalassa ‘‘idaṃ te kātabbaṃ, idaṃ na kātabbaṃ, evarūpo puggalo sevitabbo, evarūpo na sevitabbo’’ti evaṃ atthacariyakathāva kathetabbā. Samānattatāti samānasukhadukkhabhāvo. Ekacco hi dānādīsu ekampi na paccāsīsati , ekāsane nisajjaṃ, ekapallaṅke sayanaṃ, ekato bhojananti evaṃ samānasukhadukkhataṃ paccāsīsati. So sace gahaṭṭhassa jātiyā pabbajitassa sīlena sadiso hoti, tassāyaṃ samānattatā kātabbā. Tattha tattha yathārahanti tesu tesu dhammesu yathānucchavikaṃ samānattatāti attho. Rathassāṇīva yāyatoti yathā rathassa gacchato āṇi saṅgaho nāma hoti, sā rathaṃ saṅgaṇhāti, evamime saṅgahā lokaṃ saṅgaṇhanti. Na mātā puttakāraṇāti yadi mātā ete saṅgahe puttassa na kareyya, puttakāraṇā mānaṃ vā pūjaṃ vā na labheyya. Saṅgahāeteti upayogavacane paccattaṃ. Saṅgahe eteti vā pāṭho. Samavekkhantīti sammā pekkhanti. Pāsaṃsā ca bhavantīti pasaṃsanīyā ca bhavanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਸਙ੍ਗਹਸੁਤ੍ਤਂ • 2. Saṅgahasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਸਙ੍ਗਹਸੁਤ੍ਤવਣ੍ਣਨਾ • 2. Saṅgahasuttavaṇṇanā
