| Library / Tipiṭaka / তিপিটক • Tipiṭaka / নেত্তিপ্পকরণপাল়ি • Nettippakaraṇapāḷi |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
খুদ্দকনিকাযে
Khuddakanikāye
নেত্তিপ্পকরণপাল়ি
Nettippakaraṇapāḷi
১. সঙ্গহৰারো
1. Saṅgahavāro
যং লোকো পূজযতে, সলোকপালো সদা নমস্সতি চ।
Yaṃ loko pūjayate, salokapālo sadā namassati ca;
তস্সেত সাসনৰরং, ৰিদূহি ঞেয্যং নরৰরস্স॥
Tasseta sāsanavaraṃ, vidūhi ñeyyaṃ naravarassa.
দ্ৰাদস পদানি সুত্তং, তং সব্বং ব্যঞ্জনঞ্চ অত্থো চ।
Dvādasa padāni suttaṃ, taṃ sabbaṃ byañjanañca attho ca;
তং ৰিঞ্ঞেয্যং উভযং, কো অত্থো ব্যঞ্জনং কতমং॥
Taṃ viññeyyaṃ ubhayaṃ, ko attho byañjanaṃ katamaṃ.
হারা ব্যঞ্জনৰিচযো, সুত্তস্স নযা তযো চ সুত্তত্থো।
Hārā byañjanavicayo, suttassa nayā tayo ca suttattho;
উভযং পরিগ্গহীতং, ৰুচ্চতি সুত্তং যথাসুত্তং॥
Ubhayaṃ pariggahītaṃ, vuccati suttaṃ yathāsuttaṃ.
যা চেৰ দেসনা যঞ্চ, দেসিতং উভযমেৰ ৰিঞ্ঞেয্যং।
Yā ceva desanā yañca, desitaṃ ubhayameva viññeyyaṃ;
তত্রাযমানুপুব্বী, নৰৰিধসুত্তন্তপরিযেট্ঠীতি॥
Tatrāyamānupubbī, navavidhasuttantapariyeṭṭhīti.
সঙ্গহৰারো।
Saṅgahavāro.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ১. সঙ্গহৰারৰণ্ণনা • 1. Saṅgahavāravaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিপ্পকরণ-টীকা • Nettippakaraṇa-ṭīkā / ১. সঙ্গহৰারৰণ্ণনা • 1. Saṅgahavāravaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ১. সঙ্গহৰারঅত্থৰিভাৰনা • 1. Saṅgahavāraatthavibhāvanā
