| Library / Tipiṭaka / တိပိဋက • Tipiṭaka / နေတ္တိပ္ပကရဏပာဠိ • Nettippakaraṇapāḷi |
။ နမော တသ္သ ဘဂဝတော အရဟတော သမ္မာသမ္ဗုဒ္ဓသ္သ။
Namo tassa bhagavato arahato sammāsambuddhassa
ခုဒ္ဒကနိကာယေ
Khuddakanikāye
နေတ္တိပ္ပကရဏပာဠိ
Nettippakaraṇapāḷi
၁. သင္ဂဟဝာရော
1. Saṅgahavāro
ယံ လောကော ပူဇယတေ၊ သလောကပာလော သဒာ နမသ္သတိ စ။
Yaṃ loko pūjayate, salokapālo sadā namassati ca;
တသ္သေတ သာသနဝရံ၊ ဝိဒူဟိ ဉေယ္ယံ နရဝရသ္သ။
Tasseta sāsanavaraṃ, vidūhi ñeyyaṃ naravarassa.
ဒ္ဝာဒသ ပဒာနိ သုတ္တံ၊ တံ သဗ္ဗံ ဗ္ယဉ္ဇနဉ္စ အတ္ထော စ။
Dvādasa padāni suttaṃ, taṃ sabbaṃ byañjanañca attho ca;
တံ ဝိညေယ္ယံ ဥဘယံ၊ ကော အတ္ထော ဗ္ယဉ္ဇနံ ကတမံ။
Taṃ viññeyyaṃ ubhayaṃ, ko attho byañjanaṃ katamaṃ.
ဟာရာ ဗ္ယဉ္ဇနဝိစယော၊ သုတ္တသ္သ နယာ တယော စ သုတ္တတ္ထော။
Hārā byañjanavicayo, suttassa nayā tayo ca suttattho;
ဥဘယံ ပရိဂ္ဂဟီတံ၊ ဝုစ္စတိ သုတ္တံ ယထာသုတ္တံ။
Ubhayaṃ pariggahītaṃ, vuccati suttaṃ yathāsuttaṃ.
ယာ စေဝ ဒေသနာ ယဉ္စ၊ ဒေသိတံ ဥဘယမေဝ ဝိညေယ္ယံ။
Yā ceva desanā yañca, desitaṃ ubhayameva viññeyyaṃ;
တတ္ရာယမာနုပုဗ္ဗီ၊ နဝဝိဓသုတ္တန္တပရိယေဋ္ဌီတိ။
Tatrāyamānupubbī, navavidhasuttantapariyeṭṭhīti.
သင္ဂဟဝာရော။
Saṅgahavāro.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / နေတ္တိပ္ပကရဏ-အဋ္ဌကထာ • Nettippakaraṇa-aṭṭhakathā / ၁. သင္ဂဟဝာရဝဏ္ဏနာ • 1. Saṅgahavāravaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိပ္ပကရဏ-ဋီကာ • Nettippakaraṇa-ṭīkā / ၁. သင္ဂဟဝာရဝဏ္ဏနာ • 1. Saṅgahavāravaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိဝိဘာဝိနီ • Nettivibhāvinī / ၁. သင္ဂဟဝာရအတ္ထဝိဘာဝနာ • 1. Saṅgahavāraatthavibhāvanā
