| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၄. သင္ဂဟဝာရော
4. Saṅgahavāro
၂၄၂. အဝသ္သုတာ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော သတ္တန္နံ အာပတ္တိက္ခန္ဓာနံ ကတိဟိ အာပတ္တိက္ခန္ဓေဟိ သင္ဂဟိတာ? အဝသ္သုတာယ ဘိက္ခုနိယာ အဝသ္သုတသ္သ ပုရိသပုဂ္ဂလသ္သ ကာယသံသဂ္ဂံ သာဒိယန္တိယာ အာပတ္တိယော သတ္တန္နံ အာပတ္တိက္ခန္ဓာနံ တီဟိ အာပတ္တိက္ခန္ဓေဟိ သင္ဂဟိတာ – သိယာ ပာရာဇိကာပတ္တိက္ခန္ဓေန, သိယာ ထုလ္လစ္စယာပတ္တိက္ခန္ဓေန, သိယာ ဒုက္ကဋာပတ္တိက္ခန္ဓေန။ပေ.။။
242. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ āpattikkhandhānaṃ katihi āpattikkhandhehi saṅgahitā? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ āpattikkhandhānaṃ tīhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena…pe….
ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော သတ္တန္နံ အာပတ္တိက္ခန္ဓာနံ ကတိဟိ အာပတ္တိက္ခန္ဓေဟိ သင္ဂဟိတာ? ဒဓိံ ဝိညာပေတ္ဝာ ဘုဉ္ဇန္တိယာ အာပတ္တိယော သတ္တန္နံ အာပတ္တိက္ခန္ဓာနံ ဒ္ဝီဟိ အာပတ္တိက္ခန္ဓေဟိ သင္ဂဟိတာ – သိယာ ပာဋိဒေသနီယာပတ္တိက္ခန္ဓေန, သိယာ ဒုက္ကဋာပတ္တိက္ခန္ဓေန။
Dadhiṃ viññāpetvā bhuñjantiyā āpattiyo sattannaṃ āpattikkhandhānaṃ katihi āpattikkhandhehi saṅgahitā? Dadhiṃ viññāpetvā bhuñjantiyā āpattiyo sattannaṃ āpattikkhandhānaṃ dvīhi āpattikkhandhehi saṅgahitā – siyā pāṭidesanīyāpattikkhandhena, siyā dukkaṭāpattikkhandhena.
သင္ဂဟဝာရော နိဋ္ဌိတော စတုတ္ထော။
Saṅgahavāro niṭṭhito catuttho.
