| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
4. සඞ්‌ගහවාරො
4. Saṅgahavāro
242. අවස්‌සුතා භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො සත්‌තන්‌නං ආපත්‌තික්‌ඛන්‌ධානං කතිහි ආපත්‌තික්‌ඛන්‌ධෙහි සඞ්‌ගහිතා? අවස්‌සුතාය භික්‌ඛුනියා අවස්‌සුතස්‌ස පුරිසපුග්‌ගලස්‌ස කායසංසග්‌ගං සාදියන්‌තියා ආපත්‌තියො සත්‌තන්‌නං ආපත්‌තික්‌ඛන්‌ධානං තීහි ආපත්‌තික්‌ඛන්‌ධෙහි සඞ්‌ගහිතා – සියා පාරාජිකාපත්‌තික්‌ඛන්‌ධෙන, සියා ථුල්‌ලච්‌චයාපත්‌තික්‌ඛන්‌ධෙන, සියා දුක්‌කටාපත්‌තික්‌ඛන්‌ධෙන…පෙ.….
242. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ āpattikkhandhānaṃ katihi āpattikkhandhehi saṅgahitā? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo sattannaṃ āpattikkhandhānaṃ tīhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena…pe….
දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො සත්‌තන්‌නං ආපත්‌තික්‌ඛන්‌ධානං කතිහි ආපත්‌තික්‌ඛන්‌ධෙහි සඞ්‌ගහිතා? දධිං විඤ්‌ඤාපෙත්‌වා භුඤ්‌ජන්‌තියා ආපත්‌තියො සත්‌තන්‌නං ආපත්‌තික්‌ඛන්‌ධානං ද්‌වීහි ආපත්‌තික්‌ඛන්‌ධෙහි සඞ්‌ගහිතා – සියා පාටිදෙසනීයාපත්‌තික්‌ඛන්‌ධෙන, සියා දුක්‌කටාපත්‌තික්‌ඛන්‌ධෙන.
Dadhiṃ viññāpetvā bhuñjantiyā āpattiyo sattannaṃ āpattikkhandhānaṃ katihi āpattikkhandhehi saṅgahitā? Dadhiṃ viññāpetvā bhuñjantiyā āpattiyo sattannaṃ āpattikkhandhānaṃ dvīhi āpattikkhandhehi saṅgahitā – siyā pāṭidesanīyāpattikkhandhena, siyā dukkaṭāpattikkhandhena.
සඞ්‌ගහවාරො නිට්‌ඨිතො චතුත්‌ථො.
Saṅgahavāro niṭṭhito catuttho.
