| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๗. สตฺตมวโคฺค
7. Sattamavaggo
๑. สงฺคหิตกถาวณฺณนา
1. Saṅgahitakathāvaṇṇanā
๔๗๑-๔๗๒. อิทานิ สงฺคหิตกถา นาม โหติฯ ตตฺถ ยสฺมา ทามาทีหิ พลิพทฺทาทโย วิย เกจิ ธมฺมา เกหิจิ ธเมฺมหิ สงฺคหิตา นาม นตฺถิ, ตสฺมา ‘‘นตฺถิ เกจิ ธมฺมา เกหิจิ ธเมฺมหิ สงฺคหิตา, เอวํ สเนฺต เอกวิเธน รูปสงฺคโหติอาทิ นิรตฺถก’’นฺติ เยสํ ลทฺธิ, เสยฺยถาปิ ราชคิริกานเญฺจว สิทฺธตฺถิกานญฺจ; เต สนฺธาย อเญฺญนเตฺถน สงฺคหภาวํ ทเสฺสตุํ ปุจฺฉา สกวาทิสฺส, อตฺตโน ลทฺธิวเสน ปฎิญฺญา อิตรสฺสฯ อิทานิ เยนเตฺถน สงฺคโห ลพฺภติ, ตํ ทเสฺสตุํ นนุ อตฺถิ เกจิ ธมฺมาติอาทิ อารทฺธํฯ ตํ สพฺพํ เหฎฺฐา วุตฺตนยตฺตา อุตฺตานตฺถเมวฯ ยา ปเนสา ปรวาทินา ลทฺธิปติฎฺฐาปนตฺถํ ยถา ทาเมน วาติอาทิกา อุปมา อาหฎา, สกวาทินา ตํ อนภินนฺทิตฺวา อปฺปฎิโกฺกสิตฺวา ‘‘หญฺจิ ทาเมน วา’’ติ ตสฺส ลทฺธิ ภินฺนาติ เวทิตพฺพาฯ อยเญฺหตฺถ อโตฺถ – ยทิ เต ทามาทีหิ พลิพทฺทาทโย สงฺคหิตา นาม, อตฺถิ เกจิ ธมฺมา เกหิจิ ธเมฺมหิ สงฺคหิตาติฯ
471-472. Idāni saṅgahitakathā nāma hoti. Tattha yasmā dāmādīhi balibaddādayo viya keci dhammā kehici dhammehi saṅgahitā nāma natthi, tasmā ‘‘natthi keci dhammā kehici dhammehi saṅgahitā, evaṃ sante ekavidhena rūpasaṅgahotiādi niratthaka’’nti yesaṃ laddhi, seyyathāpi rājagirikānañceva siddhatthikānañca; te sandhāya aññenatthena saṅgahabhāvaṃ dassetuṃ pucchā sakavādissa, attano laddhivasena paṭiññā itarassa. Idāni yenatthena saṅgaho labbhati, taṃ dassetuṃ nanu atthi keci dhammātiādi āraddhaṃ. Taṃ sabbaṃ heṭṭhā vuttanayattā uttānatthameva. Yā panesā paravādinā laddhipatiṭṭhāpanatthaṃ yathā dāmena vātiādikā upamā āhaṭā, sakavādinā taṃ anabhinanditvā appaṭikkositvā ‘‘hañci dāmena vā’’ti tassa laddhi bhinnāti veditabbā. Ayañhettha attho – yadi te dāmādīhi balibaddādayo saṅgahitā nāma, atthi keci dhammā kehici dhammehi saṅgahitāti.
สงฺคหิตกถาวณฺณนาฯ
Saṅgahitakathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๖๓) ๑. สงฺคหิตกถา • (63) 1. Saṅgahitakathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑. สงฺคหิตกถาวณฺณนา • 1. Saṅgahitakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑. สงฺคหิตกถาวณฺณนา • 1. Saṅgahitakathāvaṇṇanā
