| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
4. сан̇г̇ахид̇авааро
4. Saṅgahitavāro
196. мзт̇унам̣ д̇хаммам̣ бадисзванабажжаяаа аабад̇д̇ияо сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? мзт̇унам̣ д̇хаммам̣ бадисзванабажжаяаа аабад̇д̇ияо сад̇д̇аннам̣ аабад̇д̇игканд̇хаанам̣ жад̇уухи аабад̇д̇игканд̇хзхи сан̇г̇ахид̇аа – сияаа баарааж̇игаабад̇д̇игканд̇хзна, сияаа т̇уллажжаяаабад̇д̇игканд̇хзна, сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна…бз….
196. Methunaṃ dhammaṃ paṭisevanapaccayā āpattiyo sattannaṃ āpattikkhandhānaṃ katihi āpattikkhandhehi saṅgahitā? Methunaṃ dhammaṃ paṭisevanapaccayā āpattiyo sattannaṃ āpattikkhandhānaṃ catūhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena…pe….
анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа аабад̇д̇и сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа аабад̇д̇и сад̇д̇аннам̣ аабад̇д̇игканд̇хаанам̣ згзна аабад̇д̇игканд̇хзна сан̇г̇ахид̇аа – д̣̇уггадаабад̇д̇игканд̇хзна.
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ āpattikkhandhānaṃ katihi āpattikkhandhehi saṅgahitā? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti sattannaṃ āpattikkhandhānaṃ ekena āpattikkhandhena saṅgahitā – dukkaṭāpattikkhandhena.
сан̇г̇ахид̇авааро нидтид̇о жад̇уд̇т̇о.
Saṅgahitavāro niṭṭhito catuttho.
