| Library / Tipiṭaka / ತಿಪಿಟಕ • Tipiṭaka / ಧಾತುಕಥಾಪಾಳಿ • Dhātukathāpāḷi |
೧೧. ಏಕಾದಸಮನಯೋ
11. Ekādasamanayo
೧೧. ಸಙ್ಗಹಿತೇನಸಮ್ಪಯುತ್ತವಿಪ್ಪಯುತ್ತಪದನಿದ್ದೇಸೋ
11. Saṅgahitenasampayuttavippayuttapadaniddeso
೪೦೯. ಸಮುದಯಸಚ್ಚೇನ ಯೇ ಧಮ್ಮಾ… ಮಗ್ಗಸಚ್ಚೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತಾ? ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತಾ; ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
409. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
೪೧೦. ಇತ್ಥಿನ್ದ್ರಿಯೇನ ಯೇ ಧಮ್ಮಾ… ಪುರಿಸಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತಾತಿ? ನತ್ಥಿ। ಕತಿಹಿ ವಿಪ್ಪಯುತ್ತಾ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
410. Itthindriyena ye dhammā… purisindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
೪೧೧. ಸುಖಿನ್ದ್ರಿಯೇನ ಯೇ ಧಮ್ಮಾ… ದುಕ್ಖಿನ್ದ್ರಿಯೇನ ಯೇ ಧಮ್ಮಾ… ಸೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ… ದೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ…ಪೇ॰… ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
411. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā tīhi khandhehi ekenāyatanena sattahi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
೪೧೨. ಉಪೇಕ್ಖಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ… ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ದ್ವೀಹಿ ಧಾತೂಹಿ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಪನ್ನರಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
412. Upekkhindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā… te dhammā tīhi khandhehi ekenāyatanena dvīhi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
೪೧೩. ಸದ್ಧಿನ್ದ್ರಿಯೇನ ಯೇ ಧಮ್ಮಾ… ವೀರಿಯಿನ್ದ್ರಿಯೇನ ಯೇ ಧಮ್ಮಾ… ಸತಿನ್ದ್ರಿಯೇನ ಯೇ ಧಮ್ಮಾ… ಸಮಾಧಿನ್ದ್ರಿಯೇನ ಯೇ ಧಮ್ಮಾ… ಪಞ್ಞಿನ್ದ್ರಿಯೇನ ಯೇ ಧಮ್ಮಾ… ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಾತಾವಿನ್ದ್ರಿಯೇನ ಯೇ ಧಮ್ಮಾ… ಅವಿಜ್ಜಾಯ ಯೇ ಧಮ್ಮಾ… ಅವಿಜ್ಜಾಪಚ್ಚಯಾ ಸಙ್ಖಾರೇಹಿ ಯೇ ಧಮ್ಮಾ… ಸಳಾಯತನಪಚ್ಚಯಾ ಫಸ್ಸೇನ ಯೇ ಧಮ್ಮಾ… ವೇದನಾಪಚ್ಚಯಾ ತಣ್ಹಾಯ ಯೇ ಧಮ್ಮಾ… ತಣ್ಹಾಪಚ್ಚಯಾ ಉಪಾದಾನೇನ ಯೇ ಧಮ್ಮಾ… ಕಮ್ಮಭವೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತಾ; ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
413. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
೪೧೪. ಪರಿದೇವೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತಾತಿ? ನತ್ಥಿ। ಕತಿಹಿ ವಿಪ್ಪಯುತ್ತಾ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
414. Paridevena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
೪೧೫. ಸೋಕೇನ ಯೇ ಧಮ್ಮಾ… ದುಕ್ಖೇನ ಯೇ ಧಮ್ಮಾ… ದೋಮನಸ್ಸೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ… ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
415. Sokena ye dhammā… dukkhena ye dhammā… domanassena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā… te dhammā tīhi khandhehi ekenāyatanena sattahi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
೪೧೬. ಉಪಾಯಾಸೇನ ಯೇ ಧಮ್ಮಾ… ಸತಿಪಟ್ಠಾನೇನ ಯೇ ಧಮ್ಮಾ… ಸಮ್ಮಪ್ಪಧಾನೇನ ಯೇ ಧಮ್ಮಾ… ಅಪ್ಪಮಞ್ಞಾಯ ಯೇ ಧಮ್ಮಾ… ಪಞ್ಚಹಿ ಇನ್ದ್ರಿಯೇಹಿ ಯೇ ಧಮ್ಮಾ… ಪಞ್ಚಹಿ ಬಲೇಹಿ ಯೇ ಧಮ್ಮಾ… ಸತ್ತಹಿ ಬೋಜ್ಝಙ್ಗೇಹಿ ಯೇ ಧಮ್ಮಾ… ಅರಿಯೇನ ಅಟ್ಠಙ್ಗಿಕೇನ ಮಗ್ಗೇನ ಯೇ ಧಮ್ಮಾ… ಫಸ್ಸೇನ ಯೇ ಧಮ್ಮಾ… ಚೇತನಾಯ ಯೇ ಧಮ್ಮಾ… ಅಧಿಮೋಕ್ಖೇನ ಯೇ ಧಮ್ಮಾ… ಮನಸಿಕಾರೇನ ಯೇ ಧಮ್ಮಾ… ಹೇತೂಹಿ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಸಹೇತುಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಹೇತುಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ ಚೇವ ಸಾಸವೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ ಚೇವ ಆಸವಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಸಂಯೋಜನೇಹಿ ಧಮ್ಮೇಹಿ ಯೇ ಧಮ್ಮಾ… ಗನ್ಥೇಹಿ ಧಮ್ಮೇಹಿ ಯೇ ಧಮ್ಮಾ… ಓಘೇಹಿ ಧಮ್ಮೇಹಿ ಯೇ ಧಮ್ಮಾ… ಯೋಗೇಹಿ ಧಮ್ಮೇಹಿ ಯೇ ಧಮ್ಮಾ… ನೀವರಣೇಹಿ ಧಮ್ಮೇಹಿ ಯೇ ಧಮ್ಮಾ… ಪರಾಮಾಸೇಹಿ ಧಮ್ಮೇಹಿ ಯೇ ಧಮ್ಮಾ… ಉಪಾದಾನೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲೇಸಿಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲಿಟ್ಠೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಕಿಲೇಸಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತಾ? ತೇ ಧಮ್ಮಾ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತಾ; ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ। ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ।
416. Upāyāsena ye dhammā… satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā… hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
ದ್ವೇ ಸಚ್ಚಾ ಪನ್ನರಸಿನ್ದ್ರಿಯಾ, ಏಕಾದಸ ಪಟಿಚ್ಚಪದಾ।
Dve saccā pannarasindriyā, ekādasa paṭiccapadā;
ಉದ್ಧಂ ಪುನ ಏಕಾದಸ, ಗೋಚ್ಛಕಪದಮೇತ್ಥ ತಿಂಸವಿಧಾತಿ॥
Uddhaṃ puna ekādasa, gocchakapadamettha tiṃsavidhāti.
ಸಙ್ಗಹಿತೇನಸಮ್ಪಯುತ್ತವಿಪ್ಪಯುತ್ತಪದನಿದ್ದೇಸೋ ಏಕಾದಸಮೋ।
Saṅgahitenasampayuttavippayuttapadaniddeso ekādasamo.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೧. ಏಕಾದಸಮನಯೋ ಸಙ್ಗಹಿತೇನಸಮ್ಪಯುತ್ತವಿಪ್ಪಯುತ್ತಪದವಣ್ಣನಾ • 11. Ekādasamanayo saṅgahitenasampayuttavippayuttapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೧. ಏಕಾದಸಮನಯೋ ಸಙ್ಗಹಿತೇನಸಮ್ಪಯುತ್ತವಿಪ್ಪಯುತ್ತಪದವಣ್ಣನಾ • 11. Ekādasamanayo saṅgahitenasampayuttavippayuttapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ಏಕಾದಸಮನಯೋ ಸಙ್ಗಹಿತೇನಸಮ್ಪಯುತ್ತವಿಪ್ಪಯುತ್ತಪದವಣ್ಣನಾ • 11. Ekādasamanayo saṅgahitenasampayuttavippayuttapadavaṇṇanā
