| Library / Tipiṭaka / ཏིཔིཊཀ • Tipiṭaka / དྷཱཏུཀཐཱཔཱལི༹ • Dhātukathāpāḷi |
༡༡. ཨེཀཱདསམནཡོ
11. Ekādasamanayo
༡༡. སངྒཧིཏེནསམྤཡུཏྟཝིཔྤཡུཏྟཔདནིདྡེསོ
11. Saṅgahitenasampayuttavippayuttapadaniddeso
༤༠༩. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
409. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༤༡༠. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི། ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
410. Itthindriyena ye dhammā… purisindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༤༡༡. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ॰… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
411. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā tīhi khandhehi ekenāyatanena sattahi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༤༡༢. ཨུཔེཀྑིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན དྭཱིཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
412. Upekkhindriyena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā… te dhammā tīhi khandhehi ekenāyatanena dvīhi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi pannarasahi dhātūhi vippayuttā; ekenāyatanena ekāya dhātuyā kehici vippayuttā.
༤༡༣. སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
413. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༤༡༤. པརིདེཝེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི། ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
414. Paridevena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
༤༡༥. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
415. Sokena ye dhammā… dukkhena ye dhammā… domanassena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā… te dhammā tīhi khandhehi ekenāyatanena sattahi dhātūhi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
༤༡༦. ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ… མནསིཀཱརེན ཡེ དྷམྨཱ… ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ… སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ། ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ།
416. Upāyāsena ye dhammā… satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā… hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi ekenāyatanena sattahi dhātūhi sampayuttā; ekena khandhena ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
དྭེ སཙྩཱ པནྣརསིནྡྲིཡཱ, ཨེཀཱདས པཊིཙྩཔདཱ།
Dve saccā pannarasindriyā, ekādasa paṭiccapadā;
ཨུདྡྷཾ པུན ཨེཀཱདས, གོཙྪཀཔདམེཏྠ ཏིཾསཝིདྷཱཏི༎
Uddhaṃ puna ekādasa, gocchakapadamettha tiṃsavidhāti.
སངྒཧིཏེནསམྤཡུཏྟཝིཔྤཡུཏྟཔདནིདྡེསོ ཨེཀཱདསམོ།
Saṅgahitenasampayuttavippayuttapadaniddeso ekādasamo.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༡. ཨེཀཱདསམནཡོ སངྒཧིཏེནསམྤཡུཏྟཝིཔྤཡུཏྟཔདཝཎྞནཱ • 11. Ekādasamanayo saṅgahitenasampayuttavippayuttapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. ཨེཀཱདསམནཡོ སངྒཧིཏེནསམྤཡུཏྟཝིཔྤཡུཏྟཔདཝཎྞནཱ • 11. Ekādasamanayo saṅgahitenasampayuttavippayuttapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. ཨེཀཱདསམནཡོ སངྒཧིཏེནསམྤཡུཏྟཝིཔྤཡུཏྟཔདཝཎྞནཱ • 11. Ekādasamanayo saṅgahitenasampayuttavippayuttapadavaṇṇanā
