| Library / Tipiṭaka / ติปิฎก • Tipiṭaka / ธาตุกถาปาฬิ • Dhātukathāpāḷi |
๔. จตุตฺถนโย
4. Catutthanayo
๔. สงฺคหิเตนสงฺคหิตปทนิเทฺทโส
4. Saṅgahitenasaṅgahitapadaniddeso
๑๙๑. สมุทยสเจฺจน เย ธมฺมา… มคฺคสเจฺจน เย ธมฺมา ขนฺธสงฺคเหน สงฺคหิตา อายตนสงฺคเหน สงฺคหิตา ธาตุสงฺคเหน สงฺคหิตา, เตหิ ธเมฺมหิ เย ธมฺมา ขนฺธสงฺคเหน สงฺคหิตา อายตนสงฺคเหน สงฺคหิตา ธาตุสงฺคเหน สงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สงฺคหิตา? เต ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
๑๙๒. อิตฺถินฺทฺริเยน เย ธมฺมา… ปุริสินฺทฺริเยน เย ธมฺมา… สุขินฺทฺริเยน เย ธมฺมา… ทุกฺขินฺทฺริเยน เย ธมฺมา… โสมนสฺสินฺทฺริเยน เย ธมฺมา… โทมนสฺสินฺทฺริเยน เย ธมฺมา… อุเปกฺขินฺทฺริเยน เย ธมฺมา… สทฺธินฺทฺริเยน เย ธมฺมา… วีริยินฺทฺริเยน เย ธมฺมา… สตินฺทฺริเยน เย ธมฺมา… สมาธินฺทฺริเยน เย ธมฺมา… ปญฺญินฺทฺริเยน เย ธมฺมา… อนญฺญาตญฺญสฺสามีตินฺทฺริเยน เย ธมฺมา… อญฺญินฺทฺริเยน เย ธมฺมา… อญฺญาตาวินฺทฺริเยน เย ธมฺมา…ฯ
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
อวิชฺชาย เย ธมฺมา… อวิชฺชาปจฺจยา สงฺขาเรน เย ธมฺมา… สฬายตนปจฺจยา ผเสฺสน เย ธมฺมา… เวทนาปจฺจยา ตณฺหาย เย ธมฺมา… ตณฺหาปจฺจยา อุปาทาเนน เย ธมฺมา… กมฺมภเวน เย ธมฺมา… โสเกน เย ธมฺมา… ปริเทเวน เย ธมฺมา… ทุเกฺขน เย ธมฺมา… โทมนเสฺสน เย ธมฺมา… อุปายาเสน เย ธมฺมา…ฯ
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
สติปฎฺฐาเนน เย ธมฺมา… สมฺมปฺปธาเนน เย ธมฺมา… อปฺปมญฺญาย เย ธมฺมา… ปญฺจหิ อินฺทฺริเยหิ เย ธมฺมา… ปญฺจหิ พเลหิ เย ธมฺมา… สตฺตหิ โพชฺฌเงฺคหิ เย ธมฺมา… อริเยน อฎฺฐงฺคิเกน มเคฺคน เย ธมฺมา… ผเสฺสน เย ธมฺมา… เจตนาย เย ธมฺมา… อธิโมเกฺขน เย ธมฺมา… มนสิกาเรน เย ธมฺมา …ฯ
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
เหตูหิ ธเมฺมหิ เย ธมฺมา… เหตูหิ เจว สเหตุเกหิ จ ธเมฺมหิ เย ธมฺมา… เหตูหิ เจว เหตุสมฺปยุเตฺตหิ จ ธเมฺมหิ เย ธมฺมา… อาสเวหิ… สํโยชเนหิ… คเนฺถหิ… โอเฆหิ… โยเคหิ… นีวรเณหิ… ปรามาเสหิ… อุปาทาเนหิ… กิเลเสหิ ธเมฺมหิ เย ธมฺมา… กิเลเสหิ เจว สํกิเลสิเกหิ จ ธเมฺมหิ เย ธมฺมา… กิเลเสหิ เจว สํกิลิเฎฺฐหิ จ ธเมฺมหิ เย ธมฺมา… กิเลเสหิ เจว กิเลสสมฺปยุเตฺตหิ จ ธเมฺมหิ เย ธมฺมา ขนฺธสงฺคเหน สงฺคหิตา อายตนสงฺคเหน สงฺคหิตา ธาตุสงฺคเหน สงฺคหิตา, เตหิ ธเมฺมหิ เย ธมฺมา ขนฺธสงฺคเหน สงฺคหิตา อายตนสงฺคเหน สงฺคหิตา ธาตุสงฺคเหน สงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สงฺคหิตา? เต ธมฺมา เอเกน ขเนฺธน เอเกนายตเนน เอกาย ธาตุยา สงฺคหิตาฯ
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
เทฺว สจฺจา ปนฺนรสินฺทฺริยา, เอกาทส ปฎิจฺจปทา;
Dve saccā pannarasindriyā, ekādasa paṭiccapadā;
อุทฺธํ ปุน เอกาทส, โคจฺฉกปทเมตฺถ ติํสวิธาติ 1ฯ
Uddhaṃ puna ekādasa, gocchakapadamettha tiṃsavidhāti 2.
สงฺคหิเตนสงฺคหิตปทนิเทฺทโส จตุโตฺถฯ
Saṅgahitenasaṅgahitapadaniddeso catuttho.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. จตุตฺถนโย สงฺคหิเตนสงฺคหิตปทวณฺณนา • 4. Catutthanayo saṅgahitenasaṅgahitapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๔. จตุตฺถนโย สงฺคหิเตนสงฺคหิตปทวณฺณนา • 4. Catutthanayo saṅgahitenasaṅgahitapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๔. จตุตฺถนโย สงฺคหิเตนสงฺคหิตปทวณฺณนา • 4. Catutthanayo saṅgahitenasaṅgahitapadavaṇṇanā
