| Library / Tipiṭaka / တိပိဋက • Tipiṭaka / ဓာတုကထာပာဠိ • Dhātukathāpāḷi |
၄. စတုတ္ထနယော
4. Catutthanayo
၄. သင္ဂဟိတေနသင္ဂဟိတပဒနိဒ္ဒေသော
4. Saṅgahitenasaṅgahitapadaniddeso
၁၉၁. သမုဒယသစ္စေန ယေ ဓမ္မာ။ မဂ္ဂသစ္စေန ယေ ဓမ္မာ ခန္ဓသင္ဂဟေန သင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေဟိ ဓမ္မေဟိ ယေ ဓမ္မာ ခန္ဓသင္ဂဟေန သင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင္ဂဟိတာ။
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
၁၉၂. ဣတ္ထိန္ဒ္ရိယေန ယေ ဓမ္မာ။ ပုရိသိန္ဒ္ရိယေန ယေ ဓမ္မာ။ သုခိန္ဒ္ရိယေန ယေ ဓမ္မာ။ ဒုက္ခိန္ဒ္ရိယေန ယေ ဓမ္မာ။ သောမနသ္သိန္ဒ္ရိယေန ယေ ဓမ္မာ။ ဒောမနသ္သိန္ဒ္ရိယေန ယေ ဓမ္မာ။ ဥပေက္ခိန္ဒ္ရိယေန ယေ ဓမ္မာ။ သဒ္ဓိန္ဒ္ရိယေန ယေ ဓမ္မာ။ ဝီရိယိန္ဒ္ရိယေန ယေ ဓမ္မာ။ သတိန္ဒ္ရိယေန ယေ ဓမ္မာ။ သမာဓိန္ဒ္ရိယေန ယေ ဓမ္မာ။ ပညိန္ဒ္ရိယေန ယေ ဓမ္မာ။ အနညာတညသ္သာမီတိန္ဒ္ရိယေန ယေ ဓမ္မာ။ အညိန္ဒ္ရိယေန ယေ ဓမ္မာ။ အညာတာဝိန္ဒ္ရိယေန ယေ ဓမ္မာ။။
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
အဝိဇ္ဇာယ ယေ ဓမ္မာ။ အဝိဇ္ဇာပစ္စယာ သင္ခာရေန ယေ ဓမ္မာ။ သဠာယတနပစ္စယာ ဖသ္သေန ယေ ဓမ္မာ။ ဝေဒနာပစ္စယာ တဏ္ဟာယ ယေ ဓမ္မာ။ တဏ္ဟာပစ္စယာ ဥပာဒာနေန ယေ ဓမ္မာ။ ကမ္မဘဝေန ယေ ဓမ္မာ။ သောကေန ယေ ဓမ္မာ။ ပရိဒေဝေန ယေ ဓမ္မာ။ ဒုက္ခေန ယေ ဓမ္မာ။ ဒောမနသ္သေန ယေ ဓမ္မာ။ ဥပာယာသေန ယေ ဓမ္မာ။။
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
သတိပဋ္ဌာနေန ယေ ဓမ္မာ။ သမ္မပ္ပဓာနေန ယေ ဓမ္မာ။ အပ္ပမညာယ ယေ ဓမ္မာ။ ပဉ္စဟိ ဣန္ဒ္ရိယေဟိ ယေ ဓမ္မာ။ ပဉ္စဟိ ဗလေဟိ ယေ ဓမ္မာ။ သတ္တဟိ ဗောဇ္ဈင္ဂေဟိ ယေ ဓမ္မာ။ အရိယေန အဋ္ဌင္ဂိကေန မဂ္ဂေန ယေ ဓမ္မာ။ ဖသ္သေန ယေ ဓမ္မာ။ စေတနာယ ယေ ဓမ္မာ။ အဓိမောက္ခေန ယေ ဓမ္မာ။ မနသိကာရေန ယေ ဓမ္မာ ။။
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ဟေတူဟိ ဓမ္မေဟိ ယေ ဓမ္မာ။ ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ။ ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ။ အာသဝေဟိ။ သံယောဇနေဟိ။ ဂန္ထေဟိ။ ဩဃေဟိ။ ယောဂေဟိ။ နီဝရဏေဟိ။ ပရာမာသေဟိ။ ဥပာဒာနေဟိ။ ကိလေသေဟိ ဓမ္မေဟိ ယေ ဓမ္မာ။ ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန သင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေဟိ ဓမ္မေဟိ ယေ ဓမ္မာ ခန္ဓသင္ဂဟေန သင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင္ဂဟိတာ။
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
ဒ္ဝေ သစ္စာ ပန္နရသိန္ဒ္ရိယာ၊ ဧကာဒသ ပဋိစ္စပဒာ။
Dve saccā pannarasindriyā, ekādasa paṭiccapadā;
ဥဒ္ဓံ ပုန ဧကာဒသ၊ ဂောစ္ဆကပဒမေတ္ထ တိံသဝိဓာတိ 1။
Uddhaṃ puna ekādasa, gocchakapadamettha tiṃsavidhāti 2.
သင္ဂဟိတေနသင္ဂဟိတပဒနိဒ္ဒေသော စတုတ္ထော။
Saṅgahitenasaṅgahitapadaniddeso catuttho.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၄. စတုတ္ထနယော သင္ဂဟိတေနသင္ဂဟိတပဒဝဏ္ဏနာ • 4. Catutthanayo saṅgahitenasaṅgahitapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၄. စတုတ္ထနယော သင္ဂဟိတေနသင္ဂဟိတပဒဝဏ္ဏနာ • 4. Catutthanayo saṅgahitenasaṅgahitapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၄. စတုတ္ထနယော သင္ဂဟိတေနသင္ဂဟိတပဒဝဏ္ဏနာ • 4. Catutthanayo saṅgahitenasaṅgahitapadavaṇṇanā
