| Library / Tipiṭaka / ತಿಪಿಟಕ • Tipiṭaka / ಧಾತುಕಥಾಪಾಳಿ • Dhātukathāpāḷi |
೪. ಚತುತ್ಥನಯೋ
4. Catutthanayo
೪. ಸಙ್ಗಹಿತೇನಸಙ್ಗಹಿತಪದನಿದ್ದೇಸೋ
4. Saṅgahitenasaṅgahitapadaniddeso
೧೯೧. ಸಮುದಯಸಚ್ಚೇನ ಯೇ ಧಮ್ಮಾ… ಮಗ್ಗಸಚ್ಚೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತಾ।
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
೧೯೨. ಇತ್ಥಿನ್ದ್ರಿಯೇನ ಯೇ ಧಮ್ಮಾ… ಪುರಿಸಿನ್ದ್ರಿಯೇನ ಯೇ ಧಮ್ಮಾ… ಸುಖಿನ್ದ್ರಿಯೇನ ಯೇ ಧಮ್ಮಾ… ದುಕ್ಖಿನ್ದ್ರಿಯೇನ ಯೇ ಧಮ್ಮಾ… ಸೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ… ದೋಮನಸ್ಸಿನ್ದ್ರಿಯೇನ ಯೇ ಧಮ್ಮಾ… ಉಪೇಕ್ಖಿನ್ದ್ರಿಯೇನ ಯೇ ಧಮ್ಮಾ… ಸದ್ಧಿನ್ದ್ರಿಯೇನ ಯೇ ಧಮ್ಮಾ… ವೀರಿಯಿನ್ದ್ರಿಯೇನ ಯೇ ಧಮ್ಮಾ… ಸತಿನ್ದ್ರಿಯೇನ ಯೇ ಧಮ್ಮಾ… ಸಮಾಧಿನ್ದ್ರಿಯೇನ ಯೇ ಧಮ್ಮಾ… ಪಞ್ಞಿನ್ದ್ರಿಯೇನ ಯೇ ಧಮ್ಮಾ… ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಿನ್ದ್ರಿಯೇನ ಯೇ ಧಮ್ಮಾ… ಅಞ್ಞಾತಾವಿನ್ದ್ರಿಯೇನ ಯೇ ಧಮ್ಮಾ…।
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
ಅವಿಜ್ಜಾಯ ಯೇ ಧಮ್ಮಾ… ಅವಿಜ್ಜಾಪಚ್ಚಯಾ ಸಙ್ಖಾರೇನ ಯೇ ಧಮ್ಮಾ… ಸಳಾಯತನಪಚ್ಚಯಾ ಫಸ್ಸೇನ ಯೇ ಧಮ್ಮಾ… ವೇದನಾಪಚ್ಚಯಾ ತಣ್ಹಾಯ ಯೇ ಧಮ್ಮಾ… ತಣ್ಹಾಪಚ್ಚಯಾ ಉಪಾದಾನೇನ ಯೇ ಧಮ್ಮಾ… ಕಮ್ಮಭವೇನ ಯೇ ಧಮ್ಮಾ… ಸೋಕೇನ ಯೇ ಧಮ್ಮಾ… ಪರಿದೇವೇನ ಯೇ ಧಮ್ಮಾ… ದುಕ್ಖೇನ ಯೇ ಧಮ್ಮಾ… ದೋಮನಸ್ಸೇನ ಯೇ ಧಮ್ಮಾ… ಉಪಾಯಾಸೇನ ಯೇ ಧಮ್ಮಾ…।
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
ಸತಿಪಟ್ಠಾನೇನ ಯೇ ಧಮ್ಮಾ… ಸಮ್ಮಪ್ಪಧಾನೇನ ಯೇ ಧಮ್ಮಾ… ಅಪ್ಪಮಞ್ಞಾಯ ಯೇ ಧಮ್ಮಾ… ಪಞ್ಚಹಿ ಇನ್ದ್ರಿಯೇಹಿ ಯೇ ಧಮ್ಮಾ… ಪಞ್ಚಹಿ ಬಲೇಹಿ ಯೇ ಧಮ್ಮಾ… ಸತ್ತಹಿ ಬೋಜ್ಝಙ್ಗೇಹಿ ಯೇ ಧಮ್ಮಾ… ಅರಿಯೇನ ಅಟ್ಠಙ್ಗಿಕೇನ ಮಗ್ಗೇನ ಯೇ ಧಮ್ಮಾ… ಫಸ್ಸೇನ ಯೇ ಧಮ್ಮಾ… ಚೇತನಾಯ ಯೇ ಧಮ್ಮಾ… ಅಧಿಮೋಕ್ಖೇನ ಯೇ ಧಮ್ಮಾ… ಮನಸಿಕಾರೇನ ಯೇ ಧಮ್ಮಾ …।
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ಹೇತೂಹಿ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಸಹೇತುಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಹೇತೂಹಿ ಚೇವ ಹೇತುಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಆಸವೇಹಿ… ಸಂಯೋಜನೇಹಿ… ಗನ್ಥೇಹಿ… ಓಘೇಹಿ… ಯೋಗೇಹಿ… ನೀವರಣೇಹಿ… ಪರಾಮಾಸೇಹಿ… ಉಪಾದಾನೇಹಿ… ಕಿಲೇಸೇಹಿ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲೇಸಿಕೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಸಂಕಿಲಿಟ್ಠೇಹಿ ಚ ಧಮ್ಮೇಹಿ ಯೇ ಧಮ್ಮಾ… ಕಿಲೇಸೇಹಿ ಚೇವ ಕಿಲೇಸಸಮ್ಪಯುತ್ತೇಹಿ ಚ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಸಙ್ಗಹಿತಾ ಧಾತುಸಙ್ಗಹೇನ ಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ತೇ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತಾ।
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
ದ್ವೇ ಸಚ್ಚಾ ಪನ್ನರಸಿನ್ದ್ರಿಯಾ, ಏಕಾದಸ ಪಟಿಚ್ಚಪದಾ।
Dve saccā pannarasindriyā, ekādasa paṭiccapadā;
ಉದ್ಧಂ ಪುನ ಏಕಾದಸ, ಗೋಚ್ಛಕಪದಮೇತ್ಥ ತಿಂಸವಿಧಾತಿ 1॥
Uddhaṃ puna ekādasa, gocchakapadamettha tiṃsavidhāti 2.
ಸಙ್ಗಹಿತೇನಸಙ್ಗಹಿತಪದನಿದ್ದೇಸೋ ಚತುತ್ಥೋ।
Saṅgahitenasaṅgahitapadaniddeso catuttho.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ಚತುತ್ಥನಯೋ ಸಙ್ಗಹಿತೇನಸಙ್ಗಹಿತಪದವಣ್ಣನಾ • 4. Catutthanayo saṅgahitenasaṅgahitapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೪. ಚತುತ್ಥನಯೋ ಸಙ್ಗಹಿತೇನಸಙ್ಗಹಿತಪದವಣ್ಣನಾ • 4. Catutthanayo saṅgahitenasaṅgahitapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೪. ಚತುತ್ಥನಯೋ ಸಙ್ಗಹಿತೇನಸಙ್ಗಹಿತಪದವಣ್ಣನಾ • 4. Catutthanayo saṅgahitenasaṅgahitapadavaṇṇanā
