| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
4. චතුත්‌ථනයො
4. Catutthanayo
4. සඞ්‌ගහිතෙනසඞ්‌ගහිතපදනිද්‌දෙසො
4. Saṅgahitenasaṅgahitapadaniddeso
191. සමුදයසච්‌චෙන යෙ ධම්‌මා… මග්‌ගසච්‌චෙන යෙ ධම්‌මා ඛන්‌ධසඞ්‌ගහෙන සඞ්‌ගහිතා ආයතනසඞ්‌ගහෙන සඞ්‌ගහිතා ධාතුසඞ්‌ගහෙන සඞ්‌ගහිතා, තෙහි ධම්‌මෙහි යෙ ධම්‌මා ඛන්‌ධසඞ්‌ගහෙන සඞ්‌ගහිතා ආයතනසඞ්‌ගහෙන සඞ්‌ගහිතා ධාතුසඞ්‌ගහෙන සඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? තෙ ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා.
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
192. ඉත්‌ථින්‌ද්‍රියෙන යෙ ධම්‌මා… පුරිසින්‌ද්‍රියෙන යෙ ධම්‌මා… සුඛින්‌ද්‍රියෙන යෙ ධම්‌මා… දුක්‌ඛින්‌ද්‍රියෙන යෙ ධම්‌මා… සොමනස්‌සින්‌ද්‍රියෙන යෙ ධම්‌මා… දොමනස්‌සින්‌ද්‍රියෙන යෙ ධම්‌මා… උපෙක්‌ඛින්‌ද්‍රියෙන යෙ ධම්‌මා… සද්‌ධින්‌ද්‍රියෙන යෙ ධම්‌මා… වීරියින්‌ද්‍රියෙන යෙ ධම්‌මා… සතින්‌ද්‍රියෙන යෙ ධම්‌මා… සමාධින්‌ද්‍රියෙන යෙ ධම්‌මා… පඤ්‌ඤින්‌ද්‍රියෙන යෙ ධම්‌මා… අනඤ්‌ඤාතඤ්‌ඤස්‌සාමීතින්‌ද්‍රියෙන යෙ ධම්‌මා… අඤ්‌ඤින්‌ද්‍රියෙන යෙ ධම්‌මා… අඤ්‌ඤාතාවින්‌ද්‍රියෙන යෙ ධම්‌මා….
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
අවිජ්‌ජාය යෙ ධම්‌මා… අවිජ්‌ජාපච්‌චයා සඞ්‌ඛාරෙන යෙ ධම්‌මා… සළායතනපච්‌චයා ඵස්‌සෙන යෙ ධම්‌මා… වෙදනාපච්‌චයා තණ්‌හාය යෙ ධම්‌මා… තණ්‌හාපච්‌චයා උපාදානෙන යෙ ධම්‌මා… කම්‌මභවෙන යෙ ධම්‌මා… සොකෙන යෙ ධම්‌මා… පරිදෙවෙන යෙ ධම්‌මා… දුක්‌ඛෙන යෙ ධම්‌මා… දොමනස්‌සෙන යෙ ධම්‌මා… උපායාසෙන යෙ ධම්‌මා….
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
සතිපට්‌ඨානෙන යෙ ධම්‌මා… සම්‌මප්‌පධානෙන යෙ ධම්‌මා… අප්‌පමඤ්‌ඤාය යෙ ධම්‌මා… පඤ්‌චහි ඉන්‌ද්‍රියෙහි යෙ ධම්‌මා… පඤ්‌චහි බලෙහි යෙ ධම්‌මා… සත්‌තහි බොජ්‌ඣඞ්‌ගෙහි යෙ ධම්‌මා… අරියෙන අට්‌ඨඞ්‌ගිකෙන මග්‌ගෙන යෙ ධම්‌මා… ඵස්‌සෙන යෙ ධම්‌මා… චෙතනාය යෙ ධම්‌මා… අධිමොක්‌ඛෙන යෙ ධම්‌මා… මනසිකාරෙන යෙ ධම්‌මා ….
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
හෙතූහි ධම්‌මෙහි යෙ ධම්‌මා… හෙතූහි චෙව සහෙතුකෙහි ච ධම්‌මෙහි යෙ ධම්‌මා… හෙතූහි චෙව හෙතුසම්‌පයුත්‌තෙහි ච ධම්‌මෙහි යෙ ධම්‌මා… ආසවෙහි… සංයොජනෙහි… ගන්‌ථෙහි… ඔඝෙහි… යොගෙහි… නීවරණෙහි… පරාමාසෙහි… උපාදානෙහි… කිලෙසෙහි ධම්‌මෙහි යෙ ධම්‌මා… කිලෙසෙහි චෙව සංකිලෙසිකෙහි ච ධම්‌මෙහි යෙ ධම්‌මා… කිලෙසෙහි චෙව සංකිලිට්‌ඨෙහි ච ධම්‌මෙහි යෙ ධම්‌මා… කිලෙසෙහි චෙව කිලෙසසම්‌පයුත්‌තෙහි ච ධම්‌මෙහි යෙ ධම්‌මා ඛන්‌ධසඞ්‌ගහෙන සඞ්‌ගහිතා ආයතනසඞ්‌ගහෙන සඞ්‌ගහිතා ධාතුසඞ්‌ගහෙන සඞ්‌ගහිතා, තෙහි ධම්‌මෙහි යෙ ධම්‌මා ඛන්‌ධසඞ්‌ගහෙන සඞ්‌ගහිතා ආයතනසඞ්‌ගහෙන සඞ්‌ගහිතා ධාතුසඞ්‌ගහෙන සඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සඞ්‌ගහිතා? තෙ ධම්‌මා එකෙන ඛන්‌ධෙන එකෙනායතනෙන එකාය ධාතුයා සඞ්‌ගහිතා.
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
ද්‌වෙ සච්‌චා පන්‌නරසින්‌ද්‍රියා, එකාදස පටිච්‌චපදා;
Dve saccā pannarasindriyā, ekādasa paṭiccapadā;
උද්‌ධං පුන එකාදස, ගොච්‌ඡකපදමෙත්‌ථ තිංසවිධාති 1.
Uddhaṃ puna ekādasa, gocchakapadamettha tiṃsavidhāti 2.
සඞ්‌ගහිතෙනසඞ්‌ගහිතපදනිද්‌දෙසො චතුත්‌ථො.
Saṅgahitenasaṅgahitapadaniddeso catuttho.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 4. චතුත්‌ථනයො සඞ්‌ගහිතෙනසඞ්‌ගහිතපදවණ්‌ණනා • 4. Catutthanayo saṅgahitenasaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 4. චතුත්‌ථනයො සඞ්‌ගහිතෙනසඞ්‌ගහිතපදවණ්‌ණනා • 4. Catutthanayo saṅgahitenasaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 4. චතුත්‌ථනයො සඞ්‌ගහිතෙනසඞ්‌ගහිතපදවණ්‌ණනා • 4. Catutthanayo saṅgahitenasaṅgahitapadavaṇṇanā
