| Library / Tipiṭaka / ཏིཔིཊཀ • Tipiṭaka / དྷཱཏུཀཐཱཔཱལི༹ • Dhātukathāpāḷi |
༤. ཙཏུཏྠནཡོ
4. Catutthanayo
༤. སངྒཧིཏེནསངྒཧིཏཔདནིདྡེསོ
4. Saṅgahitenasaṅgahitapadaniddeso
༡༩༡. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ།
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
༡༩༢. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ… ཨུཔེཀྑིནྡྲིཡེན ཡེ དྷམྨཱ… སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ…།
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ… སོཀེན ཡེ དྷམྨཱ… པརིདེཝེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ…།
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ… མནསིཀཱརེན ཡེ དྷམྨཱ …།
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝེཧི… སཾཡོཛནེཧི… གནྠེཧི… ཨོགྷེཧི… ཡོགེཧི… ནཱིཝརཎེཧི… པརཱམཱསེཧི… ཨུཔཱདཱནེཧི… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ།
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
དྭེ སཙྩཱ པནྣརསིནྡྲིཡཱ, ཨེཀཱདས པཊིཙྩཔདཱ།
Dve saccā pannarasindriyā, ekādasa paṭiccapadā;
སངྒཧིཏེནསངྒཧིཏཔདནིདྡེསོ ཙཏུཏྠོ།
Saṅgahitenasaṅgahitapadaniddeso catuttho.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ཙཏུཏྠནཡོ སངྒཧིཏེནསངྒཧིཏཔདཝཎྞནཱ • 4. Catutthanayo saṅgahitenasaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༤. ཙཏུཏྠནཡོ སངྒཧིཏེནསངྒཧིཏཔདཝཎྞནཱ • 4. Catutthanayo saṅgahitenasaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༤. ཙཏུཏྠནཡོ སངྒཧིཏེནསངྒཧིཏཔདཝཎྞནཱ • 4. Catutthanayo saṅgahitenasaṅgahitapadavaṇṇanā
