| Library / Tipiṭaka / തിപിടക • Tipiṭaka / ധാതുകഥാപാളി • Dhātukathāpāḷi |
൪. ചതുത്ഥനയോ
4. Catutthanayo
൪. സങ്ഗഹിതേനസങ്ഗഹിതപദനിദ്ദേസോ
4. Saṅgahitenasaṅgahitapadaniddeso
൧൯൧. സമുദയസച്ചേന യേ ധമ്മാ… മഗ്ഗസച്ചേന യേ ധമ്മാ ഖന്ധസങ്ഗഹേന സങ്ഗഹിതാ ആയതനസങ്ഗഹേന സങ്ഗഹിതാ ധാതുസങ്ഗഹേന സങ്ഗഹിതാ, തേഹി ധമ്മേഹി യേ ധമ്മാ ഖന്ധസങ്ഗഹേന സങ്ഗഹിതാ ആയതനസങ്ഗഹേന സങ്ഗഹിതാ ധാതുസങ്ഗഹേന സങ്ഗഹിതാ, തേ ധമ്മാ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? തേ ധമ്മാ ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതാ.
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
൧൯൨. ഇത്ഥിന്ദ്രിയേന യേ ധമ്മാ… പുരിസിന്ദ്രിയേന യേ ധമ്മാ… സുഖിന്ദ്രിയേന യേ ധമ്മാ… ദുക്ഖിന്ദ്രിയേന യേ ധമ്മാ… സോമനസ്സിന്ദ്രിയേന യേ ധമ്മാ… ദോമനസ്സിന്ദ്രിയേന യേ ധമ്മാ… ഉപേക്ഖിന്ദ്രിയേന യേ ധമ്മാ… സദ്ധിന്ദ്രിയേന യേ ധമ്മാ… വീരിയിന്ദ്രിയേന യേ ധമ്മാ… സതിന്ദ്രിയേന യേ ധമ്മാ… സമാധിന്ദ്രിയേന യേ ധമ്മാ… പഞ്ഞിന്ദ്രിയേന യേ ധമ്മാ… അനഞ്ഞാതഞ്ഞസ്സാമീതിന്ദ്രിയേന യേ ധമ്മാ… അഞ്ഞിന്ദ്രിയേന യേ ധമ്മാ… അഞ്ഞാതാവിന്ദ്രിയേന യേ ധമ്മാ….
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
അവിജ്ജായ യേ ധമ്മാ… അവിജ്ജാപച്ചയാ സങ്ഖാരേന യേ ധമ്മാ… സളായതനപച്ചയാ ഫസ്സേന യേ ധമ്മാ… വേദനാപച്ചയാ തണ്ഹായ യേ ധമ്മാ… തണ്ഹാപച്ചയാ ഉപാദാനേന യേ ധമ്മാ… കമ്മഭവേന യേ ധമ്മാ… സോകേന യേ ധമ്മാ… പരിദേവേന യേ ധമ്മാ… ദുക്ഖേന യേ ധമ്മാ… ദോമനസ്സേന യേ ധമ്മാ… ഉപായാസേന യേ ധമ്മാ….
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
സതിപട്ഠാനേന യേ ധമ്മാ… സമ്മപ്പധാനേന യേ ധമ്മാ… അപ്പമഞ്ഞായ യേ ധമ്മാ… പഞ്ചഹി ഇന്ദ്രിയേഹി യേ ധമ്മാ… പഞ്ചഹി ബലേഹി യേ ധമ്മാ… സത്തഹി ബോജ്ഝങ്ഗേഹി യേ ധമ്മാ… അരിയേന അട്ഠങ്ഗികേന മഗ്ഗേന യേ ധമ്മാ… ഫസ്സേന യേ ധമ്മാ… ചേതനായ യേ ധമ്മാ… അധിമോക്ഖേന യേ ധമ്മാ… മനസികാരേന യേ ധമ്മാ ….
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ഹേതൂഹി ധമ്മേഹി യേ ധമ്മാ… ഹേതൂഹി ചേവ സഹേതുകേഹി ച ധമ്മേഹി യേ ധമ്മാ… ഹേതൂഹി ചേവ ഹേതുസമ്പയുത്തേഹി ച ധമ്മേഹി യേ ധമ്മാ… ആസവേഹി… സംയോജനേഹി… ഗന്ഥേഹി… ഓഘേഹി… യോഗേഹി… നീവരണേഹി… പരാമാസേഹി… ഉപാദാനേഹി… കിലേസേഹി ധമ്മേഹി യേ ധമ്മാ… കിലേസേഹി ചേവ സംകിലേസികേഹി ച ധമ്മേഹി യേ ധമ്മാ… കിലേസേഹി ചേവ സംകിലിട്ഠേഹി ച ധമ്മേഹി യേ ധമ്മാ… കിലേസേഹി ചേവ കിലേസസമ്പയുത്തേഹി ച ധമ്മേഹി യേ ധമ്മാ ഖന്ധസങ്ഗഹേന സങ്ഗഹിതാ ആയതനസങ്ഗഹേന സങ്ഗഹിതാ ധാതുസങ്ഗഹേന സങ്ഗഹിതാ, തേഹി ധമ്മേഹി യേ ധമ്മാ ഖന്ധസങ്ഗഹേന സങ്ഗഹിതാ ആയതനസങ്ഗഹേന സങ്ഗഹിതാ ധാതുസങ്ഗഹേന സങ്ഗഹിതാ, തേ ധമ്മാ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? തേ ധമ്മാ ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതാ.
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
ദ്വേ സച്ചാ പന്നരസിന്ദ്രിയാ, ഏകാദസ പടിച്ചപദാ;
Dve saccā pannarasindriyā, ekādasa paṭiccapadā;
ഉദ്ധം പുന ഏകാദസ, ഗോച്ഛകപദമേത്ഥ തിംസവിധാതി 1.
Uddhaṃ puna ekādasa, gocchakapadamettha tiṃsavidhāti 2.
സങ്ഗഹിതേനസങ്ഗഹിതപദനിദ്ദേസോ ചതുത്ഥോ.
Saṅgahitenasaṅgahitapadaniddeso catuttho.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ചതുത്ഥനയോ സങ്ഗഹിതേനസങ്ഗഹിതപദവണ്ണനാ • 4. Catutthanayo saṅgahitenasaṅgahitapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. ചതുത്ഥനയോ സങ്ഗഹിതേനസങ്ഗഹിതപദവണ്ണനാ • 4. Catutthanayo saṅgahitenasaṅgahitapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. ചതുത്ഥനയോ സങ്ഗഹിതേനസങ്ഗഹിതപദവണ്ണനാ • 4. Catutthanayo saṅgahitenasaṅgahitapadavaṇṇanā
