| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. сан̇г̇аамаж̇исуд̇д̇аван̣н̣анаа
8. Saṅgāmajisuttavaṇṇanā
8. адтамз сан̇г̇аамаж̇ийд̇и звам̣наамо. аяан̃хи ааяасмаа саавад̇т̇ияам̣ ан̃н̃ад̇арасса махаавибхавасса сздтино буд̇д̇о, ваяаббад̇д̇агаалз маад̇аабид̇уухи бад̇ируубзна д̣̇аарзна нияож̇зд̇ваа саабад̇зяяам̣ нияяаад̇зд̇ваа гхараб̣анд̇ханзна б̣ад̣̇д̇хо ход̇и. со згад̣̇ивасам̣ саавад̇т̇иваасино убаасагз буб̣б̣ан̣хасамаяам̣ д̣̇аанам̣ д̣̇ад̇ваа сийлам̣ самаад̣̇ияид̇ваа сааяанхасамаяз суд̣̇д̇хавад̇т̇з суд̣̇д̇худ̇д̇араасан̇г̇з г̇анд̇хамаалаад̣̇ихад̇т̇з д̇хаммассаванад̇т̇ам̣ ж̇зд̇аванаабхимукз г̇ажчанд̇з д̣̇исваа ‘‘гад̇т̇а д̇умхз г̇ажчат̇аа’’д̇и бужчид̇ваа ‘‘д̇хаммассаванад̇т̇ам̣ ж̇зд̇аванз сад̇т̇у санд̇ига’’нд̇и вуд̇д̇з ‘‘д̇зна хи ахамби г̇амиссаамий’’д̇и д̇зхи сад̣̇д̇хим̣ ж̇зд̇аванам̣ аг̇амааси. д̇зна жа самаязна бхаг̇аваа ган̃жанаг̇ухааяам̣ сийханаад̣̇ам̣ над̣̇анд̇о гзсарасийхо вияа сад̣̇д̇хаммаман̣д̣абз бан̃н̃ад̇д̇авараб̣уд̣̇д̇хаасанз нисийд̣̇ид̇ваа жад̇убарисамаж̇жхз д̇хаммам̣ д̣̇зсзд̇и.
8. Aṭṭhame saṅgāmajīti evaṃnāmo. Ayañhi āyasmā sāvatthiyaṃ aññatarassa mahāvibhavassa seṭṭhino putto, vayappattakāle mātāpitūhi patirūpena dārena niyojetvā sāpateyyaṃ niyyātetvā gharabandhanena baddho hoti. So ekadivasaṃ sāvatthivāsino upāsake pubbaṇhasamayaṃ dānaṃ datvā sīlaṃ samādiyitvā sāyanhasamaye suddhavatthe suddhuttarāsaṅge gandhamālādihatthe dhammassavanatthaṃ jetavanābhimukhe gacchante disvā ‘‘kattha tumhe gacchathā’’ti pucchitvā ‘‘dhammassavanatthaṃ jetavane satthu santika’’nti vutte ‘‘tena hi ahampi gamissāmī’’ti tehi saddhiṃ jetavanaṃ agamāsi. Tena ca samayena bhagavā kañcanaguhāyaṃ sīhanādaṃ nadanto kesarasīho viya saddhammamaṇḍape paññattavarabuddhāsane nisīditvā catuparisamajjhe dhammaṃ deseti.
ат̇а ко д̇з убаасагаа бхаг̇аванд̇ам̣ ванд̣̇ид̇ваа згаманд̇ам̣ нисийд̣̇им̣су, сан̇г̇аамаж̇иби гулабуд̇д̇о д̇ассаа барисааяа барияанд̇з д̇хаммам̣ сун̣анд̇о нисийд̣̇и. бхаг̇аваа анубуб̣б̣игат̇ам̣ гат̇зд̇ваа жад̇д̇аари сажжаани багаасзси, сажжабарияосаанз анзгзсам̣ баан̣асахассаанам̣ д̇хаммаабхисамаяо ахоси. сан̇г̇аамаж̇иби гулабуд̇д̇о сод̇аабад̇д̇ипалам̣ бад̇ваа барисааяа вудтид̇ааяа бхаг̇аванд̇ам̣ убасан̇гамид̇ваа ванд̣̇ид̇ваа баб̣б̣аж̇ж̇ам̣ яаажи ‘‘баб̣б̣ааж̇зт̇а мам̣ бхаг̇аваа’’д̇и. ‘‘анун̃н̃аад̇оси бана д̇вам̣ маад̇аабид̇уухи баб̣б̣аж̇ж̇ааяаа’’д̇и? ‘‘наахам̣, бханд̇з, анун̃н̃аад̇о’’д̇и. ‘‘на ко, сан̇г̇аамаж̇и, д̇ат̇ааг̇ад̇аа маад̇аабид̇уухи ананун̃н̃аад̇ам̣ буд̇д̇ам̣ баб̣б̣ааж̇знд̇ий’’д̇и. ‘‘сохам̣, бханд̇з, д̇ат̇аа гариссаами, яат̇аа мам̣ маад̇аабид̇аро баб̣б̣аж̇ид̇ум̣ ануж̇аананд̇ий’’д̇и. со бхаг̇аванд̇ам̣ ванд̣̇ид̇ваа бад̣̇агкин̣ам̣ гад̇ваа маад̇аабид̇аро убасан̇гамид̇ваа, ‘‘аммад̇аад̇аа, ануж̇аанаат̇а мам̣ баб̣б̣аж̇ид̇у’’нд̇и ааха. д̇ад̇о барам̣ радтабааласуд̇д̇з (ма. ни. 2.293 аад̣̇аяо) ааг̇ад̇анаязна взд̣̇ид̇аб̣б̣ам̣.
Atha kho te upāsakā bhagavantaṃ vanditvā ekamantaṃ nisīdiṃsu, saṅgāmajipi kulaputto tassā parisāya pariyante dhammaṃ suṇanto nisīdi. Bhagavā anupubbikathaṃ kathetvā cattāri saccāni pakāsesi, saccapariyosāne anekesaṃ pāṇasahassānaṃ dhammābhisamayo ahosi. Saṅgāmajipi kulaputto sotāpattiphalaṃ patvā parisāya vuṭṭhitāya bhagavantaṃ upasaṅkamitvā vanditvā pabbajjaṃ yāci ‘‘pabbājetha maṃ bhagavā’’ti. ‘‘Anuññātosi pana tvaṃ mātāpitūhi pabbajjāyā’’ti? ‘‘Nāhaṃ, bhante, anuññāto’’ti. ‘‘Na kho, saṅgāmaji, tathāgatā mātāpitūhi ananuññātaṃ puttaṃ pabbājentī’’ti. ‘‘Sohaṃ, bhante, tathā karissāmi, yathā maṃ mātāpitaro pabbajituṃ anujānantī’’ti. So bhagavantaṃ vanditvā padakkhiṇaṃ katvā mātāpitaro upasaṅkamitvā, ‘‘ammatātā, anujānātha maṃ pabbajitu’’nti āha. Tato paraṃ raṭṭhapālasutte (ma. ni. 2.293 ādayo) āgatanayena veditabbaṃ.
ат̇а со ‘‘баб̣б̣аж̇ид̇ваа ад̇д̇аанам̣ д̣̇ассзссаамий’’д̇и бадин̃н̃ам̣ д̣̇ад̇ваа анун̃н̃аад̇о маад̇аабид̇уухи бхаг̇аванд̇ам̣ убасан̇гамид̇ваа баб̣б̣аж̇ж̇ам̣ яаажи. алад̇т̇а ко жа бхаг̇авад̇о санд̇игз баб̣б̣аж̇ж̇ам̣ убасамбад̣̇ан̃жа, ажируубасамбанно жа бана со убаримаг̇г̇ад̇т̇ааяа гхадзнд̇о вааяаманд̇о ан̃н̃ад̇арасмим̣ аран̃н̃ааваасз вассам̣ васид̇ваа чал̣абхин̃н̃о худ̇ваа вуд̇т̇авассо бхаг̇аванд̇ам̣ д̣̇ассанааяа маад̇аабид̇уунан̃жа бадиссаваможанад̇т̇ам̣ саавад̇т̇им̣ аг̇амааси. д̇зна вуд̇д̇ам̣ – ‘‘д̇зна ко бана самаязна ааяасмаа сан̇г̇аамаж̇и саавад̇т̇им̣ ануббад̇д̇о ход̇ий’’д̇и.
Atha so ‘‘pabbajitvā attānaṃ dassessāmī’’ti paṭiññaṃ datvā anuññāto mātāpitūhi bhagavantaṃ upasaṅkamitvā pabbajjaṃ yāci. Alattha kho ca bhagavato santike pabbajjaṃ upasampadañca, acirūpasampanno ca pana so uparimaggatthāya ghaṭento vāyamanto aññatarasmiṃ araññāvāse vassaṃ vasitvā chaḷabhiñño hutvā vutthavasso bhagavantaṃ dassanāya mātāpitūnañca paṭissavamocanatthaṃ sāvatthiṃ agamāsi. Tena vuttaṃ – ‘‘tena kho pana samayena āyasmā saṅgāmaji sāvatthiṃ anuppatto hotī’’ti.
со хааяасмаа д̇хураг̇аамз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ж̇зд̇аванам̣ бависид̇ваа бхаг̇аванд̇ам̣ убасан̇гамид̇ваа бхаг̇авад̇аа сад̣̇д̇хим̣ гад̇абадисант̇ааро ан̃н̃ам̣ б̣яаагарид̇ваа буна бхаг̇аванд̇ам̣ ванд̣̇ид̇ваа бад̣̇агкин̣ам̣ гад̇ваа нигкамид̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇асса маад̇аабид̇аро н̃аад̇имид̇д̇аа жасса ааг̇аманам̣ суд̇ваа, ‘‘сан̇г̇аамаж̇и, гира ид̇хааг̇ад̇о’’д̇и хадтад̇удтаа д̇урид̇ад̇урид̇аа вихаарам̣ г̇анд̇ваа бариязсанд̇аа нам̣ д̇ад̇т̇а нисиннам̣ д̣̇исваа убасан̇гамид̇ваа бадисант̇аарам̣ гад̇ваа ‘‘маа абуд̇д̇агам̣ саабад̇зяяам̣ рааж̇аано харзяяум̣, аббияаа д̣̇ааяаад̣̇аа ваа г̇ан̣хзяяум̣, наалам̣ баб̣б̣аж̇ж̇ааяа, зхи, д̇аад̇а, виб̣бхамаа’’д̇и яаажим̣су. д̇ам̣ суд̇ваа т̇зро ‘‘имз маяхам̣ гаамзхи анад̇т̇игабхаавам̣ на ж̇аананд̇и, г̇уут̇ад̇хаарий вияа г̇уут̇абин̣д̣з гаамзсуязва аллийяанам̣ ижчанд̇и, наяимз саггаа д̇хаммагат̇ааяа сан̃н̃аабзд̇у’’нд̇и ассун̣анд̇о вияа нисийд̣̇и. д̇з наанаббагаарам̣ яаажид̇ваа ад̇д̇ано важанам̣ аг̇г̇ан̣ханд̇ам̣ д̣̇исваа гхарам̣ бависид̇ваа буд̇д̇зна сад̣̇д̇хим̣ д̇асса бхарияам̣ сабариваарам̣ уяяож̇зсум̣ ‘‘маяам̣ наанаббагаарам̣ д̇ам̣ яаажанд̇ааби д̇асса манам̣ алабхид̇ваа ааг̇ад̇аа, г̇ажча д̇вам̣, бхад̣̇д̣̇з, д̇ава бхад̇д̇аарам̣ буд̇д̇асанд̣̇ассанзна яаажид̇ваа сан̃н̃аабзхий’’д̇и. д̇ааяа гира аабаннасад̇д̇ааяа аяамааяасмаа баб̣б̣аж̇ид̇о. саа ‘‘саад̇хуу’’д̇и самбадижчид̇ваа д̣̇аарагамаад̣̇ааяа махад̇аа бариваарзна ж̇зд̇аванам̣ аг̇амааси. д̇ам̣ санд̇хааяа вуд̇д̇ам̣ – ‘‘ассоси ко ааяасмад̇о сан̇г̇аамаж̇иссаа’’д̇иаад̣̇и.
So hāyasmā dhuragāme piṇḍāya caritvā pacchābhattaṃ piṇḍapātapaṭikkanto jetavanaṃ pavisitvā bhagavantaṃ upasaṅkamitvā bhagavatā saddhiṃ katapaṭisanthāro aññaṃ byākaritvā puna bhagavantaṃ vanditvā padakkhiṇaṃ katvā nikkhamitvā aññatarasmiṃ rukkhamūle divāvihāraṃ nisīdi. Athassa mātāpitaro ñātimittā cassa āgamanaṃ sutvā, ‘‘saṅgāmaji, kira idhāgato’’ti haṭṭhatuṭṭhā turitaturitā vihāraṃ gantvā pariyesantā naṃ tattha nisinnaṃ disvā upasaṅkamitvā paṭisanthāraṃ katvā ‘‘mā aputtakaṃ sāpateyyaṃ rājāno hareyyuṃ, appiyā dāyādā vā gaṇheyyuṃ, nālaṃ pabbajjāya, ehi, tāta, vibbhamā’’ti yāciṃsu. Taṃ sutvā thero ‘‘ime mayhaṃ kāmehi anatthikabhāvaṃ na jānanti, gūthadhārī viya gūthapiṇḍe kāmesuyeva allīyanaṃ icchanti, nayime sakkā dhammakathāya saññāpetu’’nti assuṇanto viya nisīdi. Te nānappakāraṃ yācitvā attano vacanaṃ aggaṇhantaṃ disvā gharaṃ pavisitvā puttena saddhiṃ tassa bhariyaṃ saparivāraṃ uyyojesuṃ ‘‘mayaṃ nānappakāraṃ taṃ yācantāpi tassa manaṃ alabhitvā āgatā, gaccha tvaṃ, bhadde, tava bhattāraṃ puttasandassanena yācitvā saññāpehī’’ti. Tāya kira āpannasattāya ayamāyasmā pabbajito. Sā ‘‘sādhū’’ti sampaṭicchitvā dārakamādāya mahatā parivārena jetavanaṃ agamāsi. Taṃ sandhāya vuttaṃ – ‘‘assosi kho āyasmato saṅgāmajissā’’tiādi.
д̇ад̇т̇а бураан̣ад̣̇уд̇ияигаад̇и буб̣б̣з г̇ихигаалз баад̣̇абарижаран̣авасзна д̣̇уд̇ияигаа, бхарияаад̇и ад̇т̇о. аяяод̇и ‘‘аяяабуд̇д̇о’’д̇и вад̇д̇аб̣б̣з баб̣б̣аж̇ид̇аанам̣ анужчавигавохаарзна вад̣̇ад̇и. гираад̇и ануссаванад̇т̇з нибаад̇о, д̇асса ануббад̇д̇о гираад̇и самб̣анд̇хо взд̣̇ид̇аб̣б̣о. куд̣̇д̣̇абуд̇д̇ан̃хи саман̣а, боса манд̇и аабаннасад̇д̇амзва мам̣ чад̣д̣зд̇ваа баб̣б̣аж̇ид̇о, саахам̣ зд̇арахи куд̣̇д̣̇абуд̇д̇аа, д̇аад̣̇исам̣ мам̣ чад̣д̣зд̇ваава д̇ава саман̣ад̇хаммагаран̣ам̣ аяуд̇д̇ам̣, д̇асмаа, саман̣а, буд̇д̇ад̣̇уд̇ияам̣ мам̣ гхаасажчаад̣̇анаад̣̇ийхи бхарассууд̇и. ааяасмаа бана, сан̇г̇аамаж̇и, инд̣̇рияаани угкибид̇ваа д̇ам̣ нзва ологзд̇и, нааби аалабад̇и. д̇зна вуд̇д̇ам̣ – ‘‘звам̣ вуд̇д̇з ааяасмаа сан̇г̇аамаж̇и д̇ун̣хий ахосий’’д̇и.
Tattha purāṇadutiyikāti pubbe gihikāle pādaparicaraṇavasena dutiyikā, bhariyāti attho. Ayyoti ‘‘ayyaputto’’ti vattabbe pabbajitānaṃ anucchavikavohārena vadati. Kirāti anussavanatthe nipāto, tassa anuppatto kirāti sambandho veditabbo. Khuddaputtañhi samaṇa, posa manti āpannasattameva maṃ chaḍḍetvā pabbajito, sāhaṃ etarahi khuddaputtā, tādisaṃ maṃ chaḍḍetvāva tava samaṇadhammakaraṇaṃ ayuttaṃ, tasmā, samaṇa, puttadutiyaṃ maṃ ghāsacchādanādīhi bharassūti. Āyasmā pana, saṅgāmaji, indriyāni ukkhipitvā taṃ neva oloketi, nāpi ālapati. Tena vuttaṃ – ‘‘evaṃ vutte āyasmā saṅgāmaji tuṇhī ahosī’’ti.
саа д̇игкад̇д̇ум̣ д̇ат̇зва вад̇ваа д̇ун̣хийбхууд̇амзва д̇ам̣ д̣̇исваа ‘‘бурисаа наама бхарияаасу нирабзгкааби буд̇д̇зсу саабзгкаа хонд̇и, буд̇д̇асинзхо бид̇у адтимин̃ж̇ам̣ аахажжа д̇идтад̇и, д̇асмаа буд̇д̇абзмзнааби маяхам̣ васз вад̇д̇зяяаа’’д̇и ман̃н̃амаанаа буд̇д̇ам̣ т̇зрасса ан̇гз нигкибид̇ваа згаманд̇ам̣ абаггамма ‘‘зсо д̇з, саман̣а, буд̇д̇о, боса на’’нд̇и вад̇ваа т̇огам̣ аг̇амааси. саа гира саман̣ад̇зж̇знасса саммукз таад̇ум̣ наасагки. т̇зро д̣̇аарагамби нзва ологзд̇и нааби аалабад̇и. ат̇а саа ид̇т̇ий авид̣̇уурз тад̇ваа мукам̣ баривад̇д̇зд̇ваа ологзнд̇ий т̇зрасса аагаарам̣ н̃ад̇ваа бадинивад̇д̇ид̇ваа ‘‘буд̇д̇знаби аяам̣ саман̣о анад̇т̇иго’’д̇и д̣̇аарагам̣ г̇ахзд̇ваа баггаами. д̇зна вуд̇д̇ам̣ – ‘‘ат̇а ко ааяасмад̇о сан̇г̇аамаж̇исса бураан̣ад̣̇уд̇ияигаа’’д̇иаад̣̇и.
Sā tikkhattuṃ tatheva vatvā tuṇhībhūtameva taṃ disvā ‘‘purisā nāma bhariyāsu nirapekkhāpi puttesu sāpekkhā honti, puttasineho pitu aṭṭhimiñjaṃ āhacca tiṭṭhati, tasmā puttapemenāpi mayhaṃ vase vatteyyā’’ti maññamānā puttaṃ therassa aṅke nikkhipitvā ekamantaṃ apakkamma ‘‘eso te, samaṇa, putto, posa na’’nti vatvā thokaṃ agamāsi. Sā kira samaṇatejenassa sammukhe ṭhātuṃ nāsakkhi. Thero dārakampi neva oloketi nāpi ālapati. Atha sā itthī avidūre ṭhatvā mukhaṃ parivattetvā olokentī therassa ākāraṃ ñatvā paṭinivattitvā ‘‘puttenapi ayaṃ samaṇo anatthiko’’ti dārakaṃ gahetvā pakkāmi. Tena vuttaṃ – ‘‘atha kho āyasmato saṅgāmajissa purāṇadutiyikā’’tiādi.
д̇ад̇т̇а буд̇д̇знабийд̇и аяам̣ саман̣о ад̇д̇ано орасабуд̇д̇знаби анад̇т̇иго, баг̇зва ан̃н̃зхийд̇и ад̇хиббааяо. д̣̇иб̣б̣знаад̇и зд̇т̇а д̣̇иб̣б̣асад̣̇исад̇д̇аа д̣̇иб̣б̣ам̣. д̣̇звад̇аанан̃хи сужарид̇агамманиб̣б̣ад̇д̇ам̣ бид̇д̇асзмхарухираад̣̇ийхи абалиб̣уд̣̇д̇хам̣ д̣̇уурзби аарамман̣асамбадижчанасамад̇т̇ам̣ д̣̇иб̣б̣ам̣ басаад̣̇ажагку ход̇и. ид̣̇амби жад̇уд̇т̇аж̇жхаанасамаад̇хиниб̣б̣ад̇д̇ам̣ абхин̃н̃аажагкум̣ д̇аад̣̇исанд̇и д̣̇иб̣б̣ам̣ вияаад̇и д̣̇иб̣б̣ам̣, д̣̇иб̣б̣авихаарасанниссаязна лад̣̇д̇хад̇д̇аа ваа д̣̇иб̣б̣ам̣, махааж̇уд̇игад̇д̇аа махааг̇ад̇игад̇д̇аа ваа д̣̇иб̣б̣ам̣, д̇зна д̣̇иб̣б̣зна. висуд̣̇д̇хзнаад̇и нийваран̣аад̣̇исам̣гилзсавиг̇амзна субарисуд̣̇д̇хзна. ад̇игганд̇амаанусагзнаад̇и мануссаанам̣ висаяаад̇ийд̇зна. имам̣ зваруубам̣ виббагааранд̇и имам̣ звам̣ виббагаарам̣ яат̇аавуд̇д̇ам̣ баб̣б̣аж̇ид̇зсу асааруббам̣ ан̇гз буд̇д̇адтабанасан̇каад̇ам̣ вируубагирияам̣.
Tattha puttenapīti ayaṃ samaṇo attano orasaputtenapi anatthiko, pageva aññehīti adhippāyo. Dibbenāti ettha dibbasadisattā dibbaṃ. Devatānañhi sucaritakammanibbattaṃ pittasemharuhirādīhi apalibuddhaṃ dūrepi ārammaṇasampaṭicchanasamatthaṃ dibbaṃ pasādacakkhu hoti. Idampi catutthajjhānasamādhinibbattaṃ abhiññācakkhuṃ tādisanti dibbaṃ viyāti dibbaṃ, dibbavihārasannissayena laddhattā vā dibbaṃ, mahājutikattā mahāgatikattā vā dibbaṃ, tena dibbena. Visuddhenāti nīvaraṇādisaṃkilesavigamena suparisuddhena. Atikkantamānusakenāti manussānaṃ visayātītena. Imaṃ evarūpaṃ vippakāranti imaṃ evaṃ vippakāraṃ yathāvuttaṃ pabbajitesu asāruppaṃ aṅke puttaṭṭhapanasaṅkhātaṃ virūpakiriyaṃ.
зд̇амад̇т̇анд̇и зд̇ам̣ ааяасмад̇о сан̇г̇аамаж̇исса буд̇д̇ад̣̇аараад̣̇ийсу саб̣б̣ад̇т̇а нирабзгкабхаавасан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ д̇асса идтаанидтаад̣̇ийсу д̇аад̣̇ибхаавад̣̇ийбагам̣ уд̣̇аанам̣ уд̣̇аанзси.
Etamatthanti etaṃ āyasmato saṅgāmajissa puttadārādīsu sabbattha nirapekkhabhāvasaṅkhātaṃ atthaṃ sabbākārato viditvā. Imaṃ udānanti imaṃ tassa iṭṭhāniṭṭhādīsu tādibhāvadīpakaṃ udānaṃ udānesi.
д̇ад̇т̇а ааяанд̇инд̇и ааг̇ажчанд̇им̣, бураан̣ад̣̇уд̇ияиганд̇и ад̇хиббааяо. наабхинанд̣̇ад̇ийд̇и д̣̇адтум̣ мам̣ ааг̇ад̇аад̇и на нанд̣̇ад̇и на д̇уссад̇и. баггаманд̇инд̇и саа аяам̣ маяаа асаммод̣̇ид̇аава г̇ажчад̇ийд̇и г̇ажчанд̇им̣. на сожад̇ийд̇и на жид̇д̇асанд̇аабамаабаж̇ж̇ад̇и. язна бана гааран̣зна т̇зро звам̣ наабхинанд̣̇ад̇и на сожад̇и, д̇ам̣ д̣̇ассзд̇ум̣ ‘‘сан̇г̇аа сан̇г̇аамаж̇им̣ муд̇д̇а’’нд̇и вуд̇д̇ам̣. д̇ад̇т̇а сан̇г̇аад̇и рааг̇асан̇г̇о д̣̇осамохамаанад̣̇идтисан̇г̇од̇и бан̃жавид̇хааби сан̇г̇аа самужчзд̣̇аббадибассад̣̇д̇хивимуд̇д̇ийхи вимуд̇д̇ам̣ сан̇г̇аамаж̇им̣ бхигкум̣. д̇амахам̣ б̣рууми б̣раахман̣анд̇и д̇ам̣ д̇аад̣̇ибхааваббад̇д̇ам̣ кийн̣аасавам̣ ахам̣ саб̣б̣асо б̣аахид̇абаабад̇д̇аа б̣раахман̣анд̇и вад̣̇аамийд̇и.
Tattha āyantinti āgacchantiṃ, purāṇadutiyikanti adhippāyo. Nābhinandatīti daṭṭhuṃ maṃ āgatāti na nandati na tussati. Pakkamantinti sā ayaṃ mayā asammoditāva gacchatīti gacchantiṃ. Na socatīti na cittasantāpamāpajjati. Yena pana kāraṇena thero evaṃ nābhinandati na socati, taṃ dassetuṃ ‘‘saṅgā saṅgāmajiṃ mutta’’nti vuttaṃ. Tattha saṅgāti rāgasaṅgo dosamohamānadiṭṭhisaṅgoti pañcavidhāpi saṅgā samucchedappaṭipassaddhivimuttīhi vimuttaṃ saṅgāmajiṃ bhikkhuṃ. Tamahaṃbrūmi brāhmaṇanti taṃ tādibhāvappattaṃ khīṇāsavaṃ ahaṃ sabbaso bāhitapāpattā brāhmaṇanti vadāmīti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. сан̇г̇аамаж̇исуд̇д̇ам̣ • 8. Saṅgāmajisuttaṃ
