| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. সঙ্গণিকারামসুত্তং
4. Saṅgaṇikārāmasuttaṃ
৬৮. ‘‘‘সো ৰত, ভিক্খৰে, ভিক্খু সঙ্গণিকারামো সঙ্গণিকরতো সঙ্গণিকারামতং অনুযুত্তো, গণারামো গণরতো গণারামতং অনুযুত্তো, একো পৰিৰেকে অভিরমিস্সতী’তি নেতং ঠানং ৰিজ্জতি। ‘একো পৰিৰেকে অনভিরমন্তো চিত্তস্স নিমিত্তং গহেস্সতী’তি নেতং ঠানং ৰিজ্জতি। ‘চিত্তস্স নিমিত্তং অগণ্হন্তো সম্মাদিট্ঠিং পরিপূরেস্সতী’তি নেতং ঠানং ৰিজ্জতি। ‘সম্মাদিট্ঠিং অপরিপূরেত্ৰা সম্মাসমাধিং পরিপূরেস্সতী’তি নেতং ঠানং ৰিজ্জতি। ‘সম্মাসমাধিং অপরিপূরেত্ৰা সংযোজনানি পজহিস্সতী’তি নেতং ঠানং ৰিজ্জতি। ‘সংযোজনানি অপ্পহায নিব্বানং সচ্ছিকরিস্সতী’তি নেতং ঠানং ৰিজ্জতি।
68. ‘‘‘So vata, bhikkhave, bhikkhu saṅgaṇikārāmo saṅgaṇikarato saṅgaṇikārāmataṃ anuyutto, gaṇārāmo gaṇarato gaṇārāmataṃ anuyutto, eko paviveke abhiramissatī’ti netaṃ ṭhānaṃ vijjati. ‘Eko paviveke anabhiramanto cittassa nimittaṃ gahessatī’ti netaṃ ṭhānaṃ vijjati. ‘Cittassa nimittaṃ agaṇhanto sammādiṭṭhiṃ paripūressatī’ti netaṃ ṭhānaṃ vijjati. ‘Sammādiṭṭhiṃ aparipūretvā sammāsamādhiṃ paripūressatī’ti netaṃ ṭhānaṃ vijjati. ‘Sammāsamādhiṃ aparipūretvā saṃyojanāni pajahissatī’ti netaṃ ṭhānaṃ vijjati. ‘Saṃyojanāni appahāya nibbānaṃ sacchikarissatī’ti netaṃ ṭhānaṃ vijjati.
‘‘‘সো ৰত, ভিক্খৰে, ভিক্খু ন সঙ্গণিকারামো ন সঙ্গণিকরতো ন সঙ্গণিকারামতং অনুযুত্তো, ন গণারামো ন গণরতো ন গণারামতং অনুযুত্তো, একো পৰিৰেকে অভিরমিস্সতী’তি ঠানমেতং ৰিজ্জতি। ‘একো পৰিৰেকে অভিরমন্তো চিত্তস্স নিমিত্তং গহেস্সতী’তি ঠানমেতং ৰিজ্জতি। ‘চিত্তস্স নিমিত্তং গণ্হন্তো সম্মাদিট্ঠিং পরিপূরেস্সতী’তি ঠানমেতং ৰিজ্জতি। ‘সম্মাদিট্ঠিং পরিপূরেত্ৰা সম্মাসমাধিং পরিপূরেস্সতী’তি ঠানমেতং ৰিজ্জতি। ‘সম্মাসমাধিং পরিপূরেত্ৰা সংযোজনানি পজহিস্সতী’তি ঠানমেতং ৰিজ্জতি। ‘সংযোজনানি পহায নিব্বানং সচ্ছিকরিস্সতী’তি ঠানমেতং ৰিজ্জতী’’তি। চতুত্থং।
‘‘‘So vata, bhikkhave, bhikkhu na saṅgaṇikārāmo na saṅgaṇikarato na saṅgaṇikārāmataṃ anuyutto, na gaṇārāmo na gaṇarato na gaṇārāmataṃ anuyutto, eko paviveke abhiramissatī’ti ṭhānametaṃ vijjati. ‘Eko paviveke abhiramanto cittassa nimittaṃ gahessatī’ti ṭhānametaṃ vijjati. ‘Cittassa nimittaṃ gaṇhanto sammādiṭṭhiṃ paripūressatī’ti ṭhānametaṃ vijjati. ‘Sammādiṭṭhiṃ paripūretvā sammāsamādhiṃ paripūressatī’ti ṭhānametaṃ vijjati. ‘Sammāsamādhiṃ paripūretvā saṃyojanāni pajahissatī’ti ṭhānametaṃ vijjati. ‘Saṃyojanāni pahāya nibbānaṃ sacchikarissatī’ti ṭhānametaṃ vijjatī’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. সঙ্গণিকারামসুত্তৰণ্ণনা • 4. Saṅgaṇikārāmasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৫. সঙ্গণিকারামসুত্তাদিৰণ্ণনা • 4-5. Saṅgaṇikārāmasuttādivaṇṇanā
