| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༤. སངྒཎིཀཱརཱམསུཏྟཾ
4. Saṅgaṇikārāmasuttaṃ
༦༨. ‘‘‘སོ ཝཏ, བྷིཀྑཝེ, བྷིཀྑུ སངྒཎིཀཱརཱམོ སངྒཎིཀརཏོ སངྒཎིཀཱརཱམཏཾ ཨནུཡུཏྟོ, གཎཱརཱམོ གཎརཏོ གཎཱརཱམཏཾ ཨནུཡུཏྟོ, ཨེཀོ པཝིཝེཀེ ཨབྷིརམིསྶཏཱི’ཏི ནེཏཾ ཋཱནཾ ཝིཛྫཏི། ‘ཨེཀོ པཝིཝེཀེ ཨནབྷིརམནྟོ ཙིཏྟསྶ ནིམིཏྟཾ གཧེསྶཏཱི’ཏི ནེཏཾ ཋཱནཾ ཝིཛྫཏི། ‘ཙིཏྟསྶ ནིམིཏྟཾ ཨགཎྷནྟོ སམྨཱདིཊྛིཾ པརིཔཱུརེསྶཏཱི’ཏི ནེཏཾ ཋཱནཾ ཝིཛྫཏི། ‘སམྨཱདིཊྛིཾ ཨཔརིཔཱུརེཏྭཱ སམྨཱསམཱདྷིཾ པརིཔཱུརེསྶཏཱི’ཏི ནེཏཾ ཋཱནཾ ཝིཛྫཏི། ‘སམྨཱསམཱདྷིཾ ཨཔརིཔཱུརེཏྭཱ སཾཡོཛནཱནི པཛཧིསྶཏཱི’ཏི ནེཏཾ ཋཱནཾ ཝིཛྫཏི། ‘སཾཡོཛནཱནི ཨཔྤཧཱཡ ནིབྦཱནཾ སཙྪིཀརིསྶཏཱི’ཏི ནེཏཾ ཋཱནཾ ཝིཛྫཏི།
68. ‘‘‘So vata, bhikkhave, bhikkhu saṅgaṇikārāmo saṅgaṇikarato saṅgaṇikārāmataṃ anuyutto, gaṇārāmo gaṇarato gaṇārāmataṃ anuyutto, eko paviveke abhiramissatī’ti netaṃ ṭhānaṃ vijjati. ‘Eko paviveke anabhiramanto cittassa nimittaṃ gahessatī’ti netaṃ ṭhānaṃ vijjati. ‘Cittassa nimittaṃ agaṇhanto sammādiṭṭhiṃ paripūressatī’ti netaṃ ṭhānaṃ vijjati. ‘Sammādiṭṭhiṃ aparipūretvā sammāsamādhiṃ paripūressatī’ti netaṃ ṭhānaṃ vijjati. ‘Sammāsamādhiṃ aparipūretvā saṃyojanāni pajahissatī’ti netaṃ ṭhānaṃ vijjati. ‘Saṃyojanāni appahāya nibbānaṃ sacchikarissatī’ti netaṃ ṭhānaṃ vijjati.
‘‘‘སོ ཝཏ, བྷིཀྑཝེ, བྷིཀྑུ ན སངྒཎིཀཱརཱམོ ན སངྒཎིཀརཏོ ན སངྒཎིཀཱརཱམཏཾ ཨནུཡུཏྟོ, ན གཎཱརཱམོ ན གཎརཏོ ན གཎཱརཱམཏཾ ཨནུཡུཏྟོ, ཨེཀོ པཝིཝེཀེ ཨབྷིརམིསྶཏཱི’ཏི ཋཱནམེཏཾ ཝིཛྫཏི། ‘ཨེཀོ པཝིཝེཀེ ཨབྷིརམནྟོ ཙིཏྟསྶ ནིམིཏྟཾ གཧེསྶཏཱི’ཏི ཋཱནམེཏཾ ཝིཛྫཏི། ‘ཙིཏྟསྶ ནིམིཏྟཾ གཎྷནྟོ སམྨཱདིཊྛིཾ པརིཔཱུརེསྶཏཱི’ཏི ཋཱནམེཏཾ ཝིཛྫཏི། ‘སམྨཱདིཊྛིཾ པརིཔཱུརེཏྭཱ སམྨཱསམཱདྷིཾ པརིཔཱུརེསྶཏཱི’ཏི ཋཱནམེཏཾ ཝིཛྫཏི། ‘སམྨཱསམཱདྷིཾ པརིཔཱུརེཏྭཱ སཾཡོཛནཱནི པཛཧིསྶཏཱི’ཏི ཋཱནམེཏཾ ཝིཛྫཏི། ‘སཾཡོཛནཱནི པཧཱཡ ནིབྦཱནཾ སཙྪིཀརིསྶཏཱི’ཏི ཋཱནམེཏཾ ཝིཛྫཏཱི’’ཏི། ཙཏུཏྠཾ།
‘‘‘So vata, bhikkhave, bhikkhu na saṅgaṇikārāmo na saṅgaṇikarato na saṅgaṇikārāmataṃ anuyutto, na gaṇārāmo na gaṇarato na gaṇārāmataṃ anuyutto, eko paviveke abhiramissatī’ti ṭhānametaṃ vijjati. ‘Eko paviveke abhiramanto cittassa nimittaṃ gahessatī’ti ṭhānametaṃ vijjati. ‘Cittassa nimittaṃ gaṇhanto sammādiṭṭhiṃ paripūressatī’ti ṭhānametaṃ vijjati. ‘Sammādiṭṭhiṃ paripūretvā sammāsamādhiṃ paripūressatī’ti ṭhānametaṃ vijjati. ‘Sammāsamādhiṃ paripūretvā saṃyojanāni pajahissatī’ti ṭhānametaṃ vijjati. ‘Saṃyojanāni pahāya nibbānaṃ sacchikarissatī’ti ṭhānametaṃ vijjatī’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༤. སངྒཎིཀཱརཱམསུཏྟཝཎྞནཱ • 4. Saṅgaṇikārāmasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༥. སངྒཎིཀཱརཱམསུཏྟཱདིཝཎྞནཱ • 4-5. Saṅgaṇikārāmasuttādivaṇṇanā
