| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫-৪২. সঙ্গারৰসুত্তাদিৰণ্ণনা
5-42. Saṅgāravasuttādivaṇṇanā
১১৭-১৫৪. পঞ্চমে অপ্পকাতি থোকা, ন বহূ। অথাযং ইতরা পজাতি যা পনাযং অৰসেসা পজা সক্কাযদিট্ঠিতীরমেৰ অনুধাৰতি, অযমেৰ বহুতরাতি অত্থো। সম্মদক্খাতেতি সম্মা অক্খাতে সুকথিতে। ধম্মেতি তৰ দেসনাধম্মে। ধম্মানুৰত্তিনোতি তং ধম্মং সুত্ৰা তদনুচ্ছৰিকং পটিপদং পূরেত্ৰা মগ্গফলসচ্ছিকরণেন ধম্মানুৰত্তিনো। মচ্চুনো ঠানভূতন্তি কিলেসমারসঙ্খাতস্স মচ্চুনো নিৰাসট্ঠানভূতং। সুদুত্তরং তরিত্ৰা পারমেস্সন্তীতি যে জনা ধম্মানুৰত্তিনো, তে এতং সুদুত্তরং দুরতিক্কমং মারধেয্যং তরিত্ৰা অতিক্কমিত্ৰা নিব্বানপারং গমিস্সন্তি।
117-154. Pañcame appakāti thokā, na bahū. Athāyaṃ itarā pajāti yā panāyaṃ avasesā pajā sakkāyadiṭṭhitīrameva anudhāvati, ayameva bahutarāti attho. Sammadakkhāteti sammā akkhāte sukathite. Dhammeti tava desanādhamme. Dhammānuvattinoti taṃ dhammaṃ sutvā tadanucchavikaṃ paṭipadaṃ pūretvā maggaphalasacchikaraṇena dhammānuvattino. Maccuno ṭhānabhūtanti kilesamārasaṅkhātassa maccuno nivāsaṭṭhānabhūtaṃ. Suduttaraṃ taritvā pāramessantīti ye janā dhammānuvattino, te etaṃ suduttaraṃ duratikkamaṃ māradheyyaṃ taritvā atikkamitvā nibbānapāraṃ gamissanti.
কণ্হং ধম্মং ৰিপ্পহাযাতি কাযদুচ্চরিতাদিভেদং অকুসলং ধম্মং জহিত্ৰা। সুক্কং ভাৰেথাতি পণ্ডিতো ভিক্খু অভিনিক্খমনতো পট্ঠায যাৰ অরহত্তমগ্গা কাযসুচরিতাদিভেদং সুক্কং ধম্মং ভাৰেয্য। ওকা অনোকমাগম্মাতি ওকং ৰুচ্চতি আলযো, অনোকং ৰুচ্চতি অনালযো। আলযতো নিক্খমিত্ৰা অনালযসঙ্খাতং নিব্বানং পটিচ্চ আরব্ভ।
Kaṇhaṃ dhammaṃ vippahāyāti kāyaduccaritādibhedaṃ akusalaṃ dhammaṃ jahitvā. Sukkaṃ bhāvethāti paṇḍito bhikkhu abhinikkhamanato paṭṭhāya yāva arahattamaggā kāyasucaritādibhedaṃ sukkaṃ dhammaṃ bhāveyya. Okā anokamāgammāti okaṃ vuccati ālayo, anokaṃ vuccati anālayo. Ālayato nikkhamitvā anālayasaṅkhātaṃ nibbānaṃ paṭicca ārabbha.
তত্রাভিরতিমিচ্ছেয্যাতি যস্মিং অনালযসঙ্খাতে ৰিৰেকে নিব্বানে ইমেহি সত্তেহি দুরভিরমং, তত্রাভিরতিমিচ্ছেয্য। দুৰিধেপি কামেতি ৰত্থুকামকিলেসকামে। চিত্তক্লেসেহীতি পঞ্চহি নীৰরণেহি অত্তানং পরিযোদপেয্য ৰোদাপেয্য, পরিসোধেয্যাতি অত্থো।
Tatrābhiratimiccheyyāti yasmiṃ anālayasaṅkhāte viveke nibbāne imehi sattehi durabhiramaṃ, tatrābhiratimiccheyya. Duvidhepi kāmeti vatthukāmakilesakāme. Cittaklesehīti pañcahi nīvaraṇehi attānaṃ pariyodapeyya vodāpeyya, parisodheyyāti attho.
সম্বোধিযঙ্গেসূতি সম্বোজ্ঝঙ্গেসু। সম্মা চিত্তং সুভাৰিতন্তি সম্মা হেতুনা নযেন চিত্তং সুট্ঠু ভাৰিতং ৰড্ঢিতং। জুতিমন্তোতি আনুভাৰৰন্তো, অরহত্তমগ্গঞাণজুতিযা খন্ধাদিভেদে ধম্মে জোতেত্ৰা ঠিতাতি অত্থো। তে লোকে পরিনিব্বুতাতি তে ইমস্মিং খন্ধাদিলোকে পরিনিব্বুতা নাম অরহত্তপ্পত্তিতো পট্ঠায কিলেসৰট্টস্স খেপিতত্তা সউপাদিসেসেন, চরিমচিত্তনিরোধেন খন্ধৰট্টস্স খেপিতত্তা অনুপাদিসেসেন চাতি দ্ৰীহি পরিনিব্বানেহি পরিনিব্বুতা, অনুপাদানো ৰিয পদীপো অপণ্ণত্তিকভাৰং গতাতি অত্থো।
Sambodhiyaṅgesūti sambojjhaṅgesu. Sammā cittaṃ subhāvitanti sammā hetunā nayena cittaṃ suṭṭhu bhāvitaṃ vaḍḍhitaṃ. Jutimantoti ānubhāvavanto, arahattamaggañāṇajutiyā khandhādibhede dhamme jotetvā ṭhitāti attho. Te loke parinibbutāti te imasmiṃ khandhādiloke parinibbutā nāma arahattappattito paṭṭhāya kilesavaṭṭassa khepitattā saupādisesena, carimacittanirodhena khandhavaṭṭassa khepitattā anupādisesena cāti dvīhi parinibbānehi parinibbutā, anupādāno viya padīpo apaṇṇattikabhāvaṃ gatāti attho.
ইতো পরং যাৰ ততিযো পণ্ণাসকো, তাৰ উত্তানত্থমেৰ।
Ito paraṃ yāva tatiyo paṇṇāsako, tāva uttānatthameva.
সঙ্গারৰসুত্তাদিৰণ্ণনা নিট্ঠিতা।
Saṅgāravasuttādivaṇṇanā niṭṭhitā.
ততিযপণ্ণাসকং নিট্ঠিতং।
Tatiyapaṇṇāsakaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. সঙ্গারৰসুত্তং • 5. Saṅgāravasuttaṃ
৬. ওরিমতীরসুত্তং • 6. Orimatīrasuttaṃ
৭. পঠমপচ্চোরোহণীসুত্তং • 7. Paṭhamapaccorohaṇīsuttaṃ
৮. দুতিযপচ্চোরোহণীসুত্তং • 8. Dutiyapaccorohaṇīsuttaṃ
৯. পুব্বঙ্গমসুত্তং • 9. Pubbaṅgamasuttaṃ
১০. আসৰক্খযসুত্তং • 10. Āsavakkhayasuttaṃ
১. পঠমসুত্তং • 1. Paṭhamasuttaṃ
২. দুতিযসুত্তং • 2. Dutiyasuttaṃ
৩. ততিযসুত্তং • 3. Tatiyasuttaṃ
৪. চতুত্থসুত্তং • 4. Catutthasuttaṃ
৫. পঞ্চমসুত্তং • 5. Pañcamasuttaṃ
৬. ছট্ঠসুত্তং • 6. Chaṭṭhasuttaṃ
৭. সত্তমসুত্তং • 7. Sattamasuttaṃ
৮. অট্ঠমসুত্তং • 8. Aṭṭhamasuttaṃ
৯. নৰমসুত্তং • 9. Navamasuttaṃ
১০. দসমসুত্তং • 10. Dasamasuttaṃ
১১. একাদসমসুত্তং • 11. Ekādasamasuttaṃ
১. সাধুসুত্তং • 1. Sādhusuttaṃ
২. অরিযধম্মসুত্তং • 2. Ariyadhammasuttaṃ
৩. অকুসলসুত্তং • 3. Akusalasuttaṃ
৪. অত্থসুত্তং • 4. Atthasuttaṃ
৫. ধম্মসুত্তং • 5. Dhammasuttaṃ
৬. সাসৰসুত্তং • 6. Sāsavasuttaṃ
৭. সাৰজ্জসুত্তং • 7. Sāvajjasuttaṃ
৮. তপনীযসুত্তং • 8. Tapanīyasuttaṃ
৯. আচযগামিসুত্তং • 9. Ācayagāmisuttaṃ
১০. দুক্খুদ্রযসুত্তং • 10. Dukkhudrayasuttaṃ
১১. দুক্খৰিপাকসুত্তং • 11. Dukkhavipākasuttaṃ
১. অরিযমগ্গসুত্তং • 1. Ariyamaggasuttaṃ
২. কণ্হমগ্গসুত্তং • 2. Kaṇhamaggasuttaṃ
৩. সদ্ধম্মসুত্তং • 3. Saddhammasuttaṃ
৪. সপ্পুরিসধম্মসুত্তং • 4. Sappurisadhammasuttaṃ
৫. উপ্পাদেতব্বসুত্তং • 5. Uppādetabbasuttaṃ
৬. আসেৰিতব্বসুত্তং • 6. Āsevitabbasuttaṃ
৭. ভাৰেতব্বসুত্তং • 7. Bhāvetabbasuttaṃ
৮. বহুলীকাতব্বসুত্তং • 8. Bahulīkātabbasuttaṃ
৯. অনুস্সরিতব্বসুত্তং • 9. Anussaritabbasuttaṃ
১০. সচ্ছিকাতব্বসুত্তং • 10. Sacchikātabbasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৫-৬. সঙ্গারৰসুত্তাদিৰণ্ণনা • 5-6. Saṅgāravasuttādivaṇṇanā
৭-৮. পচ্চোরোহণীসুত্তদ্ৰযৰণ্ণনা • 7-8. Paccorohaṇīsuttadvayavaṇṇanā
(১৩) ৩. পরিসুদ্ধৰগ্গৰণ্ণনা • (13) 3. Parisuddhavaggavaṇṇanā
(১৪) ৪. সাধুৰগ্গৰণ্ণনা • (14) 4. Sādhuvaggavaṇṇanā
