| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5-6. сан̇г̇ааравасуд̇д̇аад̣̇иван̣н̣анаа
5-6. Saṅgāravasuttādivaṇṇanā
117-118. бан̃жамз оримам̣ д̇ийранд̇и логияам̣ оримад̇ийрам̣. бааримам̣ д̇ийранд̇и логуд̇д̇арам̣ бааримад̇ийрам̣. баараг̇ааминод̇и ниб̣б̣аанаг̇аамино. д̇ийрамзваануд̇хаавад̇ийд̇и саггааяад̣̇идтид̇ийрам̣язва ануд̇хаавад̇и. д̇хаммз д̇хаммаанувад̇д̇инод̇и саммаа агкаад̇з нававид̇хз логуд̇д̇арад̇хаммз ануд̇хаммавад̇д̇ино, д̇асса д̇хаммассаанужчавигааяа сахасийлааяа буб̣б̣абхааг̇абадибад̇д̇ияаа бавад̇д̇амаанаа. мажжуд̇хзяяам̣ суд̣̇уд̇д̇аранд̇и мажжуно таанабхууд̇ам̣ д̇збхуумагаваддам̣ суд̣̇уд̇д̇арам̣ д̇арид̇ваа. баарамзссанд̇ийд̇и ниб̣б̣аанам̣ баабун̣иссанд̇и.
117-118. Pañcame orimaṃ tīranti lokiyaṃ orimatīraṃ. Pārimaṃ tīranti lokuttaraṃ pārimatīraṃ. Pāragāminoti nibbānagāmino. Tīramevānudhāvatīti sakkāyadiṭṭhitīraṃyeva anudhāvati. Dhammedhammānuvattinoti sammā akkhāte navavidhe lokuttaradhamme anudhammavattino, tassa dhammassānucchavikāya sahasīlāya pubbabhāgapaṭipattiyā pavattamānā. Maccudheyyaṃsuduttaranti maccuno ṭhānabhūtaṃ tebhūmakavaṭṭaṃ suduttaraṃ taritvā. Pāramessantīti nibbānaṃ pāpuṇissanti.
огаа аногамааг̇аммаад̇и ваддад̇о виваддам̣ ааг̇амма. вивзгз яад̇т̇а д̣̇уураманд̇и яасмим̣ гааяажид̇д̇аубад̇хививзгз д̣̇урабхирамам̣, д̇ад̇раабхирад̇имижчзяяа. хид̇ваа гаамзд̇и д̣̇увид̇хзби гаамз бахааяа. агин̃жанод̇и ниббалиб̣од̇хо. аад̣̇аанабадиниссаг̇зд̇и г̇ахан̣абадиниссаг̇г̇асан̇каад̇з ниб̣б̣аанз. анубаад̣̇ааяа яз рад̇аад̇и жад̇уухи убаад̣̇аанзхи гин̃жиби анубаад̣̇ияид̇ваа яз абхирад̇аа. бариниб̣б̣уд̇аад̇и д̇з абажжаяабариниб̣б̣аанзна бариниб̣б̣уд̇аа наамаад̇и взд̣̇ид̇аб̣б̣аа. чадтам̣ бхигкуунам̣ д̣̇зсид̇ам̣.
Okā anokamāgammāti vaṭṭato vivaṭṭaṃ āgamma. Viveke yattha dūramanti yasmiṃ kāyacittaupadhiviveke durabhiramaṃ, tatrābhiratimiccheyya. Hitvā kāmeti duvidhepi kāme pahāya. Akiñcanoti nippalibodho. Ādānapaṭinissageti gahaṇapaṭinissaggasaṅkhāte nibbāne. Anupādāya ye ratāti catūhi upādānehi kiñcipi anupādiyitvā ye abhiratā. Parinibbutāti te apaccayaparinibbānena parinibbutā nāmāti veditabbā. Chaṭṭhaṃ bhikkhūnaṃ desitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. сан̇г̇ааравасуд̇д̇ам̣ • 5. Saṅgāravasuttaṃ
6. оримад̇ийрасуд̇д̇ам̣ • 6. Orimatīrasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-42. сан̇г̇ааравасуд̇д̇аад̣̇иван̣н̣анаа • 5-42. Saṅgāravasuttādivaṇṇanā
