| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೫-೬. ಸಙ್ಗಾರವಸುತ್ತಾದಿವಣ್ಣನಾ
5-6. Saṅgāravasuttādivaṇṇanā
೧೧೭-೧೧೮. ಪಞ್ಚಮೇ ಓರಿಮಂ ತೀರನ್ತಿ ಲೋಕಿಯಂ ಓರಿಮತೀರಂ। ಪಾರಿಮಂ ತೀರನ್ತಿ ಲೋಕುತ್ತರಂ ಪಾರಿಮತೀರಂ। ಪಾರಗಾಮಿನೋತಿ ನಿಬ್ಬಾನಗಾಮಿನೋ। ತೀರಮೇವಾನುಧಾವತೀತಿ ಸಕ್ಕಾಯದಿಟ್ಠಿತೀರಂಯೇವ ಅನುಧಾವತಿ। ಧಮ್ಮೇ ಧಮ್ಮಾನುವತ್ತಿನೋತಿ ಸಮ್ಮಾ ಅಕ್ಖಾತೇ ನವವಿಧೇ ಲೋಕುತ್ತರಧಮ್ಮೇ ಅನುಧಮ್ಮವತ್ತಿನೋ, ತಸ್ಸ ಧಮ್ಮಸ್ಸಾನುಚ್ಛವಿಕಾಯ ಸಹಸೀಲಾಯ ಪುಬ್ಬಭಾಗಪಟಿಪತ್ತಿಯಾ ಪವತ್ತಮಾನಾ। ಮಚ್ಚುಧೇಯ್ಯಂ ಸುದುತ್ತರನ್ತಿ ಮಚ್ಚುನೋ ಠಾನಭೂತಂ ತೇಭೂಮಕವಟ್ಟಂ ಸುದುತ್ತರಂ ತರಿತ್ವಾ। ಪಾರಮೇಸ್ಸನ್ತೀತಿ ನಿಬ್ಬಾನಂ ಪಾಪುಣಿಸ್ಸನ್ತಿ।
117-118. Pañcame orimaṃ tīranti lokiyaṃ orimatīraṃ. Pārimaṃ tīranti lokuttaraṃ pārimatīraṃ. Pāragāminoti nibbānagāmino. Tīramevānudhāvatīti sakkāyadiṭṭhitīraṃyeva anudhāvati. Dhammedhammānuvattinoti sammā akkhāte navavidhe lokuttaradhamme anudhammavattino, tassa dhammassānucchavikāya sahasīlāya pubbabhāgapaṭipattiyā pavattamānā. Maccudheyyaṃsuduttaranti maccuno ṭhānabhūtaṃ tebhūmakavaṭṭaṃ suduttaraṃ taritvā. Pāramessantīti nibbānaṃ pāpuṇissanti.
ಓಕಾ ಅನೋಕಮಾಗಮ್ಮಾತಿ ವಟ್ಟತೋ ವಿವಟ್ಟಂ ಆಗಮ್ಮ। ವಿವೇಕೇ ಯತ್ಥ ದೂರಮನ್ತಿ ಯಸ್ಮಿಂ ಕಾಯಚಿತ್ತಉಪಧಿವಿವೇಕೇ ದುರಭಿರಮಂ, ತತ್ರಾಭಿರತಿಮಿಚ್ಛೇಯ್ಯ। ಹಿತ್ವಾ ಕಾಮೇತಿ ದುವಿಧೇಪಿ ಕಾಮೇ ಪಹಾಯ। ಅಕಿಞ್ಚನೋತಿ ನಿಪ್ಪಲಿಬೋಧೋ। ಆದಾನಪಟಿನಿಸ್ಸಗೇತಿ ಗಹಣಪಟಿನಿಸ್ಸಗ್ಗಸಙ್ಖಾತೇ ನಿಬ್ಬಾನೇ। ಅನುಪಾದಾಯ ಯೇ ರತಾತಿ ಚತೂಹಿ ಉಪಾದಾನೇಹಿ ಕಿಞ್ಚಿಪಿ ಅನುಪಾದಿಯಿತ್ವಾ ಯೇ ಅಭಿರತಾ। ಪರಿನಿಬ್ಬುತಾತಿ ತೇ ಅಪಚ್ಚಯಪರಿನಿಬ್ಬಾನೇನ ಪರಿನಿಬ್ಬುತಾ ನಾಮಾತಿ ವೇದಿತಬ್ಬಾ। ಛಟ್ಠಂ ಭಿಕ್ಖೂನಂ ದೇಸಿತಂ।
Okā anokamāgammāti vaṭṭato vivaṭṭaṃ āgamma. Viveke yattha dūramanti yasmiṃ kāyacittaupadhiviveke durabhiramaṃ, tatrābhiratimiccheyya. Hitvā kāmeti duvidhepi kāme pahāya. Akiñcanoti nippalibodho. Ādānapaṭinissageti gahaṇapaṭinissaggasaṅkhāte nibbāne. Anupādāya ye ratāti catūhi upādānehi kiñcipi anupādiyitvā ye abhiratā. Parinibbutāti te apaccayaparinibbānena parinibbutā nāmāti veditabbā. Chaṭṭhaṃ bhikkhūnaṃ desitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೫. ಸಙ್ಗಾರವಸುತ್ತಂ • 5. Saṅgāravasuttaṃ
೬. ಓರಿಮತೀರಸುತ್ತಂ • 6. Orimatīrasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೫-೪೨. ಸಙ್ಗಾರವಸುತ್ತಾದಿವಣ್ಣನಾ • 5-42. Saṅgāravasuttādivaṇṇanā
