| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
5-6. සඞ්‌ගාරවසුත්‌තාදිවණ්‌ණනා
5-6. Saṅgāravasuttādivaṇṇanā
117-118. පඤ්‌චමෙ ඔරිමං තීරන්‌ති ලොකියං ඔරිමතීරං. පාරිමං තීරන්‌ති ලොකුත්‌තරං පාරිමතීරං. පාරගාමිනොති නිබ්‌බානගාමිනො. තීරමෙවානුධාවතීති සක්‌කායදිට්‌ඨිතීරංයෙව අනුධාවති. ධම්‌මෙ ධම්‌මානුවත්‌තිනොති සම්‌මා අක්‌ඛාතෙ නවවිධෙ ලොකුත්‌තරධම්‌මෙ අනුධම්‌මවත්‌තිනො, තස්‌ස ධම්‌මස්‌සානුච්‌ඡවිකාය සහසීලාය පුබ්‌බභාගපටිපත්‌තියා පවත්‌තමානා. මච්‌චුධෙය්‍යං සුදුත්‌තරන්‌ති මච්‌චුනො ඨානභූතං තෙභූමකවට්‌ටං සුදුත්‌තරං තරිත්‌වා. පාරමෙස්‌සන්‌තීති නිබ්‌බානං පාපුණිස්‌සන්‌ති.
117-118. Pañcame orimaṃ tīranti lokiyaṃ orimatīraṃ. Pārimaṃ tīranti lokuttaraṃ pārimatīraṃ. Pāragāminoti nibbānagāmino. Tīramevānudhāvatīti sakkāyadiṭṭhitīraṃyeva anudhāvati. Dhammedhammānuvattinoti sammā akkhāte navavidhe lokuttaradhamme anudhammavattino, tassa dhammassānucchavikāya sahasīlāya pubbabhāgapaṭipattiyā pavattamānā. Maccudheyyaṃsuduttaranti maccuno ṭhānabhūtaṃ tebhūmakavaṭṭaṃ suduttaraṃ taritvā. Pāramessantīti nibbānaṃ pāpuṇissanti.
ඔකා අනොකමාගම්‌මාති වට්‌ටතො විවට්‌ටං ආගම්‌ම. විවෙකෙ යත්‌ථ දූරමන්‌ති යස්‌මිං කායචිත්‌තඋපධිවිවෙකෙ දුරභිරමං, තත්‍රාභිරතිමිච්‌ඡෙය්‍ය. හිත්‌වා කාමෙති දුවිධෙපි කාමෙ පහාය. අකිඤ්‌චනොති නිප්‌පලිබොධො. ආදානපටිනිස්‌සගෙති ගහණපටිනිස්‌සග්‌ගසඞ්‌ඛාතෙ නිබ්‌බානෙ. අනුපාදාය යෙ රතාති චතූහි උපාදානෙහි කිඤ්‌චිපි අනුපාදියිත්‌වා යෙ අභිරතා. පරිනිබ්‌බුතාති තෙ අපච්‌චයපරිනිබ්‌බානෙන පරිනිබ්‌බුතා නාමාති වෙදිතබ්‌බා. ඡට්‌ඨං භික්‌ඛූනං දෙසිතං.
Okā anokamāgammāti vaṭṭato vivaṭṭaṃ āgamma. Viveke yattha dūramanti yasmiṃ kāyacittaupadhiviveke durabhiramaṃ, tatrābhiratimiccheyya. Hitvā kāmeti duvidhepi kāme pahāya. Akiñcanoti nippalibodho. Ādānapaṭinissageti gahaṇapaṭinissaggasaṅkhāte nibbāne. Anupādāya ye ratāti catūhi upādānehi kiñcipi anupādiyitvā ye abhiratā. Parinibbutāti te apaccayaparinibbānena parinibbutā nāmāti veditabbā. Chaṭṭhaṃ bhikkhūnaṃ desitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
5. සඞ්‌ගාරවසුත්‌තං • 5. Saṅgāravasuttaṃ
6. ඔරිමතීරසුත්‌තං • 6. Orimatīrasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-42. සඞ්‌ගාරවසුත්‌තාදිවණ්‌ණනා • 5-42. Saṅgāravasuttādivaṇṇanā
