| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5-42. සඞ්‌ගාරවසුත්‌තාදිවණ්‌ණනා
5-42. Saṅgāravasuttādivaṇṇanā
117-154. පඤ්‌චමෙ අප්‌පකාති ථොකා, න බහූ. අථායං ඉතරා පජාති යා පනායං අවසෙසා පජා සක්‌කායදිට්‌ඨිතීරමෙව අනුධාවති, අයමෙව බහුතරාති අත්‌ථො. සම්‌මදක්‌ඛාතෙති සම්‌මා අක්‌ඛාතෙ සුකථිතෙ. ධම්‌මෙති තව දෙසනාධම්‌මෙ. ධම්‌මානුවත්‌තිනොති තං ධම්‌මං සුත්‌වා තදනුච්‌ඡවිකං පටිපදං පූරෙත්‌වා මග්‌ගඵලසච්‌ඡිකරණෙන ධම්‌මානුවත්‌තිනො. මච්‌චුනො ඨානභූතන්‌ති කිලෙසමාරසඞ්‌ඛාතස්‌ස මච්‌චුනො නිවාසට්‌ඨානභූතං. සුදුත්‌තරං තරිත්‌වා පාරමෙස්‌සන්‌තීති යෙ ජනා ධම්‌මානුවත්‌තිනො, තෙ එතං සුදුත්‌තරං දුරතික්‌කමං මාරධෙය්‍යං තරිත්‌වා අතික්‌කමිත්‌වා නිබ්‌බානපාරං ගමිස්‌සන්‌ති.
117-154. Pañcame appakāti thokā, na bahū. Athāyaṃ itarā pajāti yā panāyaṃ avasesā pajā sakkāyadiṭṭhitīrameva anudhāvati, ayameva bahutarāti attho. Sammadakkhāteti sammā akkhāte sukathite. Dhammeti tava desanādhamme. Dhammānuvattinoti taṃ dhammaṃ sutvā tadanucchavikaṃ paṭipadaṃ pūretvā maggaphalasacchikaraṇena dhammānuvattino. Maccuno ṭhānabhūtanti kilesamārasaṅkhātassa maccuno nivāsaṭṭhānabhūtaṃ. Suduttaraṃ taritvā pāramessantīti ye janā dhammānuvattino, te etaṃ suduttaraṃ duratikkamaṃ māradheyyaṃ taritvā atikkamitvā nibbānapāraṃ gamissanti.
කණ්‌හං ධම්‌මං විප්‌පහායාති කායදුච්‌චරිතාදිභෙදං අකුසලං ධම්‌මං ජහිත්‌වා. සුක්‌කං භාවෙථාති පණ්‌ඩිතො භික්‌ඛු අභිනික්‌ඛමනතො පට්‌ඨාය යාව අරහත්‌තමග්‌ගා කායසුචරිතාදිභෙදං සුක්‌කං ධම්‌මං භාවෙය්‍ය. ඔකා අනොකමාගම්‌මාති ඔකං වුච්‌චති ආලයො, අනොකං වුච්‌චති අනාලයො. ආලයතො නික්‌ඛමිත්‌වා අනාලයසඞ්‌ඛාතං නිබ්‌බානං පටිච්‌ච ආරබ්‌භ.
Kaṇhaṃ dhammaṃ vippahāyāti kāyaduccaritādibhedaṃ akusalaṃ dhammaṃ jahitvā. Sukkaṃ bhāvethāti paṇḍito bhikkhu abhinikkhamanato paṭṭhāya yāva arahattamaggā kāyasucaritādibhedaṃ sukkaṃ dhammaṃ bhāveyya. Okā anokamāgammāti okaṃ vuccati ālayo, anokaṃ vuccati anālayo. Ālayato nikkhamitvā anālayasaṅkhātaṃ nibbānaṃ paṭicca ārabbha.
තත්‍රාභිරතිමිච්‌ඡෙය්‍යාති යස්‌මිං අනාලයසඞ්‌ඛාතෙ විවෙකෙ නිබ්‌බානෙ ඉමෙහි සත්‌තෙහි දුරභිරමං, තත්‍රාභිරතිමිච්‌ඡෙය්‍ය. දුවිධෙපි කාමෙති වත්‌ථුකාමකිලෙසකාමෙ. චිත්‌තක්‌ලෙසෙහීති පඤ්‌චහි නීවරණෙහි අත්‌තානං පරියොදපෙය්‍ය වොදාපෙය්‍ය, පරිසොධෙය්‍යාති අත්‌ථො.
Tatrābhiratimiccheyyāti yasmiṃ anālayasaṅkhāte viveke nibbāne imehi sattehi durabhiramaṃ, tatrābhiratimiccheyya. Duvidhepi kāmeti vatthukāmakilesakāme. Cittaklesehīti pañcahi nīvaraṇehi attānaṃ pariyodapeyya vodāpeyya, parisodheyyāti attho.
සම්‌බොධියඞ්‌ගෙසූති සම්‌බොජ්‌ඣඞ්‌ගෙසු. සම්‌මා චිත්‌තං සුභාවිතන්‌ති සම්‌මා හෙතුනා නයෙන චිත්‌තං සුට්‌ඨු භාවිතං වඩ්‌ඪිතං. ජුතිමන්‌තොති ආනුභාවවන්‌තො, අරහත්‌තමග්‌ගඤාණජුතියා ඛන්‌ධාදිභෙදෙ ධම්‌මෙ ජොතෙත්‌වා ඨිතාති අත්‌ථො. තෙ ලොකෙ පරිනිබ්‌බුතාති තෙ ඉමස්‌මිං ඛන්‌ධාදිලොකෙ පරිනිබ්‌බුතා නාම අරහත්‌තප්‌පත්‌තිතො පට්‌ඨාය කිලෙසවට්‌ටස්‌ස ඛෙපිතත්‌තා සඋපාදිසෙසෙන, චරිමචිත්‌තනිරොධෙන ඛන්‌ධවට්‌ටස්‌ස ඛෙපිතත්‌තා අනුපාදිසෙසෙන චාති ද්‌වීහි පරිනිබ්‌බානෙහි පරිනිබ්‌බුතා, අනුපාදානො විය පදීපො අපණ්‌ණත්‌තිකභාවං ගතාති අත්‌ථො.
Sambodhiyaṅgesūti sambojjhaṅgesu. Sammā cittaṃ subhāvitanti sammā hetunā nayena cittaṃ suṭṭhu bhāvitaṃ vaḍḍhitaṃ. Jutimantoti ānubhāvavanto, arahattamaggañāṇajutiyā khandhādibhede dhamme jotetvā ṭhitāti attho. Te loke parinibbutāti te imasmiṃ khandhādiloke parinibbutā nāma arahattappattito paṭṭhāya kilesavaṭṭassa khepitattā saupādisesena, carimacittanirodhena khandhavaṭṭassa khepitattā anupādisesena cāti dvīhi parinibbānehi parinibbutā, anupādāno viya padīpo apaṇṇattikabhāvaṃ gatāti attho.
ඉතො පරං යාව තතියො පණ්‌ණාසකො, තාව උත්‌තානත්‌ථමෙව.
Ito paraṃ yāva tatiyo paṇṇāsako, tāva uttānatthameva.
සඞ්‌ගාරවසුත්‌තාදිවණ්‌ණනා නිට්‌ඨිතා.
Saṅgāravasuttādivaṇṇanā niṭṭhitā.
තතියපණ්‌ණාසකං නිට්‌ඨිතං.
Tatiyapaṇṇāsakaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
5. සඞ්‌ගාරවසුත්‌තං • 5. Saṅgāravasuttaṃ
6. ඔරිමතීරසුත්‌තං • 6. Orimatīrasuttaṃ
7. පඨමපච්‌චොරොහණීසුත්‌තං • 7. Paṭhamapaccorohaṇīsuttaṃ
8. දුතියපච්‌චොරොහණීසුත්‌තං • 8. Dutiyapaccorohaṇīsuttaṃ
9. පුබ්‌බඞ්‌ගමසුත්‌තං • 9. Pubbaṅgamasuttaṃ
10. ආසවක්‌ඛයසුත්‌තං • 10. Āsavakkhayasuttaṃ
1. පඨමසුත්‌තං • 1. Paṭhamasuttaṃ
2. දුතියසුත්‌තං • 2. Dutiyasuttaṃ
3. තතියසුත්‌තං • 3. Tatiyasuttaṃ
4. චතුත්‌ථසුත්‌තං • 4. Catutthasuttaṃ
5. පඤ්‌චමසුත්‌තං • 5. Pañcamasuttaṃ
6. ඡට්‌ඨසුත්‌තං • 6. Chaṭṭhasuttaṃ
7. සත්‌තමසුත්‌තං • 7. Sattamasuttaṃ
8. අට්‌ඨමසුත්‌තං • 8. Aṭṭhamasuttaṃ
9. නවමසුත්‌තං • 9. Navamasuttaṃ
10. දසමසුත්‌තං • 10. Dasamasuttaṃ
11. එකාදසමසුත්‌තං • 11. Ekādasamasuttaṃ
1. සාධුසුත්‌තං • 1. Sādhusuttaṃ
2. අරියධම්‌මසුත්‌තං • 2. Ariyadhammasuttaṃ
3. අකුසලසුත්‌තං • 3. Akusalasuttaṃ
4. අත්‌ථසුත්‌තං • 4. Atthasuttaṃ
5. ධම්‌මසුත්‌තං • 5. Dhammasuttaṃ
6. සාසවසුත්‌තං • 6. Sāsavasuttaṃ
7. සාවජ්‌ජසුත්‌තං • 7. Sāvajjasuttaṃ
8. තපනීයසුත්‌තං • 8. Tapanīyasuttaṃ
9. ආචයගාමිසුත්‌තං • 9. Ācayagāmisuttaṃ
10. දුක්‌ඛුද්‍රයසුත්‌තං • 10. Dukkhudrayasuttaṃ
11. දුක්‌ඛවිපාකසුත්‌තං • 11. Dukkhavipākasuttaṃ
1. අරියමග්‌ගසුත්‌තං • 1. Ariyamaggasuttaṃ
2. කණ්‌හමග්‌ගසුත්‌තං • 2. Kaṇhamaggasuttaṃ
3. සද්‌ධම්‌මසුත්‌තං • 3. Saddhammasuttaṃ
4. සප්‌පුරිසධම්‌මසුත්‌තං • 4. Sappurisadhammasuttaṃ
5. උප්‌පාදෙතබ්‌බසුත්‌තං • 5. Uppādetabbasuttaṃ
6. ආසෙවිතබ්‌බසුත්‌තං • 6. Āsevitabbasuttaṃ
7. භාවෙතබ්‌බසුත්‌තං • 7. Bhāvetabbasuttaṃ
8. බහුලීකාතබ්‌බසුත්‌තං • 8. Bahulīkātabbasuttaṃ
9. අනුස්‌සරිතබ්‌බසුත්‌තං • 9. Anussaritabbasuttaṃ
10. සච්‌ඡිකාතබ්‌බසුත්‌තං • 10. Sacchikātabbasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
5-6. සඞ්‌ගාරවසුත්‌තාදිවණ්‌ණනා • 5-6. Saṅgāravasuttādivaṇṇanā
7-8. පච්‌චොරොහණීසුත්‌තද්‌වයවණ්‌ණනා • 7-8. Paccorohaṇīsuttadvayavaṇṇanā
(13) 3. පරිසුද්‌ධවග්‌ගවණ්‌ණනා • (13) 3. Parisuddhavaggavaṇṇanā
(14) 4. සාධුවග්‌ගවණ්‌ණනා • (14) 4. Sādhuvaggavaṇṇanā
