| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫-੬. ਸਙ੍ਗਾਰવਸੁਤ੍ਤਾਦਿવਣ੍ਣਨਾ
5-6. Saṅgāravasuttādivaṇṇanā
੧੧੭-੧੧੮. ਪਞ੍ਚਮੇ ਓਰਿਮਂ ਤੀਰਨ੍ਤਿ ਲੋਕਿਯਂ ਓਰਿਮਤੀਰਂ। ਪਾਰਿਮਂ ਤੀਰਨ੍ਤਿ ਲੋਕੁਤ੍ਤਰਂ ਪਾਰਿਮਤੀਰਂ। ਪਾਰਗਾਮਿਨੋਤਿ ਨਿਬ੍ਬਾਨਗਾਮਿਨੋ। ਤੀਰਮੇવਾਨੁਧਾવਤੀਤਿ ਸਕ੍ਕਾਯਦਿਟ੍ਠਿਤੀਰਂਯੇવ ਅਨੁਧਾવਤਿ। ਧਮ੍ਮੇ ਧਮ੍ਮਾਨੁવਤ੍ਤਿਨੋਤਿ ਸਮ੍ਮਾ ਅਕ੍ਖਾਤੇ ਨવવਿਧੇ ਲੋਕੁਤ੍ਤਰਧਮ੍ਮੇ ਅਨੁਧਮ੍ਮવਤ੍ਤਿਨੋ, ਤਸ੍ਸ ਧਮ੍ਮਸ੍ਸਾਨੁਚ੍ਛવਿਕਾਯ ਸਹਸੀਲਾਯ ਪੁਬ੍ਬਭਾਗਪਟਿਪਤ੍ਤਿਯਾ ਪવਤ੍ਤਮਾਨਾ। ਮਚ੍ਚੁਧੇਯ੍ਯਂ ਸੁਦੁਤ੍ਤਰਨ੍ਤਿ ਮਚ੍ਚੁਨੋ ਠਾਨਭੂਤਂ ਤੇਭੂਮਕવਟ੍ਟਂ ਸੁਦੁਤ੍ਤਰਂ ਤਰਿਤ੍વਾ। ਪਾਰਮੇਸ੍ਸਨ੍ਤੀਤਿ ਨਿਬ੍ਬਾਨਂ ਪਾਪੁਣਿਸ੍ਸਨ੍ਤਿ।
117-118. Pañcame orimaṃ tīranti lokiyaṃ orimatīraṃ. Pārimaṃ tīranti lokuttaraṃ pārimatīraṃ. Pāragāminoti nibbānagāmino. Tīramevānudhāvatīti sakkāyadiṭṭhitīraṃyeva anudhāvati. Dhammedhammānuvattinoti sammā akkhāte navavidhe lokuttaradhamme anudhammavattino, tassa dhammassānucchavikāya sahasīlāya pubbabhāgapaṭipattiyā pavattamānā. Maccudheyyaṃsuduttaranti maccuno ṭhānabhūtaṃ tebhūmakavaṭṭaṃ suduttaraṃ taritvā. Pāramessantīti nibbānaṃ pāpuṇissanti.
ਓਕਾ ਅਨੋਕਮਾਗਮ੍ਮਾਤਿ વਟ੍ਟਤੋ વਿવਟ੍ਟਂ ਆਗਮ੍ਮ। વਿવੇਕੇ ਯਤ੍ਥ ਦੂਰਮਨ੍ਤਿ ਯਸ੍ਮਿਂ ਕਾਯਚਿਤ੍ਤਉਪਧਿવਿવੇਕੇ ਦੁਰਭਿਰਮਂ, ਤਤ੍ਰਾਭਿਰਤਿਮਿਚ੍ਛੇਯ੍ਯ। ਹਿਤ੍વਾ ਕਾਮੇਤਿ ਦੁવਿਧੇਪਿ ਕਾਮੇ ਪਹਾਯ। ਅਕਿਞ੍ਚਨੋਤਿ ਨਿਪ੍ਪਲਿਬੋਧੋ। ਆਦਾਨਪਟਿਨਿਸ੍ਸਗੇਤਿ ਗਹਣਪਟਿਨਿਸ੍ਸਗ੍ਗਸਙ੍ਖਾਤੇ ਨਿਬ੍ਬਾਨੇ। ਅਨੁਪਾਦਾਯ ਯੇ ਰਤਾਤਿ ਚਤੂਹਿ ਉਪਾਦਾਨੇਹਿ ਕਿਞ੍ਚਿਪਿ ਅਨੁਪਾਦਿਯਿਤ੍વਾ ਯੇ ਅਭਿਰਤਾ। ਪਰਿਨਿਬ੍ਬੁਤਾਤਿ ਤੇ ਅਪਚ੍ਚਯਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤਾ ਨਾਮਾਤਿ વੇਦਿਤਬ੍ਬਾ। ਛਟ੍ਠਂ ਭਿਕ੍ਖੂਨਂ ਦੇਸਿਤਂ।
Okā anokamāgammāti vaṭṭato vivaṭṭaṃ āgamma. Viveke yattha dūramanti yasmiṃ kāyacittaupadhiviveke durabhiramaṃ, tatrābhiratimiccheyya. Hitvā kāmeti duvidhepi kāme pahāya. Akiñcanoti nippalibodho. Ādānapaṭinissageti gahaṇapaṭinissaggasaṅkhāte nibbāne. Anupādāya ye ratāti catūhi upādānehi kiñcipi anupādiyitvā ye abhiratā. Parinibbutāti te apaccayaparinibbānena parinibbutā nāmāti veditabbā. Chaṭṭhaṃ bhikkhūnaṃ desitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਸਙ੍ਗਾਰવਸੁਤ੍ਤਂ • 5. Saṅgāravasuttaṃ
੬. ਓਰਿਮਤੀਰਸੁਤ੍ਤਂ • 6. Orimatīrasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੪੨. ਸਙ੍ਗਾਰવਸੁਤ੍ਤਾਦਿવਣ੍ਣਨਾ • 5-42. Saṅgāravasuttādivaṇṇanā
