Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā)

੫-੪੨. ਸਙ੍ਗਾਰવਸੁਤ੍ਤਾਦਿવਣ੍ਣਨਾ

5-42. Saṅgāravasuttādivaṇṇanā

੧੧੭-੧੫੪. ਪਞ੍ਚਮੇ ਅਪ੍ਪਕਾਤਿ ਥੋਕਾ, ਨ ਬਹੂ। ਅਥਾਯਂ ਇਤਰਾ ਪਜਾਤਿ ਯਾ ਪਨਾਯਂ ਅવਸੇਸਾ ਪਜਾ ਸਕ੍ਕਾਯਦਿਟ੍ਠਿਤੀਰਮੇવ ਅਨੁਧਾવਤਿ, ਅਯਮੇવ ਬਹੁਤਰਾਤਿ ਅਤ੍ਥੋ। ਸਮ੍ਮਦਕ੍ਖਾਤੇਤਿ ਸਮ੍ਮਾ ਅਕ੍ਖਾਤੇ ਸੁਕਥਿਤੇ। ਧਮ੍ਮੇਤਿ ਤવ ਦੇਸਨਾਧਮ੍ਮੇ। ਧਮ੍ਮਾਨੁવਤ੍ਤਿਨੋਤਿ ਤਂ ਧਮ੍ਮਂ ਸੁਤ੍વਾ ਤਦਨੁਚ੍ਛવਿਕਂ ਪਟਿਪਦਂ ਪੂਰੇਤ੍વਾ ਮਗ੍ਗਫਲਸਚ੍ਛਿਕਰਣੇਨ ਧਮ੍ਮਾਨੁવਤ੍ਤਿਨੋ। ਮਚ੍ਚੁਨੋ ਠਾਨਭੂਤਨ੍ਤਿ ਕਿਲੇਸਮਾਰਸਙ੍ਖਾਤਸ੍ਸ ਮਚ੍ਚੁਨੋ ਨਿવਾਸਟ੍ਠਾਨਭੂਤਂ। ਸੁਦੁਤ੍ਤਰਂ ਤਰਿਤ੍વਾ ਪਾਰਮੇਸ੍ਸਨ੍ਤੀਤਿ ਯੇ ਜਨਾ ਧਮ੍ਮਾਨੁવਤ੍ਤਿਨੋ, ਤੇ ਏਤਂ ਸੁਦੁਤ੍ਤਰਂ ਦੁਰਤਿਕ੍ਕਮਂ ਮਾਰਧੇਯ੍ਯਂ ਤਰਿਤ੍વਾ ਅਤਿਕ੍ਕਮਿਤ੍વਾ ਨਿਬ੍ਬਾਨਪਾਰਂ ਗਮਿਸ੍ਸਨ੍ਤਿ।

117-154. Pañcame appakāti thokā, na bahū. Athāyaṃ itarā pajāti yā panāyaṃ avasesā pajā sakkāyadiṭṭhitīrameva anudhāvati, ayameva bahutarāti attho. Sammadakkhāteti sammā akkhāte sukathite. Dhammeti tava desanādhamme. Dhammānuvattinoti taṃ dhammaṃ sutvā tadanucchavikaṃ paṭipadaṃ pūretvā maggaphalasacchikaraṇena dhammānuvattino. Maccuno ṭhānabhūtanti kilesamārasaṅkhātassa maccuno nivāsaṭṭhānabhūtaṃ. Suduttaraṃ taritvā pāramessantīti ye janā dhammānuvattino, te etaṃ suduttaraṃ duratikkamaṃ māradheyyaṃ taritvā atikkamitvā nibbānapāraṃ gamissanti.

ਕਣ੍ਹਂ ਧਮ੍ਮਂ વਿਪ੍ਪਹਾਯਾਤਿ ਕਾਯਦੁਚ੍ਚਰਿਤਾਦਿਭੇਦਂ ਅਕੁਸਲਂ ਧਮ੍ਮਂ ਜਹਿਤ੍વਾ। ਸੁਕ੍ਕਂ ਭਾવੇਥਾਤਿ ਪਣ੍ਡਿਤੋ ਭਿਕ੍ਖੁ ਅਭਿਨਿਕ੍ਖਮਨਤੋ ਪਟ੍ਠਾਯ ਯਾવ ਅਰਹਤ੍ਤਮਗ੍ਗਾ ਕਾਯਸੁਚਰਿਤਾਦਿਭੇਦਂ ਸੁਕ੍ਕਂ ਧਮ੍ਮਂ ਭਾવੇਯ੍ਯ। ਓਕਾ ਅਨੋਕਮਾਗਮ੍ਮਾਤਿ ਓਕਂ વੁਚ੍ਚਤਿ ਆਲਯੋ, ਅਨੋਕਂ વੁਚ੍ਚਤਿ ਅਨਾਲਯੋ। ਆਲਯਤੋ ਨਿਕ੍ਖਮਿਤ੍વਾ ਅਨਾਲਯਸਙ੍ਖਾਤਂ ਨਿਬ੍ਬਾਨਂ ਪਟਿਚ੍ਚ ਆਰਬ੍ਭ।

Kaṇhaṃ dhammaṃ vippahāyāti kāyaduccaritādibhedaṃ akusalaṃ dhammaṃ jahitvā. Sukkaṃ bhāvethāti paṇḍito bhikkhu abhinikkhamanato paṭṭhāya yāva arahattamaggā kāyasucaritādibhedaṃ sukkaṃ dhammaṃ bhāveyya. Okā anokamāgammāti okaṃ vuccati ālayo, anokaṃ vuccati anālayo. Ālayato nikkhamitvā anālayasaṅkhātaṃ nibbānaṃ paṭicca ārabbha.

ਤਤ੍ਰਾਭਿਰਤਿਮਿਚ੍ਛੇਯ੍ਯਾਤਿ ਯਸ੍ਮਿਂ ਅਨਾਲਯਸਙ੍ਖਾਤੇ વਿવੇਕੇ ਨਿਬ੍ਬਾਨੇ ਇਮੇਹਿ ਸਤ੍ਤੇਹਿ ਦੁਰਭਿਰਮਂ, ਤਤ੍ਰਾਭਿਰਤਿਮਿਚ੍ਛੇਯ੍ਯ। ਦੁવਿਧੇਪਿ ਕਾਮੇਤਿ વਤ੍ਥੁਕਾਮਕਿਲੇਸਕਾਮੇ। ਚਿਤ੍ਤਕ੍ਲੇਸੇਹੀਤਿ ਪਞ੍ਚਹਿ ਨੀવਰਣੇਹਿ ਅਤ੍ਤਾਨਂ ਪਰਿਯੋਦਪੇਯ੍ਯ વੋਦਾਪੇਯ੍ਯ, ਪਰਿਸੋਧੇਯ੍ਯਾਤਿ ਅਤ੍ਥੋ।

Tatrābhiratimiccheyyāti yasmiṃ anālayasaṅkhāte viveke nibbāne imehi sattehi durabhiramaṃ, tatrābhiratimiccheyya. Duvidhepi kāmeti vatthukāmakilesakāme. Cittaklesehīti pañcahi nīvaraṇehi attānaṃ pariyodapeyya vodāpeyya, parisodheyyāti attho.

ਸਮ੍ਬੋਧਿਯਙ੍ਗੇਸੂਤਿ ਸਮ੍ਬੋਜ੍ਝਙ੍ਗੇਸੁ। ਸਮ੍ਮਾ ਚਿਤ੍ਤਂ ਸੁਭਾવਿਤਨ੍ਤਿ ਸਮ੍ਮਾ ਹੇਤੁਨਾ ਨਯੇਨ ਚਿਤ੍ਤਂ ਸੁਟ੍ਠੁ ਭਾવਿਤਂ વਡ੍ਢਿਤਂ। ਜੁਤਿਮਨ੍ਤੋਤਿ ਆਨੁਭਾવવਨ੍ਤੋ, ਅਰਹਤ੍ਤਮਗ੍ਗਞਾਣਜੁਤਿਯਾ ਖਨ੍ਧਾਦਿਭੇਦੇ ਧਮ੍ਮੇ ਜੋਤੇਤ੍વਾ ਠਿਤਾਤਿ ਅਤ੍ਥੋ। ਤੇ ਲੋਕੇ ਪਰਿਨਿਬ੍ਬੁਤਾਤਿ ਤੇ ਇਮਸ੍ਮਿਂ ਖਨ੍ਧਾਦਿਲੋਕੇ ਪਰਿਨਿਬ੍ਬੁਤਾ ਨਾਮ ਅਰਹਤ੍ਤਪ੍ਪਤ੍ਤਿਤੋ ਪਟ੍ਠਾਯ ਕਿਲੇਸવਟ੍ਟਸ੍ਸ ਖੇਪਿਤਤ੍ਤਾ ਸਉਪਾਦਿਸੇਸੇਨ, ਚਰਿਮਚਿਤ੍ਤਨਿਰੋਧੇਨ ਖਨ੍ਧવਟ੍ਟਸ੍ਸ ਖੇਪਿਤਤ੍ਤਾ ਅਨੁਪਾਦਿਸੇਸੇਨ ਚਾਤਿ ਦ੍વੀਹਿ ਪਰਿਨਿਬ੍ਬਾਨੇਹਿ ਪਰਿਨਿਬ੍ਬੁਤਾ, ਅਨੁਪਾਦਾਨੋ વਿਯ ਪਦੀਪੋ ਅਪਣ੍ਣਤ੍ਤਿਕਭਾવਂ ਗਤਾਤਿ ਅਤ੍ਥੋ।

Sambodhiyaṅgesūti sambojjhaṅgesu. Sammā cittaṃ subhāvitanti sammā hetunā nayena cittaṃ suṭṭhu bhāvitaṃ vaḍḍhitaṃ. Jutimantoti ānubhāvavanto, arahattamaggañāṇajutiyā khandhādibhede dhamme jotetvā ṭhitāti attho. Te loke parinibbutāti te imasmiṃ khandhādiloke parinibbutā nāma arahattappattito paṭṭhāya kilesavaṭṭassa khepitattā saupādisesena, carimacittanirodhena khandhavaṭṭassa khepitattā anupādisesena cāti dvīhi parinibbānehi parinibbutā, anupādāno viya padīpo apaṇṇattikabhāvaṃ gatāti attho.

ਇਤੋ ਪਰਂ ਯਾવ ਤਤਿਯੋ ਪਣ੍ਣਾਸਕੋ, ਤਾવ ਉਤ੍ਤਾਨਤ੍ਥਮੇવ।

Ito paraṃ yāva tatiyo paṇṇāsako, tāva uttānatthameva.

ਸਙ੍ਗਾਰવਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।

Saṅgāravasuttādivaṇṇanā niṭṭhitā.

ਤਤਿਯਪਣ੍ਣਾਸਕਂ ਨਿਟ੍ਠਿਤਂ।

Tatiyapaṇṇāsakaṃ niṭṭhitaṃ.

Next: ੪. ਚਤੁਤ੍ਥਪਣ੍ਣਾਸਕਂ • 4. Catutthapaṇṇāsakaṃ

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੫-੬. ਸਙ੍ਗਾਰવਸੁਤ੍ਤਾਦਿવਣ੍ਣਨਾ • 5-6. Saṅgāravasuttādivaṇṇanā
੭-੮. ਪਚ੍ਚੋਰੋਹਣੀਸੁਤ੍ਤਦ੍વਯવਣ੍ਣਨਾ • 7-8. Paccorohaṇīsuttadvayavaṇṇanā
(੧੩) ੩. ਪਰਿਸੁਦ੍ਧવਗ੍ਗવਣ੍ਣਨਾ • (13) 3. Parisuddhavaggavaṇṇanā
(੧੪) ੪. ਸਾਧੁવਗ੍ਗવਣ੍ਣਨਾ • (14) 4. Sādhuvaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact