| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11. ஸங்கா³ரவஸுத்தங்
11. Saṅgāravasuttaṃ
207. ஸாவத்தி²னிதா³னங். தேன கோ² பன ஸமயேன ஸங்கா³ரவோ நாம ப்³ராஹ்மணோ ஸாவத்தி²யங் படிவஸதி உத³கஸுத்³தி⁴கோ, உத³கேன பரிஸுத்³தி⁴ங் பச்சேதி, ஸாயங் பாதங் உத³கோரோஹனானுயோக³மனுயுத்தோ விஹரதி. அத² கோ² ஆயஸ்மா ஆனந்தோ³ புப்³ப³ண்ஹஸமயங் நிவாஸெத்வா பத்தசீவரமாதா³ய ஸாவத்தி²ங் பிண்டா³ய பாவிஸி. ஸாவத்தி²யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச – ‘‘இத⁴, ப⁴ந்தே, ஸங்கா³ரவோ நாம ப்³ராஹ்மணோ ஸாவத்தி²யங் படிவஸதி உத³கஸுத்³தி⁴கோ , உத³கேன ஸுத்³தி⁴ங் பச்சேதி, ஸாயங் பாதங் உத³கோரோஹனானுயோக³மனுயுத்தோ விஹரதி. ஸாது⁴, ப⁴ந்தே, ப⁴க³வா யேன ஸங்கா³ரவஸ்ஸ ப்³ராஹ்மணஸ்ஸ நிவேஸனங் தேனுபஸங்கமது அனுகம்பங் உபாதா³யா’’தி. அதி⁴வாஸேஸி ப⁴க³வா துண்ஹீபா⁴வேன.
207. Sāvatthinidānaṃ. Tena kho pana samayena saṅgāravo nāma brāhmaṇo sāvatthiyaṃ paṭivasati udakasuddhiko, udakena parisuddhiṃ pacceti, sāyaṃ pātaṃ udakorohanānuyogamanuyutto viharati. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘idha, bhante, saṅgāravo nāma brāhmaṇo sāvatthiyaṃ paṭivasati udakasuddhiko , udakena suddhiṃ pacceti, sāyaṃ pātaṃ udakorohanānuyogamanuyutto viharati. Sādhu, bhante, bhagavā yena saṅgāravassa brāhmaṇassa nivesanaṃ tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena.
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய யேன ஸங்கா³ரவஸ்ஸ ப்³ராஹ்மணஸ்ஸ நிவேஸனங் தேனுபஸங்கமி ; உபஸங்கமித்வா பஞ்ஞத்தே ஆஸனே நிஸீதி³. அத² கோ² ஸங்கா³ரவோ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னங் கோ² ஸங்கா³ரவங் ப்³ராஹ்மணங் ப⁴க³வா ஏதத³வோச – ‘‘ஸச்சங் கிர த்வங், ப்³ராஹ்மண, உத³கஸுத்³தி⁴கோ, உத³கேன ஸுத்³தி⁴ங் பச்சேஸி, ஸாயங் பாதங் உத³கோரோஹனானுயோக³மனுயுத்தோ விஹரஸீ’’தி? ‘‘ஏவங், போ⁴ கோ³தம’’. ‘‘கிங் பன த்வங், ப்³ராஹ்மண, அத்த²வஸங் ஸம்பஸ்ஸமானோ உத³கஸுத்³தி⁴கோ, உத³கஸுத்³தி⁴ங் பச்சேஸி, ஸாயங் பாதங் உத³கோரோஹனானுயோக³மனுயுத்தோ விஹரஸீ’’தி? ‘‘இத⁴ மே, போ⁴ கோ³தம 1, யங் தி³வா பாபகம்மங் கதங் ஹோதி, தங் ஸாயங் ந்ஹானேன 2 பவாஹேமி, யங் ரத்திங் பாபகம்மங் கதங் ஹோதி தங் பாதங் ந்ஹானேன பவாஹேமி. இமங் க்²வாஹங், போ⁴ கோ³தம, அத்த²வஸங் ஸம்பஸ்ஸமானோ உத³கஸுத்³தி⁴கோ, உத³கேன ஸுத்³தி⁴ங் பச்சேமி, ஸாயங் பாதங் உத³கோரோஹனானுயோக³மனுயுத்தோ விஹராமீ’’தி.
Atha kho bhagavā pubbaṇhasamayaṃ nivāsetvā pattacīvaramādāya yena saṅgāravassa brāhmaṇassa nivesanaṃ tenupasaṅkami ; upasaṅkamitvā paññatte āsane nisīdi. Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho saṅgāravaṃ brāhmaṇaṃ bhagavā etadavoca – ‘‘saccaṃ kira tvaṃ, brāhmaṇa, udakasuddhiko, udakena suddhiṃ paccesi, sāyaṃ pātaṃ udakorohanānuyogamanuyutto viharasī’’ti? ‘‘Evaṃ, bho gotama’’. ‘‘Kiṃ pana tvaṃ, brāhmaṇa, atthavasaṃ sampassamāno udakasuddhiko, udakasuddhiṃ paccesi, sāyaṃ pātaṃ udakorohanānuyogamanuyutto viharasī’’ti? ‘‘Idha me, bho gotama 3, yaṃ divā pāpakammaṃ kataṃ hoti, taṃ sāyaṃ nhānena 4 pavāhemi, yaṃ rattiṃ pāpakammaṃ kataṃ hoti taṃ pātaṃ nhānena pavāhemi. Imaṃ khvāhaṃ, bho gotama, atthavasaṃ sampassamāno udakasuddhiko, udakena suddhiṃ paccemi, sāyaṃ pātaṃ udakorohanānuyogamanuyutto viharāmī’’ti.
‘‘த⁴ம்மோ ரஹதோ³ ப்³ராஹ்மண ஸீலதித்தோ²,
‘‘Dhammo rahado brāhmaṇa sīlatittho,
அனாவிலோ ஸப்³பி⁴ ஸதங் பஸத்தோ²;
Anāvilo sabbhi sataṃ pasattho;
யத்த² ஹவே வேத³கு³னோ ஸினாதா,
Yattha have vedaguno sinātā,
ஏவங் வுத்தே, ஸங்கா³ரவோ ப்³ராஹ்மணோ ப⁴க³வந்தங் ஏதத³வோச – ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தம…பே॰… உபாஸகங் மங் ப⁴வங் கோ³தமோ தா⁴ரேது அஜ்ஜதக்³கே³ பாணுபேதங் ஸரணங் க³த’’ந்தி.
Evaṃ vutte, saṅgāravo brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 11. ஸங்கா³ரவஸுத்தவண்ணனா • 11. Saṅgāravasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 11. ஸங்கா³ரவஸுத்தவண்ணனா • 11. Saṅgāravasuttavaṇṇanā
