| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. сан̇г̇ааравасуд̇д̇ам̣
10. Saṅgāravasuttaṃ
61. ат̇а ко сан̇г̇аараво б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сан̇г̇аараво б̣раахман̣о бхаг̇аванд̇ам̣ зд̇ад̣̇авожа – ‘‘маяамассу, бхо г̇од̇ама, б̣раахман̣аа наама. яан̃н̃ам̣ яаж̇аамаби яаж̇аабзмаби. д̇ад̇ра, бхо г̇од̇ама, яо жзва яаж̇ад̇и 1 яо жа яаж̇аабзд̇и саб̣б̣з д̇з анзгасаарийригам̣ бун̃н̃аббадибад̣̇ам̣ бадибаннаа хонд̇и, яад̣̇ид̣̇ам̣ яан̃н̃аад̇хигаран̣ам̣. яо банааяам̣, бхо г̇од̇ама, яасса ваа д̇асса ваа гулаа аг̇аарасмаа анаг̇аарияам̣ баб̣б̣аж̇ид̇о згамад̇д̇аанам̣ д̣̇амзд̇и, згамад̇д̇аанам̣ самзд̇и, згамад̇д̇аанам̣ бариниб̣б̣аабзд̇и, звамассааяам̣ згасаарийригам̣ бун̃н̃аббадибад̣̇ам̣ бадибанно ход̇и, яад̣̇ид̣̇ам̣ баб̣б̣аж̇ж̇аад̇хигаран̣а’’нд̇и.
61. Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho saṅgāravo brāhmaṇo bhagavantaṃ etadavoca – ‘‘mayamassu, bho gotama, brāhmaṇā nāma. Yaññaṃ yajāmapi yajāpemapi. Tatra, bho gotama, yo ceva yajati 2 yo ca yajāpeti sabbe te anekasārīrikaṃ puññappaṭipadaṃ paṭipannā honti, yadidaṃ yaññādhikaraṇaṃ. Yo panāyaṃ, bho gotama, yassa vā tassa vā kulā agārasmā anagāriyaṃ pabbajito ekamattānaṃ dameti, ekamattānaṃ sameti, ekamattānaṃ parinibbāpeti, evamassāyaṃ ekasārīrikaṃ puññappaṭipadaṃ paṭipanno hoti, yadidaṃ pabbajjādhikaraṇa’’nti.
‘‘д̇зна хи, б̣раахман̣а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, б̣раахман̣а, ид̇ха д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со звамааха – ‘зт̇ааяам̣ маг̇г̇о аяам̣ бадибад̣̇аа яат̇аабадибанно ахам̣ ануд̇д̇арам̣ б̣рахмажарияог̇ад̇хам̣ саяам̣ абхин̃н̃аа сажчигад̇ваа бавзд̣̇зми; зт̇а 3, д̇умхзби д̇ат̇аа бадибаж̇ж̇ат̇а, яат̇аабадибаннаа д̇умхзби ануд̇д̇арам̣ б̣рахмажарияог̇ад̇хам̣ саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и. ид̇и аяан̃жзва 4 сад̇т̇аа д̇хаммам̣ д̣̇зсзд̇и, барз жа д̇ат̇ад̇т̇ааяа бадибаж̇ж̇анд̇и, д̇аани ко бана хонд̇и анзгааниби сад̇аани анзгааниби сахассаани анзгааниби сад̇асахассаани.
‘‘Tena hi, brāhmaṇa, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, brāhmaṇa, idha tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So evamāha – ‘ethāyaṃ maggo ayaṃ paṭipadā yathāpaṭipanno ahaṃ anuttaraṃ brahmacariyogadhaṃ sayaṃ abhiññā sacchikatvā pavedemi; etha 5, tumhepi tathā paṭipajjatha, yathāpaṭipannā tumhepi anuttaraṃ brahmacariyogadhaṃ sayaṃ abhiññā sacchikatvā upasampajja viharissathā’ti. Iti ayañceva 6 satthā dhammaṃ deseti, pare ca tathatthāya paṭipajjanti, tāni kho pana honti anekānipi satāni anekānipi sahassāni anekānipi satasahassāni.
‘‘д̇ам̣ гим̣ ман̃н̃аси, б̣раахман̣а, ижжааяам̣ звам̣ санд̇з згасаарийригаа ваа бун̃н̃аббадибад̣̇аа ход̇и анзгасаарийригаа ваа, яад̣̇ид̣̇ам̣ баб̣б̣аж̇ж̇аад̇хигаран̣а’’нд̇и? ‘‘ижжааяамби 7, бхо г̇од̇ама, звам̣ санд̇з анзгасаарийригаа бун̃н̃аббадибад̣̇аа ход̇и, яад̣̇ид̣̇ам̣ баб̣б̣аж̇ж̇аад̇хигаран̣а’’нд̇и.
‘‘Taṃ kiṃ maññasi, brāhmaṇa, iccāyaṃ evaṃ sante ekasārīrikā vā puññappaṭipadā hoti anekasārīrikā vā, yadidaṃ pabbajjādhikaraṇa’’nti? ‘‘Iccāyampi 8, bho gotama, evaṃ sante anekasārīrikā puññappaṭipadā hoti, yadidaṃ pabbajjādhikaraṇa’’nti.
звам̣ вуд̇д̇з ааяасмаа аананд̣̇о сан̇г̇ааравам̣ б̣раахман̣ам̣ зд̇ад̣̇авожа – ‘‘имаасам̣ д̇з, б̣раахман̣а, д̣̇виннам̣ бадибад̣̇аанам̣ гад̇амаа бадибад̣̇аа камад̇и аббад̇т̇ад̇араа жа аббасамаарамбхад̇араа жа махабпалад̇араа жа махаанисам̣сад̇араа жаа’’д̇и? звам̣ вуд̇д̇з сан̇г̇аараво б̣раахман̣о ааяасманд̇ам̣ аананд̣̇ам̣ зд̇ад̣̇авожа – ‘‘сзяяат̇ааби бхавам̣ г̇од̇амо бхавам̣ жаананд̣̇о. зд̇з мз буж̇ж̇аа, зд̇з мз баасам̣саа’’д̇и.
Evaṃ vutte āyasmā ānando saṅgāravaṃ brāhmaṇaṃ etadavoca – ‘‘imāsaṃ te, brāhmaṇa, dvinnaṃ paṭipadānaṃ katamā paṭipadā khamati appatthatarā ca appasamārambhatarā ca mahapphalatarā ca mahānisaṃsatarā cā’’ti? Evaṃ vutte saṅgāravo brāhmaṇo āyasmantaṃ ānandaṃ etadavoca – ‘‘seyyathāpi bhavaṃ gotamo bhavaṃ cānando. Ete me pujjā, ete me pāsaṃsā’’ti.
д̣̇уд̇ияамби ко ааяасмаа аананд̣̇о сан̇г̇ааравам̣ б̣раахман̣ам̣ зд̇ад̣̇авожа – ‘‘на ко д̇яаахам̣, б̣раахман̣а, звам̣ бужчаами – ‘гз ваа д̇з буж̇ж̇аа гз ваа д̇з баасам̣саа’д̇и? звам̣ ко д̇яаахам̣, б̣раахман̣а, бужчаами – ‘имаасам̣ д̇з, б̣раахман̣а, д̣̇виннам̣ бадибад̣̇аанам̣ гад̇амаа бадибад̣̇аа камад̇и аббад̇т̇ад̇араа жа аббасамаарамбхад̇араа жа махабпалад̇араа жа махаанисам̣сад̇араа жаа’’’д̇и? д̣̇уд̇ияамби ко сан̇г̇аараво б̣раахман̣о ааяасманд̇ам̣ аананд̣̇ам̣ зд̇ад̣̇авожа – ‘‘сзяяат̇ааби бхавам̣ г̇од̇амо бхавам̣ жаананд̣̇о. зд̇з мз буж̇ж̇аа, зд̇з мз баасам̣саа’’д̇и.
Dutiyampi kho āyasmā ānando saṅgāravaṃ brāhmaṇaṃ etadavoca – ‘‘na kho tyāhaṃ, brāhmaṇa, evaṃ pucchāmi – ‘ke vā te pujjā ke vā te pāsaṃsā’ti? Evaṃ kho tyāhaṃ, brāhmaṇa, pucchāmi – ‘imāsaṃ te, brāhmaṇa, dvinnaṃ paṭipadānaṃ katamā paṭipadā khamati appatthatarā ca appasamārambhatarā ca mahapphalatarā ca mahānisaṃsatarā cā’’’ti? Dutiyampi kho saṅgāravo brāhmaṇo āyasmantaṃ ānandaṃ etadavoca – ‘‘seyyathāpi bhavaṃ gotamo bhavaṃ cānando. Ete me pujjā, ete me pāsaṃsā’’ti.
д̇ад̇ияамби ко ааяасмаа аананд̣̇о сан̇г̇ааравам̣ б̣раахман̣ам̣ зд̇ад̣̇авожа – ‘‘на ко д̇яаахам̣, б̣раахман̣а, звам̣ бужчаами – ‘гз ваа д̇з буж̇ж̇аа гз ваа д̇з баасам̣саа’д̇и? звам̣ ко д̇яаахам̣, б̣раахман̣а, бужчаами – ‘имаасам̣ д̇з, б̣раахман̣а, д̣̇виннам̣ бадибад̣̇аанам̣ гад̇амаа бадибад̣̇аа камад̇и аббад̇т̇ад̇араа жа аббасамаарамбхад̇араа жа махабпалад̇араа жа махаанисам̣сад̇араа жаа’’’д̇и? д̇ад̇ияамби ко сан̇г̇аараво б̣раахман̣о ааяасманд̇ам̣ аананд̣̇ам̣ зд̇ад̣̇авожа – ‘‘сзяяат̇ааби бхавам̣ г̇од̇амо бхавам̣ жаананд̣̇о. зд̇з мз буж̇ж̇аа, зд̇з мз баасам̣саа’’д̇и.
Tatiyampi kho āyasmā ānando saṅgāravaṃ brāhmaṇaṃ etadavoca – ‘‘na kho tyāhaṃ, brāhmaṇa, evaṃ pucchāmi – ‘ke vā te pujjā ke vā te pāsaṃsā’ti? Evaṃ kho tyāhaṃ, brāhmaṇa, pucchāmi – ‘imāsaṃ te, brāhmaṇa, dvinnaṃ paṭipadānaṃ katamā paṭipadā khamati appatthatarā ca appasamārambhatarā ca mahapphalatarā ca mahānisaṃsatarā cā’’’ti? Tatiyampi kho saṅgāravo brāhmaṇo āyasmantaṃ ānandaṃ etadavoca – ‘‘seyyathāpi bhavaṃ gotamo bhavaṃ cānando. Ete me pujjā, ete me pāsaṃsā’’ti.
ат̇а ко бхаг̇авад̇о зд̇ад̣̇ахоси – ‘‘яаава д̇ад̇ияамби ко сан̇г̇аараво б̣раахман̣о аананд̣̇зна сахад̇хаммигам̣ бан̃хам̣ будто сам̣саад̣̇зд̇и 9 но виссаж̇ж̇зд̇и. яам̣нуунаахам̣ бариможзяяа’’нд̇и. ат̇а ко бхаг̇аваа сан̇г̇ааравам̣ б̣раахман̣ам̣ зд̇ад̣̇авожа – ‘‘гаа нваж̇ж̇а, б̣раахман̣а, рааж̇анд̇збурз рааж̇абурисаанам̣ 10 саннисиннаанам̣ саннибад̇ид̇аанам̣ анд̇араагат̇аа уд̣̇абаад̣̇ий’’д̇и? ‘‘аяам̣ кваж̇ж̇а, бхо г̇од̇ама, рааж̇анд̇збурз рааж̇абурисаанам̣ саннисиннаанам̣ саннибад̇ид̇аанам̣ анд̇араагат̇аа уд̣̇абаад̣̇и – ‘буб̣б̣з суд̣̇ам̣ аббад̇араа жзва бхигкуу ахзсум̣ б̣ахуд̇араа жа уд̇д̇ари мануссад̇хаммаа ид̣̇д̇хибаадихаарияам̣ д̣̇ассзсум̣; зд̇арахи бана б̣ахуд̇араа жзва бхигкуу аббад̇араа жа уд̇д̇ари мануссад̇хаммаа ид̣̇д̇хибаадихаарияам̣ д̣̇ассзнд̇ий’д̇и. аяам̣ кваж̇ж̇а, бхо г̇од̇ама, рааж̇анд̇збурз рааж̇абурисаанам̣ саннисиннаанам̣ саннибад̇ид̇аанам̣ анд̇араагат̇аа уд̣̇абаад̣̇ий’’д̇и.
Atha kho bhagavato etadahosi – ‘‘yāva tatiyampi kho saṅgāravo brāhmaṇo ānandena sahadhammikaṃ pañhaṃ puṭṭho saṃsādeti 11 no vissajjeti. Yaṃnūnāhaṃ parimoceyya’’nti. Atha kho bhagavā saṅgāravaṃ brāhmaṇaṃ etadavoca – ‘‘kā nvajja, brāhmaṇa, rājantepure rājapurisānaṃ 12 sannisinnānaṃ sannipatitānaṃ antarākathā udapādī’’ti? ‘‘Ayaṃ khvajja, bho gotama, rājantepure rājapurisānaṃ sannisinnānaṃ sannipatitānaṃ antarākathā udapādi – ‘pubbe sudaṃ appatarā ceva bhikkhū ahesuṃ bahutarā ca uttari manussadhammā iddhipāṭihāriyaṃ dassesuṃ; etarahi pana bahutarā ceva bhikkhū appatarā ca uttari manussadhammā iddhipāṭihāriyaṃ dassentī’ti. Ayaṃ khvajja, bho gotama, rājantepure rājapurisānaṃ sannisinnānaṃ sannipatitānaṃ antarākathā udapādī’’ti.
13 ‘‘д̇ийн̣и ко имаани, б̣раахман̣а, баадихаарияаани. гад̇амаани д̇ийн̣и? ид̣̇д̇хибаадихаарияам̣, аад̣̇зсанаабаадихаарияам̣ , анусаасанийбаадихаарияам̣. гад̇аман̃жа, б̣раахман̣а, ид̣̇д̇хибаадихаарияам̣? ид̇ха, б̣раахман̣а, згажжо анзгавихид̇ам̣ ид̣̇д̇хивид̇хам̣ бажжанубход̇и – ‘згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣, д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гарод̇и, сзяяат̇ааби уд̣̇агз; уд̣̇агзби абхиж̇ж̇амаанз г̇ажчад̇и, сзяяат̇ааби бат̇авияам̣; аагаасзби баллан̇гзна гамад̇и, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасад̇и 14 баримаж̇ж̇ад̇и, яаава б̣рахмалогааби гааязна васам̣ вад̇д̇зд̇и’. ид̣̇ам̣ вужжад̇и, б̣раахман̣а, ид̣̇д̇хибаадихаарияам̣ .
15 ‘‘Tīṇi kho imāni, brāhmaṇa, pāṭihāriyāni. Katamāni tīṇi? Iddhipāṭihāriyaṃ, ādesanāpāṭihāriyaṃ , anusāsanīpāṭihāriyaṃ. Katamañca, brāhmaṇa, iddhipāṭihāriyaṃ? Idha, brāhmaṇa, ekacco anekavihitaṃ iddhividhaṃ paccanubhoti – ‘ekopi hutvā bahudhā hoti, bahudhāpi hutvā eko hoti; āvibhāvaṃ, tirobhāvaṃ; tirokuṭṭaṃ tiropākāraṃ tiropabbataṃ asajjamāno gacchati, seyyathāpi ākāse; pathaviyāpi ummujjanimujjaṃ karoti, seyyathāpi udake; udakepi abhijjamāne gacchati, seyyathāpi pathaviyaṃ; ākāsepi pallaṅkena kamati, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasati 16 parimajjati, yāva brahmalokāpi kāyena vasaṃ vatteti’. Idaṃ vuccati, brāhmaṇa, iddhipāṭihāriyaṃ .
‘‘гад̇аман̃жа, б̣раахман̣а, аад̣̇зсанаабаадихаарияам̣? ид̇ха, б̣раахман̣а, згажжо нимид̇д̇зна аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа.
‘‘Katamañca, brāhmaṇa, ādesanāpāṭihāriyaṃ? Idha, brāhmaṇa, ekacco nimittena ādisati – ‘evampi te mano, itthampi te mano, itipi te citta’nti. So bahuṃ cepi ādisati tatheva taṃ hoti, no aññathā.
‘‘ид̇ха бана, б̣раахман̣а, згажжо на хзва ко нимид̇д̇зна аад̣̇исад̇и , аби жа ко мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа.
‘‘Idha pana, brāhmaṇa, ekacco na heva kho nimittena ādisati , api ca kho manussānaṃ vā amanussānaṃ vā devatānaṃ vā saddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati tatheva taṃ hoti, no aññathā.
‘‘ид̇ха бана, б̣раахман̣а, згажжо на хзва ко нимид̇д̇зна аад̣̇исад̇и наби мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и, аби жа ко вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа.
‘‘Idha pana, brāhmaṇa, ekacco na heva kho nimittena ādisati napi manussānaṃ vā amanussānaṃ vā devatānaṃ vā saddaṃ sutvā ādisati, api ca kho vitakkayato vicārayato vitakkavipphārasaddaṃ sutvā ādisati – ‘evampi te mano, itthampi te mano, itipi te citta’nti. So bahuṃ cepi ādisati tatheva taṃ hoti, no aññathā.
‘‘ид̇ха бана, б̣раахман̣а, згажжо на хзва ко нимид̇д̇зна аад̣̇исад̇и, наби мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и, наби вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и, аби жа ко авид̇аггам̣ авижаарам̣ самаад̇хим̣ самаабаннасса жзд̇асаа жзд̇о барижжа баж̇аанаад̇и – ‘яат̇аа имасса бход̇о маносан̇каараа бан̣ихид̇аа имасса жид̇д̇асса ананд̇араа амум̣ наама вид̇аггам̣ вид̇аггзссад̇ий’д̇и. со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа. ид̣̇ам̣ вужжад̇и, б̣раахман̣а, аад̣̇зсанаабаадихаарияам̣.
‘‘Idha pana, brāhmaṇa, ekacco na heva kho nimittena ādisati, napi manussānaṃ vā amanussānaṃ vā devatānaṃ vā saddaṃ sutvā ādisati, napi vitakkayato vicārayato vitakkavipphārasaddaṃ sutvā ādisati, api ca kho avitakkaṃ avicāraṃ samādhiṃ samāpannassa cetasā ceto paricca pajānāti – ‘yathā imassa bhoto manosaṅkhārā paṇihitā imassa cittassa anantarā amuṃ nāma vitakkaṃ vitakkessatī’ti. So bahuṃ cepi ādisati tatheva taṃ hoti, no aññathā. Idaṃ vuccati, brāhmaṇa, ādesanāpāṭihāriyaṃ.
‘‘гад̇аман̃жа, б̣раахман̣а, анусаасанийбаадихаарияам̣? ид̇ха, б̣раахман̣а , згажжо зваманусаасад̇и – ‘звам̣ вид̇аггзт̇а, маа звам̣ вид̇аггаяид̇т̇а; звам̣ манаси гарот̇а, маа звам̣ манасаагад̇т̇а; ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’д̇и. ид̣̇ам̣ вужжад̇и, б̣раахман̣а, анусаасанийбаадихаарияам̣. имаани ко, б̣раахман̣а, д̇ийн̣и баадихаарияаани. имзсам̣ д̇з, б̣раахман̣а, д̇ин̣н̣ам̣ баадихаарияаанам̣ гад̇амам̣ баадихаарияам̣ камад̇и абхигганд̇ад̇аран̃жа бан̣ийд̇ад̇аран̃жаа’’д̇и?
‘‘Katamañca, brāhmaṇa, anusāsanīpāṭihāriyaṃ? Idha, brāhmaṇa , ekacco evamanusāsati – ‘evaṃ vitakketha, mā evaṃ vitakkayittha; evaṃ manasi karotha, mā evaṃ manasākattha; idaṃ pajahatha, idaṃ upasampajja viharathā’ti. Idaṃ vuccati, brāhmaṇa, anusāsanīpāṭihāriyaṃ. Imāni kho, brāhmaṇa, tīṇi pāṭihāriyāni. Imesaṃ te, brāhmaṇa, tiṇṇaṃ pāṭihāriyānaṃ katamaṃ pāṭihāriyaṃ khamati abhikkantatarañca paṇītatarañcā’’ti?
‘‘д̇ад̇ра, бхо г̇од̇ама, яад̣̇ид̣̇ам̣ 17 баадихаарияам̣ ид̇хзгажжо анзгавихид̇ам̣ ид̣̇д̇хивид̇хам̣ бажжанубход̇и…бз… яаава б̣раахмалогааби гааязна васам̣ вад̇д̇зд̇и, ид̣̇ам̣, бхо г̇од̇ама, баадихаарияам̣ яова 18 нам̣ гарод̇и сова 19 нам̣ бадисам̣взд̣̇зд̇и, яова 20 нам̣ гарод̇и д̇ассзва 21 д̇ам̣ ход̇и. ид̣̇ам̣ мз, бхо г̇од̇ама, баадихаарияам̣ мааяаасахад̇хаммаруубам̣ вияа кааяад̇и.
‘‘Tatra, bho gotama, yadidaṃ 22 pāṭihāriyaṃ idhekacco anekavihitaṃ iddhividhaṃ paccanubhoti…pe… yāva brāhmalokāpi kāyena vasaṃ vatteti, idaṃ, bho gotama, pāṭihāriyaṃ yova 23 naṃ karoti sova 24 naṃ paṭisaṃvedeti, yova 25 naṃ karoti tasseva 26 taṃ hoti. Idaṃ me, bho gotama, pāṭihāriyaṃ māyāsahadhammarūpaṃ viya khāyati.
‘‘яамбид̣̇ам̣ , бхо г̇од̇ама, баадихаарияам̣ ид̇хзгажжо нимид̇д̇зна аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и, со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа. ид̇ха бана, бхо г̇од̇ама, згажжо на хзва ко нимид̇д̇зна аад̣̇исад̇и, аби жа ко мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и…бз… наби мануссаанам̣ ваа амануссаанам̣ ваа д̣̇звад̇аанам̣ ваа сад̣̇д̣̇ам̣ суд̇ваа аад̣̇исад̇и, аби жа ко вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и…бз… наби вид̇аггаяад̇о вижаараяад̇о вид̇аггавибпаарасад̣̇д̣̇ам̣ суд̇ваа аад̣̇исад̇и, аби жа ко авид̇аггам̣ авижаарам̣ самаад̇хим̣ самаабаннасса жзд̇асаа жзд̇о барижжа баж̇аанаад̇и – ‘яат̇аа имасса бход̇о маносан̇каараа бан̣ихид̇аа имасса жид̇д̇асса ананд̇араа амхам̣ наама вид̇аггам̣ вид̇аггзссад̇ий’д̇и, со б̣ахум̣ жзби аад̣̇исад̇и д̇ат̇зва д̇ам̣ ход̇и, но ан̃н̃ат̇аа. ид̣̇амби, бхо г̇од̇ама, баадихаарияам̣ яова нам̣ гарод̇и сова нам̣ бадисам̣взд̣̇зд̇и, яова нам̣ гарод̇и д̇ассзва д̇ам̣ ход̇и. ид̣̇амби мз, бхо г̇од̇ама, баадихаарияам̣ мааяаасахад̇хаммаруубам̣ вияа кааяад̇и.
‘‘Yampidaṃ , bho gotama, pāṭihāriyaṃ idhekacco nimittena ādisati – ‘evampi te mano, itthampi te mano, itipi te citta’nti, so bahuṃ cepi ādisati tatheva taṃ hoti, no aññathā. Idha pana, bho gotama, ekacco na heva kho nimittena ādisati, api ca kho manussānaṃ vā amanussānaṃ vā devatānaṃ vā saddaṃ sutvā ādisati…pe… napi manussānaṃ vā amanussānaṃ vā devatānaṃ vā saddaṃ sutvā ādisati, api ca kho vitakkayato vicārayato vitakkavipphārasaddaṃ sutvā ādisati…pe… napi vitakkayato vicārayato vitakkavipphārasaddaṃ sutvā ādisati, api ca kho avitakkaṃ avicāraṃ samādhiṃ samāpannassa cetasā ceto paricca pajānāti – ‘yathā imassa bhoto manosaṅkhārā paṇihitā imassa cittassa anantarā amhaṃ nāma vitakkaṃ vitakkessatī’ti, so bahuṃ cepi ādisati tatheva taṃ hoti, no aññathā. Idampi, bho gotama, pāṭihāriyaṃ yova naṃ karoti sova naṃ paṭisaṃvedeti, yova naṃ karoti tasseva taṃ hoti. Idampi me, bho gotama, pāṭihāriyaṃ māyāsahadhammarūpaṃ viya khāyati.
‘‘яан̃жа ко ид̣̇ам̣, бхо г̇од̇ама, баадихаарияам̣ ид̇хзгажжо звам̣ анусаасад̇и – ‘звам̣ вид̇аггзт̇а , маа звам̣ вид̇аггаяид̇т̇а; звам̣ манаси гарот̇а, маа звам̣ манасаагад̇т̇а; ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’д̇и. ид̣̇амзва, бхо г̇од̇ама, баадихаарияам̣ камад̇и имзсам̣ д̇ин̣н̣ам̣ баадихаарияаанам̣ абхигганд̇ад̇аран̃жа бан̣ийд̇ад̇аран̃жа.
‘‘Yañca kho idaṃ, bho gotama, pāṭihāriyaṃ idhekacco evaṃ anusāsati – ‘evaṃ vitakketha , mā evaṃ vitakkayittha; evaṃ manasi karotha, mā evaṃ manasākattha; idaṃ pajahatha, idaṃ upasampajja viharathā’ti. Idameva, bho gotama, pāṭihāriyaṃ khamati imesaṃ tiṇṇaṃ pāṭihāriyānaṃ abhikkantatarañca paṇītatarañca.
‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! яаавасубхаасид̇амид̣̇ам̣ бход̇аа г̇од̇амзна имзхи жа маяам̣ д̇ийхи баадихаариязхи саманнааг̇ад̇ам̣ бхаванд̇ам̣ г̇од̇амам̣ д̇хаарзма. бхаван̃хи г̇од̇амо анзгавихид̇ам̣ ид̣̇д̇хивид̇хам̣ бажжанубход̇и…бз… яаава б̣рахмалогааби гааязна васам̣ вад̇д̇зд̇и, бхаван̃хи г̇од̇амо авид̇аггам̣ авижаарам̣ самаад̇хим̣ самаабаннасса жзд̇асаа жзд̇о барижжа баж̇аанаад̇и – ‘яат̇аа имасса бход̇о маносан̇каараа бан̣ихид̇аа имасса жид̇д̇асса ананд̇араа амум̣ наама вид̇аггам̣ вид̇аггзссад̇ий’д̇и. бхаван̃хи г̇од̇амо зваманусаасад̇и – ‘звам̣ вид̇аггзт̇а, маа звам̣ вид̇аггаяид̇т̇а; звам̣ манаси гарот̇а, маа звам̣ манасаагад̇т̇а; ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’’’д̇и.
‘‘Acchariyaṃ, bho gotama, abbhutaṃ, bho gotama! Yāvasubhāsitamidaṃ bhotā gotamena imehi ca mayaṃ tīhi pāṭihāriyehi samannāgataṃ bhavantaṃ gotamaṃ dhārema. Bhavañhi gotamo anekavihitaṃ iddhividhaṃ paccanubhoti…pe… yāva brahmalokāpi kāyena vasaṃ vatteti, bhavañhi gotamo avitakkaṃ avicāraṃ samādhiṃ samāpannassa cetasā ceto paricca pajānāti – ‘yathā imassa bhoto manosaṅkhārā paṇihitā imassa cittassa anantarā amuṃ nāma vitakkaṃ vitakkessatī’ti. Bhavañhi gotamo evamanusāsati – ‘evaṃ vitakketha, mā evaṃ vitakkayittha; evaṃ manasi karotha, mā evaṃ manasākattha; idaṃ pajahatha, idaṃ upasampajja viharathā’’’ti.
‘‘ад̣̇д̇хаа ко д̇яаахам̣, б̣раахман̣а, аасаж̇ж̇а убанийяа ваажаа бхаасид̇аа; аби жа д̇яаахам̣ б̣яаагариссаами. ахан̃хи, б̣раахман̣а, анзгавихид̇ам̣ ид̣̇д̇хивид̇хам̣ бажжанубхоми…бз… яаава б̣рахмалогааби гааязна васам̣ вад̇д̇зми. ахан̃хи , б̣раахман̣а, авид̇аггам̣ авижаарам̣ самаад̇хим̣ самаабаннасса жзд̇асаа жзд̇о барижжа баж̇аанаами – ‘яат̇аа имасса бход̇о маносан̇каараа бан̣ихид̇аа, имасса жид̇д̇асса ананд̇араа амум̣ наама вид̇аггам̣ вид̇аггзссад̇ий’д̇и. ахан̃хи, б̣раахман̣а, зваманусаасаами – ‘звам̣ вид̇аггзт̇а, маа звам̣ вид̇аггаяид̇т̇а; звам̣ манаси гарот̇а, маа звам̣ манасаагад̇т̇а; ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’’’д̇и.
‘‘Addhā kho tyāhaṃ, brāhmaṇa, āsajja upanīya vācā bhāsitā; api ca tyāhaṃ byākarissāmi. Ahañhi, brāhmaṇa, anekavihitaṃ iddhividhaṃ paccanubhomi…pe… yāva brahmalokāpi kāyena vasaṃ vattemi. Ahañhi , brāhmaṇa, avitakkaṃ avicāraṃ samādhiṃ samāpannassa cetasā ceto paricca pajānāmi – ‘yathā imassa bhoto manosaṅkhārā paṇihitā, imassa cittassa anantarā amuṃ nāma vitakkaṃ vitakkessatī’ti. Ahañhi, brāhmaṇa, evamanusāsāmi – ‘evaṃ vitakketha, mā evaṃ vitakkayittha; evaṃ manasi karotha, mā evaṃ manasākattha; idaṃ pajahatha, idaṃ upasampajja viharathā’’’ti.
‘‘ад̇т̇и бана, бхо г̇од̇ама, ан̃н̃о згабхигкуби яо имзхи д̇ийхи баадихаариязхи саманнааг̇ад̇о, ан̃н̃ад̇ра бход̇аа г̇од̇амзнаа’’д̇и? ‘‘на ко, б̣раахман̣а, згам̣язва сад̇ам̣ на д̣̇вз сад̇аани на д̇ийн̣и сад̇аани на жад̇д̇аари сад̇аани на бан̃жа сад̇аани, ат̇а ко бхияяова, яз 27 бхигкуу имзхи д̇ийхи баадихаариязхи саманнааг̇ад̇аа’’д̇и. ‘‘гахам̣ бана, бхо г̇од̇ама, зд̇арахи д̇з бхигкуу вихаранд̇ий’’д̇и? ‘‘имасмим̣язва ко, б̣раахман̣а, бхигкусан̇гхз’’д̇и.
‘‘Atthi pana, bho gotama, añño ekabhikkhupi yo imehi tīhi pāṭihāriyehi samannāgato, aññatra bhotā gotamenā’’ti? ‘‘Na kho, brāhmaṇa, ekaṃyeva sataṃ na dve satāni na tīṇi satāni na cattāri satāni na pañca satāni, atha kho bhiyyova, ye 28 bhikkhū imehi tīhi pāṭihāriyehi samannāgatā’’ti. ‘‘Kahaṃ pana, bho gotama, etarahi te bhikkhū viharantī’’ti? ‘‘Imasmiṃyeva kho, brāhmaṇa, bhikkhusaṅghe’’ti.
‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и, звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами, д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̣̇асамам̣.
‘‘Abhikkantaṃ, bho gotama, abhikkantaṃ, bho gotama! Seyyathāpi bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti, evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi, dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Dasamaṃ.
б̣раахман̣аваг̇г̇о батамо.
Brāhmaṇavaggo paṭhamo.
д̇ассуд̣̇д̣̇аанам̣ –
Tassuddānaṃ –
д̣̇вз б̣раахман̣аа жан̃н̃ад̇аро, бариб̣б̣ааж̇агзна ниб̣б̣уд̇ам̣;
Dve brāhmaṇā caññataro, paribbājakena nibbutaṃ;
балогаважчо д̇иган̣н̣о, сон̣и сан̇г̇ааравзна жаад̇и.
Palokavaccho tikaṇṇo, soṇi saṅgāravena cāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
