| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১১. সঙ্গারৰসুত্তৰণ্ণনা
11. Saṅgāravasuttavaṇṇanā
২০৭. পচ্চেতীতি পত্তিযাযতি সদ্দহতি। তথাভূতো চ তমত্থং নিকামেন্তো নাম হোতীতি ৰুত্তং ‘‘ইচ্ছতি পত্থেতী’’তি। সাধু, ভন্তেতি এত্থ সাধু-সদ্দো আযাচনত্থো, ন অভিনন্দনত্থোতি ‘‘আযাচমানো আহা’’তি ৰত্ৰা আযাচনে কারণং দস্সেন্তো ‘‘থেরস্স কিরা’’তিআদিমাহ। উদকসুদ্ধিকো ন একংসেন অপাযূপগো, লদ্ধিযা পন সাৰজ্জকিলেসভূতভাৰতো আযাচতি। অঞ্ঞং কারণং অপদিসন্তো ‘‘অপিচা’’তিআদিমাহ। ফলভূতো অত্থো এতস্সাতি অত্থৰসং, কারণন্তি আহ ‘‘অত্থানিসংসং অত্থকারণ’’ন্তি। পপঞ্চসূদনিযং পন ফলেনেৰ অরণীযতো অত্থো, কারণন্তি কত্ৰা ‘‘অত্থো এৰ অত্থৰসো, তস্মা দ্ৰে অত্থৰসেতি দ্ৰে অত্থে দ্ৰে কারণানী’’তি ৰুত্তং।
207.Paccetīti pattiyāyati saddahati. Tathābhūto ca tamatthaṃ nikāmento nāma hotīti vuttaṃ ‘‘icchati patthetī’’ti. Sādhu, bhanteti ettha sādhu-saddo āyācanattho, na abhinandanatthoti ‘‘āyācamāno āhā’’ti vatvā āyācane kāraṇaṃ dassento ‘‘therassa kirā’’tiādimāha. Udakasuddhiko na ekaṃsena apāyūpago, laddhiyā pana sāvajjakilesabhūtabhāvato āyācati. Aññaṃ kāraṇaṃ apadisanto ‘‘apicā’’tiādimāha. Phalabhūto attho etassāti atthavasaṃ, kāraṇanti āha ‘‘atthānisaṃsaṃ atthakāraṇa’’nti. Papañcasūdaniyaṃ pana phaleneva araṇīyato attho, kāraṇanti katvā ‘‘attho eva atthavaso, tasmā dve atthavaseti dve atthe dve kāraṇānī’’ti vuttaṃ.
সঙ্গারৰসুত্তৰণ্ণনা নিট্ঠিতা।
Saṅgāravasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১১. সঙ্গারৰসুত্তং • 11. Saṅgāravasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১১. সঙ্গারৰসুত্তৰণ্ণনা • 11. Saṅgāravasuttavaṇṇanā
