| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. сан̇г̇ааравасуд̇д̇аван̣н̣анаа
10. Saṅgāravasuttavaṇṇanā
61. д̣̇асамз сан̇г̇ааравод̇и звам̣наамаго рааж̇аг̇аханаг̇арз ж̇ин̣н̣абадисан̇каран̣агаараго ааяуд̇д̇агаб̣раахман̣о. убасан̇гамийд̇и бхуд̇д̇абаад̇араасо худ̇ваа махааж̇анабаривуд̇о убасан̇гами. маяамассууд̇и зд̇т̇а ассууд̇и нибаад̇амад̇д̇ам̣, маяам̣, бхо г̇од̇ама, б̣раахман̣аа наамаад̇и ид̣̇амзва ад̇т̇абад̣̇ам̣. яан̃н̃ам̣ яаж̇аамаад̇и б̣аахирасамаяз саб̣б̣ажад̇уггзна саб̣б̣адтагзна саб̣б̣асол̣асагзна саб̣б̣ад̣̇вад̇д̇им̣сааяа саб̣б̣ажад̇усадтияаа саб̣б̣асад̇зна саб̣б̣абан̃жасад̇знаад̇и жа звам̣ баан̣агхаад̇абадисам̣яуд̇д̇о яан̃н̃о наама ход̇и. д̇ам̣ санд̇хааязвамааха. анзгасаарийриганд̇и анзгасарийрасамбхавам̣. яад̣̇ид̣̇анд̇и яаа зсаа. яан̃н̃аад̇хигаран̣анд̇и яаж̇анагааран̣аа жзва яааж̇анагааран̣аа жаад̇и ад̇т̇о. згасмин̃хи б̣ахуунам̣ д̣̇ад̣̇анд̇зби д̣̇аабзнд̇зби б̣ахуусуби б̣ахуунам̣ д̣̇знд̇зсуби д̣̇аабзнд̇зсуби бун̃н̃абадибад̣̇аа анзгасаарийригаа наама ход̇и. д̇ам̣ санд̇хааязд̇ам̣ вуд̇д̇ам̣. д̇уяхан̃жа д̇уяхан̃жа яаж̇аамийд̇и вад̣̇анд̇ассааби д̇ван̃жа д̇ван̃жа яаж̇аахийд̇и аан̣аабзнд̇ассааби жа анзгасаарийригаава ход̇и. д̇амби санд̇хааязд̇ам̣ вуд̇д̇ам̣. яасса ваа д̇асса ваад̇и яасмаа ваа д̇асмаа ваа. згамад̇д̇аанам̣ д̣̇амзд̇ийд̇и ад̇д̇ано инд̣̇рияад̣̇аманавасзна згам̣ ад̇д̇аанамзва д̣̇амзд̇и. згамад̇д̇аанам̣ самзд̇ийд̇и ад̇д̇ано рааг̇аад̣̇исаманавасзна згам̣ ад̇д̇аанамзва самзд̇и. бариниб̣б̣аабзд̇ийд̇и рааг̇аад̣̇ибариниб̣б̣аанзнзва бариниб̣б̣аабзд̇и. звамассааяанд̇и звам̣ санд̇зби аяам̣.
61. Dasame saṅgāravoti evaṃnāmako rājagahanagare jiṇṇapaṭisaṅkharaṇakārako āyuttakabrāhmaṇo. Upasaṅkamīti bhuttapātarāso hutvā mahājanaparivuto upasaṅkami. Mayamassūti ettha assūti nipātamattaṃ, mayaṃ, bho gotama, brāhmaṇā nāmāti idameva atthapadaṃ. Yaññaṃ yajāmāti bāhirasamaye sabbacatukkena sabbaṭṭhakena sabbasoḷasakena sabbadvattiṃsāya sabbacatusaṭṭhiyā sabbasatena sabbapañcasatenāti ca evaṃ pāṇaghātapaṭisaṃyutto yañño nāma hoti. Taṃ sandhāyevamāha. Anekasārīrikanti anekasarīrasambhavaṃ. Yadidanti yā esā. Yaññādhikaraṇanti yajanakāraṇā ceva yājanakāraṇā cāti attho. Ekasmiñhi bahūnaṃ dadantepi dāpentepi bahūsupi bahūnaṃ dentesupi dāpentesupi puññapaṭipadā anekasārīrikā nāma hoti. Taṃ sandhāyetaṃ vuttaṃ. Tuyhañca tuyhañca yajāmīti vadantassāpi tvañca tvañca yajāhīti āṇāpentassāpi ca anekasārīrikāva hoti. Tampi sandhāyetaṃ vuttaṃ. Yassa vā tassa vāti yasmā vā tasmā vā. Ekamattānaṃ dametīti attano indriyadamanavasena ekaṃ attānameva dameti. Ekamattānaṃ sametīti attano rāgādisamanavasena ekaṃ attānameva sameti. Parinibbāpetīti rāgādiparinibbāneneva parinibbāpeti. Evamassāyanti evaṃ santepi ayaṃ.
звамид̣̇ам̣ б̣раахман̣асса гат̇ам̣ суд̇ваа сад̇т̇аа жинд̇зси – ‘‘аяам̣ б̣раахман̣о басугхаад̇агасам̣яуд̇д̇ам̣ махааяан̃н̃ам̣ анзгасаарийригам̣ бун̃н̃абадибад̣̇ам̣ вад̣̇зд̇и, баб̣б̣аж̇ж̇аамуулагам̣ бана бун̃н̃уббад̇д̇ибадибад̣̇ам̣ згасаарийриганд̇и вад̣̇зд̇и. нзвааяам̣ згасаарийригам̣ ж̇аанаад̇и, на анзгасаарийригам̣, ханд̣̇асса згасаарийриган̃жа анзгасаарийриган̃жа бадибад̣̇ам̣ д̣̇зсзссаамий’’д̇и убари д̣̇зсанам̣ вад̣дхзнд̇о д̇зна хи б̣раахман̣аад̇иаад̣̇имааха. д̇ад̇т̇а яат̇аа д̇з камзяяаад̇и яат̇аа д̇уяхам̣ ружжзяяа. ид̇ха д̇ат̇ааг̇ад̇о логз уббаж̇ж̇ад̇ийд̇иаад̣̇и висуд̣̇д̇химаг̇г̇з вид̇т̇аарид̇амзва. зт̇ааяам̣ маг̇г̇од̇и зт̇а д̇умхз, ахаманусаасаами, аяам̣ маг̇г̇о. аяам̣ бадибад̣̇аад̇и д̇ассзва взважанам̣. яат̇аа бадибаннод̇и язна маг̇г̇зна бадибанно. ануд̇д̇арам̣ б̣рахмажарияог̇ад̇ханд̇и арахад̇д̇амаг̇г̇асан̇каад̇асса б̣рахмажарияасса ануд̇д̇арам̣ ог̇ад̇хам̣ уд̇д̇амабад̇идтаабхууд̇ам̣ ниб̣б̣аанам̣. ижжааяанд̇и ид̇и аяам̣.
Evamidaṃ brāhmaṇassa kathaṃ sutvā satthā cintesi – ‘‘ayaṃ brāhmaṇo pasughātakasaṃyuttaṃ mahāyaññaṃ anekasārīrikaṃ puññapaṭipadaṃ vadeti, pabbajjāmūlakaṃ pana puññuppattipaṭipadaṃ ekasārīrikanti vadeti. Nevāyaṃ ekasārīrikaṃ jānāti, na anekasārīrikaṃ, handassa ekasārīrikañca anekasārīrikañca paṭipadaṃ desessāmī’’ti upari desanaṃ vaḍḍhento tena hi brāhmaṇātiādimāha. Tattha yathā te khameyyāti yathā tuyhaṃ rucceyya. Idha tathāgato loke uppajjatītiādi visuddhimagge vitthāritameva. Ethāyaṃ maggoti etha tumhe, ahamanusāsāmi, ayaṃ maggo. Ayaṃ paṭipadāti tasseva vevacanaṃ. Yathā paṭipannoti yena maggena paṭipanno. Anuttaraṃ brahmacariyogadhanti arahattamaggasaṅkhātassa brahmacariyassa anuttaraṃ ogadhaṃ uttamapatiṭṭhābhūtaṃ nibbānaṃ. Iccāyanti iti ayaṃ.
аббадтад̇араад̇и яад̇т̇а б̣ахуухи взяяааважжагарзхи ваа убагаран̣зхи ваа ад̇т̇о над̇т̇и. аббасамаарамбхад̇араад̇и яад̇т̇а б̣ахуунам̣ гаммажчзд̣̇авасзна бийл̣аасан̇каад̇о самаарамбхо над̇т̇и. сзяяат̇ааби бхавам̣ г̇од̇амо , бхавам̣ жаананд̣̇о, зд̇з мз буж̇ж̇аад̇и яат̇аа бхавам̣ г̇од̇амо, бхаван̃жаананд̣̇о, зваруубаа мама бууж̇ид̇аа, д̇умхзязва д̣̇вз ж̇анаа маяхам̣ буж̇ж̇аа жа баасам̣саа жаад̇и имамад̇т̇ам̣ санд̇хааязд̇ам̣ вад̣̇ад̇и. д̇асса гира звам̣ ахоси – ‘‘аананд̣̇ад̇т̇зро мам̣язва имам̣ бан̃хам̣ гат̇аабзд̇угаамо, ад̇д̇ано ко бана ван̣н̣з вуд̇д̇з бад̣̇уссанаго наама над̇т̇ий’’д̇и. д̇асмаа бан̃хам̣ агат̇зд̇угаамо ван̣н̣абхан̣анзна вигкзбам̣ гаронд̇о звамааха.
Appaṭṭhatarāti yattha bahūhi veyyāvaccakarehi vā upakaraṇehi vā attho natthi. Appasamārambhatarāti yattha bahūnaṃ kammacchedavasena pīḷāsaṅkhāto samārambho natthi. Seyyathāpi bhavaṃ gotamo , bhavaṃ cānando, ete me pujjāti yathā bhavaṃ gotamo, bhavañcānando, evarūpā mama pūjitā, tumheyeva dve janā mayhaṃ pujjā ca pāsaṃsā cāti imamatthaṃ sandhāyetaṃ vadati. Tassa kira evaṃ ahosi – ‘‘ānandatthero maṃyeva imaṃ pañhaṃ kathāpetukāmo, attano kho pana vaṇṇe vutte padussanako nāma natthī’’ti. Tasmā pañhaṃ akathetukāmo vaṇṇabhaṇanena vikkhepaṃ karonto evamāha.
на ко д̇яааханд̇и на ко д̇з ахам̣. т̇зроби гира жинд̇зси – ‘‘аяам̣ б̣раахман̣о бан̃хам̣ агат̇зд̇угаамо баривад̇д̇ад̇и, имам̣ бан̃хам̣ зд̇ам̣язва гат̇аабзссаамий’’д̇и. д̇асмаа нам̣ звамааха.
Nakho tyāhanti na kho te ahaṃ. Theropi kira cintesi – ‘‘ayaṃ brāhmaṇo pañhaṃ akathetukāmo parivattati, imaṃ pañhaṃ etaṃyeva kathāpessāmī’’ti. Tasmā naṃ evamāha.
сахад̇хаммиганд̇и сагааран̣ам̣. сам̣саад̣̇зд̇ийд̇и сам̣сийд̣̇аабзд̇и. но виссаж̇ж̇зд̇ийд̇и на гат̇зд̇и. яам̣нуунаахам̣ бариможзяяанд̇и яам̣нуунаахам̣ убхобзд̇з вихзсад̇о бариможзяяам̣. б̣раахман̣о хи аананд̣̇зна бужчид̇ам̣ бан̃хам̣ агат̇знд̇о вихзсзд̇и, аананд̣̇оби б̣раахман̣ам̣ агат̇знд̇ам̣ гат̇аабзнд̇о. ид̇и убхобзд̇з вихзсад̇о можзссаамийд̇и жинд̇зд̇ваа звамааха. гаа нваж̇ж̇аад̇и гаа ну аж̇ж̇а. анд̇араагат̇аа уд̣̇абаад̣̇ийд̇и ан̃н̃иссаа гат̇ааяа анд̇аранд̇арз гад̇араа гат̇аа уббаж̇ж̇ийд̇и бужчад̇и. д̇ад̣̇аа гира рааж̇анд̇збурз д̇ийн̣и баадихаарияаани аараб̣бха гат̇аа уд̣̇абаад̣̇и, д̇ам̣ бужчаамийд̇и сад̇т̇аа звамааха. ат̇а б̣раахман̣о ‘‘ид̣̇аани вад̇д̇ум̣ сагкиссаамий’’д̇и рааж̇анд̇збурз уббаннам̣ гат̇ам̣ аарожзнд̇о аяам̣ кваж̇ж̇а, бхо г̇од̇амаад̇иаад̣̇имааха. д̇ад̇т̇а аяам̣ кваж̇ж̇аад̇и аяам̣ ко аж̇ж̇а. буб̣б̣з суд̣̇анд̇и зд̇т̇а суд̣̇анд̇и нибаад̇амад̇д̇ам̣. уд̇д̇ари мануссад̇хаммаад̇и д̣̇асагусалагаммабат̇асан̇каад̇аа мануссад̇хаммаа уд̇д̇арим̣. ид̣̇д̇хибаадихаарияам̣ д̣̇ассзсунд̇и бхигкаажаарам̣ г̇ажчанд̇аа аагаасзнзва г̇амим̣су жзва ааг̇амим̣су жаад̇и звам̣ буб̣б̣з бавад̇д̇ам̣ аагаасаг̇аманам̣ санд̇хааязвамааха. зд̇арахи бана б̣ахуд̇араа жа бхигкууд̇и ид̣̇ам̣ со б̣раахман̣о ‘‘буб̣б̣з бхигкуу ‘жад̇д̇ааро бажжаяз уббаад̣̇зссаамаа’д̇и ман̃н̃з звамагам̣су, ид̣̇аани бажжаяаанам̣ уббаннабхаавам̣ н̃ад̇ваа соббзна жзва бамаад̣̇зна жа вийд̇инаамзнд̇ий’’д̇и лад̣̇д̇хияаа звамааха.
Sahadhammikanti sakāraṇaṃ. Saṃsādetīti saṃsīdāpeti. No vissajjetīti na katheti. Yaṃnūnāhaṃ parimoceyyanti yaṃnūnāhaṃ ubhopete vihesato parimoceyyaṃ. Brāhmaṇo hi ānandena pucchitaṃ pañhaṃ akathento viheseti, ānandopi brāhmaṇaṃ akathentaṃ kathāpento. Iti ubhopete vihesato mocessāmīti cintetvā evamāha. Kā nvajjāti kā nu ajja. Antarākathā udapādīti aññissā kathāya antarantare katarā kathā uppajjīti pucchati. Tadā kira rājantepure tīṇi pāṭihāriyāni ārabbha kathā udapādi, taṃ pucchāmīti satthā evamāha. Atha brāhmaṇo ‘‘idāni vattuṃ sakkhissāmī’’ti rājantepure uppannaṃ kathaṃ ārocento ayaṃ khvajja, bho gotamātiādimāha. Tattha ayaṃ khvajjāti ayaṃ kho ajja. Pubbe sudanti ettha sudanti nipātamattaṃ. Uttari manussadhammāti dasakusalakammapathasaṅkhātā manussadhammā uttariṃ. Iddhipāṭihāriyaṃ dassesunti bhikkhācāraṃ gacchantā ākāseneva gamiṃsu ceva āgamiṃsu cāti evaṃ pubbe pavattaṃ ākāsagamanaṃ sandhāyevamāha. Etarahi pana bahutarā ca bhikkhūti idaṃ so brāhmaṇo ‘‘pubbe bhikkhū ‘cattāro paccaye uppādessāmā’ti maññe evamakaṃsu, idāni paccayānaṃ uppannabhāvaṃ ñatvā soppena ceva pamādena ca vītināmentī’’ti laddhiyā evamāha.
баадихаарияаанийд̇и бажжанийгабадихаран̣авасзна баадихаарияаани. ид̣̇д̇хибаадихаарияанд̇и иж̇жханавасзна ид̣̇д̇хи, бадихаран̣авасзна баадихаарияам̣, ид̣̇д̇хиязва баадихаарияам̣ ид̣̇д̇хибаадихаарияам̣. ид̇арзсуби зсзва наяо. анзгавихид̇ам̣ ид̣̇д̇хивид̇ханд̇иаад̣̇ийнам̣ ад̇т̇о жзва бхааванаанаяо жа висуд̣̇д̇химаг̇г̇з (висуд̣̇д̇хи. 2.365) вид̇т̇аарид̇ова.
Pāṭihāriyānīti paccanīkapaṭiharaṇavasena pāṭihāriyāni. Iddhipāṭihāriyanti ijjhanavasena iddhi, paṭiharaṇavasena pāṭihāriyaṃ, iddhiyeva pāṭihāriyaṃ iddhipāṭihāriyaṃ. Itaresupi eseva nayo. Anekavihitaṃ iddhividhantiādīnaṃ attho ceva bhāvanānayo ca visuddhimagge (visuddhi. 2.365) vitthāritova.
нимид̇д̇зна аад̣̇исад̇ийд̇и ааг̇ад̇анимид̇д̇зна ваа г̇ад̇анимид̇д̇зна ваа тид̇анимид̇д̇зна ваа ‘‘ид̣̇ам̣ наама бхависсад̇ий’’д̇и гат̇зд̇и. д̇ад̇рид̣̇ам̣ вад̇т̇у – зго гира рааж̇аа д̇иссо муд̇д̇аа г̇ахзд̇ваа бурохид̇ам̣ бужчи ‘‘гим̣ мз, аажарияа, хад̇т̇з’’д̇и. со ид̇о жид̇о жа ологзси, д̇зна жа самаязна згаа сараб̣уу ‘‘магкигам̣ г̇ахзссаамий’’д̇и багканд̇аа, г̇ахан̣агаалз магкигаа балаад̇аа. со магкигааяа муд̇д̇ад̇д̇аа ‘‘муд̇д̇аа махаарааж̇аа’’д̇и ааха. муд̇д̇аа д̇аава хонд̇у, гад̇и муд̇д̇аад̇и. со буна нимид̇д̇ам̣ ологзси. ат̇аавид̣̇уурз гуггудо д̇игкад̇д̇ум̣ сад̣̇д̣̇ам̣ нижчаарзси. б̣раахман̣о ‘‘д̇иссо махаарааж̇аа’’д̇и ааха. звам̣ згажжо ааг̇ад̇анимид̇д̇зна гат̇зд̇и. зд̇знубааязна г̇ад̇атид̇анимид̇д̇зхиби гат̇анам̣ взд̣̇ид̇аб̣б̣ам̣. звамби д̇з манод̇и звам̣ д̇ава мано соманассид̇о ваа д̣̇оманассид̇о ваа гаамавид̇аггаад̣̇исам̣яуд̇д̇о ваад̇и. д̣̇уд̇ияам̣ д̇ассзва взважанам̣. ид̇иби д̇з жид̇д̇анд̇и ид̇иби д̇ава жид̇д̇ам̣, иман̃жа иман̃жа ад̇т̇ам̣ жинд̇аяамаанам̣ бавад̇д̇ад̇ийд̇и ад̇т̇о. б̣ахум̣ жзби аад̣̇исад̇ийд̇и б̣ахум̣ жзби гат̇зд̇и. д̇ат̇зва д̇ам̣ ход̇ийд̇и яат̇аа гат̇ид̇ам̣, д̇ат̇зва ход̇и.
Nimittenaādisatīti āgatanimittena vā gatanimittena vā ṭhitanimittena vā ‘‘idaṃ nāma bhavissatī’’ti katheti. Tatridaṃ vatthu – eko kira rājā tisso muttā gahetvā purohitaṃ pucchi ‘‘kiṃ me, ācariya, hatthe’’ti. So ito cito ca olokesi, tena ca samayena ekā sarabū ‘‘makkhikaṃ gahessāmī’’ti pakkhantā, gahaṇakāle makkhikā palātā. So makkhikāya muttattā ‘‘muttā mahārājā’’ti āha. Muttā tāva hontu, kati muttāti. So puna nimittaṃ olokesi. Athāvidūre kukkuṭo tikkhattuṃ saddaṃ nicchāresi. Brāhmaṇo ‘‘tisso mahārājā’’ti āha. Evaṃ ekacco āgatanimittena katheti. Etenupāyena gataṭhitanimittehipi kathanaṃ veditabbaṃ. Evampi te manoti evaṃ tava mano somanassito vā domanassito vā kāmavitakkādisaṃyutto vāti. Dutiyaṃ tasseva vevacanaṃ. Itipi te cittanti itipi tava cittaṃ, imañca imañca atthaṃ cintayamānaṃ pavattatīti attho. Bahuṃ cepi ādisatīti bahuṃ cepi katheti. Tatheva taṃ hotīti yathā kathitaṃ, tatheva hoti.
амануссаананд̇и яагкабисаажаад̣̇ийнам̣. д̣̇звад̇аананд̇и жаад̇умахаарааж̇игаад̣̇ийнам̣. сад̣̇д̣̇ам̣ суд̇ваад̇и ан̃н̃асса жид̇д̇ам̣ н̃ад̇ваа гат̇знд̇аанам̣ суд̇ваа. вид̇аггавибпаарасад̣̇д̣̇анд̇и вид̇аггавибпааравасзна уббаннам̣ виббалабанд̇аанам̣ суд̇д̇аббамад̇д̇аад̣̇ийнам̣ сад̣̇д̣̇ам̣. суд̇ваад̇и д̇ам̣ суд̇ваа. яам̣ вид̇аггаяад̇о д̇асса со сад̣̇д̣̇о уббанно, д̇асса васзна ‘‘звамби д̇з мано’’д̇иаад̣̇исад̇и.
Amanussānanti yakkhapisācādīnaṃ. Devatānanti cātumahārājikādīnaṃ. Saddaṃ sutvāti aññassa cittaṃ ñatvā kathentānaṃ sutvā. Vitakkavipphārasaddanti vitakkavipphāravasena uppannaṃ vippalapantānaṃ suttappamattādīnaṃ saddaṃ. Sutvāti taṃ sutvā. Yaṃ vitakkayato tassa so saddo uppanno, tassa vasena ‘‘evampi te mano’’tiādisati.
д̇ад̇римаани вад̇т̇ууни – зго гира мануссо ‘‘аддам̣ гариссаамий’’д̇и г̇аамаа наг̇арам̣ г̇ажчанд̇о нигканд̇адтаанад̇о бадтааяа ‘‘винижчаяасабхааяам̣ ран̃н̃о жа рааж̇амахаамад̇д̇аанан̃жа ид̣̇ам̣ гат̇зссаами ид̣̇ам̣ гат̇зссаамий’’д̇и вид̇аггзнд̇о рааж̇агулам̣ г̇ад̇о вияа ран̃н̃о бурад̇о тид̇о вияа аддагаарагзна сад̣̇д̇хим̣ гат̇знд̇о вияа жа ахоси, д̇асса д̇ам̣ вид̇аггавибпааравасзна нижчаранд̇ам̣ сад̣̇д̣̇ам̣ суд̇ваа зго бурисо ‘‘гзнадтзна г̇ажчасий’’д̇и ааха. аддагаммзнаад̇и. г̇ажча, ж̇аяо д̇з бхависсад̇ийд̇и. со г̇анд̇ваа аддам̣ гад̇ваа ж̇аяамзва баабун̣и.
Tatrimāni vatthūni – eko kira manusso ‘‘aṭṭaṃ karissāmī’’ti gāmā nagaraṃ gacchanto nikkhantaṭṭhānato paṭṭhāya ‘‘vinicchayasabhāyaṃ rañño ca rājamahāmattānañca idaṃ kathessāmi idaṃ kathessāmī’’ti vitakkento rājakulaṃ gato viya rañño purato ṭhito viya aṭṭakārakena saddhiṃ kathento viya ca ahosi, tassa taṃ vitakkavipphāravasena niccharantaṃ saddaṃ sutvā eko puriso ‘‘kenaṭṭhena gacchasī’’ti āha. Aṭṭakammenāti. Gaccha, jayo te bhavissatīti. So gantvā aṭṭaṃ katvā jayameva pāpuṇi.
абароби т̇зро мол̣ияаг̇аамз бин̣д̣ааяа жари. ат̇а нам̣ нигкаманд̇ам̣ згаа д̣̇ааригаа ан̃н̃авихид̇аа на ад̣̇д̣̇аса. со г̇аамад̣̇ваарз тад̇ваа нивад̇д̇ид̇ваа ологзд̇ваа д̇ам̣ д̣̇исваа вид̇аггзнд̇о аг̇амааси. г̇ажчанд̇оязва жа ‘‘гим̣ ну ко гурумаанаа д̣̇ааригаа на ад̣̇д̣̇асаа’’д̇и важийбхзд̣̇ам̣ агааси. бассз тид̇о зго бурисо суд̇ваа ‘‘д̇умхз, бханд̇з, мол̣ияаг̇аамз жарид̇т̇аа’’д̇и ааха.
Aparopi thero moḷiyagāme piṇḍāya cari. Atha naṃ nikkhamantaṃ ekā dārikā aññavihitā na addasa. So gāmadvāre ṭhatvā nivattitvā oloketvā taṃ disvā vitakkento agamāsi. Gacchantoyeva ca ‘‘kiṃ nu kho kurumānā dārikā na addasā’’ti vacībhedaṃ akāsi. Passe ṭhito eko puriso sutvā ‘‘tumhe, bhante, moḷiyagāme caritthā’’ti āha.
маносан̇каараа бан̣ихид̇аад̇и жид̇д̇асан̇каараа судтабид̇аа. вид̇аггзссад̇ийд̇и вид̇аггаяиссад̇и бавад̇д̇аяиссад̇ийд̇и баж̇аанаад̇и. баж̇аананд̇о жа ааг̇аманзна ж̇аанаад̇и, буб̣б̣абхааг̇зна ж̇аанаад̇и, анд̇осамаабад̇д̇ияам̣ жид̇д̇ам̣ абалогзд̇ваа ж̇аанаад̇и. ааг̇аманзна ж̇аанаад̇и наама гасин̣абаригаммагаалзязва ‘‘язнаагаарзнзса гасин̣абхааванам̣ аарад̣̇д̇хо батамаж̇жхаанам̣ ваа…бз… жад̇уд̇т̇аж̇жхаанам̣ ваа адта ваа самаабад̇д̇ияо ниб̣б̣ад̇д̇зссад̇ий’’д̇и ж̇аанаад̇и. буб̣б̣абхааг̇зна ж̇аанаад̇и наама батамавибассанааяа аарад̣̇д̇хааяаязва ж̇аанаад̇и, ‘‘язнаагаарзна зса вибассанам̣ аарад̣̇д̇хо сод̇аабад̇д̇имаг̇г̇ам̣ ваа ниб̣б̣ад̇д̇зссад̇и…бз… арахад̇д̇амаг̇г̇ам̣ ваа ниб̣б̣ад̇д̇зссад̇ий’’д̇и ж̇аанаад̇и. анд̇осамаабад̇д̇ияам̣ жид̇д̇ам̣ ологзд̇ваа ж̇аанаад̇и наама – ‘‘язнаагаарзна имасса маносан̇каараа судтабид̇аа, имасса наама жид̇д̇асса ананд̇араа имам̣ наама вид̇аггам̣ вид̇аггзссад̇и, ид̇о вудтид̇асса зд̇асса хаанабхааг̇ияо ваа самаад̇хи бхависсад̇и тид̇ибхааг̇ияо ваа висзсабхааг̇ияо ваа ниб̣б̣зд̇хабхааг̇ияо ваа, абхин̃н̃ааяо ваа ниб̣б̣ад̇д̇зссад̇ий’’д̇и ж̇аанаад̇и. д̇ад̇т̇а бут̇уж̇ж̇ано жзд̇обарияан̃аан̣алаабхий бут̇уж̇ж̇анаанам̣язва жид̇д̇ам̣ ж̇аанаад̇и, на арияаанам̣. ариязсуби хздтимо убаримасса жид̇д̇ам̣ на ж̇аанаад̇и, убаримо бана хздтимасса ж̇аанаад̇и. зд̇зсу жа сод̇аабанно сод̇аабад̇д̇ипаласамаабад̇д̇им̣ самаабаж̇ж̇ад̇и…бз… арахаа арахад̇д̇апаласамаабад̇д̇им̣ самаабаж̇ж̇ад̇и. убаримо хздтимам̣ на самаабаж̇ж̇ад̇и. д̇зсан̃хи хздтимаа хздтимаа самаабад̇д̇и д̇ад̇равад̇д̇иязва ход̇и. д̇ат̇зва д̇ам̣ ход̇ийд̇и зд̇ам̣ згам̣сзна д̇ат̇зва ход̇и. жзд̇обарияан̃аан̣авасзна н̃аад̇ан̃хи ан̃н̃ат̇аабхаави наама над̇т̇и.
Manosaṅkhārāpaṇihitāti cittasaṅkhārā suṭṭhapitā. Vitakkessatīti vitakkayissati pavattayissatīti pajānāti. Pajānanto ca āgamanena jānāti, pubbabhāgena jānāti, antosamāpattiyaṃ cittaṃ apaloketvā jānāti. Āgamanena jānāti nāma kasiṇaparikammakāleyeva ‘‘yenākārenesa kasiṇabhāvanaṃ āraddho paṭhamajjhānaṃ vā…pe… catutthajjhānaṃ vā aṭṭha vā samāpattiyo nibbattessatī’’ti jānāti. Pubbabhāgena jānāti nāma paṭhamavipassanāya āraddhāyayeva jānāti, ‘‘yenākārena esa vipassanaṃ āraddho sotāpattimaggaṃ vā nibbattessati…pe… arahattamaggaṃ vā nibbattessatī’’ti jānāti. Antosamāpattiyaṃ cittaṃ oloketvā jānāti nāma – ‘‘yenākārena imassa manosaṅkhārā suṭṭhapitā, imassa nāma cittassa anantarā imaṃ nāma vitakkaṃ vitakkessati, ito vuṭṭhitassa etassa hānabhāgiyo vā samādhi bhavissati ṭhitibhāgiyo vā visesabhāgiyo vā nibbedhabhāgiyo vā, abhiññāyo vā nibbattessatī’’ti jānāti. Tattha puthujjano cetopariyañāṇalābhī puthujjanānaṃyeva cittaṃ jānāti, na ariyānaṃ. Ariyesupi heṭṭhimo uparimassa cittaṃ na jānāti, uparimo pana heṭṭhimassa jānāti. Etesu ca sotāpanno sotāpattiphalasamāpattiṃ samāpajjati…pe… arahā arahattaphalasamāpattiṃ samāpajjati. Uparimo heṭṭhimaṃ na samāpajjati. Tesañhi heṭṭhimā heṭṭhimā samāpatti tatravattiyeva hoti. Tatheva taṃhotīti etaṃ ekaṃsena tatheva hoti. Cetopariyañāṇavasena ñātañhi aññathābhāvi nāma natthi.
звам̣ вид̇аггзт̇аад̇и звам̣ нзгкаммавид̇аггаад̣̇аяо бавад̇д̇знд̇аа вид̇аггзт̇а. маа звам̣ вид̇аггаяид̇т̇аад̇и звам̣ гаамавид̇аггаад̣̇аяо бавад̇д̇знд̇аа маа вид̇аггаяид̇т̇а. звам̣ манаси гарот̇аад̇и звам̣ анижжасан̃н̃амзва, д̣̇угкасан̃н̃аад̣̇ийсу ваа ан̃н̃ад̇арам̣ манаси гарот̇а. маа званд̇и нижжанд̇иаад̣̇инаа наязна маа манасаа гарид̇т̇а. ид̣̇анд̇и ид̣̇ам̣ бан̃жагаамаг̇ун̣арааг̇ам̣ баж̇ахат̇а. ид̣̇ан̃жа убасамбаж̇ж̇аад̇и ид̣̇ам̣ жад̇умаг̇г̇апалаббабхзд̣̇ам̣ логуд̇д̇арад̇хаммамзва убасамбаж̇ж̇а баабун̣ид̇ваа нибпаад̣̇зд̇ваа вихарат̇а.
Evaṃ vitakkethāti evaṃ nekkhammavitakkādayo pavattentā vitakketha. Mā evaṃ vitakkayitthāti evaṃ kāmavitakkādayo pavattentā mā vitakkayittha. Evaṃ manasi karothāti evaṃ aniccasaññameva, dukkhasaññādīsu vā aññataraṃ manasi karotha. Mā evanti niccantiādinā nayena mā manasā karittha. Idanti idaṃ pañcakāmaguṇarāgaṃ pajahatha. Idañca upasampajjāti idaṃ catumaggaphalappabhedaṃ lokuttaradhammameva upasampajja pāpuṇitvā nipphādetvā viharatha.
мааяаасахад̇хаммаруубам̣ вияа кааяад̇ийд̇и мааяааяа самаанагааран̣аж̇аад̇игам̣ вияа худ̇ваа убадтаад̇и. мааяаагаароби хи уд̣̇агам̣ г̇ахзд̇ваа д̇злам̣ гарод̇и, д̇злам̣ г̇ахзд̇ваа уд̣̇аганд̇и звам̣ анзгаруубам̣ мааяам̣ д̣̇ассзд̇и. ид̣̇амби баадихаарияам̣ д̇ат̇ааруубамзваад̇и. ид̣̇амби мз, бхо г̇од̇ама, баадихаарияам̣ мааяаасахад̇хаммаруубам̣ вияа кааяад̇ийд̇и жинд̇ааман̣игавиж̇ж̇аасаригкагад̇ам̣ санд̇хааяа звам̣ ааха. жинд̇ааман̣игавиж̇ж̇ам̣ ж̇аананд̇ааби хи ааг̇ажчанд̇амзва д̣̇исваа ‘‘аяам̣ ид̣̇ам̣ наама вид̇аггзнд̇о ааг̇ажчад̇ий’’д̇и ж̇аананд̇и. д̇ат̇аа ‘‘ид̣̇ам̣ наама вид̇аггзнд̇о тид̇о, ид̣̇ам̣ наама вид̇аггзнд̇о нисинно, ид̣̇ам̣ наама вид̇аггзнд̇о нибанно’’д̇и ж̇аананд̇и.
Māyāsahadhammarūpaṃ viya khāyatīti māyāya samānakāraṇajātikaṃ viya hutvā upaṭṭhāti. Māyākāropi hi udakaṃ gahetvā telaṃ karoti, telaṃ gahetvā udakanti evaṃ anekarūpaṃ māyaṃ dasseti. Idampi pāṭihāriyaṃ tathārūpamevāti. Idampi me, bho gotama, pāṭihāriyaṃ māyāsahadhammarūpaṃ viya khāyatīti cintāmaṇikavijjāsarikkhakataṃ sandhāya evaṃ āha. Cintāmaṇikavijjaṃ jānantāpi hi āgacchantameva disvā ‘‘ayaṃ idaṃ nāma vitakkento āgacchatī’’ti jānanti. Tathā ‘‘idaṃ nāma vitakkento ṭhito, idaṃ nāma vitakkento nisinno, idaṃ nāma vitakkento nipanno’’ti jānanti.
абхигганд̇ад̇аранд̇и сунд̣̇арад̇арам̣. бан̣ийд̇ад̇аранд̇и уд̇д̇амад̇арам̣. бхаван̃хи г̇од̇амо авид̇аггам̣ авижааранд̇и ид̇ха б̣раахман̣о авасзсам̣ аад̣̇зсанаабаадихаарияам̣ б̣аахираганд̇и на г̇ан̣хи. ид̣̇ан̃жа бана саб̣б̣ам̣ со б̣раахман̣о д̇ат̇ааг̇ад̇асса ван̣н̣ам̣ гат̇знд̇оязва ааха. ад̣̇д̇хаа ко д̇яааяанд̇и згам̣сзнзва д̇аяаа аяам̣. аасаж̇ж̇а убанийяа ваажаа бхаасид̇аад̇и мама г̇ун̣з гхаддзд̇ваа мамзва г̇ун̣аанам̣ санд̇игам̣ убанийд̇аа ваажаа бхаасид̇аа. абижа д̇яаахам̣ б̣яаагариссаамийд̇и абижа д̇з ахамзва гат̇зссаамийд̇и. сзсам̣ уд̇д̇аанад̇т̇амзваад̇и.
Abhikkantataranti sundarataraṃ. Paṇītataranti uttamataraṃ. Bhavañhi gotamo avitakkaṃ avicāranti idha brāhmaṇo avasesaṃ ādesanāpāṭihāriyaṃ bāhirakanti na gaṇhi. Idañca pana sabbaṃ so brāhmaṇo tathāgatassa vaṇṇaṃ kathentoyeva āha. Addhā kho tyāyanti ekaṃseneva tayā ayaṃ. Āsajja upanīya vācā bhāsitāti mama guṇe ghaṭṭetvā mameva guṇānaṃ santikaṃ upanītā vācā bhāsitā. Apica tyāhaṃ byākarissāmīti apica te ahameva kathessāmīti. Sesaṃ uttānatthamevāti.
б̣раахман̣аваг̇г̇о батамо.
Brāhmaṇavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. сан̇г̇ааравасуд̇д̇ам̣ • 10. Saṅgāravasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
