| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. сан̇г̇ааравасуд̇д̇аван̣н̣анаа
5. Saṅgāravasuttavaṇṇanā
236. бан̃жамз баг̇зваад̇и батаман̃н̃зва. гаамарааг̇абарияудтид̇знаад̇и гаамарааг̇аг̇ахид̇зна. гаамарааг̇абарзд̇знаад̇и гаамарааг̇аануг̇ад̇зна. ниссаран̣анд̇и д̇ивид̇хам̣ гаамарааг̇асса ниссаран̣ам̣ вигкамбхананиссаран̣ам̣ д̇ад̣̇ан̇г̇аниссаран̣ам̣ самужчзд̣̇аниссаран̣анд̇и . д̇ад̇т̇а асубхз батамаж̇жхаанам̣ вигкамбхананиссаран̣ам̣ наама, вибассанаа д̇ад̣̇ан̇г̇аниссаран̣ам̣ наама, арахад̇д̇амаг̇г̇о самужчзд̣̇аниссаран̣ам̣ наама. д̇ам̣ д̇ивид̇хамби наббаж̇аанаад̇ийд̇и ад̇т̇о. ад̇д̇ад̇т̇амбийд̇иаад̣̇ийсу арахад̇д̇асан̇каад̇о ад̇д̇ано ад̇т̇о ад̇д̇ад̇т̇о наама, бажжаяад̣̇ааяагаанам̣ ад̇т̇о барад̇т̇о наама, свзва д̣̇увид̇хоби убхаяад̇т̇о наама. иминаа наязна саб̣б̣аваарзсу ад̇т̇о взд̣̇ид̇аб̣б̣о.
236. Pañcame pagevāti paṭhamaññeva. Kāmarāgapariyuṭṭhitenāti kāmarāgagahitena. Kāmarāgaparetenāti kāmarāgānugatena. Nissaraṇanti tividhaṃ kāmarāgassa nissaraṇaṃ vikkhambhananissaraṇaṃ tadaṅganissaraṇaṃ samucchedanissaraṇanti . Tattha asubhe paṭhamajjhānaṃ vikkhambhananissaraṇaṃ nāma, vipassanā tadaṅganissaraṇaṃ nāma, arahattamaggo samucchedanissaraṇaṃ nāma. Taṃ tividhampi nappajānātīti attho. Attatthampītiādīsu arahattasaṅkhāto attano attho attattho nāma, paccayadāyakānaṃ attho parattho nāma, sveva duvidhopi ubhayattho nāma. Iminā nayena sabbavāresu attho veditabbo.
аяам̣ бана висзсо – б̣яаабаад̣̇асса ниссаран̣анд̇иаад̣̇ийсу хи д̣̇взва ниссаран̣аани вигкамбхананиссаран̣ан̃жа самужчзд̣̇аниссаран̣ан̃жа. д̇ад̇т̇а б̣яаабаад̣̇асса д̇аава мзд̇д̇ааяа батамаж̇жхаанам̣ вигкамбхананиссаран̣ам̣, анааг̇аамимаг̇г̇о самужчзд̣̇аниссаран̣ам̣. т̇инамид̣̇д̇хасса аалогасан̃н̃аа вигкамбхананиссаран̣ам̣, арахад̇д̇амаг̇г̇о самужчзд̣̇аниссаран̣ам̣. уд̣̇д̇хажжагуггужжасса яо гожи самат̇о вигкамбхананиссаран̣ам̣, уд̣̇д̇хажжасса банзд̇т̇а арахад̇д̇амаг̇г̇о, гуггужжасса анааг̇аамимаг̇г̇о самужчзд̣̇аниссаран̣ам̣. вижигижчааяа д̇хаммававад̇т̇аанам̣ вигкамбхананиссаран̣ам̣, батамамаг̇г̇о самужчзд̣̇аниссаран̣ам̣.
Ayaṃ pana viseso – byāpādassa nissaraṇantiādīsu hi dveva nissaraṇāni vikkhambhananissaraṇañca samucchedanissaraṇañca. Tattha byāpādassa tāva mettāya paṭhamajjhānaṃ vikkhambhananissaraṇaṃ, anāgāmimaggo samucchedanissaraṇaṃ. Thinamiddhassa ālokasaññā vikkhambhananissaraṇaṃ, arahattamaggo samucchedanissaraṇaṃ. Uddhaccakukkuccassa yo koci samatho vikkhambhananissaraṇaṃ, uddhaccassa panettha arahattamaggo, kukkuccassa anāgāmimaggo samucchedanissaraṇaṃ. Vicikicchāya dhammavavatthānaṃ vikkhambhananissaraṇaṃ, paṭhamamaggo samucchedanissaraṇaṃ.
яаа банзд̇т̇а сзяяат̇ааби б̣раахман̣а уд̣̇абад̇д̇о сам̣садто лаакааяа ваад̇иаад̣̇игаа убамаа вуд̇д̇аа, д̇аасу уд̣̇абад̇д̇од̇и уд̣̇агабхарид̇аа баад̇и. сам̣садтод̇и ван̣н̣абхзд̣̇агаран̣авасзна сам̣садто. баггут̇ид̇од̇и гут̇ид̇о. усмуд̣̇агаж̇аад̇од̇и усумаж̇аад̇о. сзваалабан̣агабарияонад̣̇д̇ход̇и д̇илаб̣ийж̇агаад̣̇ибхзд̣̇зна сзваалзна ваа нийламан̣д̣уугабидтиван̣н̣зна ваа уд̣̇агабидтим̣ чаад̣̇зд̇ваа ниб̣б̣ад̇д̇абан̣агзна барияонад̣̇д̇хо. ваад̇зрид̇од̇и ваад̇зна зрид̇о гамбид̇о. аавилод̇и аббасанно. лул̣ид̇од̇и асаннисинно. галалийбхууд̇од̇и гад̣̇д̣̇амийбхууд̇о. анд̇хагаарз нигкид̇д̇од̇и годтанд̇араад̣̇ибхзд̣̇з анаалогадтаанз табид̇о. имасмим̣ суд̇д̇з бхаг̇аваа д̇ийхи бхавзхи д̣̇зсанам̣ нивад̇д̇зд̇ваа арахад̇д̇анигуудзна д̣̇зсанам̣ нидтаабзси, б̣раахман̣о бана саран̣амад̇д̇з бад̇идтид̇о.
Yā panettha seyyathāpi brāhmaṇa udapatto saṃsaṭṭho lākhāya vātiādikā upamā vuttā, tāsu udapattoti udakabharitā pāti. Saṃsaṭṭhoti vaṇṇabhedakaraṇavasena saṃsaṭṭho. Pakkuthitoti kuthito. Usmudakajātoti usumajāto. Sevālapaṇakapariyonaddhoti tilabījakādibhedena sevālena vā nīlamaṇḍūkapiṭṭhivaṇṇena vā udakapiṭṭhiṃ chādetvā nibbattapaṇakena pariyonaddho. Vāteritoti vātena erito kampito. Āviloti appasanno. Luḷitoti asannisinno. Kalalībhūtoti kaddamībhūto. Andhakāre nikkhittoti koṭṭhantarādibhede anālokaṭṭhāne ṭhapito. Imasmiṃ sutte bhagavā tīhi bhavehi desanaṃ nivattetvā arahattanikūṭena desanaṃ niṭṭhāpesi, brāhmaṇo pana saraṇamatte patiṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. сан̇г̇ааравасуд̇д̇ам̣ • 5. Saṅgāravasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сан̇г̇ааравасуд̇д̇аван̣н̣анаа • 5. Saṅgāravasuttavaṇṇanā
