| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. сан̇г̇ааравасуд̇д̇аван̣н̣анаа
10. Saṅgāravasuttavaṇṇanā
61. д̣̇асамз ж̇ин̣н̣аанам̣ хад̇т̇исаалаад̣̇ийнам̣ бадисан̇каран̣ам̣ буна баагад̇игагаран̣ам̣ ж̇ин̣н̣абадисан̇каран̣ам̣ , д̇асса гаараго ж̇ин̣н̣абадисан̇каран̣агаараго. б̣аахирасамаязд̇и сад̇т̇усаасанад̇о б̣аахирз ан̃н̃ад̇ид̇т̇ияасамаяз. саб̣б̣ажад̇уггзнаад̇иаад̣̇ийсу саб̣б̣зсу д̣̇вибад̣̇ажад̇уббад̣̇аад̣̇ибхзд̣̇зсу баан̣зсу згзгасмим̣ жад̇д̇ааро жад̇д̇ааро баан̣з вад̇хид̇ваа яаж̇ид̇аб̣б̣ам̣ яан̃н̃ам̣ саб̣б̣ажад̇уггам̣ наама. сзсзсуби иминаа наязна ад̇т̇о взд̣̇ид̇аб̣б̣о. яасса ваа д̇асса ваад̇и ниссаггз саамиважананд̇и ааха ‘‘яасмаа ваа д̇асмаа ваа’’д̇и. звамассааяанд̇и зд̇т̇а ассууд̇и нибаад̇амад̇д̇анд̇и ааха ‘‘звам̣ санд̇зби аяа’’нд̇и.
61. Dasame jiṇṇānaṃ hatthisālādīnaṃ paṭisaṅkharaṇaṃ puna pākatikakaraṇaṃ jiṇṇapaṭisaṅkharaṇaṃ , tassa kārako jiṇṇapaṭisaṅkharaṇakārako. Bāhirasamayeti satthusāsanato bāhire aññatitthiyasamaye. Sabbacatukkenātiādīsu sabbesu dvipadacatuppadādibhedesu pāṇesu ekekasmiṃ cattāro cattāro pāṇe vadhitvā yajitabbaṃ yaññaṃ sabbacatukkaṃ nāma. Sesesupi iminā nayena attho veditabbo. Yassa vā tassa vāti nissakke sāmivacananti āha ‘‘yasmā vā tasmā vā’’ti. Evamassāyanti ettha assūti nipātamattanti āha ‘‘evaṃ santepi aya’’nti.
вад̣дхзнд̇од̇и бадтабзнд̇о. маг̇г̇аб̣рахмажарияасса ог̇ад̇хам̣ муулам̣ бад̇идтаабхууд̇ам̣ б̣рахмажарияог̇ад̇хам̣. д̇знааха ‘‘арахад̇д̇амаг̇г̇асан̇каад̇ассаа’’д̇иаад̣̇и. уггадтанид̣̇д̣̇зсзна жзд̇т̇а арахад̇д̇амаг̇г̇ассзва г̇ахан̣ам̣ гад̇анд̇и д̣̇адтаб̣б̣ам̣. уд̇д̇амам̣ бад̇идтаабхууд̇ам̣ аарамман̣уубаниссаяабхаавзна.
Vaḍḍhentoti paṭṭhapento. Maggabrahmacariyassa ogadhaṃ mūlaṃ patiṭṭhābhūtaṃ brahmacariyogadhaṃ. Tenāha ‘‘arahattamaggasaṅkhātassā’’tiādi. Ukkaṭṭhaniddesena cettha arahattamaggasseva gahaṇaṃ katanti daṭṭhabbaṃ. Uttamaṃ patiṭṭhābhūtaṃ ārammaṇūpanissayabhāvena.
аббзхи взяяааважжагараад̣̇ийхи ад̇т̇о зд̇иссаад̇и аббадтаа д̇т̇а-гаарасса дта-гаарам̣ гад̇ваа. д̇знааха ‘‘яад̇т̇а б̣ахуу’’д̇иаад̣̇и. яад̇т̇аад̇и яассам̣ бадибад̣̇ааяам̣ . аббо самаарамбхо зд̇ассаад̇и аббасамаарамбхо. баасам̣саад̇и басам̣саарахаа. зд̇ам̣ язва гат̇аабзссаамийд̇и зд̇знзва б̣раахман̣зна гат̇аабзссаами.
Appehi veyyāvaccakarādīhi attho etissāti appaṭṭhā ttha-kārassa ṭṭha-kāraṃ katvā. Tenāha ‘‘yattha bahū’’tiādi. Yatthāti yassaṃ paṭipadāyaṃ . Appo samārambho etassāti appasamārambho. Pāsaṃsāti pasaṃsārahā. Etaṃ yeva kathāpessāmīti eteneva brāhmaṇena kathāpessāmi.
соббзнаад̇и нид̣̇д̣̇ааяа. бамаад̣̇знаад̇и ж̇ааг̇арияаад̣̇ийсу анануяун̃ж̇анад̇о сад̇ивиббаваасалагкан̣зна бамаад̣̇зна. бажжанийгабадихаран̣авасзнаад̇и бадибагкаабанаяанавасзна. д̇ат̇аа хи бхаг̇авад̇о жа саасанасса жа бадибагкаа д̇ид̇т̇ияаа, д̇зсам̣ харан̣ад̇о бадихаарияам̣. д̇з хи д̣̇идтихаран̣авасзна д̣̇идтиббагаасанз асамад̇т̇абхаавзна жа ид̣̇д̇хиаад̣̇зсанаанусаасанийхи харид̇аа абанийд̇аа хонд̇ийд̇и. ‘‘бадий’’д̇и ваа аяам̣ сад̣̇д̣̇о ‘‘бажчаа’’д̇и зд̇асса ад̇т̇ам̣ б̣од̇хзд̇и ‘‘д̇асмим̣ бадибавидтасмим̣, ан̃н̃о ааг̇ан̃чи б̣раахман̣о’’д̇иаад̣̇ийсу (су. ни. 985; жуул̣ани. вад̇т̇уг̇аат̇аа 4) вияа, д̇асмаа самаахид̇з жид̇д̇з виг̇ад̇уубаггилзсз гад̇агижжзна бажчаа харид̇аб̣б̣ам̣ бавад̇д̇зд̇аб̣б̣анд̇и бадихаарияам̣, ад̇д̇ано ваа убаггилзсзсу жад̇уд̇т̇аж̇жхаанамаг̇г̇зхи харид̇зсу бажчаахаран̣ам̣ бадихаарияам̣, ид̣̇д̇хиаад̣̇зсанаанусаасанияо жа виг̇ад̇уубаггилзсзна гад̇агижжзна жа сад̇д̇ахид̇ад̇т̇ам̣ буна бавад̇д̇зд̇аб̣б̣аа, харид̇зсу жа ад̇д̇ано убаггилзсзсу барасад̇д̇аанам̣ убаггилзсахаран̣аани хонд̇ийд̇и бадихаарияаани бхаванд̇и, бадихаарияамзва баадихаарияам̣. бадихаарияз ваа ид̣̇д̇хиаад̣̇зсанаанусаасанисамуд̣̇ааяз бхавам̣ згзгам̣ баадихаарияанд̇и вужжад̇и. бадихаарияам̣ ваа жад̇уд̇т̇аж̇жхаанам̣ маг̇г̇о жа бадибагкахаран̣ад̇о, д̇ад̇т̇а ж̇аад̇ам̣ нимид̇д̇абхууд̇з, д̇ад̇о ваа ааг̇ад̇анд̇и баадихаарияам̣.
Soppenāti niddāya. Pamādenāti jāgariyādīsu ananuyuñjanato sativippavāsalakkhaṇena pamādena. Paccanīkapaṭiharaṇavasenāti paṭipakkhāpanayanavasena. Tathā hi bhagavato ca sāsanassa ca paṭipakkhā titthiyā, tesaṃ haraṇato paṭihāriyaṃ. Te hi diṭṭhiharaṇavasena diṭṭhippakāsane asamatthabhāvena ca iddhiādesanānusāsanīhi haritā apanītā hontīti. ‘‘Paṭī’’ti vā ayaṃ saddo ‘‘pacchā’’ti etassa atthaṃ bodheti ‘‘tasmiṃ paṭipaviṭṭhasmiṃ, añño āgañchi brāhmaṇo’’tiādīsu (su. ni. 985; cūḷani. vatthugāthā 4) viya, tasmā samāhite citte vigatūpakkilese katakiccena pacchā haritabbaṃ pavattetabbanti paṭihāriyaṃ, attano vā upakkilesesu catutthajjhānamaggehi haritesu pacchāharaṇaṃ paṭihāriyaṃ, iddhiādesanānusāsaniyo ca vigatūpakkilesena katakiccena ca sattahitatthaṃ puna pavattetabbā, haritesu ca attano upakkilesesu parasattānaṃ upakkilesaharaṇāni hontīti paṭihāriyāni bhavanti, paṭihāriyameva pāṭihāriyaṃ. Paṭihāriye vā iddhiādesanānusāsanisamudāye bhavaṃ ekekaṃ pāṭihāriyanti vuccati. Paṭihāriyaṃ vā catutthajjhānaṃ maggo ca paṭipakkhaharaṇato, tattha jātaṃ nimittabhūte, tato vā āgatanti pāṭihāriyaṃ.
ааг̇ад̇анимид̇д̇знаад̇и ааг̇ад̇аагаарасаллагкан̣авасзна. зса наяо сзсзсуби. зго рааж̇аад̇и д̣̇агкин̣амад̇хураад̇хибад̇и зго бан̣д̣урааж̇аа. звамби д̇з манод̇и иминаа аагаарзна д̇ава мано бавад̇д̇од̇и ад̇т̇о. д̇зна багаарзна бавад̇д̇од̇и ааха ‘‘соманассид̇о ваа’’д̇иаад̣̇и. сааман̃н̃аж̇од̇анаа висзсз авад̇идтад̇ийд̇и ад̇хиббааязнзвам̣ вуд̇д̇ам̣. ‘‘звам̣ д̇ава мано’’д̇и ид̣̇ан̃жа манасо соманассид̇ад̇аад̣̇имад̇д̇ад̣̇ассанам̣, на бана язна со соманассид̇о ваа д̣̇оманассид̇о ваа, д̇ам̣д̣̇ассанам̣. соманассаг̇г̇ахан̣зна жзд̇т̇а д̇ад̣̇згадтаа рааг̇аад̣̇аяо сад̣̇д̇хаад̣̇аяо жа д̣̇ассид̇аа хонд̇и, д̣̇оманассаг̇г̇ахан̣зна д̣̇осаад̣̇аяо. д̣̇уд̇ияанд̇и ‘‘ид̇т̇амби д̇з мано’’д̇и бад̣̇ам̣. ид̇ибийд̇и зд̇т̇а ид̇и-сад̣̇д̣̇о нид̣̇ассанад̇т̇о ‘‘ад̇т̇ийд̇и ко, гажжаана, аяамзго анд̇о’’д̇иаад̣̇ийсу (сам̣. ни. 2.15; 3.90) вияа. д̇знааха ‘‘иман̃жа иман̃жа ад̇т̇ам̣ жинд̇аяамаана’’нд̇и. би-сад̣̇д̣̇о вуд̇д̇ад̇т̇асамбин̣д̣анад̇т̇о.
Āgatanimittenāti āgatākārasallakkhaṇavasena. Esa nayo sesesupi. Eko rājāti dakkhiṇamadhurādhipati eko paṇḍurājā. Evampi te manoti iminā ākārena tava mano pavattoti attho. Tena pakārena pavattoti āha ‘‘somanassito vā’’tiādi. Sāmaññajotanā visese avatiṭṭhatīti adhippāyenevaṃ vuttaṃ. ‘‘Evaṃ tava mano’’ti idañca manaso somanassitatādimattadassanaṃ, na pana yena so somanassito vā domanassito vā, taṃdassanaṃ. Somanassaggahaṇena cettha tadekaṭṭhā rāgādayo saddhādayo ca dassitā honti, domanassaggahaṇena dosādayo. Dutiyanti ‘‘itthampi te mano’’ti padaṃ. Itipīti ettha iti-saddo nidassanattho ‘‘atthīti kho, kaccāna, ayameko anto’’tiādīsu (saṃ. ni. 2.15; 3.90) viya. Tenāha ‘‘imañca imañca atthaṃ cintayamāna’’nti. Pi-saddo vuttatthasampiṇḍanattho.
гат̇знд̇аанам̣ суд̇ваад̇и гат̇знд̇аанам̣ сад̣̇д̣̇ам̣ суд̇ваа. д̇асса васзнаад̇и д̇асса вид̇аггид̇асса васзна. аддагаарагзнаад̇и винижчаяагаарагзна.
Kathentānaṃ sutvāti kathentānaṃ saddaṃ sutvā. Tassa vasenāti tassa vitakkitassa vasena. Aṭṭakārakenāti vinicchayakārakena.
на арияаананд̇и арияаанам̣ маг̇г̇апалажид̇д̇ам̣ на ж̇аанаад̇ийд̇и ад̇т̇о. д̇ан̃хи д̇зна анад̇хиг̇ад̇ад̇д̇аа жзд̇обарияан̃аан̣знаби на саггаа вин̃н̃аад̇ум̣, ан̃н̃ам̣ бана жид̇д̇ам̣ ж̇аанаад̇иязва. хздтимо убаримасса жид̇д̇ам̣ на ж̇аанаад̇ийд̇иаад̣̇ийниби маг̇г̇апалажид̇д̇амзва санд̇хааяа вуд̇д̇аанийд̇и взд̣̇ид̇аб̣б̣аани. сод̇аабаннаад̣̇аяоби хи ад̇д̇анаа ад̇хиг̇ад̇амзва маг̇г̇апалам̣ барзхи уббаад̣̇ид̇ам̣ саммаа жзд̇обарияан̃аан̣зна ж̇аанид̇ум̣ саггонд̇и, на ад̇д̇анаа анад̇хиг̇ад̇ам̣. саб̣б̣зби арияаа ад̇д̇ано палам̣ самаабаж̇ж̇анд̇и ад̇хиг̇ад̇ад̇д̇аад̇и д̣̇ассзнд̇о ‘‘зд̇зсу жаа’’д̇иаад̣̇имааха. яад̣̇и арияаа ад̇д̇анаа ад̇хиг̇ад̇апалам̣ самаабаж̇ж̇анд̇и, убаримааби хздтимам̣ палам̣ самаабаж̇ж̇анд̇и ад̇хиг̇ад̇ад̇д̇аа логияасамаабад̇д̇ияо вияаад̇и гассажи аасан̇гаа сияаа, д̇аннивад̇д̇анад̇т̇амааха ‘‘убаримо хздтимам̣ на самаабаж̇ж̇ад̇ий’’д̇и.
Na ariyānanti ariyānaṃ maggaphalacittaṃ na jānātīti attho. Tañhi tena anadhigatattā cetopariyañāṇenapi na sakkā viññātuṃ, aññaṃ pana cittaṃ jānātiyeva. Heṭṭhimo uparimassa cittaṃ na jānātītiādīnipi maggaphalacittameva sandhāya vuttānīti veditabbāni. Sotāpannādayopi hi attanā adhigatameva maggaphalaṃ parehi uppāditaṃ sammā cetopariyañāṇena jānituṃ sakkonti, na attanā anadhigataṃ. Sabbepi ariyā attano phalaṃ samāpajjanti adhigatattāti dassento ‘‘etesu cā’’tiādimāha. Yadi ariyā attanā adhigataphalaṃ samāpajjanti, uparimāpi heṭṭhimaṃ phalaṃ samāpajjanti adhigatattā lokiyasamāpattiyo viyāti kassaci āsaṅkā siyā, tannivattanatthamāha ‘‘uparimo heṭṭhimaṃ na samāpajjatī’’ti.
убаримод̇и сагад̣̇ааг̇аамиаад̣̇иарияабуг̇г̇ало. хздтиманд̇и сод̇аабад̇д̇ипалаад̣̇им̣. на самаабаж̇ж̇ад̇ийд̇и сад̇иби ад̇хиг̇ад̇ад̇д̇з на самаабаж̇ж̇ад̇и. гасмаад̇и жз? гааран̣амааха ‘‘д̇зсан̃хий’’д̇иаад̣̇и, д̇зсам̣ сагад̣̇ааг̇аамиаад̣̇ийнам̣ хздтимаа хздтимаа паласамаабад̇д̇и д̇зсу д̇зсуязва хздтимзсу арияабуг̇г̇алзсу бавад̇д̇ад̇и, на убаримзсууд̇и ад̇т̇о. иминаа хздтимам̣ палажид̇д̇ам̣ убаримасса на уббаж̇ж̇ад̇ийд̇и д̣̇ассзд̇и. гасмаад̇и жз? буг̇г̇аланд̇арабхаавуубаг̇аманзна бадиббассад̣̇д̇хад̇д̇аа. зд̇зна убаримо арияо хздтимам̣ паласамаабад̇д̇им̣ самаабаж̇ж̇ад̇и ад̇д̇анаа ад̇хиг̇ад̇ад̇д̇аа яат̇аа д̇ам̣ логияасамаабад̇д̇инд̇и звам̣ бавад̇д̇о хзд̇у б̣яабхижаарид̇од̇и д̣̇адтаб̣б̣ам̣. на хи логияаж̇жхаанзсу буг̇г̇аланд̇арабхаавуубаг̇аманам̣ наама ад̇т̇и висзсаабхаавад̇о, ид̇ха бана асамуг̇гхаадид̇агаммагилзсанирод̇ханзна бут̇уж̇ж̇анзхи вияа сод̇аабаннасса сод̇аабаннаад̣̇ийхи сагад̣̇ааг̇аамиаад̣̇ийнам̣ буг̇г̇аланд̇арабхаавуубаг̇аманам̣ ад̇т̇и. яад̇о хздтимаа хздтимаа палад̇хаммаа убаруубаримаг̇г̇ад̇хаммзхи нивад̇д̇ид̇аа бадибагкзхи вияа абхибхууд̇аа аббавад̇д̇ид̇хаммад̇ам̣язва аабаннаа. д̇знзва вуд̇д̇ам̣ ‘‘бадиббассад̣̇д̇хад̇д̇аа’’д̇и.
Uparimoti sakadāgāmiādiariyapuggalo. Heṭṭhimanti sotāpattiphalādiṃ. Na samāpajjatīti satipi adhigatatte na samāpajjati. Kasmāti ce? Kāraṇamāha ‘‘tesañhī’’tiādi, tesaṃ sakadāgāmiādīnaṃ heṭṭhimā heṭṭhimā phalasamāpatti tesu tesuyeva heṭṭhimesu ariyapuggalesu pavattati, na uparimesūti attho. Iminā heṭṭhimaṃ phalacittaṃ uparimassa na uppajjatīti dasseti. Kasmāti ce? Puggalantarabhāvūpagamanena paṭippassaddhattā. Etena uparimo ariyo heṭṭhimaṃ phalasamāpattiṃ samāpajjati attanā adhigatattā yathā taṃ lokiyasamāpattinti evaṃ pavatto hetu byabhicāritoti daṭṭhabbaṃ. Na hi lokiyajjhānesu puggalantarabhāvūpagamanaṃ nāma atthi visesābhāvato, idha pana asamugghāṭitakammakilesanirodhanena puthujjanehi viya sotāpannassa sotāpannādīhi sakadāgāmiādīnaṃ puggalantarabhāvūpagamanaṃ atthi. Yato heṭṭhimā heṭṭhimā phaladhammā uparūparimaggadhammehi nivattitā paṭipakkhehi viya abhibhūtā appavattidhammataṃyeva āpannā. Teneva vuttaṃ ‘‘paṭippassaddhattā’’ti.
абижа гусалагирияаббавад̇д̇и наама ан̃н̃аа, вибаагаббавад̇д̇и жа ан̃н̃аад̇и ананд̇арапалад̇д̇аа жа логуд̇д̇арагусалаанам̣ хздтимад̇о убаримо бхаванд̇араг̇ад̇о вияа ход̇и. д̇ам̣д̇ам̣палавасзнзва хи арияаанам̣ сод̇аабаннаад̣̇инаамалаабхо. д̇з сажз ан̃н̃апаласаман̇г̇иноби хонд̇и, сод̇аабаннаад̣̇инаамамби д̇зсам̣ ававад̇т̇ид̇ам̣ сияаа. д̇асса д̇асса ваа арияасса д̇ам̣ д̇ам̣ палам̣ сад̣̇исанд̇и гад̇ваа на убаримасса хздтимапаласаман̇г̇ид̇ааяа лзсоби самбхавад̇и, гуд̇о д̇ассаа самаабаж̇ж̇ананд̇и д̣̇адтаб̣б̣ам̣. хздтимаа жа сод̇аабаннаад̣̇аяо убаримам̣ сагад̣̇ааг̇аамипалаад̣̇им̣ на самаабаж̇ж̇анд̇и анад̇хиг̇ад̇ад̇д̇аа. на хи анад̇хиг̇ад̇ам̣ самаабад̇д̇им̣ самаабаж̇ж̇ид̇ум̣ саггаа, д̇асмаа саб̣б̣зби арияаа ад̇д̇аноязва палам̣ самаабаж̇ж̇анд̇ийд̇и нидтамзд̇т̇а г̇анд̇аб̣б̣ам̣.
Apica kusalakiriyappavatti nāma aññā, vipākappavatti ca aññāti anantaraphalattā ca lokuttarakusalānaṃ heṭṭhimato uparimo bhavantaragato viya hoti. Taṃtaṃphalavaseneva hi ariyānaṃ sotāpannādināmalābho. Te sace aññaphalasamaṅginopi honti, sotāpannādināmampi tesaṃ avavatthitaṃ siyā. Tassa tassa vā ariyassa taṃ taṃ phalaṃ sadisanti katvā na uparimassa heṭṭhimaphalasamaṅgitāya lesopi sambhavati, kuto tassā samāpajjananti daṭṭhabbaṃ. Heṭṭhimā ca sotāpannādayo uparimaṃ sakadāgāmiphalādiṃ na samāpajjanti anadhigatattā. Na hi anadhigataṃ samāpattiṃ samāpajjituṃ sakkā, tasmā sabbepi ariyā attanoyeva phalaṃ samāpajjantīti niṭṭhamettha gantabbaṃ.
бавад̇д̇знд̇аад̇и бавад̇д̇агаа худ̇ваа, бавад̇д̇анавасзнаад̇и ад̇т̇о. званд̇и яат̇аанусидтааяа анусаасанияаа вид̇хивасзна бадисзд̇хавасзна жа бавад̇д̇ид̇аагаарабараамасанам̣. саа жа саммаавид̇аггаа наама мижчаавид̇аггаанан̃жа бавад̇д̇иаагаарад̣̇ассанавасзна бавад̇д̇ад̇и. д̇ад̇т̇а аанисам̣сасса аад̣̇ийнавасса жа вибхааванад̇т̇ам̣ анижжасан̃н̃амзва, на нижжасан̃н̃анд̇и ад̇т̇о. бадияог̇инивад̇д̇анад̇т̇ан̃хи зва-гаараг̇г̇ахан̣ам̣. ид̇хааби звасад̣̇д̣̇аг̇г̇ахан̣асса ад̇т̇о баяож̇анан̃жа вуд̇д̇анаязнзва взд̣̇ид̇аб̣б̣ам̣. ид̣̇ам̣-г̇ахан̣зби зсзва наяо. бан̃жагаамаг̇ун̣арааг̇анд̇и нид̣̇ассанамад̇д̇ам̣ д̣̇адтаб̣б̣ам̣ д̇ад̣̇ан̃н̃арааг̇асса д̣̇осаад̣̇ийнан̃жа бахаанасса ижчид̇ад̇д̇аа д̇аббахаанасса жа д̇ад̣̇ан̃н̃арааг̇аад̣̇икзбасса убааяабхаавад̇о. д̇ат̇аа вуд̇д̇ам̣ д̣̇удталохид̇авиможанасса буб̣б̣ад̣̇удтамам̣сакзбануубааяад̇аа вияа. логуд̇д̇арад̇хаммамзваад̇и авад̇хааран̣ам̣ бадигкзбабхаавад̇о сааваж̇ж̇ад̇хамманивад̇д̇анабарам̣ д̣̇адтаб̣б̣ам̣, д̇асса ад̇хиг̇амуубааяаанисам̣сабхууд̇аанам̣ д̇ад̣̇ан̃н̃зсам̣ анаваж̇ж̇ад̇хаммаанам̣ наананд̇арияабхаавад̇о.
Pavattentāti pavattakā hutvā, pavattanavasenāti attho. Evanti yathānusiṭṭhāya anusāsaniyā vidhivasena paṭisedhavasena ca pavattitākāraparāmasanaṃ. Sā ca sammāvitakkā nāma micchāvitakkānañca pavattiākāradassanavasena pavattati. Tattha ānisaṃsassa ādīnavassa ca vibhāvanatthaṃ aniccasaññameva, na niccasaññanti attho. Paṭiyoginivattanatthañhi eva-kāraggahaṇaṃ. Idhāpi evasaddaggahaṇassa attho payojanañca vuttanayeneva veditabbaṃ. Idaṃ-gahaṇepi eseva nayo. Pañcakāmaguṇarāganti nidassanamattaṃ daṭṭhabbaṃ tadaññarāgassa dosādīnañca pahānassa icchitattā tappahānassa ca tadaññarāgādikhepassa upāyabhāvato. Tathā vuttaṃ duṭṭhalohitavimocanassa pubbaduṭṭhamaṃsakhepanūpāyatā viya. Lokuttaradhammamevāti avadhāraṇaṃ paṭikkhepabhāvato sāvajjadhammanivattanaparaṃ daṭṭhabbaṃ, tassa adhigamūpāyānisaṃsabhūtānaṃ tadaññesaṃ anavajjadhammānaṃ nānantariyabhāvato.
жинд̇ааман̣игавиж̇ж̇аасаригкагад̇анд̇и иминаа ‘‘жинд̇ааман̣ий’’д̇и звам̣ лад̣̇д̇ханаамаа логз згаа виж̇ж̇аа ад̇т̇и, яааяа барзсам̣ жид̇д̇ам̣ виж̇аананд̇ийд̇и д̣̇ийбзд̇и. ‘‘д̇ассаа гира виж̇ж̇ааяа саад̇хаго буг̇г̇ало д̇аад̣̇исз д̣̇зсагаалз манд̇ам̣ бариж̇аббид̇ваа яасса жид̇д̇ам̣ ж̇аанид̇угаамо, д̇асса д̣̇идтахад̇т̇аад̣̇ивисзсасан̃ж̇аананамукзна жид̇д̇аажаарам̣ ануминанд̇о гат̇зд̇ий’’д̇и гзжи. абарз ‘‘ваажам̣ нижчараабзд̇ваа д̇ад̇т̇а агкарасаллагкан̣авасзнаа’’д̇и вад̣̇анд̇и.
Cintāmaṇikavijjāsarikkhakatanti iminā ‘‘cintāmaṇī’’ti evaṃ laddhanāmā loke ekā vijjā atthi, yāya paresaṃ cittaṃ vijānantīti dīpeti. ‘‘Tassā kira vijjāya sādhako puggalo tādise desakāle mantaṃ parijappitvā yassa cittaṃ jānitukāmo, tassa diṭṭhahatthādivisesasañjānanamukhena cittācāraṃ anuminanto kathetī’’ti keci. Apare ‘‘vācaṃ niccharāpetvā tattha akkharasallakkhaṇavasenā’’ti vadanti.
ид̣̇ан̃жа бана саб̣б̣анд̇и ‘‘бхавам̣ г̇од̇амо анзгавихид̇ам̣ ид̣̇д̇хивид̇хам̣ бажжанубход̇ий’’д̇иаад̣̇инаяаббавад̇д̇ам̣ саб̣б̣амби.
Idañcapana sabbanti ‘‘bhavaṃ gotamo anekavihitaṃ iddhividhaṃ paccanubhotī’’tiādinayappavattaṃ sabbampi.
сан̇г̇ааравасуд̇д̇аван̣н̣анаа нидтид̇аа.
Saṅgāravasuttavaṇṇanā niṭṭhitā.
б̣раахман̣аваг̇г̇аван̣н̣анаа нидтид̇аа.
Brāhmaṇavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. сан̇г̇ааравасуд̇д̇ам̣ • 10. Saṅgāravasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
