| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. сан̇г̇ааравасуд̇д̇аван̣н̣анаа
10. Saṅgāravasuttavaṇṇanā
473. абхиббасаннаад̇и абхисамзжжа басаннаа. д̇знааха – ‘‘авзжжаббасаад̣̇авасзна басаннаа’’д̇и. б̣раахман̣ий виг̇ад̇амаламажчзрад̇ааяа ‘‘д̇уяхам̣ д̣̇зяяад̇хаммам̣ ружжанагадтаанз д̣̇зхий’’д̇и ааха. маг̇г̇знзва хиссаа мажчарияасса бахийнад̇д̇аа б̣уд̣̇д̇хабагкаб̣раахман̣абагкавасзна убхад̇обагкигаа.
473.Abhippasannāti abhisamecca pasannā. Tenāha – ‘‘aveccappasādavasena pasannā’’ti. Brāhmaṇī vigatamalamaccheratāya ‘‘tuyhaṃ deyyadhammaṃ ruccanakaṭṭhāne dehī’’ti āha. Maggeneva hissā macchariyassa pahīnattā buddhapakkhabrāhmaṇapakkhavasena ubhatopakkhikā.
гим̣сууд̇и гинд̇и бужчааважанам̣. чзд̇ваа анаад̣̇ияид̇ваа винаасзд̇ваа. сукам̣ сзд̇ийд̇и жид̇д̇асанд̇аабаабхаавзна сукзна субад̇и. на сожад̇ийд̇и д̇ад̇о зва согам̣ наама винаасзд̇и. год̇ханд̇и гуж̇жханалагкан̣ам̣ год̇хам̣. чзд̇ваа самужчинд̣̇ид̇ваа. сукам̣ сзд̇ийд̇и год̇хабарил̣аахзна абарид̣аяхамаанад̇д̇аа сукам̣ субад̇и. год̇хавинаасзна винадтад̣̇оманассад̇д̇аа на сожад̇и. висамуулассаад̇и д̣̇угкавибаагасса. мад̇хураг̇г̇ассаад̇и аггосагасса бажжаггосанзна, бахаарагасса бадиббахаран̣зна яам̣ сукам̣ уббаж̇ж̇ад̇и, д̇ам̣ санд̇хааязва ‘‘мад̇хураг̇г̇о’’д̇и вуд̇д̇о. имасмин̃хи таанз барияосаанам̣ ‘‘аг̇г̇а’’нд̇и вуд̇д̇ам̣. арияаад̇и б̣уд̣̇д̇хаад̣̇аяо арияаа.
Kiṃsūti kinti pucchāvacanaṃ. Chetvā anādiyitvā vināsetvā. Sukhaṃ setīti cittasantāpābhāvena sukhena supati. Na socatīti tato eva sokaṃ nāma vināseti. Kodhanti kujjhanalakkhaṇaṃ kodhaṃ. Chetvā samucchinditvā. Sukhaṃ setīti kodhapariḷāhena apariḍayhamānattā sukhaṃ supati. Kodhavināsena vinaṭṭhadomanassattā na socati. Visamūlassāti dukkhavipākassa. Madhuraggassāti akkosakassa paccakkosanena, pahārakassa paṭippaharaṇena yaṃ sukhaṃ uppajjati, taṃ sandhāyeva ‘‘madhuraggo’’ti vutto. Imasmiñhi ṭhāne pariyosānaṃ ‘‘agga’’nti vuttaṃ. Ariyāti buddhādayo ariyā.
бан̃хам̣ гат̇зсийд̇и б̣раахман̣о гира жинд̇зси – ‘‘саман̣о г̇од̇амо логабууж̇ид̇о, на саггаа яам̣ ваа д̇ам̣ ваа вад̇ваа санд̇аж̇ж̇зд̇ум̣, згам̣ сан̣хабан̃хам̣ бужчиссаамий’’д̇и. со згам̣ бужчааг̇аат̇ам̣ абхисан̇карид̇ваа ‘‘сажз асугасса наама вад̇хам̣ рожзмийд̇и вагкад̇и, яз д̇уяхам̣ на ружжанд̇и, д̇з маарзд̇угаамоси, логавад̇хааяа уббанно гим̣ д̇уяхам̣ саман̣абхаавзнаад̇и ниг̇г̇ахзссаами. сажз на гассажи вад̇хам̣ рожзмийд̇и вагкад̇и, ат̇а нам̣ д̇вам̣ рааг̇аад̣̇ийнамби вад̇хам̣ на ижчаси, д̇асмаа саман̣о худ̇ваа аахин̣д̣асийд̇и ниг̇г̇ан̣хиссаамийд̇и имам̣ убхад̇огодигам̣ бан̃хам̣ будто саман̣о г̇од̇амо нзва г̇илид̇ум̣ на уг̇г̇илид̇ум̣ сагкиссад̇ий’’д̇и звам̣ жинд̇зд̇ваа имам̣ баяхам̣ бужчи. д̇асса бхаг̇аваа аж̇жхаасаяаануруубам̣ гат̇зси. со бан̃хаб̣яаагаран̣зна аараад̇хид̇ажид̇д̇о баб̣б̣аж̇ж̇ам̣ яаажи. сад̇т̇аа д̇ам̣ баб̣б̣ааж̇зси, со баб̣б̣аж̇ж̇аагижжам̣ мад̇т̇агам̣ баабзси. д̇зна вуд̇д̇ам̣ ‘‘баб̣б̣аж̇ид̇ваа арахад̇д̇ам̣ бад̇д̇о’’д̇и.
Pañhaṃ kathesīti brāhmaṇo kira cintesi – ‘‘samaṇo gotamo lokapūjito, na sakkā yaṃ vā taṃ vā vatvā santajjetuṃ, ekaṃ saṇhapañhaṃ pucchissāmī’’ti. So ekaṃ pucchāgāthaṃ abhisaṅkharitvā ‘‘sace asukassa nāma vadhaṃ rocemīti vakkhati, ye tuyhaṃ na ruccanti, te māretukāmosi, lokavadhāya uppanno kiṃ tuyhaṃ samaṇabhāvenāti niggahessāmi. Sace na kassaci vadhaṃ rocemīti vakkhati, atha naṃ tvaṃ rāgādīnampi vadhaṃ na icchasi, tasmā samaṇo hutvā āhiṇḍasīti niggaṇhissāmīti imaṃ ubhatokoṭikaṃ pañhaṃ puṭṭho samaṇo gotamo neva gilituṃ na uggilituṃ sakkhissatī’’ti evaṃ cintetvā imaṃ payhaṃ pucchi. Tassa bhagavā ajjhāsayānurūpaṃ kathesi. So pañhabyākaraṇena ārādhitacitto pabbajjaṃ yāci. Satthā taṃ pabbājesi, so pabbajjākiccaṃ matthakaṃ pāpesi. Tena vuttaṃ ‘‘pabbajitvā arahattaṃ patto’’ti.
авабхууд̇аад̇и ад̇хобхууд̇аа. ад̇хобхааво сад̇д̇аанам̣ авад̣дхи аваман̇г̇аланд̇и ааха – ‘‘авад̣дхибхууд̇аа аваман̇г̇алабхууд̇ааязваа’’д̇и. барибхууд̇аад̇и барибхаваббад̇д̇аа. виж̇ж̇амаанаананд̇и баал̣ияам̣ анаад̣̇арз саамиважананд̇и д̇ад̣̇ад̇т̇ам̣ д̣̇ассзнд̇о ‘‘виж̇ж̇амаанзсуу’’д̇иааха. багадтам̣, бавад̣дхам̣ ваа н̃аан̣анд̇и бан̃н̃аан̣анд̇и бхаг̇авад̇о н̃аан̣ам̣ висзсзд̇ваа вуд̇д̇ам̣.
Avabhūtāti adhobhūtā. Adhobhāvo sattānaṃ avaḍḍhi avamaṅgalanti āha – ‘‘avaḍḍhibhūtā avamaṅgalabhūtāyevā’’ti. Paribhūtāti paribhavappattā. Vijjamānānanti pāḷiyaṃ anādare sāmivacananti tadatthaṃ dassento ‘‘vijjamānesū’’tiāha. Pakaṭṭhaṃ, pavaḍḍhaṃ vā ñāṇanti paññāṇanti bhagavato ñāṇaṃ visesetvā vuttaṃ.
474. абхиж̇аанид̇ваад̇и абхивисидтзна н̃аан̣зна ж̇аанид̇ваа. восид̇авосаанаад̇и гад̇агаран̣ийяад̇ааяа саб̣б̣асо барисосид̇анидтаа. баарамисан̇каад̇анд̇и барамуггам̣сабхаавад̇о баарамийд̇и сан̇каад̇ам̣. д̇знааха ‘‘саб̣б̣ад̇хаммаанам̣ баарабхууд̇а’’нд̇и. б̣рахмажарияассаад̇и саасанаб̣рахмажарияасса аад̣̇ибхууд̇ам̣. д̇знааха ‘‘уббаад̣̇агаа ж̇анагаа’’д̇и. ‘‘ид̣̇амзвам̣ бхависсад̇и ид̣̇амзва’’нд̇и д̇агганам̣ д̇агго, со зд̇асса ад̇т̇ийд̇и д̇аггий. яасмаа со д̇ам̣ д̇ам̣ вад̇т̇ум̣ д̇ат̇аа д̇ат̇аа д̇аггид̇ваа г̇ан̣хад̇и, д̇асмаа вуд̇д̇ам̣ ‘‘д̇аггаг̇аахий’’д̇и. виймам̣санасийло виймам̣сий бажжагкабхууд̇амад̇т̇ам̣ виймам̣санабхууд̇ааяа бан̃н̃ааяа гзвалам̣ виймам̣санад̇о. д̇знааха ‘‘бан̃н̃аажаарам̣ жараабзд̇ваа звам̣ваад̣̇ий’’д̇и. яат̇аавуд̇д̇ад̇аггийвиймам̣сийбхаавзна д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ звамзд̇анд̇и вад̇ваа.
474.Abhijānitvāti abhivisiṭṭhena ñāṇena jānitvā. Vositavosānāti katakaraṇīyatāya sabbaso parisositaniṭṭhā. Pāramisaṅkhātanti paramukkaṃsabhāvato pāramīti saṅkhātaṃ. Tenāha ‘‘sabbadhammānaṃ pārabhūta’’nti. Brahmacariyassāti sāsanabrahmacariyassa ādibhūtaṃ. Tenāha ‘‘uppādakā janakā’’ti. ‘‘Idamevaṃ bhavissati idameva’’nti takkanaṃ takko, so etassa atthīti takkī. Yasmā so taṃ taṃ vatthuṃ tathā tathā takkitvā gaṇhati, tasmā vuttaṃ ‘‘takkagāhī’’ti. Vīmaṃsanasīlo vīmaṃsī paccakkhabhūtamatthaṃ vīmaṃsanabhūtāya paññāya kevalaṃ vīmaṃsanato. Tenāha ‘‘paññācāraṃ carāpetvā evaṃvādī’’ti. Yathāvuttatakkīvīmaṃsībhāvena takkapariyāhataṃ vīmaṃsānucaritaṃ sayaṃpaṭibhānaṃ evametanti vatvā.
485. адтид̇абад̇хаанавад̇анд̇и ан̃н̃ад̇т̇а гисмин̃жи буг̇г̇алз адтид̇абад̇хаанавад̇ам̣ анан̃н̃асаад̇хааран̣ам̣ бход̇о г̇од̇амасса бад̇хаанам̣ ахоси. саббурисабад̇хаанавад̇ам̣ ахоси саббурисабад̇хаанавад̇аад̇хиг̇ад̇аанам̣ зд̇аад̣̇исаанам̣ арахад̇ам̣ ажчарияабуг̇г̇алаанам̣язва аавзн̣игабад̇хаанавад̇ам̣ ахоси. аж̇аананд̇ова багаасзд̇ийд̇и аяам̣ бужчид̇амад̇т̇ам̣ саяам̣ бажжагкад̇о аж̇аананд̇о зва гзвалам̣ сад̣̇д̣̇ам̣ уббаад̣̇зд̇ваава багаасзсийд̇и сан̃н̃ааяа ааха. аж̇аананабхаавз санд̇зд̇и имз ад̇хид̣̇зваад̇и бажжагкад̇о ж̇аананз асад̇и. бан̣д̣ид̇зна мануссзнаад̇и логавохаарагусалзна мануссзна, д̇вам̣ бана логавохаарзби агусало. важанад̇т̇ан̃хи аж̇аананд̇о яам̣ гин̃жи вад̣̇ад̇и. ужжзна саммад̇анд̇и ужжам̣ субаагадам̣ саб̣б̣асо д̇арун̣ад̣̇аарагзхиби саммад̇ам̣. н̃аад̇амзд̇ам̣ яад̣̇ид̣̇ам̣ ад̇т̇и д̣̇зваад̇и. д̇знааха ‘‘сусуд̣̇аарагаабий’’д̇иаад̣̇и. д̣̇зваад̇и убабад̇д̇ид̣̇зваа. ад̇хид̣̇зваа наама саммуд̇ид̣̇звзхи ад̇хигад̣̇зваад̇и гад̇ваа, д̇ад̣̇ан̃н̃з жа мануссз ад̇хигабхаавз гимзва вад̇д̇аб̣б̣ам̣. сзсам̣ сувин̃н̃зяяамзва.
485.Aṭṭhitapadhānavatanti aññattha kismiñci puggale aṭṭhitapadhānavataṃ anaññasādhāraṇaṃ bhoto gotamassa padhānaṃ ahosi. Sappurisapadhānavataṃ ahosi sappurisapadhānavatādhigatānaṃ etādisānaṃ arahataṃ acchariyapuggalānaṃyeva āveṇikapadhānavataṃ ahosi. Ajānantova pakāsetīti ayaṃ pucchitamatthaṃ sayaṃ paccakkhato ajānanto eva kevalaṃ saddaṃ uppādetvāva pakāsesīti saññāya āha. Ajānanabhāve santeti ime adhidevāti paccakkhato jānane asati. Paṇḍitena manussenāti lokavohārakusalena manussena, tvaṃ pana lokavohārepi akusalo. Vacanatthañhi ajānanto yaṃ kiñci vadati. Uccena sammatanti uccaṃ supākaṭaṃ sabbaso taruṇadārakehipi sammataṃ. Ñātametaṃ yadidaṃ atthi devāti. Tenāha ‘‘susudārakāpī’’tiādi. Devāti upapattidevā. Adhidevā nāma sammutidevehi adhikadevāti katvā, tadaññe ca manusse adhikabhāve kimeva vattabbaṃ. Sesaṃ suviññeyyameva.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сан̇г̇ааравасуд̇д̇аван̣н̣анааяа лийнад̇т̇аббагаасанаа самад̇д̇аа.
Saṅgāravasuttavaṇṇanāya līnatthappakāsanā samattā.
нидтид̇аа жа б̣раахман̣аваг̇г̇аван̣н̣анаа.
Niṭṭhitā ca brāhmaṇavaggavaṇṇanā.
маж̇жхимабан̣н̣аасадийгаа самад̇д̇аа.
Majjhimapaṇṇāsaṭīkā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. сан̇г̇ааравасуд̇д̇ам̣ • 10. Saṅgāravasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
