| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๑. สงฺคารวสุตฺตวณฺณนา
11. Saṅgāravasuttavaṇṇanā
๒๐๗. เอกาทสเม ปเจฺจตีติ อิจฺฉติ ปเตฺถติฯ สาธุ, ภเนฺตติ อายาจมาโน อาหฯ เถรสฺส กิเรส คิหิสหาโย, ตสฺมา เถโร ‘‘อยํ วราโก มํ สหายํ ลภิตฺวาปิ มิจฺฉาทิฎฺฐิํ คเหตฺวา มา อปายปูรโก อโหสี’’ติ อายาจติฯ อปิเจส มหาปริวาโร, ตสฺมิํ ปสเนฺน ปญฺจกุลสตานิ อนุวตฺติสฺสนฺตีติ มญฺญมาโนปิ อายาจติฯ อตฺถวสนฺติ อตฺถานิสํสํ อตฺถการณํฯ ปาปนฺติ ปาณาติปาตาทิอกุสลํฯ ปวาเหมีติ คลปฺปมาณํ อุทกํ โอตริตฺวา ปวาเหมิ ปลาเปมิฯ ธโมฺมติ คาถา วุตฺตตฺถาวฯ เอกาทสมํฯ
207. Ekādasame paccetīti icchati pattheti. Sādhu, bhanteti āyācamāno āha. Therassa kiresa gihisahāyo, tasmā thero ‘‘ayaṃ varāko maṃ sahāyaṃ labhitvāpi micchādiṭṭhiṃ gahetvā mā apāyapūrako ahosī’’ti āyācati. Apicesa mahāparivāro, tasmiṃ pasanne pañcakulasatāni anuvattissantīti maññamānopi āyācati. Atthavasanti atthānisaṃsaṃ atthakāraṇaṃ. Pāpanti pāṇātipātādiakusalaṃ. Pavāhemīti galappamāṇaṃ udakaṃ otaritvā pavāhemi palāpemi. Dhammoti gāthā vuttatthāva. Ekādasamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๑. สงฺคารวสุตฺตํ • 11. Saṅgāravasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๑. สงฺคารวสุตฺตวณฺณนา • 11. Saṅgāravasuttavaṇṇanā
