| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๑. สงฺคารวสุตฺตวณฺณนา
11. Saṅgāravasuttavaṇṇanā
๒๐๗. ปเจฺจตีติ ปตฺติยายติ สทฺทหติฯ ตถาภูโต จ ตมตฺถํ นิกาเมโนฺต นาม โหตีติ วุตฺตํ ‘‘อิจฺฉติ ปเตฺถตี’’ติฯ สาธุ, ภเนฺตติ เอตฺถ สาธุ-สโทฺท อายาจนโตฺถ, น อภินนฺทนโตฺถติ ‘‘อายาจมาโน อาหา’’ติ วตฺวา อายาจเน การณํ ทเสฺสโนฺต ‘‘เถรสฺส กิรา’’ติอาทิมาหฯ อุทกสุทฺธิโก น เอกํเสน อปายูปโค, ลทฺธิยา ปน สาวชฺชกิเลสภูตภาวโต อายาจติฯ อญฺญํ การณํ อปทิสโนฺต ‘‘อปิจา’’ติอาทิมาหฯ ผลภูโต อโตฺถ เอตสฺสาติ อตฺถวสํ, การณนฺติ อาห ‘‘อตฺถานิสํสํ อตฺถการณ’’นฺติฯ ปปญฺจสูทนิยํ ปน ผเลเนว อรณียโต อโตฺถ, การณนฺติ กตฺวา ‘‘อโตฺถ เอว อตฺถวโส, ตสฺมา เทฺว อตฺถวเสติ เทฺว อเตฺถ เทฺว การณานี’’ติ วุตฺตํฯ
207.Paccetīti pattiyāyati saddahati. Tathābhūto ca tamatthaṃ nikāmento nāma hotīti vuttaṃ ‘‘icchati patthetī’’ti. Sādhu, bhanteti ettha sādhu-saddo āyācanattho, na abhinandanatthoti ‘‘āyācamāno āhā’’ti vatvā āyācane kāraṇaṃ dassento ‘‘therassa kirā’’tiādimāha. Udakasuddhiko na ekaṃsena apāyūpago, laddhiyā pana sāvajjakilesabhūtabhāvato āyācati. Aññaṃ kāraṇaṃ apadisanto ‘‘apicā’’tiādimāha. Phalabhūto attho etassāti atthavasaṃ, kāraṇanti āha ‘‘atthānisaṃsaṃ atthakāraṇa’’nti. Papañcasūdaniyaṃ pana phaleneva araṇīyato attho, kāraṇanti katvā ‘‘attho eva atthavaso, tasmā dve atthavaseti dve atthe dve kāraṇānī’’ti vuttaṃ.
สงฺคารวสุตฺตวณฺณนา นิฎฺฐิตาฯ
Saṅgāravasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๑. สงฺคารวสุตฺตํ • 11. Saṅgāravasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๑. สงฺคารวสุตฺตวณฺณนา • 11. Saṅgāravasuttavaṇṇanā
