| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
សង្ឃភត្តាទិអនុជាននកថា
Saṅghabhattādianujānanakathā
៣២៥. ន សក្កោន្តិ សង្ឃភត្តំ កាតុន្តិ សកលស្ស សង្ឃស្ស ភត្តំ កាតុំ ន សក្កោន្តិ។ ឧទ្ទេសភត្តន្តិអាទីសុ ‘‘ឯកំ វា ទ្វេ វា…បេ.… ទស វា ភិក្ខូ សង្ឃតោ ឧទ្ទិសិត្វា ទេថា’’តិ ឯវំ ឧទ្ទេសេន លទ្ធភិក្ខូនំ ភត្តំ កាតុំ ឥច្ឆន្តិ។ អបរេ តថេវ ភិក្ខូ បរិច្ឆិន្ទិត្វា និមន្តេត្វា តេសំ ភត្តំ កាតុំ ឥច្ឆន្តិ។ អបរេ សលាកាយោ ឆិន្ទិត្វា, អបរេ បក្ខិកំ ឧបោសថិកំ បាដិបទិកន្តិ ឯវំ និយាមេត្វា, ឯកស្ស វា ទ្វិន្នំ វា…បេ.… ទសន្នំ វា ភិក្ខូនំ ភត្តំ កាតុំ ឥច្ឆន្តិ។ ឥតិ ឯតានិ ភត្តានិ ឧទ្ទេសភត្តំ និមន្តនន្តិ ឥមំ វោហារំ បត្តានិ។ យស្មា បន តេ សចេបិ ទុព្ភិក្ខេ ន សក្កោន្តិ, សុភិក្ខេ ជាតេ បន បុន សង្ឃភត្តំ កាតុំ សក្ខិស្សន្តិ, តស្មា ភគវា តម្បិ អន្តោ កត្វា ‘‘អនុជានាមិ, ភិក្ខវេ, សង្ឃភត្តំ ឧទ្ទេសភត្ត’’ន្តិអាទិមាហ។
325.Nasakkonti saṅghabhattaṃ kātunti sakalassa saṅghassa bhattaṃ kātuṃ na sakkonti. Uddesabhattantiādīsu ‘‘ekaṃ vā dve vā…pe… dasa vā bhikkhū saṅghato uddisitvā dethā’’ti evaṃ uddesena laddhabhikkhūnaṃ bhattaṃ kātuṃ icchanti. Apare tatheva bhikkhū paricchinditvā nimantetvā tesaṃ bhattaṃ kātuṃ icchanti. Apare salākāyo chinditvā, apare pakkhikaṃ uposathikaṃ pāṭipadikanti evaṃ niyāmetvā, ekassa vā dvinnaṃ vā…pe… dasannaṃ vā bhikkhūnaṃ bhattaṃ kātuṃ icchanti. Iti etāni bhattāni uddesabhattaṃ nimantananti imaṃ vohāraṃ pattāni. Yasmā pana te sacepi dubbhikkhe na sakkonti, subhikkhe jāte pana puna saṅghabhattaṃ kātuṃ sakkhissanti, tasmā bhagavā tampi anto katvā ‘‘anujānāmi, bhikkhave, saṅghabhattaṃ uddesabhatta’’ntiādimāha.
តត្ថ សង្ឃភត្តេ ឋិតិកា នាម នត្ថិ, តស្មា ‘‘អម្ហាកំ អជ្ជ ទស ទ្វាទស ទិវសា ភុញ្ជន្តានំ ឥទានិ អញ្ញតោ ភិក្ខូ អានេថា’’តិ ន ឯវំ តត្ថ វត្តព្ពំ។ ‘‘បុរិមទិវសេសុ អម្ហេហិ ន លទ្ធំ, ឥទានិ តំ អម្ហាកំ គាហេថា’’តិ ឯវម្បិ វត្តុំ ន លព្ភតិ។ តញ្ហិ អាគតាគតានំ បាបុណាតិយេវ។
Tattha saṅghabhatte ṭhitikā nāma natthi, tasmā ‘‘amhākaṃ ajja dasa dvādasa divasā bhuñjantānaṃ idāni aññato bhikkhū ānethā’’ti na evaṃ tattha vattabbaṃ. ‘‘Purimadivasesu amhehi na laddhaṃ, idāni taṃ amhākaṃ gāhethā’’ti evampi vattuṃ na labbhati. Tañhi āgatāgatānaṃ pāpuṇātiyeva.
សង្ឃភត្តាទិអនុជាននកថា និដ្ឋិតា។
Saṅghabhattādianujānanakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / សង្ឃភត្តាទិអនុជាននំ • Saṅghabhattādianujānanaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សង្ឃភត្តាទិអនុជាននកថាវណ្ណនា • Saṅghabhattādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឧទ្ទេសភត្តកថាវណ្ណនា • Uddesabhattakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / សង្ឃភត្តាទិអនុជាននកថាវណ្ណនា • Saṅghabhattādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / សង្ឃភត្តាទិអនុជាននកថា • Saṅghabhattādianujānanakathā
