| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
සඞ්‌ඝභත්‌තාදිඅනුජානනකථා
Saṅghabhattādianujānanakathā
325. න සක්‌කොන්‌ති සඞ්‌ඝභත්‌තං කාතුන්‌ති සකලස්‌ස සඞ්‌ඝස්‌ස භත්‌තං කාතුං න සක්‌කොන්‌ති. උද්‌දෙසභත්‌තන්‌තිආදීසු ‘‘එකං වා ද්‌වෙ වා…පෙ.… දස වා භික්‌ඛූ සඞ්‌ඝතො උද්‌දිසිත්‌වා දෙථා’’ති එවං උද්‌දෙසෙන ලද්‌ධභික්‌ඛූනං භත්‌තං කාතුං ඉච්‌ඡන්‌ති. අපරෙ තථෙව භික්‌ඛූ පරිච්‌ඡින්‌දිත්‌වා නිමන්‌තෙත්‌වා තෙසං භත්‌තං කාතුං ඉච්‌ඡන්‌ති. අපරෙ සලාකායො ඡින්‌දිත්‌වා, අපරෙ පක්‌ඛිකං උපොසථිකං පාටිපදිකන්‌ති එවං නියාමෙත්‌වා, එකස්‌ස වා ද්‌වින්‌නං වා…පෙ.… දසන්‌නං වා භික්‌ඛූනං භත්‌තං කාතුං ඉච්‌ඡන්‌ති. ඉති එතානි භත්‌තානි උද්‌දෙසභත්‌තං නිමන්‌තනන්‌ති ඉමං වොහාරං පත්‌තානි. යස්‌මා පන තෙ සචෙපි දුබ්‌භික්‌ඛෙ න සක්‌කොන්‌ති, සුභික්‌ඛෙ ජාතෙ පන පුන සඞ්‌ඝභත්‌තං කාතුං සක්‌ඛිස්‌සන්‌ති, තස්‌මා භගවා තම්‌පි අන්‌තො කත්‌වා ‘‘අනුජානාමි, භික්‌ඛවෙ, සඞ්‌ඝභත්‌තං උද්‌දෙසභත්‌ත’’න්‌තිආදිමාහ.
325.Nasakkonti saṅghabhattaṃ kātunti sakalassa saṅghassa bhattaṃ kātuṃ na sakkonti. Uddesabhattantiādīsu ‘‘ekaṃ vā dve vā…pe… dasa vā bhikkhū saṅghato uddisitvā dethā’’ti evaṃ uddesena laddhabhikkhūnaṃ bhattaṃ kātuṃ icchanti. Apare tatheva bhikkhū paricchinditvā nimantetvā tesaṃ bhattaṃ kātuṃ icchanti. Apare salākāyo chinditvā, apare pakkhikaṃ uposathikaṃ pāṭipadikanti evaṃ niyāmetvā, ekassa vā dvinnaṃ vā…pe… dasannaṃ vā bhikkhūnaṃ bhattaṃ kātuṃ icchanti. Iti etāni bhattāni uddesabhattaṃ nimantananti imaṃ vohāraṃ pattāni. Yasmā pana te sacepi dubbhikkhe na sakkonti, subhikkhe jāte pana puna saṅghabhattaṃ kātuṃ sakkhissanti, tasmā bhagavā tampi anto katvā ‘‘anujānāmi, bhikkhave, saṅghabhattaṃ uddesabhatta’’ntiādimāha.
තත්‌ථ සඞ්‌ඝභත්‌තෙ ඨිතිකා නාම නත්‌ථි, තස්‌මා ‘‘අම්‌හාකං අජ්‌ජ දස ද්‌වාදස දිවසා භුඤ්‌ජන්‌තානං ඉදානි අඤ්‌ඤතො භික්‌ඛූ ආනෙථා’’ති න එවං තත්‌ථ වත්‌තබ්‌බං. ‘‘පුරිමදිවසෙසු අම්‌හෙහි න ලද්‌ධං, ඉදානි තං අම්‌හාකං ගාහෙථා’’ති එවම්‌පි වත්‌තුං න ලබ්‌භති. තඤ්‌හි ආගතාගතානං පාපුණාතියෙව.
Tattha saṅghabhatte ṭhitikā nāma natthi, tasmā ‘‘amhākaṃ ajja dasa dvādasa divasā bhuñjantānaṃ idāni aññato bhikkhū ānethā’’ti na evaṃ tattha vattabbaṃ. ‘‘Purimadivasesu amhehi na laddhaṃ, idāni taṃ amhākaṃ gāhethā’’ti evampi vattuṃ na labbhati. Tañhi āgatāgatānaṃ pāpuṇātiyeva.
සඞ්‌ඝභත්‌තාදිඅනුජානනකථා නිට්‌ඨිතා.
Saṅghabhattādianujānanakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / සඞ්‌ඝභත්‌තාදිඅනුජානනං • Saṅghabhattādianujānanaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සඞ්‌ඝභත්‌තාදිඅනුජානනකථාවණ්‌ණනා • Saṅghabhattādianujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / උද්‌දෙසභත්‌තකථාවණ්‌ණනා • Uddesabhattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සඞ්‌ඝභත්‌තාදිඅනුජානනකථාවණ්‌ණනා • Saṅghabhattādianujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / සඞ්‌ඝභත්‌තාදිඅනුජානනකථා • Saṅghabhattādianujānanakathā
