| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਸਙ੍ਘਭਤ੍ਤਾਦਿਅਨੁਜਾਨਨਕਥਾ
Saṅghabhattādianujānanakathā
੩੨੫. ‘‘ਸਙ੍ਘਸ੍ਸ ਭਤ੍ਤ’’ਨ੍ਤਿ ਇਮਿਨਾ ਸਙ੍ਘਭਤ੍ਤਨ੍ਤਿ ਪਦਸ੍ਸ ਛਟ੍ਠੀਸਮਾਸਂ ਦਸ੍ਸੇਤਿ। ਸਙ੍ਘਸ੍ਸ ਅਤ੍ਥਾਯ ਆਭਤਂ ਭਤ੍ਤਂ ਕਾਤੁਂ ਨ ਸਕ੍ਕੋਨ੍ਤੀਤਿ ਯੋਜਨਾ। ਉਦ੍ਦੇਸਭਤ੍ਤਨ੍ਤਿਆਦੀਸੁ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ‘‘ਉਦ੍ਦੇਸੇਨ ਲਦ੍ਧਭਿਕ੍ਖੂਨਂ ਭਤ੍ਤਂ ਕਾਤੁ’’ਨ੍ਤਿ ਇਮਿਨਾ ਉਦ੍ਦੇਸੇਨ ਲਦ੍ਧਭਿਕ੍ਖੂਨਂ ਕਾਤਬ੍ਬਂ ਭਤ੍ਤਂ ਉਦ੍ਦੇਸਭਤ੍ਤਨ੍ਤਿ વਚਨਤ੍ਥਂ ਦਸ੍ਸੇਤਿ। ਤਥੇવਾਤਿ ਯਥਾ ਸਙ੍ਘਤੋ ਉਦ੍ਦਿਸਿਤ੍વਾ ਲਦ੍ਧਭਿਕ੍ਖੂ, ਤਥੇવ। ਪਰਿਚ੍ਛਿਨ੍ਦਿਤ੍વਾਤਿ ‘‘ਏਕਂ વਾ’’ਤਿਆਦਿਨਾ ਪਰਿਚ੍ਛਿਨ੍ਦਿਤ੍વਾ। ਤੇਸਨ੍ਤਿ ਲਦ੍ਧਭਿਕ੍ਖੂਨਂ। ਇਮਿਨਾ ਨਿਮਨ੍ਤੇਤ੍વਾ ਲਦ੍ਧਭਿਕ੍ਖੂਨਂ ਕਾਤਬ੍ਬਂ ਭਤ੍ਤਂ ਨਿਮਨ੍ਤਨਭਤ੍ਤਨ੍ਤਿ વਚਨਤ੍ਥਂ ਦਸ੍ਸੇਤਿ। ‘‘ਸਲਾਕਾਯੋ ਛਿਨ੍ਦਿਤ੍વਾ’’ਤਿ ਇਮਿਨਾ ਸਲਾਕਾਯੋ ਛਿਨ੍ਦਿਤ੍વਾ ਕਾਤਬ੍ਬਂ ਭਤ੍ਤਂ ਸਲਾਕਭਤ੍ਤਨ੍ਤਿ વਚਨਤ੍ਥਂ ਦਸ੍ਸੇਤਿ। ਪਕ੍ਖਿਕਨ੍ਤਿ ਉਪੋਸਥਿਕਨ੍ਤਿ ਪਾਟਿਪਦਿਕਨ੍ਤਿ ਏવਂ ਨਿਯਾਮੇਤ੍વਾਤਿ ਯੋਜਨਾ। ਪਞ੍ਚਮੀਆਦੀਸੁ ਪਕ੍ਖੇਸੁ ਕਾਤਬ੍ਬਂ ਪਕ੍ਖਿਕਂ। ਉਪੋਸਥੇ ਕਾਤਬ੍ਬਂ ਉਪੋਸਥਿਕਂ। ਪਾਟਿਪਦੇ ਕਾਤਬ੍ਬਂ ਪਾਟਿਪਦਿਕਂ, ਤਮੇવ ਭਤ੍ਤਂ ਪਾਟਿਪਦਿਕਭਤ੍ਤਂ। ਉਦ੍ਦੇਸਭਤ੍ਤਂ ਨਿਮਨ੍ਤਨਨ੍ਤਿ ਏਤ੍ਥ ਇਤਿਸਦ੍ਦੋ ਆਦ੍ਯਤ੍ਥੋ, ਉਦ੍ਦੇਸਭਤ੍ਤਂ ਨਿਮਨ੍ਤਨਨ੍ਤਿਆਦਿਂ ਇਮਂ વੋਹਾਰਂ ਪਤ੍ਤਾਨੀਤਿ ਹਿ ਅਤ੍ਥੋ। ਉਦ੍ਦੇਸਭਤ੍ਤਾਦੀਨਿਯੇવ ਅਨੁਜਾਨਨਮਕਤ੍વਾ ਕਸ੍ਮਾ ਸਙ੍ਘਭਤ੍ਤਮ੍ਪਿ ਅਨੁਜਾਨਾਤੀਤਿ ਆਹ ‘‘ਯਸ੍ਮਾ ਪਨਾ’’ਤਿਆਦਿ। ਤਤ੍ਥ ਯਸ੍ਮਾ ਸਕ੍ਖਿਸ੍ਸਨ੍ਤੀਤਿ ਸਮ੍ਬਨ੍ਧੋ। ਤੇਤਿ ਮਨੁਸ੍ਸਾ। ਤਮ੍ਪੀਤਿ ਸਙ੍ਘਭਤ੍ਤਮ੍ਪਿ। ਪਿਸਦ੍ਦੇਨ ਉਦ੍ਦੇਸਭਤ੍ਤਾਦੀਨਿ ਅਪੇਕ੍ਖਤਿ।
325. ‘‘Saṅghassa bhatta’’nti iminā saṅghabhattanti padassa chaṭṭhīsamāsaṃ dasseti. Saṅghassa atthāya ābhataṃ bhattaṃ kātuṃ na sakkontīti yojanā. Uddesabhattantiādīsu evamattho veditabboti yojanā. ‘‘Uddesena laddhabhikkhūnaṃ bhattaṃ kātu’’nti iminā uddesena laddhabhikkhūnaṃ kātabbaṃ bhattaṃ uddesabhattanti vacanatthaṃ dasseti. Tathevāti yathā saṅghato uddisitvā laddhabhikkhū, tatheva. Paricchinditvāti ‘‘ekaṃ vā’’tiādinā paricchinditvā. Tesanti laddhabhikkhūnaṃ. Iminā nimantetvā laddhabhikkhūnaṃ kātabbaṃ bhattaṃ nimantanabhattanti vacanatthaṃ dasseti. ‘‘Salākāyo chinditvā’’ti iminā salākāyo chinditvā kātabbaṃ bhattaṃ salākabhattanti vacanatthaṃ dasseti. Pakkhikanti uposathikanti pāṭipadikanti evaṃ niyāmetvāti yojanā. Pañcamīādīsu pakkhesu kātabbaṃ pakkhikaṃ. Uposathe kātabbaṃ uposathikaṃ. Pāṭipade kātabbaṃ pāṭipadikaṃ, tameva bhattaṃ pāṭipadikabhattaṃ. Uddesabhattaṃ nimantananti ettha itisaddo ādyattho, uddesabhattaṃ nimantanantiādiṃ imaṃ vohāraṃ pattānīti hi attho. Uddesabhattādīniyeva anujānanamakatvā kasmā saṅghabhattampi anujānātīti āha ‘‘yasmā panā’’tiādi. Tattha yasmā sakkhissantīti sambandho. Teti manussā. Tampīti saṅghabhattampi. Pisaddena uddesabhattādīni apekkhati.
ਸਙ੍ਘਭਤ੍ਤਾਦੀਨਂ વਿਤ੍ਥਾਰਂ ਦਸ੍ਸੇਨ੍ਤੋ ਆਹ ‘‘ਤਤ੍ਥਾ’’ਤਿਆਦਿ। ਤਤ੍ਥ ਤਤ੍ਥਾਤਿ ‘‘ਸਙ੍ਘਭਤ੍ਤਂ ਉਦ੍ਦੇਸਭਤ੍ਤ’’ਨ੍ਤਿਆਦਿਪਾਠੇ, ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ, ਸਙ੍ਘਭਤ੍ਤਾਦੀਸੁ વਾ ਨਿਦ੍ਧਾਰਣੇ ਭੁਮ੍ਮਂ, ਭੁਞ੍ਜਨ੍ਤਾਨਂ ਅਮ੍ਹਾਕਂ ਅਜ੍ਜ ਦਸ ਦ੍વਾਦਸ ਦਿવਸਾ ਅਹੇਸੁਨ੍ਤਿ ਯੋਜਨਾ। ਅਞ੍ਞਤੋਤਿ ਅਞ੍ਞਸ੍ਮਾ ਠਾਨਾ। ਤਤ੍ਥਾਤਿ ਸਙ੍ਘਭਤ੍ਤੇ। વਤ੍ਤਬ੍ਬਾਤਿ ਮਨੁਸ੍ਸਾ વਤ੍ਤਬ੍ਬਾ। ਤਨ੍ਤਿ ਸਙ੍ਘਭਤ੍ਤਂ, ਧਾਤੁਕਮ੍ਮਂ, ‘‘ਅਮ੍ਹਾਕ’’ਨ੍ਤਿ ਕਾਰਿਤਕਮ੍ਮਂ। ਤਨ੍ਤਿ ਸਙ੍ਘਭਤ੍ਤਂ।
Saṅghabhattādīnaṃ vitthāraṃ dassento āha ‘‘tatthā’’tiādi. Tattha tatthāti ‘‘saṅghabhattaṃ uddesabhatta’’ntiādipāṭhe, evaṃ vinicchayo veditabboti yojanā, saṅghabhattādīsu vā niddhāraṇe bhummaṃ, bhuñjantānaṃ amhākaṃ ajja dasa dvādasa divasā ahesunti yojanā. Aññatoti aññasmā ṭhānā. Tatthāti saṅghabhatte. Vattabbāti manussā vattabbā. Tanti saṅghabhattaṃ, dhātukammaṃ, ‘‘amhāka’’nti kāritakammaṃ. Tanti saṅghabhattaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਸਙ੍ਘਭਤ੍ਤਾਦਿਅਨੁਜਾਨਨਂ • Saṅghabhattādianujānanaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸਙ੍ਘਭਤ੍ਤਾਦਿਅਨੁਜਾਨਨਕਥਾ • Saṅghabhattādianujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਘਭਤ੍ਤਾਦਿਅਨੁਜਾਨਨਕਥਾવਣ੍ਣਨਾ • Saṅghabhattādianujānanakathāvaṇṇanā
