| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
ஸங்க⁴பே⁴த³ககதா²
Saṅghabhedakakathā
344. அத² கோ² தே³வத³த்தோ ஸங்க⁴ங் பி⁴ந்தி³த்வாதி ஸோ கிர ஏவங் ஸலாகங் கா³ஹெத்வா தத்தே²வ ஆவேணிகங் உபோஸத²ங் கத்வா க³தோ, தேனேதங் வுத்தங்.
344.Atha kho devadatto saṅghaṃ bhinditvāti so kira evaṃ salākaṃ gāhetvā tattheva āveṇikaṃ uposathaṃ katvā gato, tenetaṃ vuttaṃ.
345. பிட்டி² மே ஆகி³லாயதீதி சிரனிஸஜ்ஜாய வேத³னாபி⁴பூ⁴தா பா³த⁴தி. தமஹங் ஆயமிஸ்ஸாமீதி தங் அஹங் பஸாரெஸ்ஸாமி. ஆதே³ஸனாபாடிஹாரியானுஸாஸனீ நாம ‘‘ஏவம்பி தே மனோ, ததா²பி தே மனோ’’தி ஏவங் பரஸ்ஸ சித்தங் ஜானித்வா தத³னுரூபா த⁴ம்மதே³ஸனா.
345.Piṭṭhime āgilāyatīti ciranisajjāya vedanābhibhūtā bādhati. Tamahaṃ āyamissāmīti taṃ ahaṃ pasāressāmi. Ādesanāpāṭihāriyānusāsanī nāma ‘‘evampi te mano, tathāpi te mano’’ti evaṃ parassa cittaṃ jānitvā tadanurūpā dhammadesanā.
346. மமானுகுப்³ப³ந்தி மமானுகிரியங் குருமானோ. கபணோதி து³க்கி²தோ. மஹாவராஹஸ்ஸாதி மஹானாக³ஸ்ஸ. மஹிங் விகுப்³ப³தோதி பத²விங் பதா³லெந்தஸ்ஸ. பி⁴ஸங் க⁴ஸமானஸ்ஸாதி பி⁴ஸங் கா²த³ந்தஸ்ஸ. நதீ³ஸு ஜக்³க³தோதி எத்த² ஸோ கிர ஹத்தி²னாகோ³ ஸாயன்ஹஸமயங் தங் நதி³னாமகங் பொக்க²ரணிங் ஓகா³ஹெத்வா கிலந்தோ ஸப்³ப³ரத்திங் வீதினாமேஸி, ஜாலிகங் கரோதி, தேன வுத்தங் ‘‘நதீ³ஸு ஜக்³க³தோ’’தி.
346.Mamānukubbanti mamānukiriyaṃ kurumāno. Kapaṇoti dukkhito. Mahāvarāhassāti mahānāgassa. Mahiṃ vikubbatoti pathaviṃ padālentassa. Bhisaṃ ghasamānassāti bhisaṃ khādantassa. Nadīsu jaggatoti ettha so kira hatthināgo sāyanhasamayaṃ taṃ nadināmakaṃ pokkharaṇiṃ ogāhetvā kilanto sabbarattiṃ vītināmesi, jālikaṃ karoti, tena vuttaṃ ‘‘nadīsu jaggato’’ti.
347. ஸுதாதி ஸோதா. அஸந்தி³த்³தோ⁴ ச அக்கா²தீதி நிஸ்ஸந்தே³ஹோ ஹுத்வா அக்கா²தி அனுஸந்தி⁴வஸேன யோஜெத்வா யோஜெத்வா.
347.Sutāti sotā. Asandiddho ca akkhātīti nissandeho hutvā akkhāti anusandhivasena yojetvā yojetvā.
350. அபாயே நிப்³ப³த்திஸ்ஸதீதி ஆபாயிகோ. ஏவங் நேரயிகோ. கப்பங் ட²ஸ்ஸதீதி கப்பட்டோ². இதா³னி பு³த்³த⁴ஸஹஸ்ஸேனாபி திகிச்சி²துங் ந ஸக்காதி அதேகிச்சோ².
350. Apāye nibbattissatīti āpāyiko. Evaṃ nerayiko. Kappaṃ ṭhassatīti kappaṭṭho. Idāni buddhasahassenāpi tikicchituṃ na sakkāti atekiccho.
மா ஜாது கோசி லோகஸ்மிந்தி மா கதா³சிபி கோசி ஸத்தோ லோகஸ்மிங். உத³பஜ்ஜதா²தி உபபஜ்ஜத² . ஜலங்வ யஸஸா அட்டா²தி யஸஸா ஜலந்தோ விய டி²தோ. தே³வத³த்தோதி மே ஸுதந்தி ‘‘ஈதி³ஸோ தே³வத³த்தோ’’தி ப⁴க³வதா ஸுதம்பி அத்தி², ததே³வ க³ஹெத்வா இத³ங் வுத்தங். ஸோ பமாத³மனுசிண்ணோதி எத்த² பமாத³ங் அனுசினாதீதி அனுசிண்ணோ, பமாதோ³ அப்பஹீனோதி அத்தோ². ஆஸஜ்ஜ நந்தி பாபகேன சித்தேன பத்வா, விஸோஸெத்வாதி வா அத்தோ². அவீசினிரயங் பத்தோதி இத³ங் பன ஆஸீஸாயங் அதீதவசனங். பெ⁴ஸ்மாதி ப⁴யானகோ.
Mā jātu koci lokasminti mā kadācipi koci satto lokasmiṃ. Udapajjathāti upapajjatha . Jalaṃva yasasā aṭṭhāti yasasā jalanto viya ṭhito. Devadattoti me sutanti ‘‘īdiso devadatto’’ti bhagavatā sutampi atthi, tadeva gahetvā idaṃ vuttaṃ. So pamādamanuciṇṇoti ettha pamādaṃ anucinātīti anuciṇṇo, pamādo appahīnoti attho. Āsajja nanti pāpakena cittena patvā, visosetvāti vā attho. Avīcinirayaṃ pattoti idaṃ pana āsīsāyaṃ atītavacanaṃ. Bhesmāti bhayānako.
ஸங்க⁴பே⁴த³ககதா² நிட்டி²தா.
Saṅghabhedakakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / ஸங்க⁴பே⁴த³கதா² • Saṅghabhedakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸங்க⁴பே⁴த³கதா²வண்ணனா • Saṅghabhedakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ச²ஸக்யபப்³ப³ஜ்ஜாகதா²வண்ணனா • Chasakyapabbajjākathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸங்க⁴பே⁴த³ககதா²வண்ணனா • Saṅghabhedakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஸங்க⁴பே⁴த³கதா² • Saṅghabhedakathā
